زوجي ايام الملجه غير والحين غير

[بحر الذكريات]

الله يعينج كثري استغفار وشغلي سورة البقره ولا تسكتين على سالفة الطق وتفاهمي معاه مو كله ساكته حطي لج خطوط حمرا

 

[أبله أريج]

امممم الله يعينج

 

[Pinky -cat]

شوفي قلبي الريال لو بدا بالشينة وما لقا احد يوقفة للاسف راح يكمل في هالطريج ويكون اسوا واسوا، فا الافضل لا تسكتين
والله يسخره لج

 

[نور الكوثر]

وانتي الحين حامل منه يعني ماكو فايده ماكو الا تدعيله بالهدايه ومسألة اهله جايفين لبسج اهم شكو ينبشون باغراضج

 

[Mrs.Q]

والله دام علق على لبسج اكيد خواته قايليله الرياييل عادة مايفهمون بهالسوالف
انا مابي اشيشج بس هذي الوقائع جدامج شاريلهم من وراج وفجأة تغير عليج شوفي شمسمعينه او شنو مسويله ولا ساحرينه حريم هالوقت كل شي يسوون
وانتي شالضعف اللي عليج يمد ايده وتسكتين لعني خيره لا تسكتين فضحيه روحي المخفر سجلي الاصابات كلمي ابوج اخوج اي ريال مو امج تكلمه وين قاعدين يمد ايده يعلها الكسر

 

[زوجة عزيز]

السالفه ماتوصل لي الطق المفروض من اول مامد يده ماتسكتين عنه واهو ولا مسحور ولاشي اكا عنده يتشرى حق خواته احدث التلفونات ماعنده لج اخذي مصروفج منه اول ماينزل راتبه وبعدين كيفه مويحرمج ويرهي على اهله الله مايرضى

 

[هدوووشه]

ﻻحول وﻻ قوة الا بالله

اختي انتي سلبيييه حيييل وشكلك تحبينه
ليش تسمحين له يضربك ويهنيك ماتهون عليك نفسك !! مافي اي سبب يخليك تسكتين عليه
ارفقي بحالك وكلمي ابووك او اخوك اهم شي تكون بين الرجال
موووفقه

 

[قرمووشه]

اي والله حتا انا استغرب من ردود البنات
عن ان العروس ماتنام عند اهلها
شي غريب

كلي دلع يابعد قلبي كلامج عين العقل

بس انا سكت بلمره الاولى لمن طقني
بس بلمره الثانيه ماسكت ورحت لامي واهو معاي
وامي كلمته وكلمته وعلمت اخواني
وخواني كلموه
واهو حلف وقسم انه مايمد ايده بعد
وحاليا كلللش مايمد ايده

بس بنات انا تغيرت وتغيرت حيل بعد
يعني اول العرس كله اضحك له واكشخ له

الحين كلللش ماكلمه اذا اهو تكلم اقوله مافيني شي بس ساكته
يمكن يكون كره ويمكن لا

بس بقلبي الصج الصج بقوله لكم
ابي اطلع حرتي منه من اللي سواه لي ايام العرس وشهر العسل اللي ماشفت منه نقطه عسل

 

[د-سوسه]

انا مومستغربه من نومتج عند اهلج لان ادري ان في ناس من عوايدهم ان زوارتهم عند اهلهم ينامون بلويكند ..
بس ماراح اقولج *** ماسحر وهالخرابيط...واضح ان الريال كان زين معاج ومستانس بس لما يبتي اغراضج ولبسج في احد نقد عليج وعلى مستوى ذوقج فحس انج اقل من المستوى المطلوب وبصراحه مدام حس ان ذوقج يفشل معناته في تصرفات انتي اتسوينها موعاجبته ..
وانا مع الاخت الي قالت ان شكله كان يبي الزله عشان مايتمم العرس فلو كنتي امواجهته حزتها ومتفهمه الموقف ومراجعه تصرفاتج جان كمل واهو مقتنع بس شكلج ماتواجهين لكن انتي الي عليه عليه والدليل على جذي ان مشحون منج مومعقوله بسبة دراعه بيمد ايده عليج بهالطريقه!! واهوا حاس انج ماتستحقينه ومنتي بمستواه وطبعا هذا شي تقدرين اتغيرينه بمراجعه تصرفاتج وبدون ماتقوليله اتبينين جدامه ثقتج بنفسج ولاتفكرين انج تقلدين اهله بس طالعيهم وشوفي الفرق بينج وبينهم راح تتضحلج امور وايد ...
المواجهه معاه اهي الحل حطي حد وقلبي الدنيا عليه وطلعي عليه القديم واليديد بيرد يحترمج ويقدرج ويحطج فوق راسه لانه شكله حتى سكوتج امفسره غلط..
الله يوفقج ويريح بالج

