زوجي او النرس؟؟

[طيبة83]

السلام عليكم

قوة بنات

بغيت اتشورون علي في موضوع

انا سلمكم الله عندي بنت الله يحفظها عمرها 4 شهور وماشاء الله عليها شوي عسرة ونومها عكس في اليل كلش ما تنام وتستعسر. وانا وااااااااااااااايد تعبت من هل موضوع ونفسيستي تازمت صرت دايم متنرفزة ومعصبة ومرات افكر افكار مب زينه او اظل ابجي

المهم هل شي اثر في علاقتي مع زوجي بدت تصير بينا مشاكل وهو يقول هملتيني وهملتي نفسج:eh_s(16):

عاد انا فكرت اييب نرس في اليل عشان تساعدني بس المشكلة انا ساكنه مع اهل زوجي وقسمي كله مفتوح علي بعضه مافي خصوصيه
وزوجي قال اذا بتيي نرس بيروح ينام داخل بيتهم علشان ناخذ راحتنا

وانا احس صعب انام بمكان وهو بمكان، يعني كفاية الفتور الي صاير بينا اخاف اذا طلع تزييد المشاكل

انتوا اش رايكم

اييب نرس ولا لا؟؟؟

وشلون انظم وقتي بين زوجي وبنتي؟؟؟؟

وبنتي متي يعتدل نومها؟؟؟؟​

 

[أعرفك نفسي]

ضبطي نومة بنتج ،، حاولي الصبح تلاعبينها ولا تخلينها تشبع نوم بالنهار
وبالليل عطيها دوا ينومها وانشالله تتعدل نومتها ،، وانتي ضبطي نومتج معاها
واذا رد ريلج من الدوام جابليه ودامج مع حمولة خلي بنتج شوي عند حمواتج او خالتج لو ساعتين باليوم
واهتمي بنفسج لو بالغصب لو بالجذب لا تهملين نفسج جدام الريال دير بالج ،، وترا انا ما صرت ام للحين بس دايم اسمع بعد ال ٦ اشهر تتعدل نومة البيبي
وانتي ميخالف ضغطي عل نفسج وانسب سالفة النرس ،، بروحه ريلج مبعد عنج ما تبين تبعدينه اكثر وتخسرينه

 

[باااربي]

ماله داعي نرس راح تتعدل نومتها عقب فترة عادي بس يمكن بطنها يعورها
او متضايقة عشان جذي تستعسر شربيها ماي غريب يخدرها واتنام

 

[فوفو22]

حاولي تضبطين نومتها بالليل

خليها تبجي اول الليل لا تومينها

لعبيها وايد اول الليل خل تتعب

علميها على التسبح بالليل لانه الياهل بس يسبح يحب يشرب حليب وينام نومه طويله

وما افضل نيرس بهالعمر

ومن الاساس لا تطلعين من الغرفة

يا جماعه خلو ازواجكم يتعاونون معاكم بالاهتمام والتربية

فوفو

 

[ماردك لي]

الله يساعدش اللبنات كفو ووفو واني بعد مانصح احد يربيها غيرش ..

 

[aldanaha]

لاتخلينها تنام بالنهار وليما تيي حزت الليل سبحيها وشرييها وتنام

 

[لذة الشوق]

انا اشوف امي الله يخليها لي تاخذ الصغير وتدهنه بزيت زيتون يعني زي المساج وبعدين تربطه مدري عاد وش تسمونه انتم وتشربه يانسون وينام مايصحى الا الصباح انتي حاولي تسوين الطريقه ويمكن علشان الوضع جديد عليك متأزمه بس راح تتعودين وهو يتعود والله يجيب الي فيه الخير

 

[Om_Ksha]

نفس الحال .. وبنتي عمرها 9 شهووور !!!!!!!!!!!! مادري متى تتعدل نومتها ,,

 

[دلوعه مكه]

ايش هو النرس ؟!!!!!!!!!!!

 

[Gifts&Occaions]

نظمي نومت بنتج وماانصحج تيبين النيرس
دلوعة مكة نيرس = ممرضة

 

[aloooya]

مثل ما قالوا البنات

 

[محتارة وبصيح]

اممممم حاولي تعدلين نوم بنتج

 

[shak!shoka]

تييبين النيرس بليل ؟ علشان تنوم البنت ؟
ما فهمت
بس كلش السالفه مو محتاجه
٤ شهور طبيعي هاللخبطه

عيل ما شفتي معاناتي لمن كمل ولدي سنه يالله فهمت شالطبخه
صرت اتعبه و العبه و اخر شي اسبحه وشوفي النومه مشاللللله

عادي لا تكبرين الموضوع يبيله شويه صبر

الله يخليها لج

 

[kuwaitya_zoGaa]

انتى مشكلتج نفس مشكله زميلتي
وعطوها الحل وارتاحت الفال لج ان شاء الله
اول شى بنتج الساعه 9 او 10 قاعده من النوم ليما الساعه 1 الظهر نوميها كسرت نومه بو ساعه
وبعدين رجعي نوميها الساعه 5 هم ساعه ليما تصير الساعه 9 بليل او 8 الا اهيه خلاص تقط روحها بس ادور النومه عاد اهنيه نوميها نومة الليل

 

[عميمة]

لا تعودين ريلج على فراقج

ادا تعود صعبه يرد

ريلج اولا من النيرس

وانتي لعبي بنتج عشان تدوخ مو كل مامليتي منها نومتيها و بعدين تشتر عليج بالليل

ولا ادا كلش كلش عطيها ماي غريب يدوخها

 

[زوجة عزيز]

up up up

 

[فاهييه]

وبالليل عطيها دوا ينومها

:rgewrg:

 

[يارب اشرح صدري]

لعبيها واذا نامت بالنهار لاتطول بنومتها وبليل سبحيها ونشفيها عدل ودير بالج من التكييف راحت تنام وتقعد الصبح تبي رضعتها

 

[@ نجمة العطااا @]

٤ شهور تقدرين تعدلين نومتها لا تنام من بعد الساعه ٥ العصر حاولي فيها
لا عبيها ونسيها الي ان تجي ساعه ٨ سبحيها ودهنيها بزيت زيتون ومهديها وبأذن الله بتنام نومة العافية وتقوم علي ٣ او٤ تبي حليب عطبها وترد تنام بإذن الله

بس عاد مو كل يوم سبوح عشان ما تمرض بس اتخذي نفس الطريقة من بعد ساعه ٥ مافي نوم حتي ساعه٩ او ٨

 

[مقمش لولو]

اليهال احيانا الى الست اشهر نومتهم متقلبه

حاولى تلعبينها بالنهار وتناغينها لاتنام ازعجيها بالليل شربيها حليبتها ونوميها يعنى بالثنعش طبعا راح تقوم
بالثلاث تبيى رضعتها رضعيها وخل تنام مره ثانيه احسن لج