زوجي ايام الملجه غير والحين غير

[قرمووشه]

مشكورين بنات

بنات بخصوص تجهيزي ولبسي والله الكل انهبل على دراريعي

وزوجي انا واثقه الف بلميه انه مايعرف للدراريع

بس اهو بنفيه قالي ان اهله(امه وخواته داشين الشقه
لمن امي وخالتي اطلعوو

وقالي عقبها ان انتي فشلتيني عندهم من اغراضج


اول شي شكو اهم يدشون وينبسون بغراضي

اصلن حتا ملابسي الداخليه انا موصيه امس تحطهم

ب بوكس وتخليهم بلكبت

انصدمت بعدها انهم موجودين بلكبت من فوق بدون بوكس
وانا على سألت امي ليش ماحطيتهم بلبوكس
جان تقولي امبلا حاطتهم وتحت بعد

يعني اهم فتشو الاكو والماكوو

ولقيت البوكس موجود بدرج بلمطبخ

 

[قرمووشه]

امس قصدي امي

 

[قرمووشه]

وعلى سالفه الطلاق
حاليا انا حامل

وانا اجزم مليون بلميه محد غيره غير امه وخواته

وقبل اسبوعين تقريبا انا كلمته بنفسيه حيل معصبه وقلت له وانا معصبه وابجي ان انا عفتك وكرهتك

وصار بينا مشاده بلكلام وانا كنت بس اصارخ

فجأه ولا اهو يبجي ماقالي مابيج ولا بطلقج

تدرون ليش لان مو شايف علي شي غلط
من جيتهم والله ماسويت لأهله شي شين

الحين اهله بطقااااق
واهو مغيره اسلوبي معاه

بس حبيت اوضح شغله لليتقول يمكن اهو مايبيني اويبي الطلاق

الرجال لو طرى عليه يطلق بيطلق بيوم وليله

بس زوجي انا فاهمه تارسين راسه حجي وهاب بوجهي

اصبن امه بس طايحه نغزات فيني
مارتاحت الا لمن طلقت العروس اللي معاي

احنا كنا عروستين

 

[Patcholli]

مستغربين من سالفة نومتها عند اهلها
ومحد استغرب ليش دازلها مسج يفشلها قبل العرس بيوم ؟
حبيبتي ريلج فيه شي مو طبيعي
اما احد مشيشه عليج
او احد مسويله شي
او شايف منج موقفج او سامع كلام
لازم تواجهينه ومانصحج تخشين هالسوالف عن اهلج
باجر لي يتيهم بيوم وليله وقلتي ماقدر اتحمل بينصدمون اشفيها هاذي توها تتحجى ؟؟
حبيبتي اهلج مالج غيرهم خل يساعدونج خصوصا امج خليتها تنصحج
واذا في شي انتي مستحيه تقولينه اهني قوليه حق امج وخواتج
واذا فعلا كل هاللي يصير بدون اسباب مانصحج تكملين مع هالريال لان تصرفاته مو طبيعيه وكلش ماراح ترتاحين معاه

 

[قرمووشه]

وكسر ان شاءلله عروس ماخذها من بين اهلها عشان تطقق فيها
مسوي رجال بعد العرس يعني !!

انتي حاطة شريط حمل و الا كنت بقولج اكلي حبوب مانع
هالوضع غريب و م يطمن صراحه ..


اي غلط منه لا تسكتين اي نغزة من اهله ردي عليها
خير شنو يبون منج .. مسكنينج معاهم عشان المغثه
لت حبيبتي هذا لا بشرع و لاقانون

الناس تخاف من القوية و تحشمها
و تدوس عالضعيفه ..
قووي نفسج

صح كلامج

وبقوي نفسي قدام الكل
عشان يحطون لي الف حساب

 

[عبوه]

أسمحيلي زوجك مو رجال ..


آلي يسمع كلام آمه و خواته .. و يرضى عليك المذله ..


قلة حيآ يفتشون بأغرآضك ؟ كيف سمح لهم ؟


الرجال شكله مو قادر على الطلاق لانك حملتي ..


طيب اذا هم مشيشينه على ملابسك ! طيب بعدها خلصنا من السالفه ليه ضربك بعد الزواج !

مشيشينه .. ! و كل مره يشيشونه عليك بيسوي نفس الحركه ؟ الي متي ...


مو فاهمه ليه مو قفك صاير كذآ ؟

رديت عليك مره ثآنيه لاني مقهوره انك مارديتيها عليه صح ..


وش فايدة اسلوبك القوي ؟ وش فايدة انه امك كلمته ؟ وش فايدة آنه آخوانك كلموه ؟


تحسين انك تحبينه .. مرتاحه له .. قلبك مو شايل عليه .. ( آكييد لأ ) و أنتي قلتيها ..


طبيعي لانه كسسر كل شي بينكم ..


و مشكلتك نفس مشكله وحده اعرفها ..


و انتي معها نفس التصرف لكن هي تشجعت آكثر منك بشوي .. آمها طلبت ابوه و امه و هو .. و رجعت لهم المهر و طلبت الطلاق .


لكن تصالحوا في الاخير .. و الحين البنت حامل مثلك لكن ماتحبه و لا تطيقه ...


