زوجي يحب اختي :(

[ووطن النهار]

الله يعينج

 

[نور النـور]

ليش اخذتيه!
تدرين انهم (اهل رجلج) و (رجلج) اصلا كانوا جايين حق اختج أول يعني يبونها

جان ما اخذتيه لو انا مكانج ما اخذ واحد خطب اختي مو حذره بذره السالفه !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

المهم الله يوفقج حبيبتي

 

[جذابه بنت ذيابه]

الله يهديه

قوليله ترضا اسألك عن اخوانك !

 

[Queen.kuwait]

لا حول ولا قوة الا بالله

الله يعينج .. ومثل ما انصحوج هاذا الشي لا يغير علاقتج باختج

 

[دمعاتي تونسني]

حبيبتي اذكري الله واستغفري واذا سالج قولي عيب تسالني وقولي تري اتضايق لاجبت طاريها ولوتحبني لاعاد تذكرها وكلمي خالتج باسلوب حلو وانتي حاولي تنسينه بالكلام الحلو والدلع خلج احلي البنات بعيونه وابعدي عن المشاكل نصيحه مني واستغفري ربج دايما والله بيسخره لج انشالله

 

[سموى88]

حبوبة أختج يعني موغريبة شغلي دهاء الحريم وأتفقي أنتي وياها إذا كنت أهيا أرفضنته عن قناعة وماكان بينهم شي تأكدي من هالشي قبل بعدين أتفقي أنتي وياها على سالفة أتخلي الكل يسكت مثلا مخطوبة أممم يعني أنتوا عاد فكروا بس أهم شي حاليا لا تعصبين إذا يابوا طاري أختج حبيبتي كل ممنوع مرغوب وهما بس يعاندون فأنتي إذا يابوا طاريها مدحيها و تحلي عليها صدقيني مرة مرتين وبطخون

 

[نـعـومـه]

قوليله ليش شبغيت !!

وايد تسأل عن اختي في شي بالك ؟!؟

تأكدي اول

 

[o s h i]

اختي اسمحيلي

من البدايه ليش وافقتي عليه دام يبي اختج

خلاص اصبرررري واتحملي

 

[عويتقة]

اياااااااااااااااااااك تقولين له انك تغارييين والله بتصغيرن فعيونه

 

[shak!shoka]

خير شكو !

جذي ردي عليه



شحقه يسأل



قوليله انج ملاحظه كثرة اسألته عنها
شيبي يعني


خل يغطيج من الاخير زبدته !!



ما احب جذي

شلون ساكته

 

[أم عزيـز]

بصراحه انا احس الغلط منج انتي لأنج رضيتي تاخذين واحد كان يبي يخطب اختج ورفضتي
لان راح يضل يشوفها على طول ويذكر ان هذي اللي بغاها قبل لا اهله يختارون اختها ؟

انا اذكر وحده من رفيجاتي يو ناس يخطبونها بس يوم شافوها سمره قالوا احنا نبي وحده بيضه
عاد اختها اللي اكبر منها بسنه بيضه
امها راحت قالت لها نزي خل يشوفونج الناس قالت مستحيل !! لانها كانوا يايين بالاسم حق اختي
والحين غيروا وانا مستحيل اقابلهم

وفعلا رفضت والام قالت لهم ماعندي بنات لزواج

فمابالج اختي بان اهل زوجج يايين يخطبون اختج واهي اللي رفضت
ورجعوا خطبوج مكانها ؟؟ وانتي وافقتي لازم تتوقعين اي شي

 

[senioreta n7oola]

بعض ردود الاخوات تجيب العيد
ودي اشوف اشكالهن واهن يردن
بهالدفاشة

 

[حبيبي مالكني]

دامه لخطبج يعني ما يحب اختج لو يحبها ما تقدم لج
واهل ريلج يمكن يبون يطفرونج
حقريهم ولا تعطينهم ويه
واذا مدحوا اختج قولي نحن كلنه نفس الشي الي في اختي فيني وزياده
مرة ومرتين بعدين راح يسكتون
واذا ريلج سال عن اختج قولي له اهي جريب بتنخطب عجبها واحد وقاعدين يتجهزون
وقولي جدامه اختي طايره بخطيبها فرحانه موت
لانها لقت فارس احلامها
وعقب لا تفتحين مواضيع عن اختج
واذا سالج عن موضوع خطبة اختج
قولي اهل خطيبها عندهم ظروف من تنحل بصير كل شي رسمي
ومشي السالفه

 

[رقية // الكويت]

