زوجي يبيني أصبغ شعـري خصل شقرا وآنا ما احب الصبغ يخرب شعري

[انجبر قلبي]

دام طلب لازم تسوين اللي طلبه منج

روحي عند صالونة شاطرة عشان تسحبلج اللون بدون لاتحرق شعرج

وموشرط تترس شعرج خصل .. كافي شوية خصل حلوة تمشي الحال وتغير لوك الويه

صح الخصل يكفي جم خصله اهي بروحها تتوزع ع الشعر

انا تجربتي مع الخصل كنت صابغه اعتقد بس 6 خصل

بس توزعت على شعري كله وفتح لونه

و اذا على انها ما تحرق شعري هذا اللي ما تضمنينه و فيها مجازفة

و السحب مو زين ع الشعر

يسلمو حبيبتي​

 

[انجبر قلبي]

واي صبغي ترا حدج مكبره السالفه ,,,,,,,,,,,,,,,,,,,,

لول آنا حاطة حنه

واذا صبغت عليه يصير برتقالي

وعشان اصبغ لازم انطر على الاقل ست شهور بدون لا احط حنة

وانا على وشك ولادة وريلي يبيني اصبغ لمه اطلع من الاربعين
يعني لووو أبي اصبغ ما اقدر انطر 6 شهور

السحب مو زين ع الشعر

وانا لا مكبرتها و لا شي

وحياج قلبي ​

 

[انجبر قلبي]

وي انا لو منج اصبغ بالاربعين واطلع بنيولك يديد واخليه يستانس من شكلي

صبغي شنو كلنا نصبغ وماكو الا العافية بس نصيحه كلما صبغتي شعرج اول ما تنشفينه بالفوطة حطي عليه دهن ودامج راح تكونين بانفاس خليه يوم كامل بعدين غسليه والله ما تشتكين من التقصف او تحترق الشعرة

يسلمو حبيبتي
آنا ان الله أحياني بعد الولادة مخصصتلي برنامج عنايه بالاربعين فـ حدي ودي أغير اللوك

طبيعي ودج تغيرين نفسج بعد الاربعين عشان تونسين ريلج

الحين انا مشكلتي مع الحنة ان توني حاطه مو من زمان

و مدام اني حاطتها فابي حل اني احط حنه تلون الشعر فاتح يعني العوض ولا القطيعه

لان ماكو مجال اصبغ الحين وانا امحنيه شعري​

 

[انجبر قلبي]

صبغيه و دشي برنامج عناية بالشعر المصبوغ مع صالون سنع عشان الصبغة ما تتعب شعرج
جلسات تغذية و حمام زيت و تعزيز لون .. بتشوفين شعرج احسن من اول ... و دربالج تروحين صالون اي شي .. روحي حق وحدة زينة و تفهم و قوليلها انج متحنية
و بعدين جربي بخصلة وحدة بس اذا شفتي انه حلو سوي كل شعرج اذا مو حلو و طلع برتقالي خلاص مو الا لووول
و نصييحة روحي الصالونات اللي تخصص شعر مثل ديسانج و كركفي و هالنوعية اللي اعلاناتهم بالممتاز

و حطي ببالج انج راح تستانسين عالنيولوك و ريلج بعد بيستانس .. تذكري انج مسوية جذي عشاانه

يسلمو يا قلبي ع النصايح الحلوة مثلج:eh_s(7): بس انا حاطه حنة مايصير اصبغ الحين

باقي شهر بإذن الله على ولادتي

وسحب اللون كلش ما اجازف فيه:eh_s(4):

والنيولوك بالعكس بخاطري حتى حق نفسي مو بس حق ريلي​

 

[انجبر قلبي]

حبيبتي موضوعج سهل الحين في خصل اكتنشن ناعمه داخل الشعر وماتبين نهائيا حتى لو لمس شعرج ماتبين مركبه

على لون ارضية شعرج شوفي نفس هالصوره اذا تبين رقم الي تسويه لج دزيلي عالخاااص وادعيلي

ما قصرتي حبيبتي :eh_s(7):​

مو الاكتنشن يأذي وشي مؤقت اقصد ما يطوّل راح تشيلينه وبيدري انه تركيب​

 

[سكوتي بذوقي]

اصبغي وارضيه

الله يوفقك ويسعدك اختي

 

[dantella]

حبيبتي انجبر قلبي الاوكسجين مومثل الصبغ يعني مايتفاعل اللون مع السعر
الاوكسجين يطير اللون ويوصله لي اللون الابض الشفاف بس طبعا بالاخير وكله حسب نوع الاوكسجين وتركيزه وهذا تتحكم في الي تشتغل بالصالون
يعني انتي روحي وقولي لها فتحيلي خصل
راح تلبسج القبعه الي فيها الفتحات وتسحبلج الخصل الي تبين وتحطلج عليه الاكسجين

 

[غيــرة انثى]

الشيقوووور مع السدر يفتح يصير اللوون خياااال و هم زين حق الشعر و اذا ما حصلتي شيقور حطي ماي الاكسجين

 

[انا لحبيبي .]

