زوجي او النرس؟؟

[FeShinGoOo]

اشدعوه نرس حبيبتي شالدلع ؟؟

ترى اغلب اليهال باول شهورهم جذي انا كل الي مرو علي يعانون من نفس مشكلتج بس مايابو نرس بروحه على قولتج ريلج يحس بقصورج وبعدج عنه بعد بتطلعينه من البيت ..!!

لا حبيبتي انتي حاولي تنظمين نومت بنتج لاتخلينه تشبع نوم بالنهار ولما يصير الليل تكون واصله حدها تبي تنام وهم مافيها شي اذا خواتج ساعدوج بمسكتها مثلا طلعي مع زوجج يوم بالاسبوع وخلي اختج تمسك بنتج تساعدج مافيها شي ولله

 

[طيبة83]

يزاكم الله خير كل الي ردوا علي موضوعي

رفعتوا معنوياتي

خلاص ان شاء الله بطبق الي قلتوه والله يستر

 

[Rawonah]

حبيبتي فتره وتعدي حاولي تتحملين شوي

 

[خالف تعرف]

اخذي ماي غريب من لندن يكون اصلي عقب الرضعه عطيها وراح تغرق في النومه لي باجر
لكن النيرس اييبونها حزت النفاس مو عقب مايكبر البيبي

 

[fdeet_shosho]

شوفى اهم شي سبحيها وادهنيها بزيت زيتون جسمها كله واكثر شي بطنها عشان لو فيها غازات ترتاح وعقب لبسيها عدل وعطيها رضعتها وان شاءالله بتنام وهى مرتاحه - بس ها من عقب الساعه 5 المغرب لاتنومينها حتى لو تبي تنام وبجت تحمليها يومين وراح تتعود وعلى الساعه 10 سبحيها وبدليلها وان شاءالله تنام وهى مرتاحه وماتزعجج
وترا البيبي يبيله وقت يتعود على نظام النوم اللى احنا نبيه

 

[نور الكوثر]

عطيها دوا بي بي كال او ماي غريب

 

[Melazlaza]

حرام لا تعطينها ادوية بس ماي غريب وعند اللزوم لو تآذت من الغازات
كل الموضوع انج مو مستوعبة الحياة اليديدة كلنا جذي اول بيبي يعفسنا بس مع التعود حتى ريلج بياخذ عالوضع وحاولي تدخلينه بتربيتها خل يناغيها معاج ولا تنام من عقب ست المغرب ما ايي الليل الا مهدود حيلها الله يحفظها

 

[اميره1980]

حبيبتي عفيه عليج قلب تتركين بنتج حق وحدة غريبة تعتني فيها و تنومها

بذلي مجهود زيادة و عدلي نومه البنت علشان لا تسهرج بليل و من يصير المغرب لا تخلينها تنام كلش و سبحيها بماي دافي قبل النوم و دهنيها بلوشن جونسن باللافندر قبل النوم علشان تدوخ و تنام و شربيها حليبتها و خلاص
حرام عليج بهالعمر تخلين وحدة غريبة تعتني فيها

 

[pusy cat]

فتره وتعدي بس تكبر البنت جم شهر انشالله تخف من عسارتها

وفهمي زوجج هالشي البنت توها صغيره يعني تعب وماكو نوم وهالشي طبيعي وكل الحريم يهملون روحهم بهالفتره لأن البيبي مايعطيج فرصه

فهميه هالشغله ولا تتضايقين بس لانج مو متعوده باجر اتعودين انشالله هذي نعمه من ربي عسى الله يحفظها ويخليها لكم انشالله

 

[شواخي]

امبيه نفسي

ماعرفت لها الا عقبببب

ترضعين صح ؟

ركزي عالمميه بالليل لا ترضعينها بالليل الا اول الليل

بسوي لج نظام ،،،

الصبح تقوم 8 قومي وياها ،،

خليها قاعده تلعب ..

رضعيها من صدرج عقب عطيها مرضاعه

خلاص الساعه 12 تلقينها نايمه ،، قولي بتقوم لج الساعه 2 الظهر ،،بعد وكليها

بتقعد لين 5 او 6 ،، عالساعه 7 سبحيها و عطيها ينسون شوي و اذا موعد حليبتها عطيها بعد ،،

انصحج بالمصاصه !

ولازم اتجدين البنت تعرفين شنو يعني؟ اتطلعين الغازات تقلبينها على بطنها ،،

و بالليل خلي المراضيع يم راسج و الماي الحار والمصاصه و لبسيها طويل اوفر اول والمكيف مو حار تذبحينها الياهل يحب المكيف الزين مو البارد بعد تمرض

وحليبها يمكن مو زين لا تقولين لي نان اخذي ليبتوميل سويسري وايد زين

ويبي لج خدامه مو لازم نيرس

 

[بيتي بوب بس كويتيه]

والله انا ولدي من عمره 4 شهور وانا معدله نومته اجبره انه يقعد بالنهار بنام بس ينام ساعتين لماصار ما ينام الا بالليل نومه وحده
بس كله بالتدريج علمته
صج تعبت على ما تعدلت نومته بس اخر شي ارتحت
وكاني الحين بييب الثاني ونرد معانات السهر

 

[جادل سبيع]