الله يسسهل امورك و ينور بصيرتك .​

 

[ReD&FoSHia]

انزين خل نمشي علي سالفة امه و اهله مايحبونج و فتشو باغراضج ,, معنه شكو مايحبونج توج بسم الله الا جان ماخذته عن حب .. بس همن بقول اوكي ماحبوج و دزلج المسج الاولي و قلنا اهله شيشووه و قالج مو ذويقة و اتفشلين .. سالفة الدراعة شكوو .. و السالفة الثانية شكووو شكو يمد ايده لاتقوليلي كل ما شاش بيروح يطقج ,, ولا بيعصب
وهمن قبل الزواج باسبوع قلتي كان معصب وقالج لابو العرس .. حبيبتي ركزي و عرفي بالضبط شسالفة ريلج و عرفي نقزات خالتج ليش اتقطها في شي انتي مو فاهمته و نقطة ناقصة

جان انتي مقتنعة باللي صاير واتقولين اهله اهم العيب .. اذا ريلج مهزوز الشخصية و مايعرف يتصرف

 

[كليـ دلعـ]

ههههههه عجيبه ( كلي دلع )
اقنعتيني جد جد
اقولج
چان زين انتي اختي ، اللي عندي مدلعيني تعالي زفيني خل افهم ههههههه

هههههههههههههههههه بعض الريايييل يبيلهم تسونامي يالله تستتب امورهم

 

[يارب دبرني]

هههههههههههههههههه بعض الريايييل يبيلهم تسونامي يالله تستتب امورهم

هههههههًً ما ادري شنو حالتج الاجتماعيه
بس شكلج معطيه ريلج العين الحمرا هههه

 

[طيوبته]

استغفر الله أنا اللي مستغربته الوحده تييج تقولج يش تنامين عند أهلج بعد العرس !!!!!!!!
وليش ما أنام ؟! مو معناته تزوجت يعني انفصل عنهم وما اييهم الا تسيورة وأرجع تالي
اليوم !
بيت ربيت فيه ما أخليه اي أنام عند أهلي بالويك اند وهذا أساسا من حقوقي أنا
أشوفه !

حبيبتي الله يعينج ويشرح صدرج
أول شي لا تبينين له ضعفج وعلى
طول تراكضين ورى رضاه لو كان
ظالم ! غلط حسسيه ان وراج أهل
ومو عيزانين عنج ، عيل يطقج
وأنتي عروس وتسكتين !؟
أنتي مو مجبورة تستحملين هالمعامله
والطق والتكفخ من الأساس !
دايماً خلي أهلج بالصورة عشان قبل
لا يمد ايده عليج يفكر 100 مره .

 

[مــرح]

واضحه من البدايه دام قال فشلتيني عند خواتي بملابسج معناته مشيشينه الله يهداهم

 

[قرمووشه]

مشكورين للكل للكل للكل

كل اللي دشو موضوعي اشكركم من كل قلبي

نصحتوني اي والله نصحتوني
الله يجزاكم خير


امس فتحت معاه نقاش
اول شي دقيت عليه وقلت ابي اكلمك
جا البيت وقعدت معاه بصاله

وتكلمت معاه
قلت له انت ماتبيني تبي الطلاق
جان يقول لا

وسألت ليش سويت فيني جذي شايف علي شي
او انك ماتبيني
وسألته في احد محرشك قايلك سو جذي وجذي

وحطيت عيني بعينه وقلت انا ابي اسمع

قالي لا وانا ادري اني غلطت وقالي همن انتي غلطتي

عاد انا ماخليتها له وقفته وقلت لحظه لحظه لحظه
انا بشنو غلطت
جان يقولي تحطين اغراضج بصاله انا ماحب جذي

عاد انا ماسكت ورديت
قلت له اقصاها دراعه حاطتها

جان يقولي ادري اني انا غلطان

ورديت عليه عقبها وقلت اناااا مو غلطااااانه
الغلط كله منك انت

واهلك مالي شغل فيهم ولا لهم شغل فيني
انزل واسلم واقعد وبسس
مالهم شغل بلبسي عجبهم ماعجبهم هذا شي مايهمني

 

[قرمووشه]

اشكر الكل

نصحتوني وطبقت النصيحه

واجهته عشان يعرف ان هشي مو عاجبني

وحلفلي انه مايمد ايده
وقلت له مره ثانيه مديت ايدك مالي قعده

وحلف وقال انسي الطق انا كنت غلطان واحلف ماعيدها

 

[مــرح]

عفيه عليج

الله يسعدكم ويهدي سركم

 

[1001]

الحمدالله المهم رجعت حياتكم صح
بس لاتكثرين العناد شوية دلع تنفع مو الريال ويطخ
بس مو وايد
ترى بعدين يمل
الله يوفقك و يبعد عنج عيال الحرام

 

[طيوبته]

الحمدلله قرموشه الله يبشرج بالخير
بس صح لا تعاندين وايد معاه ولا تذمين أهله جدامه
احترميهم وكوني سطحيه معاهم اذا اهما مضايقينج

ونصيحه لاحظي زوجج شنو يحب وسويه بدون
لا تسألينه
يعني أنتي عرفتي انه يحب الترتيب ويكره الحوسه .. نظفي شقتج ورتبيها وبخريها .
يحب الطباخ .. فاجأيه بأكله خفيفه من ايدج .
لا قام بيلبس ويطلع قووولي لحظه حبيبي ببخرك أول .
يعني جذي سوالف كسبيه ولا تبطلين معاه مشاكل ومواقف
قديمه خليه يحس انج تغيرتي وتستاهلين المعامله الطيبه منه :*

الله يسعدكم حبيبتي