زوجي كل يوم يطلع من الساعه 9 لحد 3 الفجر ومايرد على التلفون

[noo7a]

مابي اشككج بس احتمال ان متزوج وارد
لان طلعته من البيت فترات طويله جذي اكيد يكون عنده مكان ثاني يرتاح فيه

 

[الشهد كله]

الله كريم انا حامل وين اروح واطلع تعبانه ............أخاف صج اتعب نفسي على عديم الإحساس

والله مادري محتاره تعبت

آنا عندي لج خطة جهنمية بس مو عالعام روحي عالخاص !!!!!!!!!!!!!!​

 

[Qumaar]

الله يهدي لج ريلج ان شاء الله ويسخره لج

 

[ريماس77]

بصراحه عورتي قلبي مريت بهالشي الله يعينج انا كان ريلي جذي تعبت والله الا مت شسوي بس ادعي الله يعينج

 

[الحنــونــة]

الله يهديه

 

[ديانا سبنسر]

حبيبتي مابي اضيق خلقج بس ديربالج من بنات ابليس والله مايحلى بعينهم ال المتزوج راقبيه ومن صجج متوقعة انج راح تلقين خرابيطه بالتلفون تلقين عنده خط ثاني ياقلبي

 

[قلبي سلومي]

شوفي هذا حال زوجي واناتوني عروس ماصارلي اسبوع وبالاخير اكتشفت ابو الشباب مرافج وحدة انا مابي اظلم زوجح بس نفس زوجي جنه تتكلمين عني بس عقب ماهددته اني اهده وهددت باهلي تكن وعقل وترك السوالف هاذي بس انتي دوري وراه ونبشي وعلى قولتج راعي سوالف بس الصراحة لا تزعلين زوجج احسه مو مضبوط احسه نفس زوجي قبل لا يتعدل قاضبته حرمة وانا مابي اظلمه
وانتي كيفج

 

[سارووه الاموره]

.,,.

كنت بكتب لج ع الخاص بس شحقه في بنات مايدرون شطبخه نعلمهم ..:eh_s(4): ​

][/CENTER][/B]

حبيبيتي انا اعرف وحدا من رفيجاتي قالت لي سالفتها ريلها نفس ريلج تدرين شسوت يابتلها هندي سايق وسوتله اغراء فلوس عاد اهما اهم شي فلوس معاه 100 دينار قالت الحق بابا وانا اعطيك 100 دينار وقالت له انا ابيك تلحق هالسيارا (سيارت ريلها) وشوف هاذا بابا وين يروح اكتب عنوان كل شي ويكون السايق لاحقه اكثر من مرا وخذت العنوان وطبت عليه فجأه لقته قاعده مع ربعه ويمهم فلبينو وجنوووس تخيلي .. نصيحه يبيلج سايق هندي و قوليله اعطيك 100 دينار والله ايب لج كل العلوم والاخبار لووووول_03BA:


..​

 

[شمس 20]

شوفي عاد انتي وشطارتج وذكائج اطلعين وين يروح بليل .....

 

[Miss.Dndn]

بصراحه الله يعينج

والله حاسه فيج


بس زي ما قالت وحده من البنات راقبيه

او خلي احد يراقبه


و بعدين حددي موقفج





الله يهديه و يسخره لج

 

[تيلي توبيس]

مابي اضيق خلقج هذا وراه بلااااااا كبيييييييير افا عليج من قلب شلون صابره واي من صجج دخلي احد كبيييييييييير شي ماينسكت عنه و4 سنسن وساكته حبيتبي توقعي الريااايل مامنهم امان مابي اضيق خلقج وحده صديقتي صديقتها تقول توهم متزوجين صارلهم 2 تقريبا اقصد سنتين تقول وااايد متغير عليها وشاكه انه متزوج وسالت وحده تشتغل بالعدل تقول عطتها بياناته طلع متزوج ولا عنده ولد منهها واهي شنو نصدمت ولا الفاجعه متزوجها عن حب وبعدها تزوج عليها وعنده ولد من زوجته الثانيه واهي هم عندها منه ووولد وبنت وطلقت منه لانه خدعها وتزوج عليها بعدين عادي يتزوج 3 و4 واااي شي يعور القلب انج شلون صااابره مابي اضلمه بس هذا اذا متزوج الخوف عنده باالالاوي وخرابيط بنات ابليس موجودين وخمر ومخدرااات الله لا يقول هالزمن يخرع والله شوفي شيسوي برااااا لا يكون شي اكبر وفاجعه الله يصبرج بس لا تسكتين واللللللله العظيييييييييم لا تبجين دمممم اذا عندح عيال بعد كملت لحقي علي نفســــــــــــــــج قبل لا تندمين

 

[غنج اهلها]

سالفتج سالفة واللي يقهر عينة قوية موهامتة

ربي يعينج كلمي امة تكلمة اخوة احد كبير يوقفة عند حدة قبل لايتمادي

 

[اشتياق]

اذا اكتشتفتي شفيه شتبين اتسوين؟؟

اسمك ريل يافلان عن فزة الليل ..خليه عنج اشتري دماغج ..

