زوجي يحب اختي :(

[zqertya]

والله انتي ريلج ابخص فيه يعني انتي تعرفين اذا كان يسال عنها شنو نيته من السؤال ؟؟؟ يمكن قصده شريف بس ليش انتي تغارين تشوفينه شي 2 عرفتي ؟

انا من رايي لاتبينين لهم انج تغارين من اختج خليج واثقه بنفسج ومثل ماقالوا الخوات انتي بيدج اتييبينه صوووبج

 

[يكفيني غرامك]

امانه بنات في ناس جي معقوله يعني ابي اعرف طول فتره الملجه اشلون كان حالكم او الخطبه
يعني انتوا معرسين وجي اشلون باجر لانعزمتوا في بيت اهلج وهي بتكون موجوده اختج يعني اشلون ردت الفعل حبيتبي ممكن توضحين اكثر حالتج اشلون ووالله يعينج

 

[جنوبيه07]

انتي ادرى بزوجك يعني اكيد راح تحسين اذا كان سؤاله عنها عشان يحبها ولا بس مجرد فضول
اذا اكتشفتي انه يحبها فهذي مصيبه لانه اتزوجك عشان يكون قريب منها ويعرف اخبارها
نصيحه لاتتجاهلين سؤاله عنها فهميه انها اختك وماراح تخسرينها عشانه وعصبي عليه وازعلي ولا تحطين الحق على اختك لانه هو الغلطان

 

[شوشو الشقيه]

يسلمو
الغلط من الي يمدحونها قدامه
يقولوج في رجل وده زوجته و اخته العرس يوم طلعوا من العرس قاموا يمدحون بنت جميلة طوال السيارة يمدحونها
يقولج الزوج من كثر مدح محاسنها صار خاطره فيها
ما صار شهر الا تزوجها على زوجته

من جذيه اخذيه حلقة باذنج تحملي تمدحين امراة قدام زوجج
سواء صديقتج او اختج او بنت خالتج

واايد صارت جذيه بسبب هذه السالفه

الغلط ليس من اختج بصراحة لا تلومينها ليس لها ذنب
الغلط من حماتج المفروض تكلمين حماتج الو خالتج تقولين لها
ما يجوز تمدحين امراة قدام زوجي و تحليها بعينه
انا زوجته وحتى لو كانت الي تمدحينها هي اختي
قولي لهم انا غيورة واغير على زوجي والغيرة سببها الحب الكبير



اذا سالج عن اختج
قولي له مختصر مفيدة
اذا سالج عن اختج قولي(الحمد الله بخير ) اكثر من هذا الكلام لا تكلمين

بس انتي انسانة غيورة بشكل فظيع
خفي من غيرتج خليني اكون صريحة معاج
العيب ليس من اختج بالعكس لو كانت تريده كانت قبلت فيه من البداية
لكن انتي واايد شكاكة وخفي من الشك الي في بالج
وحتى لو زوجج حط عينه على اختج نفترض معقولة اخت بتضر اختها
مستحيل تزوجه

ولا تواجهين زوجج بالشك الي في بالج
لانه اوهام يمكن هو تفكيره نظيف

بس الواحد ياخذ الحذر
انج تقولين لحماتج اذا سالج تقولين مختصر مفيدة وانتهي الموضوع

 

[((غلاي))]

لاحول و لاقوة الا بالله
اختج مالها دخل بالموضوع
و ماله داعي تسببين مشاكل مع زوجج
اذا سالج قولي ليش ان شاء الله تسال و انت شكوووووووووووو وقفيه عند حده

 

[قمر بيت أبوها]

انا ماتعاطفتك معاك لانها غلطتك
خاطب اختك يعني كان يبغاه وعقب رجع وخطب وانتي وافقتي لاتعليق
اعرف ناس من قرايبنا الاخ الكبير خطب الاخت الصغيره وافقوا لما جات الملكه احرجوا الرجال قالوا الكبيره لان الصغيره تدرس وملك وتزوج عقب فتره اخوه الصغير تزوج اخته وفوقها ساكنين بنفس البيت شقتين
اسالك بالله ماتحسين ان الموضوع اصلا غلطتك
وازيدك من الشعر بيت وحده مقيمه انااعرفه شخصيا تكره اختها تدرين ليش
تقول لما خطبني فلان اختي كانت معجبه فيه لاني تاجر الكبيره تنازلت عنه عشان ماتخسر اخته لان صعب تتزوجين رجال اختك نفسها فيه
وبعد فتره تزوجت راحت اختها تسوي اللي براسها وتزوجت خطيب اختها السابق
غلط بغلط
رجال خطب فلانه لو يرد مليون مره ماتاخذينه هذا معناتها ان الزواج اهم من الاخوه عندك
ونفس الشي انت يالرجال اخوك خطب فلانه ورفضته لاتروح تخطبها غلط والله غلط
ولاتزعلين من صراحتي انا مااحب الحرمه اللي تفكر كذا وجايه تشكين اغار هو اصلا كان يبغا اختك يعني الغلطه غلطتك
اعتذر عن قسوتي الخاليه من المجاملات المعتاده من الاعضاء