 

[Um Tuki]

طق و اهانت و انتي بعدج ما صار لج شهر

عيل عقب 3سنوات شبسوي ؟؟ يحفر لج قبرج اتوقع

حامل ؟؟

لا حول الله شاقولج

صبرتي و عرستي و توج تفهمين ؟؟

الريال مو طبيعي

و اللي تقول السبب مو منج .. دام مو مني يطلع حرته فيج ليش ؟؟

و الا ابونا ما يقدر الا على امنا

و امه و خواته شدراهم عن اغراضج عشان يقولون يفشلون ؟؟
لا يكون يتعبثون

كل يوم شغلي سورة البقرة

ضعاف القلوب بهالزمن وااااااااااااايد

 

[ReD&FoSHia]

ساكنة عند حمولتج ؟؟؟ اذا ساكنة عند حمولتهم ممكن يكونون طلوو بس حتى لو ذوقج مو حلو ماتوصل بالريال يصير حرمة و يقول ذوقج مو حلو فشلتيني حتى لو تكلمو .. حتى لو قالوو .. شنو مايشوف انتي اصلن ذوقج اول ما خذاج شنو ... ما اعتقد انه حركات من اهله .. اعتقد انه اهو داخله مايبيج ولا شكو على دراعة يكفخ ... شنو دش عامل البيت ولا شنو .. ولا دخل ربعه ... و شكو قبل العرس وبعده مشحون .. يا حبيبتي الريال مايتغير من كلمة من اهله ... الريال يتغير لي كان متحسف لي كان بايع لي كان ماخذ بخاطره لي كان معصب من امور

وبالنسبة للنومة فعلا انا استغرب توج عروس ماكملتي شهر اتنامين عند اهلج الناس بتفكر انه ريلج هدج وراح ماراح اتفكر انج مشتاقة لاهلج
حاليا انتي حامل قولي انج متنسية ونامي عند اهلج و شوفيه شراح يتصرف من عقبج ان كان بايع لا شاريج

 

[برنسس أوراق]

شوفي حبيبتي المسألة واضحة
اما يكون سامع عنج كلام مخليه يتغير عليج
او محسود وتغير عليج


حافظي على الاذكار والرقية
وان شاء الله ربي يسخر لج زوجج

 

[كليـ دلعـ]

اي والله حتا انا استغرب من ردود البنات
عن ان العروس ماتنام عند اهلها
شي غريب

كلي دلع يابعد قلبي كلامج عين العقل

بس انا سكت بلمره الاولى لمن طقني
بس بلمره الثانيه ماسكت ورحت لامي واهو معاي
وامي كلمته وكلمته وعلمت اخواني
وخواني كلموه
واهو حلف وقسم انه مايمد ايده بعد
وحاليا كلللش مايمد ايده

بس بنات انا تغيرت وتغيرت حيل بعد
يعني اول العرس كله اضحك له واكشخ له

الحين كلللش ماكلمه اذا اهو تكلم اقوله مافيني شي بس ساكته
يمكن يكون كره ويمكن لا

بس بقلبي الصج الصج بقوله لكم
ابي اطلع حرتي منه من اللي سواه لي ايام العرس وشهر العسل اللي ماشفت منه نقطه عسل

يابعد قلبي انتي

الله يهديه لج غصبن عليه ،،،. اي خلج رسميه ومنفسه

ولاتعطينه ويه وثقليييييي وخلج غااامضهً وتنحشي منه

ليدش دار روحي دار ثانيه ع بو مشغوووووله

لبسيه علميه قدره حفيد شانيل ابو الذووق

وحاولي تطبقين كلامي بعضهم ترا يبيله هزززززززززه

من القلب يالله يممشي عدل ،

المهم لاتتهاونين له

 

[!الجادل الصعب!]

