زوجي يبيني أصبغ شعـري خصل شقرا وآنا ما احب الصبغ يخرب شعري

[dectora 7elwa]

احذي الكاستينغ اللي بدون امونيا ماتاثر عالشعر

 

[al-musk]

روحي صالون زين يعرفون حق الشعر ومايحرقونه وبعد شتسوين حلو التغيير بس فعلا مشكله الحنه الحين

 

[مناير ...!]

دام يبي صبغي
كل بنات العالم يصبغون

 

[مألوفة]

وي انا لو منج اصبغ بالاربعين واطلع بنيولك يديد واخليه يستانس من شكلي

صبغي شنو كلنا نصبغ وماكو الا العافية بس نصيحه كلما صبغتي شعرج اول ما تنشفينه بالفوطة حطي عليه دهن ودامج راح تكونين بانفاس خليه يوم كامل بعدين غسليه والله ما تشتكين من التقصف او تحترق الشعرة

 

[Mrs_Orchidia]

صبغيه و دشي برنامج عناية بالشعر المصبوغ مع صالون سنع عشان الصبغة ما تتعب شعرج
جلسات تغذية و حمام زيت و تعزيز لون .. بتشوفين شعرج احسن من اول ... و دربالج تروحين صالون اي شي .. روحي حق وحدة زينة و تفهم و قوليلها انج متحنية
و بعدين جربي بخصلة وحدة بس اذا شفتي انه حلو سوي كل شعرج اذا مو حلو و طلع برتقالي خلاص مو الا لووول
و نصييحة روحي الصالونات اللي تخصص شعر مثل ديسانج و كركفي و هالنوعية اللي اعلاناتهم بالممتاز

و حطي ببالج انج راح تستانسين عالنيولوك و ريلج بعد بيستانس .. تذكري انج مسوية جذي عشاانه

 

[ماريمار الكويت]

حبيبتي موضوعج سهل الحين في خصل اكتنشن ناعمه داخل الشعر وماتبين نهائيا حتى لو لمس شعرج ماتبين مركبه

على لون ارضية شعرج شوفي نفس هالصوره اذا تبين رقم الي تسويه لج دزيلي عالخاااص وادعيلي

 

[انجبر قلبي]

بالعكس صبغي وسوي اللي يحب بس طبعا الاشقر ماراح يطلع حلو مع الحنه راح يطلع برتقالي

قوليله بصبغ الوان ثانيه لانه انا حاطة حنه من زمان ،، راح يضبط معاج البنيات والنحاسي ،، ووقفي حنه لما تروح من

عشان تقدرين تصبغين اشقر عن خاطره

اذا سويـت اللي يحب واخترب شعـري عقبهـا ماراح يحب اللوك اكيد يمكن يستانس بس من اول شي شالفايـــده ،، بس آنا مو قصدي احط صبغ على حنـه اكيد راح تطلع برتقالي:eh_s(2): آنا قصدي الحنـة نفسها شلون اخليهــا اشقـر مثلا الحنـة اذا تبينهـا بني تضيفين معاها قهوة واذا تبين احمر دم الغزال واذا تبينها اشقر شنو قالولي بابونج فبسأل منو اللي ضبط معاها هاللون مع الحنة​

 

[انجبر قلبي]

حلو انج تهتمين بشعرج بس دام طلب منج مالج حل غير ترضينه
الحين انتي وقفي حنا عسان لين تربين بالسلامه و تقرب طلعتج من الاربعين يكون مر وقت
بس اهتمي فيه حاليا من زيت و ماسكات وحمام كريم و هالسوالف
عقب صبغي
في صبغه طبيعيه بالاعشاب اتوقع بتكون احسن من الصبغه العاديه
وعقب الصبغ اهتمي بحمامات الكريم و الماسكات عشان ما ينشف شعرج ولا يتقصف

موفقه ^^

مشـكورة حبيبتي

 

[انجبر قلبي]

سحب اللون بيعدم شعرررج ...~
دزيت ع الخااص بس ماايوووصلج ياليت تمسحين منهم ووبلغيني ...~
موووفقه ...~

هلا حبيبتي مسحت رسايل من الخاص مع ان ما كان فل جربـــي :eh_s(7):

و سحب اللون مستحيــــل اسويه

ما صدقت شعـري يصير حلو و يتحســـن عن قبل اروح اخربه بيدي عقب الاهتمام:eh_s(2):