 

[دلوعة أبوهآ]

أسأليه هل ترضى أمدح أحد من اخوانك واُعجب فيه ...؟

 

[نونه المنكوشه]

شوفي انتي ادري بريلج اذا كان انسان نظيف وع السجيه يمكن من كثر المدح صار فيه فضول وده يشوفها انا مالومه انا الوم اهله اللي مايستحون وفيهم قلة ادب اوكي مدحوا اختي وهذا شي اكيد بيونسني لكن جدام الريال اولا مايجوز وثانيا عيب شكوووو واذا كان نيته موزينه لازفيه وقفيه عند حده الله يعينج

 

[R'3wa-P!nKya]

لاوالله وانتي الجسر الي يوصل حق اختج
مااشيشج وقفي عند حده باحترام وادب قوليله لو سمحت لا تذكر اسم اختي جدامي اغار عليك

صج قهرتيني الله يعينج حبيبتي ويسخره لج امين يارب

 

[(*ام عهــــد *)]

البنات ماقصروو

 

[noor salam]

أنا براأي تكلمي معاه بكل صراحة ترى ما فيه مثل المصارحة لازم تفهم ينه وبادب انه ما يجوز شرعا انه يلتفت لوحده محرمه عليه ولا يجوز السؤال عنها لانها اختج وخل يفهم امه انه ما يجوز لو كانت اختج تبيه كان وافقت عليه بس أعيا ما تبيه علميه بهذا الكلام
والله المستعان

 

[ابدا يالغالي مانساك]

اكيد حبيبتي زوجج بيسااال رجااال وكل وقته يشوووف يمدحوون جداامه وحده

حتي لو مايحبهاااا ومايعررفهااا سوالف خالتج وحموااتج ومدحهم رسخت كل هالافكار ببال زوجج
الحل لاتقعدين جذيه وتتحطلمين وتشكين بزوجج وختج بالاصل مالهاا ذنب

انااا قوول كلمي خالتج وقوليهاا وفهميهاا قولي حيااتي مع ولدج مابيهاا تخرب مابيج
كل شوي تمدحي مره غريبه عند زوجي
حتي لو اختي تتعتبر غريبه عنه

فهميهم هالنقطه وصدقيني ان شالله زوجج مرااح يسالج عنهااا

 

[dalo0oa121]

ههههههههههه
عيل ليش متزوجج دامه يحبها
ويسال عنها

 

[مهندسة الابيات]

حيااااااااااااتي الله يعين قلبج
بس انتي لازم تتصرفين يا اما تعاملنية بالمثل وتمدحين اخوووه
يا اما توقفينه عند حده يعني مو معقولة الحين انتي زوجته انتي نصيبة مو معقولة بيتم يسالج عن اختج يعني لي متى
ما اقووول الا الله يهدي ريلج لج وتكووونين قرة عينه وقلبه

 

[مهندسة الابيات]

وان شاء الله تطلع هالامووور مجرد ظنون لا اكثر

 

[ام مياسه]

والله خليه يحاول غير اكله بسنوني والله زوجي اول عرسي كان يسالني عن خواتي كلهن بس مصخها وتهاوشت معه وقلت انت لانت شايفها ولانت مسلم عليها ليش سؤال ويموم انها هامتك طلقني وروح تزوجها وشوف ابوي بيعطيك ايها ولالا ولا انا من عندي عليك بلعافيه ومن يومتها ماعاد جابلي طاري خواتي ابد ابد

 

[Bloom]

لا حول ولاقوه الا بالله

 

[om.googi]

عامليه بالمثل ,, من باب النغزة يعني سأليه عن اخوووه وشوفي ردّه .. ولا ياج بيحاسبج أو يرفع صوته عليج ذكريه باختج واسلوبه وطريقتة في السؤال عنها ..

انا صراحة لي تعامل خاص فوق اللي معطيتج اياه وبالويه ماستحي لأنه اهو ماستحى ..
خلاص انا ع ذمته واذا مو عاجبه يطلق ويقعد يجابل اختي لين توافق عليه ​

 

[brettey]

اي شي ؟
قولي له انت وايد تسال عنها وتهتم لها اكثر مني انت شكو فيها تسال
ترضى انا اسال عن اخوك
وااااي ذكرتيني بمسلسل حياه الفهد ليله عيد نفس الشي

 

[*مطبخ الذواقة*]

هذي اكبر غلطة يطيحووون فيها الاهل يعني واحد يخطب الاولى ويرفضونه وعقب يزوجونه الثانيه !!!



ماتنلامين اذا شكيتي بهالشي ...



يمكن يكون لازال معجب فيها لكن دام اختج رافضته من البداية ماله داعي تخافييييين ...

وحاولي تكونييين بمثل الصفات اللي يمدحونها اهل زوجج باختج ...





وقولي لاختج تخفف السنع جدام اهل الزوج شوي هههههه




والله يحبب زوجج فيج


اللهم امييييييييييييييييييييييييييييييين