زوجها قالها اسمحيلي انا بنحــرف !!

[t0o0fa]

ْ السلام عليكم ورحمة الله ْْ

يا بنات هذي قصة بنت خالتي مع زوجها اللي هو ولد خالتي بعد ..

في بداية زواجهم البنت كانت ما تشتغل لمدة 5 سنوات

و كانت شايله زوجها بعيونها كلشي تسويه على اكمل وجه

من نظافة و ترتيب و عناية و جميع حقوقه الشرعية

و ما عندهم الا ولد واحد لانه عندهم مشاكل بالانجاب

بعدها الله وفقها و اشتغلت ..

طبعا نظامهم تلخبط .. المره ترجع تعبانه بس ما تنام تخلص اشغالها ومرات اذا حاولت تنام ولدها ما يخليها كل شوي ناط لها وزوجها احيانا يطلع العصر .. و ما تطق الساعه 8 الا المره تبي تنام

صار في تقصير شوي في امور البيت و غيره .. و الريال يطوف .. بس المشكلة انه صار تقصير بحق الريال الشرعي { الجماع } .. لدرجة انه مرت 3 اسابيع ما صار شي ..

تفاجئت بالريال ياي يقولها إما انج تفنشين ولا ترا اسمحيلي انا بنحرف !! و عندي استعداد اروح مع أي وحده !!

المره انصدمت و مو عارفه شتسوي ..

اهو معاشه زين بحدود ال 1000 يعني يقدر يوفر لها الاساسيات

بس الحين الحياة غاليه المره تبي سياره تبي ملابس و تبي و تبي فـ لازم شوي تساهم من معاشها حق هالكماليات

انا نصحتها انها ما تطلع من شغلها أبدا ً و تحاول تنظم وقتها ..

الحين انا ابي مشورتكم شتنصحونها فيه ؟؟

تكفون ترا البنت نفسيتها صفر و مو عارفه شتسوي ​

 

[شادن33]

اهي خربت على نفسها تبي الوظيفه لازم توفق بين بيتها وريلها وماتهمل ريلها
ولا الريال الصراحه عنده حق يبي حقوقه الشرعيه اشعليه من شغلها

 

[ام زهقانه]

لا تخليها تقنع انها راح توفق مع بيتها زوجها
الله يصلح احال

 

[طيوبته]

تاخذ اجازه مؤقته لو شهر وترجع تنظم وقتها لزوجها وولدها وحتى لنفسها
انا اشوف جذي
بس لا تقدم استقالتها !! اذا تنازلت عن هالشي بتتنازل
عن اشياء وايد كل مره !
الله يصلح حالهم

 

[عسل مرت قيمر]

لا تطلع من الشغل بس خلتنظم وقتها وتحاول تهتم فيه شوي وتوفق بين البيت والشغل

 

[ظبية بوظبي]

عادي المساله سهله وما يبالها
تنام فالعصر لين المغرب
وبعده تصحصح
وين المشكله
ترى بقولج شي الرجال اهم شي عندهم الفراش .. وبعده ..باقي الامور
فهي لما بتقيل بترتاااح
وبتفضاله فالليل
وانتهينا
لا وبعد لو تسويله كل ويك اند واجازات سواليف اكسترا صدقيني بينلحس عقله

وطبعا لاازم تجيب لها شغاله

 

[kanoosha]

لااااااا لاتسمعله وتفنش الوظيفه اهم شي حق المره حتي لو معاشه فوف الالف فلوسها غير،، خل اهي اتنظم وقتهاا ختيب خدامه لولدهاااا والبيت وتنام العصر والليل حق ريلهااا تصير نومتهم وحده وقعدتهم مع بعض ،، والله المره اذا بغت تسوي شي تسويه لو شنو يكوووون ،،، الله يوفقهاااااا ويستر عليها يارب

 

[انت العمر كله]

مزبوط كلام البنات فوق خلها تنظم وقتها وفي ويك اند تزبط امورها وضعها بس الوظيفه لا تتنازل عنها