وكسر ان شاءلله عروس ماخذها من بين اهلها عشان تطقق فيها
مسوي رجال بعد العرس يعني !!

انتي حاطة شريط حمل و الا كنت بقولج اكلي حبوب مانع
هالوضع غريب و م يطمن صراحه ..


اي غلط منه لا تسكتين اي نغزة من اهله ردي عليها
خير شنو يبون منج .. مسكنينج معاهم عشان المغثه
لت حبيبتي هذا لا بشرع و لاقانون

الناس تخاف من القوية و تحشمها
و تدوس عالضعيفه ..
قووي نفسج

 

[انصاريه قمره]

كلي دلع ما قصرت مشالله عليهااا

وهالنظام الخايس اللي يا امد ايدي يا اطنقر واعقد النونه باللي ما يحفظه خل يطنقر الخايس لو رياال جان ما مد ايده وفرد عضلاته على مره

 

[كليـ دلعـ]

تسلمون حبايبي اللي وافقوني الراي

الله لايهينكم

 

[^^ريهام^^]

الله يفرج كربج ويسخر لج زوجج

انا مثلج صار لي اربع شهور متزوجة

بالخطوبة كان ملاك يموت فيني وطاير من الفرحة وحتى في شهر العسل كان موصدق روحه من الفرحة

بعدها تغير ....

هبه عرس وراحت

لكن انا فعلا مستغربه حالتج

ليش يسوي جذي ... انا أأيد كلام كلي دلع.. شكل الرجال ما يبيج ومو عاجبته ... وع عليه ما ادري شيبي براد بيت

ورسالته في ليلة العرس غريبه ... صدقيني السالفة فيها ان... يا انه تحسف على الخطوبة ويبيج تفلينها علشان ترجعين نص المهر

واعتقد بعد في احد لاعب براسه ويحرشه عليج .... وشكله يبي يطفرج علشان تخلعينه

انت غلطتي مرتين

مرة لما سكتي عن المسج وما كلمتيه ولا عاتبتيه ولا زعلتي ... المفروض زعلانه زعله كبيرة وما تسامحينه الا لما يعتذر ولا ويجيب لج هدية عليها القيمة

والمرة الثانية لما سكت على الطق .. كل شي الا الطق .. تنكسر ايده ولا يطقج.. المفروض تزعلين زعلة كبيرة وهالمرة اهلج يتدخلون ويأدبونه ... يا القهر انا لو منج اطلب الطلاق على طول ... البنت معززة ومكرمه ببيت اهلها .. يجي واحد ياخذها علشان يطقها .. عسى ايده تنكسر

انت الحين حامل .... والفاس طاح بالراس

روحي بيت اهلج ولا ترجعين له الا اذا اعتذر قدام اهلج ويعطيج رضاوة تكسر ظهره اذا يبيج راح يجي يعتذر واذا ما يبيج يا اما يطلقج على اطول او يطين عيشتج علشان تخلعينه

الله يسهل عليج ويسخره لج

 

[امـ خــزامـى]

مشاااكلك بكوووووووووووووووووم


وانك حملتي بكوووووووووووووووووووووووووووم ثااني



جد جد لاتعليق

 

[عاشقة هواك]

الله يهديه

 

[يارب دبرني]

يابعد قلبي انتي

الله يهديه لج غصبن عليه ،،،. اي خلج رسميه ومنفسه

ولاتعطينه ويه وثقليييييي وخلج غااامضهً وتنحشي منه

ليدش دار روحي دار ثانيه ع بو مشغوووووله

لبسيه علميه قدره حفيد شانيل ابو الذووق

وحاولي تطبقين كلامي بعضهم ترا يبيله هزززززززززه

من القلب يالله يممشي عدل ،

المهم لاتتهاونين له

ههههههه عجيبه ( كلي دلع )
اقنعتيني جد جد
اقولج
چان زين انتي اختي ، اللي عندي مدلعيني تعالي زفيني خل افهم ههههههه