السلام عليكم ورحمة الله وبركاته

الله ايعينج بس الرياييل جذي يطري عليي اخوي لما خطب مرته على اساس يبي الصغيره مو العوده
ولما تزوج مرته كل منكم وكل منكم مابي هاذي موهاذي اللي شفتها واهم بدو وهالحجي من 25 سنه

وكل مغلق وضايق خلقة وبعد سنه تقريبا ياالله تقبل الموضوع مع اول مولود

اسال الله ان يملأ قلب زوجج بحبج ومايشوف من الحريم غيرج شمعه منوره ماتنطفي وقولي آمين

وهوني على قلبج

 

[MakeupAholic]

الله يعيينج حبيبتي

 

[البروآز]

موقفج حيل صعب و يقهرررررررر . .

غلطتج يوم وافقتي عليه و انتي تدرين انه خاطب اختج قبلج . .
المفروض اي رجال يخطب من العائله وينرفض مانرجع نوافق عليةة . .

لا شكو هذا نصيب ماله علاقه
انا كان خاطب اختي ورفضته ووافقت عليه انا عليه
صج انهم يمدحون اختي قدامي ونفس حالتج
وخالتي احيان تمدح عروس حماي وتقارني فيها وهي بعد ماجات
بس عليج بزوجج مالج شغل با اهله
لا تحطينها في باله يمكن يسال سوال عادي
بس اذا زودها قولي تبي رقمها تسالها عن حالها
عشان ينقد على نفسه ويسكت
ولو صج يحبها جان ماخذا اخته قال خلاص مابي اظلم اختها
لاتوسوسين ياقلبي
وترى حالتي من حالتج بس انا متعلقه باختي حيل ولا بيوم يهزني كلمه عنها
حتى يوم انا وافقت هي كانت تقولي رفضي
لانها خايفه علي منهم
وانا والله هذا حالتي معاهم يزعلون من كيفهم
حتا الشغلات الي يبونها مني يودون علي اختهم الصغيره الي اكلمها
وزعلهم على اسباب تافهه
وقمت اطنش فيهم وقاعده بغرفتي وكافيه خيري شري
ترا يبون يغثونج بالحجي هذا وبس عناد
انتبهي ياقلبي
لاتقتنعين بالي يقولونه
وربي يوفقج ويهديج ويفكج من شرهم

 

[البروآز]

امبيه شنو هذا
بعض الردود تنرفز
خلاص البنت تزوجت وستر الله عليها وخذته وانتهت السالفه
شنو يعني ليش انتي توافقين عليه من البدايه
هذا نصييييييب ماله علاقه اختي ولا مو اختي
لاتشيشون البنت على الطلاق
السالفه واضحه اهل زوجج يبون يطفرونج بسسسسس
لاتبينين لريال انج غيرانه من اختج راح تطيحين من عينه

كبري عقلج
والحريم انتي عارفه سوالفهم مو صاحيات
ولا وحده تمدح اختج جدامج هذي مو متخلفه وماعندها ذوق ؟
فكررري

 

[م بقئ إلآ القليل !]

م اقدر اقول ششي غير الله يعينش
واذا صدق معجب فيهاا سوي لهه نفس الحركهه وبيني اهتمامشش ب اخيههه
وشوفي ردة فعلههه ?

عقب اذا تضايق قولي ترئ نفس الشعور احس فيهه لما تسال عن اختي
خوااا جنبككك

 

[أمي قرة عيني]

حاولي لما تجي سيرتها تغيرين السالفه

الله يهدي النفوس ويجعلج الوحيده بقلب ريلج اللهم آآآآآمين

 

[^^المهره^^]

ياريت تقوليلنا الموضوع من البدايه كلش
لما يا خطبها كان خاطبها لان يبيها هي بالذات يعني معجب فيها
ولا خطبة اهل عاديه؟؟


اذا كان عينه عليها و ردته وانتي خذتيه وانتي عارفه انها بخاطره فا اسمحيلي الغلطه غلطتج انتي

انا ماقولج الريال قبل لا يتزوج مامرت عليه بنت كانت في خاطره
بس في فرق كبير لما تكون هالبنت بعيده وكلن راح في حال سبيله وبين لما تكون هالبنت اخت مرته
يعني قريبه منه وايد ويكفي ان اختها الي اهي انتي يعني قطعه منها جدامه وتذكره فيها

شقولج الله يعينج

قعدي معاه وكلميه بهدوء وفهميه ان هالتلميحات تضايقج وان مو ذنبج ان هي رفضته