قعديها بدري يعني حزة قبل الغداء اشوي تلعب وتتعب وتتغدا وخليها اتقيل ساعه ونص ساعتين نصيحه القيلوله اتساعد ع نومة الليل الهانئه وابدراسه ببرنامج التفاح الاخضر ايقولون القيلوله اهي السبب الرئيسي لنومة الليل المريحه الطويله المتواصله عقب قعديها تلعب وتاكل وخليها عند التلفزيون او ابقعاديتها وياك وخلصي شغل بيتك وقبل العشاء واهي معاك اهتمي ابنفسك كشخي وتعدلي لزوجك وعدلي بيتك واهي بتكون نعسانه او خلاص تبي اتنام عشيها وسبحيها ودهني جسمها ابزيت جونسون قبل النوم حللللللللو وحيل مريح وريحته حلوووه وبعديها عن المكيف واحياننا دهني جسمها ابزيت زيتون قبل التسبح ابوقت ودفيها واضغطي بخفيف من تحت صدرها ومشي ايدك لي تحت بطنها بالزيت اشوي شوي مو اتعورينها حلوه هالحركه اتطلع الهوا اللي امتعبها وامعكر نومتها ودفيها ترى المكيف حتى لو مو حيل بارد والله متعب للصغار وباذن الله نومتها هنا وعافيه والله ايخليها لك ويرزقك برها وايسخرك لزوجك وايسخره لك....
وبعد شربيها باليوم او كل 3ايام ممية يانسون حليه بسكر النبات لي رقم 2 او اهرسي تمر في اشوية ماي وصفي الماي وحطيه بالمميه لي رقم 2 او 3 اليانسون يطرد الغازات والهوا من البطن فترتاح ابنومتها والتمر الله وكيلك انا اعطيه بناتي مشاءالله اينضف ابطونهم وبترتاح حيل عليه لا مغص ولا شيء والتمر اذا ماجاها منه خير مايجيها منه شر باذن الله هذي طريقتي مع بناتي والله يصلحهم نومتهم من احسن مايكون تبارك الرحمن اسهر لي 2 او 3 مع زوجي واننام متاخر ونقعد ع ال11 او ال10 ونص واهم نايمين والله اليانسون وماي الغريب والاكل المعتدل الصحي والنضافه هذي اساس حياة الطفل .

 

[PuPa^^SWeeT]

ليش اتيبين نرس احنا نفس الشي مرينا بس ضبطنا نومتهم

انا بناتي اضبط نومتهم من شهرين


اول شي حليب نص الليل هذا شيليه من قاموسج


بنتج قعديها عالساعة 7 8 الصبح ولاعبيها عدل لين الساعة 2 تقعدلج الساعة 4

بعدييين لاعببيها و ونسيها و عطيها العاب عالساعة 10:30 11 سبحيها و عطيها حليبتها و تشربها كلها و اتنام

ودفيها عدل علشان اتنام زين


وبس هكذا


ماراح تضبط وياج بسرعة بس انشالله مايي 5 ايام ولا اسبوع الا اهيا متنظمة

 

[Om_Ksha]

اوف ابي استوعب كلامكم مو عارفه شلون اطبق !

 

[حكستار]

لا تجيبي نيرس
وبنتج بيتعدل نومها مع الوقت...دخلي في جوجل وشوفي مواقع عن افكار لضبط نوم الطفل وراح تفيدج....ولا تخلي زوجج ينام بمكان وانتي بمكان....خطر على علاقتكم.
عسى ربي ييسر امورج.

 

[a7la-elbanat]

انتي امها واولى برعايتها والاهتمام بصحتها
عرضي بنتج لطبيب اطفال متخصص وانتي حاولي تضبطين نومها شوي شوي وراح يصير اوكي
الله يوفقج

 

[Om_Ksha]

والله امس بنتي من الساعه 2 بلييييييييييل لي ال11 الصبح سهراااااااااااااااااانه

ريلي عصب وقال ضبطي نومه بنتج ولا بيب سستر !! قلت له ماله داعي السستر بحاول فيها ولي تعدل نومها اخليها تنام مع الخدامه !! شسوي بعد ((((((((((((

 

[طيبة83]

والله امس بنتي من الساعه 2 بلييييييييييل لي ال11 الصبح سهراااااااااااااااااانه

ريلي عصب وقال ضبطي نومه بنتج ولا بيب سستر !! قلت له ماله داعي السستر بحاول فيها ولي تعدل نومها اخليها تنام مع الخدامه !! شسوي بعد ((((((((((((

الله يكون في عونا بس

انا طلبت لي كتاب من امازون عن نوم الاطفال ومشاكله وااايد يمدحونه

ان شاء الله لي وصلني بترجمه وبحطه في المنتدي

والحين انا قاعدة اطبق الي قالوه البنات

بس تعور قلبي تظل تفرك ويهها تبي تنام بالنهار والله رحمنا بالعيد صرنا نطلع بالنهار وما قامت اتهنا في نومتها عدل

اما عن زوجي

فعطاني السين وبيسافر مع ربعه:bbbiu:

 

[Om_Ksha]

انا من عقب امس وشلون بدعت فييينا
عاااد اليوم اول مره اسبحها بليل والحين نايمه والله يستر لاتقعد من غير شر ،،
انشالله انشاااالله تكملها لييي الصبح

والله كريم ،، بجرب كذا طريقه اخر حل النيرس صج علا طاري النيرس عندج رقم وحده زينه ؟؟

 

[منى وبس]

انا نفس المشكله وعمر ولدي ثلاث شهور وكنت هم حدي هاملته بس اللحين ادهنه بزيت زيتون واخليه يلعب لين يتعب وامهده واشربه ينسون وبعدين ماء غريب عند الصيدليه او اذا تخافين يقولون قوي اشوي عالياهل في دوى غازات عند اي مستوصف وصدقيني بترتاحين وبتجابلينه عدل ولا يسير بعدين اتسوين جو خاص وليلات حمره هههههههههههه بالتوفيق