زوجي والمدير... وبنته!! امانة لو مكاني شتسوين ! ناس ماتستحي

[Freakya]

سوري حبيبتي بس ريلج ما عنده سالفة يلبي طلباتهم

 

[ღ كحلاء العين ღ]

،*

آممم آخـذيے آلشـيے بحسن نيـه …

آنـآ آحيـآآن آذآ خـرب آشترآگ آلنت آبويے يقول ليے دقيے گلميے آلشركـه مـع آلعلم آن آبويے من آلنوع آلغيوور حييل …

فعــآديے …

و مـن نـآحيـة مـزعـج زوجج بگل شيےء لآزم زوجج يآخـذ مـوقـف صـآآرم …

و هـو مآمـن علـيـه ووآثق فيـه …

آلله يعيـنج قلبوو …
​

 

[زوجة عزيز]

ماله يحق يطرشه خارج اوقات العمل خل يقفل تلفونه عنه صج يرف هالمدير يستغل الفرص يعني مافي محلات يسوون فيه لابتوبهم !

 

[طفله]

حاط عينه على زوجج عاجبه شكله يبيه لبنته بس حبيبتي لاتنبهين زوجج لهاذا الموضوع وقولي لزوجج انه يعتذر اومايعرف يسوي اشغله هاذي ناس لزقه

 

[سنااااي]

خل يقبول أنا بصراحــــــه ملتزم ومتعود احتك بالحريم خل احد من اعيالك يكون هناك وافهمه ... وأنا مو محرم للبيت....

 

[حزني عم المكان]

المدير الظاهر عاجبه ريلك ويبي يووفق راسين بالحلال بطريقه غير مباشره

 

[قنــــــــــوت]

بــــــــــــــلاوي ....


الله يعينج حبوبه ......

 

[ميشووو]

الله يصبر قلبج ويعينج


خليه يطنش ويقول كنت مشغول او مع الاهل

 

[atc666]

عادية السالفه مالها شغل بالغاريه شلون الوحده تروح الجامعه وتتعلم من الدكاترة؟؟ اهوا الريال شاف ريلج فاهم ويبي يفهم بنته يمكن الريال واثق بريلج حييل ومايبي يدخل بيته رجل غريب من هذولا اللي يبرمجون الكمبيوترات دق على ريلج عشان يفهم بنته على الكمبيوتر مافيها شي لا يروح مخج بعيد وخلي الغاريه على صوب .

 

[فاهييه]

يمكن البنت موحلوه << فزوجج حتي لو ضعف بيوم من الايام (لاسمح الله) ماراح يلتفت لها .
بس اذا حلوه << مشكله لوول
لا لاتحاتيين . في ناس حياتهم اوبن وكل شي عندهم عادي
بس هم مايقصدون شي من اللي انت تحاتيينه

 

[حلوه بس بلووه]

الله يعينج خلي يكلم الريال

 

[ورده الكرستال]

مشكلة المدراء على بالهم الموظفين الي تحتهم عبيد ومطراش

الله يعينج انا انقهرت


خلي زوجج يوضح لمديره انه مو فاضي مشغول مره مرتين بعدين المدير بدور غيره

 

[ترف بابا]

المدير كويتي ؟؟؟

اذا موكويتي يرسمون على ريلج 100%

هذي طريقتهم - ترى

 

[Daleela]

صج يعني حولي متروسه باللي يعرفون بالالكترونيات يعني في مليون واحد يفهم ماكو الا ريلج

ولو اهيا من العايله ممكن تترقع بس وحده غريبه شكو

ويمكن صج ما يعرف المفروض يخلي ولده يكلمه انتي قلتي عنده شباب خلي ريلج يقول خل اكلمك ولدك افضل

 

[بخـــارى]

الله يعينكم

 

[om MaRyooM]

مشكورين بنات


واللي يقولون خل يتعذر ريلي بكل مكالمة يتعذر

امس يقوله مودي مرتي المستشفى تعبانة يقوله اوكي دقيقة بس كلم بنتي !!!!!!!!!!



وقااااحة

 

[رفيعة الشآآن]

اي والله وقاحة

خلاص يقوله ماعرف ما افهم بهالشغلة ويقفل معاه حتى لما يعطيه بنته يقولها ما عرف يبيلها واحد متخصص دارس هالشغلة


وخل يطلع خط ثاني ريلج واحد لشغل وثاني للاهل والربع
وخط شغل نفسه الي يدق عليه المدير بس يخلص وقت دوام يصكره ويفتك منه

 

[PassionFruit]

مشكورين بنات


واللي يقولون خل يتعذر ريلي بكل مكالمة يتعذر

امس يقوله مودي مرتي المستشفى تعبانة يقوله اوكي دقيقة بس كلم بنتي !!!!!!!!!!



وقااااحة

امبيييه بمنتهى قلة الادب والوقااحه !!!!!,,, حبيبتي خلي رجلج يكلم مديره باسلووب ويقوله انه يتضايق من يكلم بنته موو عن شي بس علشان حظرته يفهم ومايخلي بينته تكلم زوجج ولانج تتضايقيين

او يكلم مديره بس بوقت الدوام واذا يبي شي وهو برا دوامه يدزله مسسج واذا نفس الشي قاله كلم بنتي خل زوجج يعطييه رقم مهندس كمبيوتر يعلمهااا :rgewrg::rgewrg:

انا اللي مالي شغل انغثيييت من مديره الغاريييه راااحت ولا شنووو !!! استغفرالله :rgewrg:

الله يعينج يالغاليه

 

[om MaRyooM]

^
^

اي واللله يا باشن شفتي شلون

ناس ماتستحي ..
بس والله مقهورة حتى لو الابو عادي شهالبنت اللي ماتستحي !!!!!

 

[حكاية شهرزاد]

تصير وايد حتى بالافلام المصرية ,, لما بنت البيه تكلم الموظف بتاع شركة ابوها ,, وبعدين تتجوزه ..

الشيخه هذا الرجال (( المدير )) وايد فري ,, مخه مايفرق بين الرجل والمرة والظاهر انهم بالبيت تربيه اجانب يعني يسلمون على الريايل وجذيه ..

هم مو شينين ,, بس هم غير عنكم ,, وانتي وزوجج متمسكين بعاداتكم .. (( زوجج سكرتير بس متمسك بعاداته الطيبه احسن من المدير )) ..