زوجها قالها اسمحيلي انا بنحــرف !!

[المكسيكيه]

الله بالعون

 

[انونا]

يا انه تنظم وقتها
او ان تطلع من دوامها اذا ريلها مو مقصر عليها

 

[نونه المنكوشه]

الله يعينها بس خل ايب خدامه اتساعدها بشغل البيت وحزت العصر اتنام وتشبع نوم علشان تفضي حق سي السيد ريايل العازه شنو ع ريحه

 

[pusy cat]

من كلامج واضح انها ما عندها خدامه واهي اللي قاعده تشتغل بالبيت

اذا السالفه جذي خلتجيب خدامه مو معقوله موضفه وتشتغل شغل البيت وتتسنع حق زوجها وتجابل الولد حشا قراندايزر

 

[Bloom]

حبيبتي اذا امرها تفنش خلاص لازم تفنش لانه مايجوز تعصيه

 

[Tom ♥ Jerry]

.

اهم شيء !


خل تضغط على عمرها عشانه كلها ساعه وياه
وتلبس وتكشخ بعد شتسوي
بس وظيفتها لا تخسرها بعد
راح تقدر توفق بين الشييئين

 

[t.o.o.ot]

ماراح ازيد على كلام البنات كل البنات موظفات والحمدلله امورهم تمام اذا على كذا كل الازواج بينحرفوووووون !!!!!!!!

 

[al-musk]

كل الحريم يشتغلون والسالفه بس يبيلها تنظيم وقت .. عادي

 

[miss_jamsheer]

ليش ماتييب شغاله تنظف لها البيت وتهتم بالغسيل والتنظيف ولما ترد اتبدل وتتسنع وتقعد مع ريلها مايمنع تنام بوساعه

 

[غزلان-2]

ماينفعها باجر غير معاشها محد دايم غير وجه الله
---واهو وقح لان مواسلوب واحد محترم يحاجي زوجته ام ولده
---------
الله عطاه عقل ولسان يقعد يتفاهم معاها ينظمون وقتهم مع بعض يقولها اللي مكدره
مو سيده بنحرف؟؟؟

اهو شنو دينه او مذهبه مومسلم وين الاخلاق والموده والاحترام

واهي بعد الله يهداها معقوله طول الاسبوع ماتعرف تاخذ نفس؟؟؟
عيل وشحقه حاطين ويك ان؟؟جمعه وسبت

اسمحيلي مافي منطق لا عنده ولا عندها

بس خل تقضب وضيفتها ولاتتنازل عنها لان باجر محد بيفيدها دام حضرته قال بنحرف

في شي اسمه تنظيم وقت وجمعه وسبت عطله وتنام العصر تريح عشان تجابله ومايلقاله عذر

 

[جوري 2007]

كلنا نشتغل وعندنا بدال الياهل 2 و3 و4 والحمدلله امورنا تمام وماكو تقصير باي جانب

عندها ولد واحد وجذي محتاسه !!

خل تنظم وقتها وكل شي يصير اوكي

 

[popa]

اهيه اشلون تقولج هالسوالف الخاصه ماتستحي لمن تشوفينهم اتقولين بقلبج مايسوون جماع صارلهم 3 اسابيع ؟!!!
شي غريب بصراحه
وكلنا موظفات والحمدالله الله يعافي الخادمه تطبخ وتنظف وترتب واهي ماعليها غير ولدها وزوجها وتتكشخ شعندها بالله ؟!!
ومنو الموظفه الحين الي ترد البيت تخم وتغسل وتطبخ وتنفخ وتسوي اوتي وتغسل هذي انا بحسدها بصراحه وتجابل عيالها وزوجها وتتكشخ هذي الامراه الخارقه صراحتا
يا تشتغل بالدوام ياتشتغل في البيت عشان تقدر تجابل زوجها وعيالها ويشم فيها العطر الحلو والشعر المرتب والايد الناعمه والدلع

 

[دلوعة حمني]

شوفي حبيبتي ... زوجها يحبها و فاقدها ... من جذي قالها بويها هالحجي...
اذا تبي الوظيفة خليها تطلب من زوجها فرصة لمدة شهرين و تضبط امورها بخلال هالفترة و تثبت له انها قادرة على الشغل و على البيت و قادرة تهتم فيه و بولدهم..
اذا ولدهم 3 سنوات خليها تدخله حضانة سنعة يتعلم و تنتظم حياتهم شوي...و تنام لي طلع زوجها و قبل لا يرد تقوم تتسنع و تجابله

الله يعينها

 

[Red Al Rainbow]

آنزين ع آلآقل في آلويييك آند ؟؟

><