بليز بنات فهموني ابي اخلي الحنه شقرا

مابي الصبغ​

 

[انجبر قلبي]

رضى الزوج من رضى الرب والتغيير عموما يكسر الروتين انا عندي لك حل بسيط وما راح يكلف شعرك الا يوم واحد ليش ما تصبغين صبغ مؤقت وايد صبغ سهل الاستعمال وبس تتسبحين يروح جربيه في منه اشقر سوي خصل بالقصدير باي صولون ثقة وخلي يستشورن لك وشكليه نوبة اشقر نوبة بني احمر وانشا الله اكون فدتك 

هلا عمري .. فكره حلوة

وين الصبغ المؤقت يسوونه الصالونات ؟

وشنو اهو عباره عن شنو نفس تأثير الصبغ على الشعـر والا غيـر ؟ ​

 

[انجبر قلبي]

مشكلتج سهل حلها يبي اكتنشن وصبغيه وركبيه
مني رضيتي زوجج ورضيتي نفسج

مشكورة يا قلبي

لاحظت ان زوجي ما يعجبه التركيب والاكتنشن :eh_s(2):​

 

[انجبر قلبي]

أشقر+حنه=برتقالي ------------->يعني مصيبه يعني كارثه
صبغيله خصله ووريه اللون اذا عجبه كملي وروحي احسن صالون

لول آنا ادري انها كارثه عشان جذي نزلت هالموضوع

انا ابي اضافات طبيعيه على الحنـه تخلينها اشقـر

يسلمو حبيبتي​

 

[انجبر قلبي]

الله يعينج حنه واشقر ما ينفع
الا اذا رحتي لوحده شاطره يمكن
عيل انا ميته ابي اشقر وزوجي مو راضي يبيه اسود
والمصيبه توني ٢٤ وشيب شكثر لازم احط صبغ معنه شعري اسود بس ابتلشت بالشيب

هههه لازم فيـه تعارض و تعاكس بالرغبات

شنسوي بعد ميخـــالف مرة جذي و مره جذي

الله يعينـج الشيب مشكلـه

عاد فيـــه شي طبيعي مخصص حق الشيب يصبغه اسود

جنـه اسمه كتم .. تخلطينه مع شي و تحطينه

بس ما جربته امي كانت تلون فيـه شيبهـا​

 

[انجبر قلبي]

حياتي والله صج راسج انهلك بس حاولي تسوين الي يبي الرجال مشتهي والله معاج وديري بالج تغضبين ربج بالاسكنشن وهالخرابيط خلج طبيعيه وربي بيحليج بعين ريلج

صاجـه حبيبتي:eh_s(7):

يسلمو على ردج و الاكتنشن اساسا مو حاطته في بالي​

 

[انجبر قلبي]

حبيبتي مادري مو متأكده بس يقولون لما تحطي بابونج مع الحنة يصير شعرج اشقر
تأكدي و سألي عن الطريقة و جربي
اذا ما فاد ما يضر

يا قلبي انتي .. انتي الوحيدة اللي فهمتي سؤالي خخخخ

والله انا هم اللي اعرفه بابونج مع كركم

وحدة جزاها الله خير طمنتني قالت لي كل ما اتحطينها يفتح عن اللي قبلها

انشالله الاسبوع الياي بجرب اعجنها مع بابونج و كركم و اذا تعرفون شي غيرهم يفتح قولولي:eh_s(7):​

 

[انجبر قلبي]

حبيبتي مدام بخااطره صبغي مرره
وسويها له مفاجئه حق عقب طلعتج من الاربعين
واذا اذاج شعرج حطي فوقه كراتيين برازيلي

يسلمو يا قلبي
ودي افاجئة بعد الاربعين

شنو كيراتين برازيلي؟

مو هذا يملّس الشعر؟:eh_s(10):

لأن انا شعري ناعم و دهني و ماحبه جذي احبه لمه ينشف و يصير شكله كثيف

ما احبه حيل ناعم و طايح مو حلو علي :eh_s(7):​

 

[انجبر قلبي]

خلي شعرج مثل ما اهو وسوي خصل هايلات بس تفتيح اكسجين بصير حلو مع لون الحنه

اول شي سوي خصل بسيطه اذا طلع حلو كملي
والاكسجين مايلامس فروه الراس بس عالشعر يعني مايمتصه جسمج
وعلى فكره انا وانا حامل صبغته مرتين مره وانا بالرابع ومره وانا بالثامن والحمدالله ماكو الا العافيه وهالشي حتى الي يشتغلون بالصالون يسوووووونه واهم حمل
ياحلات الاشقر احلى لون