مو مشكله اصبغي واهتمي فيه حمام زيت وكريمات وحطي سيروم عليه بزبط الشعر

بالفعل الميش بتخرب الشعر كتير ،

 

[جولينار]

سمعت ان مغلي البابونج يشقر الشعر مع الحنا



خليك ع البابونج فترة وشوفي شو راح يصر

 

[manoooram]

حبيبتي صبغيه دام ان خاطره يبي يتحلى عليج وبالنسبه ان شعرج خايفه يخترب حبيبتي سوي Search
على احسن الصالونات بصبغ الشعر ويهتمون فيه وقت الصبغ انا ارشح لج La Mode شطار يا قلبي
ولا تنسين هذا ريلج حبيبج يستاهل

 

[Om_Ksha]

اذكر في حنه جويريه فيها الوان ادعم اشقر بابصيدليات تنباع

 

[فرحه عمر]

بنات بليز شفيها اذا الوحده طلب منها زوجها

واللي تقول شعري يتنتف ويتقطع ترى حتى الشامبو يقصف الشعر ويطيحه بلا عياره لا تحطون عذركم الصبغ الصبغ حاله حال اي شي ثاني يبي عنايه نفس ماتحطين حنه حطي ماسكات شعر للصبغه وحمامات زيت شنو المشكله

ورجاء البنات اللي تتمنن على ريلها عيييييييييب وحركات انا ماكنت ابي اصبغ بس عشانك صبغت وانا ادري اني بيطيح شعري بيقولج لو ماصبغتي ابرك

طلب منج صبغي شنو المشكله وصبغي وانتي مستانسه وحابه التغيير لكن تصبغين واتيين الريال مبوزه لا بوها صبغه ههههههههههههه تبون الصج

 

[Sara !]

ودي اعرف اشصار عليج اختي ؟؟

 

[مشتطـه]

وااااااااااااااي امبييييييييييييه


اقسم بالله كأني انا اللي كاتبه الموضوع

بالضبط بالضبط نفس ريلي

ومايحب الحنه واحطها من وراه

كاااااااااااااااااااااااااااااك


شرحت له و وريته شعور متقصفه ورايحه فيها

وريلي نظامة يستانس فيه اسبوع ويمل

من جذي نهائيآ ما افكر اصبغ


ينغز
ويحن مرات

ليما بطها اخر مرة قال انا اخاف اخليج تصبغين واسبوع وامل من اللون وانتي اللي تاكلينها


وربج ماصبغت ولا بصبغ

ولحد يقص عليج لايشوف غيرج ولا تفتح عيونه


الي بيشوف غيري بيشوف مو على صبغه من نفسه


ولو يحبج بيشوفج بكل الالوان حلوووووة

 

[مشتطـه]

فرحة عمر

صلي عالنبي


الصبغ اسااااااااس خراب الشعر


ما ضرنا الشامبو ماشاءالله

الصبغ لعن شعور بنات خالتي ورفيجاتي


واي يالكثافه قبل

الحين اختفت شعور


اللي حرير صار جعد

والكثيف صار شعرتين


وما ضر خواتهم اللي ماصبغو ليلحين كثافه وحيوية


لا تقصين على نفسج


والريال لو نطلب شي يضرة علشانا ما سوااااهاااا


شحقة اغاااامر بشعري !!!!!!!!!!!!!!

 

[Tom ♥ Jerry]

.


حبيبتي سوي الي يبيه ريلج
الحين قطعي الحنه 6 اشهر على الاقل ..
بعدين صبغي شعرج بصالون سنع مو اي شي
بس اهم شي ما تخلين شي بخاطرج ريلج
عشان ليه شاف وحده شقره ما يتنح > اتغشمر ;d;p

 

[انجبر قلبي]

مشكورين كل اللي رديتو ردودكم ونصايحكم

انا صبغت شعري وسويت اللي يبيه ريلي

بس اول ما صبغته قلت له عشانك قال انا متى قلت ابيج تصبغين هههههههههههه حمدالله

تحسفت لاني صبغت لان شعري حسيته اخترب كان ناعم صار يتلصق ويابس مادري شلون ولازم حمام زيت وعباله

يارب يرد شعري نفس قبل يا حلو ايام الحنه تهبل شعري يصير عجيب ماراح اكرر سالفه الصبغه

 

[سمراء كويتية]

في أصباغ ما اطيح الشعر مدام بخاطره ​

 

[a7la_7b]

حمدي ربج يقووولج ابي هالشي عليج

نصيحه عشانه وقفي الحنه الحين وبعد والولاده طلعي بنيوو لووك وصبغي بس مو اي صالووون روحي ليلى هارموني او جاك ديسانج

الله يجملج بعينه ياااااااااارب