زوجي والمدير... وبنته!! امانة لو مكاني شتسوين ! ناس ماتستحي

[om MaRyooM]

^
^

المشكلة ريلي يسوي هالشي واسمعه جدااامي يتعذر ويقوله مرة بالمستشفى مرة معزوم مرة مرة ..

بس هذا ويهه منجب قطيعة مايستحي
ماكو فادية فيه

ومشكوورة

 

[الحرير]

خليه يتعذر ويقول ما اعرف فية خوووووش محل يصلح الكمبيوترات
والعلم تطور وانا صرت اجهل بالكمبيوتر

 

[الحسن الرقيق]

خلي ريلج يقوول ما اعرف وبسسس
ولا يرد عليه اذا ماكان وقت دوام ..

 

[حظ من عنده انا]

اسستغفر الله


شنو هذا !!؟


الغلط من زوجج عطاه الضوء الاخضر

خلي زوجج يوضح له انه ملزوم بامور اهم من هالخرابيط ملزوم فيج وبعيالج وبيتج واهله

محلات الكمبيوتر ترس الديررره والا مستخسرين هالفلووس يقطونها على المحلات

ويخلون واحد يسوي اللي يبوونه وببلاش بعد

 

[انصاريه قمره]

انا اعتقد انه ريلج سكرتيره بالدوام يعني في اطار العمل مو خدام ابوووه
واي شي يسأل ريلج عنه خل يقول ما اعرف واذا انتي كنتي يمه وتعرفين حق الكمبيوتر لي بغى يعطيه بنته خل يقوله دقيقه خل زوجتي تفهمها علشان تستحي قطيعه

 

[كلى شووق]

البنت موظفه مع ابوها اا كلميه انتي وخليه تشرحلك اللي تبي تقوله وكذا تحس

 

[كويتيه مذهله 87]

خل ريلج يقوله ماعرف لهالشغله

 

[baby.bunny<3]

انا طموشة بس ما ادري ينرفز الوضع الله يعينج

 

[ELFAD3Ah]

ووووواي انا احتريت شكثرهم مبرمجين الكمبيوتر ارقامهم مقططه بالوسيط ولا ايولج البيت بعد ليش مايدق عليهم
شكله يحب مال بلاش بس لو انا منج احط حد بصراحه
الله يعينج

 

[a7la-elbanat]

مادري ماحس ان في مشكله بالسالفه عادي يعني وعموما ريلج بمكانه كسكرتير اكيد بيتعامل مع حريم وايد سواء بشكل شخصي والا عملي الشغل يظل شغل واهو ماكفر يعني لو ماشي بالشارع ووقفته بنت مثلا تسأله عن شغله بتنقلب الدنيا ؟
والا بيطالعها وبتصير قصة حب ويحبها ياماما اذا زوجج يبي يلتفت لغيرج راح يلتفت بدون قصص وافلام ولف ودوران
بس عادي خلج واثقه من نفسج اكثر والحياة اخذ وعطى
لما تروحين محل ماتتكلمين مع راعي المحل مثلا وتاخذين وتعطين ؟
الدنيا مصالح وما اعتقد هالشغله بتأثر بحياتج الزوجيه دامج ماليه عين زوجج وموفرتله كل شي

الله يوفقج ويسخرلج زوجج

 

[om MaRyooM]

مشكورين وماقصرتو