حبيبتي شلون احط اكسجين على الحنه عادي مايصير برتقالي ؟
ياليت تردين والله ودي اسويهــــا اذا صج يطلع اشقـــر
تصدقـين ولا عمري حبيت الاشقر علي لاني سميره بس ريلي يقول الاشقر يهبل على السمر
طبعا تعالي شوفي منو شايف بالتلفزيون والافلام والمسلسلات هههه
صح انا اشوف سمر وايد حلو عليهم بس في درجة معينه من الاشقر اللي يصير حلو ع السمره
احس مو اي درجة
​

وحبيبتي الصبغات هالايام مومثل قبل ماتنشف الشعر شحلوها وبالعكس الشعغر وانتي حامل يصير قمه وقوي ويتحمل اي شي عكس لي ولدتي مع الرضاعه يطيح يعني الحمل فرصه
ومثل ماقلت لج الصبغات قامو يحطون فيها مواد تحمي الشعر مومثل قبل يعني مالج حجه كلش

اي يعني تخيلي مع الرضاعه بيطيح و يحتحت وفوق هذا تأثير الصبغ :eh_s(11):

خخخ انا مو حجتي الصبغ يخرب بس .. انا حجتي اني احط حنــــه كل اسبوع مرة
و شلون احطها مع صبغ مايصير تقلب برتقـــالي​

ومن قالج ان الشعر الدهني ماينفع للصبغه انا شعري دهني وماكو مشاكل
بالعكس الشعر الجاف دوم يكون ضعيف وبسرعه يتكسر ومع هذا تقولين ان شعر اختج ماخترب
يمكن انتي لمن صبغتيه كان الصالون موزين حرقولج شعرج
روحي صالون زين ومعروف طبيعي بكون السعر اغلى بس تطلعين بنتيجه حلوه

الحمدلله ان ماكو مشاكل
بس انا لمه اصبغه يتنتف و يطيح
و يتقصف
و شكله يصير خفيف ما عجبتني تجربتي مع الصبغ
واحس فيها مجازفه

خصوصا لمه تجربين شي وتلاحظين فايدته على شعرج بشكل ملحووووظ ما ودج تهدينه
وهذا اللي شفته مع الحنه والله شعري صار جنه اللي يطلعون بالدعايات و المسلسلات كنت احللللم انه يصير جذي بس مع الحنة شي ثاني فطبيعي ما ودي اتركها

شعري شلوووون كان و شلون صار ماشالله

انا بجرب الاسبوع الياي مع البابونج والاسبوع اللي وراه بحطها ثاني مرة وبشوف اذا قاعد يفتح او لا


يسلمو حبيبتي ع مشاركتج الحلوة

 

[انجبر قلبي]

انا ماعمري صبغت شعري ومرتين يقطلي نغزات بس انا مطنشه وكل من يزفني يقولي صبغيه مدام ريلي يحب يشووفج

بس اهم شي سلامه شعري لوووووووووووول

بس واايد وايد يمدحون صبغ ليلي هارموني ما ينتف الشعر ولا يطيحه ولا يحرقه

اي والله صاجه اهم شي سلامه الشعـر هههه

و المشكله ان رضى الزوج هم مهم

ما تدرين شنو تبدّين عالثاني ​

 

[انجبر قلبي]

الحل الوحيد دام زوجج فاصل يبيج تصبغين
لانج دام تحطين حنه لازم تسحبين لون شعرج اهو مو زين بس هذا الحل الوحيد

انتي قلتيها مو زين

شلون اسوي شي مو زين حق نفسي

:eh_s(4)::eh_s(4)::eh_s(4)::eh_s(4)::eh_s(4)::eh_s(4):​

 

[انجبر قلبي]

خلاص صبغي بس مو حلو خصل شقرا على شعر اسود او بني !!!!!

صبغي لون فاتح مع خصل شقرا عشان يطلع يناسب

آنا كنت مجربة خصل ثلجيه على لون شعـري

و شعـري لونه الطبيعي بني غامج

و طلع اللون حلو لان الخصل تتوزع .. و الاسود أو البني ( شعرج الاساسي ) ما يبرز لونه

لا الخصل تفتح الشعر كله حتى لو مو صابغته كله

اللون اوكي بس تعالي شوفي عقب الصبغ الشعر شصار فيـه​