 

[بمبة المفترسة]

يا انه متزوج
يا عنده وحدة وحاط له شقة
ولاا هو وربعه حاطين لهم شقة ويهيصوون فيهااا ولاحدا هالشاليهات واليواخير
وشهر توها السالفة يمكن مل خليه على راحته
بس عرفيمنه وين يرووح
قصي عليه قوليله انا سمعت من ناس انك ترووج يواخير فيها بنات وهالسوالف شوفي اختبريه

 

[q8_pearls]

لازم واحد من اخوانج يراقبه عشان تطمنين اكثر

معنه الله امر بالستر

بس للضروره احكام

 

[sunshine22]

4 سنوات

يعني اذا زوجك مو ملتزم لحق على سوالف البنات بالدواوين والتلفونات
لانه مابي احط بذمتي
لكن 90% من رياجيل الكويت لج عليهم
هذول بالنسبه لمواليد اخر السبعينات

الله يعين اللي تاخذ واحد بهالسنين الاخيره او هالحزه الرياجيل انهبلووو مواليد 80 وطاله

اخر عهد للرياجيل اللي هاااا سنعين ويجي منهم 1970 و1972 بسسسس
الباجي العوض على الله
غير اجيال ابهاتنا السنعين المنعين اللي لي خربت حنفيه بالبيت ما تقعد يوم خربانه على طول يصلح
والا يمشي بالدريل ويضبط امور بيت اهله

لكن هالحين الله يخلف على حريم هالوقت....ويعينهم على رياجيل هالوقت



انا طولت بكلامي من القهر مااعرف وحده زوجها سنع كله فيهم عيوب
اللي يغازل
اللي عنده تلفونين وقاط التلفون الثاني بالسياره والاول اللي مرته تشك فيه قاطه عندها يعني ثقه يقصون ع الحريم
وتصير خبله تقول عيل ليش اشك فيه دام تلفونه جذي
احتمال انتي نفسها او لا يمكن انا مااعرف زوجك وطبعه


والمره لي قعد احساسها يقرقع بقلبها احتمال كبير احساسها صح

ابحثي ورااااه وشوفي شعنده مالج الا جذي

 

[AL 3la]

انا اقول خلي احد يراقبه صج وضعه مو طبيعي
الله يعينج
الله يهديه امين يا رب

 

[جذابه بنت ذيابه]

الله يهديه لج ياررب

 

[sunshine22]

من صجج !!!!!!! اذا عرف السبب بطل العجب حبيبتي شنو 24 ساعه البيت

منه امه بيسحب عليج !!!

غلط خليه يحاتيج .. الريال اذا تطمن ان مهما يروح و يفتر مرده بيلقى مرته ناطرته !!! بيتطمن و بيسحب عليها !!

بالذات بالوقت اللي اهو مقصر فيه شككيه شوي اي مكالمه تييلج رفيجتج امج تكلمي بصوت واطي تخششي خلج غامضه شوي

شغليييه فيييج !! خليه يحاتيج هاذي وين طالعه هالحزة و شتسوي و ليش ما ردت .. !!

قلبي الموضوع خليه عكسي

شاطره

لو كل وحده سوت كلامج جان ماكو ريال يغازل
لي دقو رفايجي ببصوت واطي واختصر المواضيع جني (( سارقه )):krkrkr:
واقولهم بعدين اكلمهم بعدين ويقولي ليش مو الحين بعدين!!
واكلمهم بصيغه الجمع بعدين اكلمكم مو اكلمج!!! فهمتي علي

انا هذي سياستي بزوجي
اخرها اليوم الصبح عندنا حفله بالمدرسه نهايه العام الدراسي
ودي جي اغاااااااااني

دق زوجي صدفه العاده ينام الصبح ما يدق كلش
لاني طلعت الصبح كاااشخه اللي على راسه بطحه ؟؟؟

مارديت مرتين لتنه صوت الدي جي عالي

دق
دق
دق

ليما رديت وصارخ وينج عن تلفونج قلت انا قايلتلك عندنا حفله بالمدرسه
وعصب

وانا سويت نفسي اني متوتره وطلعت بره الصاله وصوت الاغاني واضح ابيه يغااااااااااار موت ابي اذوقه نار اللي يخونون شيصير فيهم

انا والعياذ بالله ماسويت شي غلط بس مجرد (( اخليه يحسسسسس ))

فهمتيني اشغليه فيج خليه يغااااار يتبهذل شوي بالتفكير فيج

هذول الرياجيل يبيلهم قلـــــــــــــــــــــــب ما يتعب

 

[تولاى82]

الله يهديه لج يارب