زوجها قالها اسمحيلي انا بنحــرف !!

[Patcholli]

ماشاء الله معاشه راهي واهي موظفه ليش مايحطون خدامه تساعدها بالبيت ؟؟

واهي تجابل ولدها وريلها ؟؟

 

[DooDii4]

تنظيم الوقت وخل تتنشط مبينه كسولة ما يصير

 

[[ نور عيني ]]

-


مثل ما قالو البنات

 

[كويتية بروما]

والله شكلها اهي ماتبيه
خل تنام المغرب ساعه ونص وتجابله بليل
اهو بعد يداوم عيل ما يباشرها بحجه الدوام
انزين بالويك اند هم بعد تداوم
لا تزعلين شكلها اهي متملله من الريال وما تبيه

 

[كويتية بروما]

سؤال تنام من الثمان لحد الصبح سبع ماشاء الله عليها ماتتعب من النوم جسمها وراسها ما يعورها من كثره النوم تنام 12 ساعه تقريبا عفيه صحه عليها فيها مرض اسمه خياس النوم

 

[brettey]

شوفي مو عذر الوظيفه ان يخليها تهمل زوجها
ترجع من الدوام خل تنام لها اقل شي ساعه او ساعه ونص وبس تقوم من النوم تتفرغ لبيتها
ومو معقوله ماعندها خدامه
خو الكل عنده خدم ومعظم الحريم موظفات موعذر الصراحه
زوجها ماينلام بس لاتطلع من وظيفتها المعيشه غاليه

 

[A7la-3roosa]

عياره اسمحيلي تقريبا كل الكويتيات موظفات ومتزوجات محد سوا سواتها
عيل شتقولين أنا رفيجتي للحين تدرس بالجامعة كلية هندسه ما تخلص كلاسات الا العصر ودراستهم يبليها مجابل بس منظمه وقتها

 

[جذابه بنت ذيابه]

خل تنظم وقتها


يعني تقعد للدوام ..
وبعدها ترجع تتغدا اذا زوجها نام الظهر تنام .. وتقعد عالخمس تجهز قهوه وجاي و حلا .. وتلعب مع ولدها
وتتقهوى مع زوجها .. و لا جت الساعه 8 تنوم ولدها و تتفرغ لزوجها للساعه 11 و بعدها تنام للدوام وهكذا



نصيحه لا تهد وظيفتها بس خل تنسق وترتب وقتها .. و حقه الشرعي لازم تعطيه ..!

 

[baby lolo]

اب اب اب

 

[معي احلى]

ماادري بس نظامكم غير عندنا .. >> بمعنى الشغاله ضروريه .. بالخليج ..


والا بصراحه رجال جاء يقول عنده استعداد للانحراف اجيب له واحده باسم انه تساعدني .. ممكن بعدين تخرب بيتي وتلف على زوجي .. هي بالاخير انثى ..



الشرع يقول انه المرة تعطيه حقه حتى لو هي على التنور .. طالما زوجها مش مقصر معاها بشيء .. تشتري بيتها وراحة زوجها .. واذا كان على الكماليات .. تعمل زي الاخوات التاجرات بالمنتدى .. تشتغل بالتجارة من وسط بيتها( لو حتى مندوبه لتاجره ) ولها عموله .. .. تزيد دخلها ,, وهي مرتاحه و,, ومريحه زوجها ..


راحة زوجها الذي مش مقصر معاها .. افضل من انه تقتل نفسه بوظيفة .. وبيت وزوج وتقصر في حقه .. ممكن ينحرف على كلامه .. وينقل لها امراض .. او ممكن يرجعها بيت اهلها .. بعدين وظيفتها بتخليها تندم .. لانه لو نقلها مرض من بنات ابليس من بيرد لها عافيتها ..لو تدفع ايش مادفعت .. ولو طلقها او تزوج عليها .. لا هي بترتاح نفسيا وا المجتمع بيرحمها ..



اشوف انها تترك الوظيفة وتشوف بديل لزيادة الدخل من البيت .. هذا رايي وهي صاحبة القرار الاول والاخير ..

