زوجي كل يوم يطلع من الساعه 9 لحد 3 الفجر ومايرد على التلفون

[om MaRyooM]

الله يعينج ويعين الجميع

صراحة مو حالة ..

مانبي نحرشج عليه بس باين الكتاب من عنوانه
الريال مايسهر جذي برة بيته الا وفي شي شاغله وبعدين انتي تقولين عنده خرابيط يعني السالفة مفهومة
طايحله على شي يديد مونسه

الله يهديه....لاتسكتين عن الوضع


بس احس في شوية تناقض .. اول شي قلتي تغيير فجاة وطلعتله هالسالفة من شهر ..وقبل كان يطلعج ومايطلع مع ربعه وماعنده ربع اصلا
بعدين قلتي اهو عنده من قبل خرابيط ويسافر . .


فأنا اقول زوجج الله يهديه عنده سوالف وربعه اهما اللي مخربينه .. واول ماتزوجج يطلعج وجذي مستانس ع الوظع بس ليمتى بيظل حاط القناع ..مصيره يرد على سوالفه
هذا احس اللي صاير


عموما القرار بيدج والله يعينج والله

 

[كويتيه مذهله 87]

يا انج تراقبينه او تشوفين جواز السفر

او تروحين وزاره العدل يبين اذا متزوج ثانيه او لأ

وان شالله كل التوقعات غلط بس سهره مع الربع

 

[ريتااجي]

ربي يعينج ويهديه لج لازم تجلسي معاه وتتكلمون في الموضوع

بس يكون على رواق يعني شوفي يوم تحججي بشي انج تعبانة احد من العيال مرضانين اسم الله عليهم

علشان يجلس في البيت وتناقشيه أما إنه راجع من سهرة أبدمااتوقع راح يسمع لج وبس يقول لج ان شاء الله

علشان يبي الفكة

 

[غلاتي ديرتي]

الللله يعينج مو حاااله هذي لو منج اخلي احد يراقبه لي

 

[Tom ♥ Jerry]

شوفي حبيبتي البنات هني مآ رآح يفيدونج
كل وحـده بتدخل و تقول يمكن و يمكن ..
انا اقووول روحي و سئلييييه
قوليله قولي الصج آنته وين تروح .. ؟
و ليش كلا تسكر تلفونك .. ؟
و ليش ترد متأخر ..
صآرلك شهر على هالحآل ..
طلعي الي بقلبج كلا و سمعيه شنو يقول ..

 

[ليتني ما حبيت]

انا مابي احرشتج على زوجج بس لو منج اتفق مع سايق اييني الساعة اللي بيكون زوجي بيطلع فيها واخلية يلحقة ويكلمني ويقولولي وين مكانة وتالي انتي ماطلعتي من البيت وهذا تاكسي ماراح يفضح زوجج ولا يعرفكم وبس ------ اللهم ياحي ياقيوم يرد لج زوجج عاجلا غير اجلا ويبعد عنكم عيال الحرام وبنات الحرام لي ولج ولجميع المسلمين قولو امين

 

[بتبوتااا]

يحياتي الله يكون بعونج صارحيه وقوليله انج مو عاجبتج هالعيشه وانج مرته ولازم يهتم فيج وبعيالج مو مشكله اطلع استانس بس لا تنام بره او ما تسأل عناا .. كلميه وحني عليه لا تسكتين والله يهديه ويعينج ياقلبي ..

 

[بتبوتااا]

يحياتي الله يكون بعونج صارحيه وقوليله انج مو عاجبتج هالعيشه وانج مرته ولازم يهتم فيج وبعيالج مو مشكله اطلع استانس بس لا تنام بره او ما تسأل عناا .. كلميه وحني عليه لا تسكتين والله يهديه ويعينج ياقلبي ..

 

[منت رايق]

الله يهديه بس اكيد في شي مو طبيعي اذا بتعرفين انة متزوج عليج تعاليلي بالخاص

 

[{ام رتاج}]

مادرى شقولج بس الله يهديه يارب

 

[قلب حنان]

اكييد يروح قعدات وحفلات لي الصبح 100 % مايبيلها كلام اذا دوانيه يرد عالاقل 2 بليل مو اكثر لان الي بدوانيه اكيد عندهم دوامات ويردون ابيوتهم امبجر حاولي اتكلمين زوجة واحد من ربعه واتشوفين اهو شلون روتينه وياها نفس ريلج ولا غير

 

[الدلوعة أمون]

بصراحة مو طبيعي الي يسوية
شنو هالطلعات لازم تسوين شي شنو ناطرة
اكيد له علاقات او شغلات ؟؟؟ (مدام يسافر)
لازم لازم تدورين حل بعدين زوجج شكله مندمج ومستانس وهو يطلع كل شوي
حتى وهو تعبان الله يعينج

 

[سارووونه22]

الله يعينج ويسخر لج ريلج

 

[دنيتى زوجي M]

الله يعينج

مفروض تقولين له ترى انت مو عزوبي متزوج اخاف ناسي ذكريه

وانا اقول قعدي معاه كلميه اذا مافاد دخلى احد من اهلج خليه يسهر ويستانس بس يوم واحد بالاسبوع مو كل يوم ؟...!!!!

وحتى لو بيسهر ويستانس وييين ..!

مو اي مكان طبعا انا زوجي محدد يوم بالاسبوع يرد فيه متاخر بس يكون ياانه بديوانيه او رايح يلعب بولينق بس اكثر شي بالدوانيه

ومتى مادقيت يرد حلوووه هذي مايدري عنج واذا دقيتي مايرد ؟

 

[مربربة]

الله يعييييينج صراحة انتي معطته وجهه
لا تسكتييييييييييييييين عورتي قلبي
والله يهدي ويسخر له يارب
شغلي البقرة بشقتج او اقرييييييييها تراها سحر سبحان الله
والله يفرج همج

 

[بــــســــمه*]

والله اا ريلي نفسج واكثر يسهر لي الفجر ومايرد


تعبت منه بس شسوي

 

[شووقة]

انت من صجج ساكته عنه الا وبعد تدقين ومايرد عليج قووية
انا لو ريلي مارد علي اقلب الدنيا عليه الصراحة ريلج شافج ساكته عليه من جذي استانس عالوضع
كلمي ابوه وقوليله ما يصير تسكتين والله يهديه

 

[DaShTeYa_Q8]

لحقيه ب يوم

او خلي احد يلحقه ويعرف وين يروح

صج يمكن تنصدمين او تتعبين بس انتي بتعرفين وين يروح وشقاعد يسوي ..

ماكو الا هالحل دام ماشفتي بتلفونه شي

لان هايت ومايدري عن البيت هالشي ماينسكت عنه .. وقاعد يقولج لو بخربط اتزوج

يمكن عشان مايشككج بالموضوع وتحطين ببالج انه مايخربط وماعنده هالسوالف ..

 

[أوكسجين]

صبري عليه فتره يمكن يتعدل
واذا ماتعدل كلميه
ودايما ادعي بصلاتج الله يهديه

 

[برونزيه شقرا]

الله يصبرج حبيبتي حاسه فيج الله يمسح على قلبج حبيبتي داومي على قيام الليل وادعيله وانشاءالله يغيره للافضل ياااااارب