 

[وردة الدوحه]

انزين تكفون بنات أبي حل للي تعاني من نفس المشكله لكن بالعكس

يعني الريال ما يعطيها حقوقها الا بالحنننه وفالشهر مره

هذي شتسوي تنحرف؟؟؟

مستحيل تتطلق لان زوجها زين وعندها طفل

بس المشكله في هالشي شالحححححححل ؟؟؟

 

[13-6-2009]

لا تستقيل خليها تروح مكان يكون الشغل خفيف و مريح و سهل بالاجازات و هالسوالف عشان تقدرترضيه

 

[Gifts&Occaions]

خل تحاول توازن بين شغلها وزوجها

 

[a7la_7b]

الله يعينهااا خليها تنظم وقتها بس لاتستقيل

 

[قطوووة]

اظن 80% من البنات متوظفين ومتزوجين

خل تنسق

 

[zqertya]

اغلب حريم الكويت موظفات وشحلات بيوتهم مرتبه بس هي توها متوظفه فمو عارفه تنظم وقتها يعني يبيلها وقت على ماتتاقلم

لاتطلع من الدوام ولا شي

 

[بولندية]

البنات اكييييييد كفو وفو لاني ماقريت الردود بصراحة

بس كل البنات الحين موظفات ومنسقين بين الدوام و البيت و العيال و الريل

حسب دوامها اذا كان متعب متى ترد من الدوام 1 ولا 2 ولا 3؟؟ اذا كان تخصصها يساعدها انها تشتغل بمدرسة خل تروح هناك

احسن 3 شهور تفرغ حق ريلها وعندها الويك اند خل تستغله حق ريلها ولا خل تسهر مع ريلها و ثاني يوم تستأذن ولا على يوم ترد من الدوام تنااااام و على اساس تقدر تسهر لي بليل مع ريلها ولا اذا سهرت مع ريلها خل تاخذ طبية ثاني يوووم

ولا تاخذ اجازة جم يوم بس لا تخلص رصيدهااا على اساس بين فترة و فترة تاخذ اجازة علشان ريلها لانها يديدة مو قادرة تنسق

والله يوفقهاااا

 

[فوفو22]

محتاجه فقط ترتيب للاهم ثم المهم ثم الاقل اهميه

تجيب خدامه تشيل كراف البيت عنها

وتنظم نومه الولد

وتحاول تنام بوقت زوجها مو موجود عشان اذا رجع تكون مصحصحه له

فوفو

 

[!الجادل الصعب!]

ليش بالغت بالتقصير ٣ اسابيع وهو يبي حيل قويه.!!
اغلبنا موظفات او طالبات دراسه وحوسه وفيه الاثنين موطفه وطالبه
والحياه ماشيه


تجيب خدامه وتنظم وقتها .. وحاليا اجازه قصيره تطيب خاطره

 

[amami al-kuwai]

شوفي حبيبتي يا انها تجيب خدامه او تنظم وقتها

يعني

غسيل الملابس مرتين بالاسبوع غسل البيت من الى مره بالاسبوع

طبخ خو سهالات تقصص البصل والثوم حق اسبوع وتحطه بكيس اكل وبالثلاجه وفي شغلات اتسويها وتفرزنها مثل المحاشي والسمبوسه وما الى ذلك

واذا عالنوم خله تنام ساعتين الظهر وتقعد مصحصحه حق ريلها وخليها تتضبط مو بس تالي الليل

يعني لازم يشم البخور والعطور عليها

 

[أبله أريج]

ترتب امورهاا

 

[Um Tuki]

تحط لعى نفسها ولا تقصر في حق ريلها

ولا تفنش .. تقوله عطني شهر فرضة .. أقدر أرتب نفسي و أعرف اضبط اموري

يمكن لأنها توها مشتغله ماعرفت تقسم وقتها ..

خلها تخلي ولدها يوم في الاسبوع عند اهلها و تتكشخ و تسهر مع ريلها