 

[om MaRyooM]

الوظيفة مهمه طبعا .. بس خل تييبلها خدامة

الغلط منها مو عارفة تنظم امورها @@
في ناس عندهم كود يهال ودوام حتى بالويكند والعطل والامور ماشية

وخل تستعين بالله وتتسلح بالدعاء وانشالله حلها موجود .. بس تنسق وقتها

 

[غمااازات]

لازم في خدامه تساعدها شوي ، ام زوجها وامها ، خواتها ، انا نفس حالتها ونسقت اموري الحمدالله ،

 

[صاعقة بيوتي]

شكلها ماعندها خدامة انا انصحها تترك وظيفتها الين يدخل ولدها الحضانة وبعدين ترد للوظيفة وتييب لها خدامة وبالصبح تخليها تنظف وتطبخ والظهر اهي بترد مع ولدها تحممه وتاكله وتنيمه واذا صحى يلعب بغرفته وتخلي الخدامه عنده والباب مفتوح، وبالهفتره تقعد عند ريلها انا عن نفسي مااييد ابدا اني اخلي ياهل بالبيت بروحه مع الخدامة. واللي تقول خلها تنظم نفسها انا اشوف شغل بيت مع وظيفة صعب لازم احد يساعدها

 

[غارقة بأحزانها]

انا ماقريت الردود صراحة
بس مو لهالدرجة يعني اذا مو اكلنا اغلبنا موظفات
ومانقصر مع ازواجنا بهالشي
خل تنسق
الحين اهو معصب لا تفنش ولا شي بس خل تاخذ اجازة
حتى لو بدون راتب تراضيه فيها وتعتذر منه وتوعده انها تنسق

عاد الريال ابو الانانيه معندوش يمه ارحميني اي تقصير يسويه حجة عليها

 

[شوبارد قطر]

هذا عندها واحد و مب قادره تنسق
عيل احنا شنقول ...
الله كريم ... نمظم وقتها وتعوض النوم بالويك اند ... وتعطيه حقه ... وتحط الولد بمدرسه
وتحاول تطلب من زوجها فرصه لتريب وقتها

 

[نـعـومـه]

كل البنات موظفات لازم الوحده تنسق وقتها

بس مهما يصير زوجها المفروض مايقول جذي عيب عليه

وسالفه الوظيفه ترا 1000 دينار مايعتبر معاش راهي بنسبه للمتزوج وعنده ولد ويصرف على مرته !! فضروري الوحده تشتغل

 

[غلآ نوآف]

الله يعينها شكلها موقادرة تنظم وقتها بين الشغل وولدها وريلها

اشوف لو تجيب مربية تساعدها مع طفلها
وقت ماهي راح تنام او ترتاح
لكن ماتطلع م شغلها

 

[Dubai-Girl85]

أنا رايي انها تهد شغلها... خصوصا انه معاشه زين... ومع احترامي فحتى لو نظمت وقتها في النهاية بعد
ما بتعطيه اهتمام كافي... أنا كنت اشتغل,, وصراحه اضطريت اني اهد شغلي... مع اني مرتبه ومسوتلي
جدول متقيده فيه... بس من عقب ما يلست في البيت قمت اهتم بزوجي اكثر.. واسويله شغلات اكثر
حتى هو مستانس عدل من الموضوع...
الزوج اهم من اي شغل واي معاش وكماليات... وزين منه انه يه وصارحها بالموضوع.. تبوس ايدها ويه وظهر
وفي هالزمن احس الحرمه وايد احسن الها تيلس في بيتها وتربي عيالها عدل... هالزمن وايد صعب وفيه بلاوي ازيد
وفي النهاية خلها تفكر عدل.. وتشوف اللي يناسبها!!

في كتاب اسمه: اكتشفي السعاده الزوجيه عبر العناية الخاص بزوجك - للدكتوره لورا شلسنجر
انصح كل متزوجه وخصوصا صاحبة المشكله انه تقراه.. انا هالكتاب خلاني صدق اقتنع انه الحرمه افضل الها
انه تيلس في البيت وتجابل ريلها وعيالها وبيتها..

وبالتوفيق​

 

[L A T T E]

تحول حق وظيفة من هالوظايف اللي مافيها دوام او بس طق كرت ورد بيتكم!

 

[سحابة صيف12]

الله يصلح امبينهم ان شاء الله

عليها بالاستخااارة