زوجج يحبج ويموت فيج استحلفج بالله تدشين

[حصة]

توسته محمشة و موزة :

احم احم والله اخجلتو تواضعي واضرين للطيبين والله هالطريقة مجربة والله وصدقيني ان سويتيها وعودتي والله مايقدر يزعل يوم ما يقدر لان حتى ملابسة الداخليه بيتعود معطرتهم ومزهبتهم والحمام وانتو بكرامه مزهبتله الماي الحار لااااااااا وجربي اخذي حوض وسط حطي في نص ماي دافي وغطاتين ماي ورد لما يتسبح قوليله قبل لا تطلع نادني ولما يناديج اخذي الحوض وكتيه على جسمه وقوليله انطر 5 دقايق على ما ينشف بتصير ريحته وااااااو وبيستانس بيشم حتى ايده وبيموووت فيج لانج مخليته ملك :*

 

[لذكرى سأبقى]

لووووووووووووووووووووووووووووووووووووول

 

[مادري ليه]

رد : زوجج يحبج ويموت فيج استحلفج بالله تدشين

اي والله الجمال يمكن يشكل نسبه بسيطه من حب الزوج لزوجته انا حريم اخواني عاديات ومع ذلك اخواني يموتون فيهم ادعولي بنات ان الله لايفرقني انا وياه ويرزقني الضنا امييييين

 

[pusy cat]

الحل انج اتطفين عيونج عن خلق الله وتتركين الحسد عنج وتحمدين ربج على النعم اللي عندج

لو بتطالعين زوج فلانه وعلانه وتقارينينهم بزوجج اكيد ماراح يعجبج

البنت انتي بنفسج مادحتها وقايله ان لسانها حلو وسنعه وطباخه والخ من المزايا والخافي اكثر

لو ماهي خوش بنت جان ما خطبتوها حق ولدكم

والحين يوم الولد حبها استكثرتي عليها !!

لا يبا الجمال مو كل شي والجمال ماله مقاييس كل البنات حلوين بنظر اللي يحبونهم

اخوج كان سطحي بالبدايه وكان يحكم على المره من شكلها بس يوم عاش معاها شاف المزايا اللي فيها فأكيد راح يحبها

 

[ملح بدويه]

ماشاءالله عليها

 

[الفدنه]

ماقصروا البنات

 

[جـــواهر]

انا مو من خبرتي بزواج بنصحج لان انا هم عروس وماصارلي الا شهرين وشوي المهم

1- اول شي يخرب العلاقه بينج وبين ريلج المقارنات .. والله صدقيني طول ما انتي تقارنين بتتعبين وبتعبينه معاج وبتوترين علاقتكم ... اهوا لا شعوريا ساعات تقارنين ليش طلع معاها ريلها وانا ياحظي علي ريلي طالع ولا يدري عني ... لمن ايكلمج لا شعوريا بتنفسين ان مو مسويلج شي زين .. بس لانج قارنتي ... حاولي كل ماتبين تقارنين تلهين عمرج تطردين الافكار من راسج ... قولي انا احبه مثل ما اهوا انا بغيره علشان نفسي علشان بيتي مو علشان الناس يقولون اهوا ميت فيها ....

2- الريال يحب اللي اداريه يعني الي تحوفه اي شي يبيه قبل لا يقوله تيبينه له مثال على الغدا قومي قوليله شنو اييبلك تشرب؟ تبي بيبسي؟ ماي ؟ وجذي حتى لو انتي ماتبين علشان يعرف انج قايمه علشانه ... طلعي هدومه قبل لا يرد من الدوام اذا كنتي قاعده وعطريهم له .... ساليه شودك تاكل عقب الاكل شيبي يشرب خل ايحس انه اهوا مركز اهتمامج ... بس مو معناته تخلينه شغلج الشاغل لووول كل شي بالمعقووول .... دلعي وهديه دلعي وهديه ...

3- اهتمامج بشكلج بالبيت شي وااااااااااااااااااااايد مهم ... لازم يكون شعرج دايما مرتب .. وكل مره غيري مره رابطته مره فالته مره ستريت مره طبيعي ولابسه باند ... مره ويفي ... يعني لاتثبتين على حال ... وحطي مكياج خفيف عباره عن كونسيلر قلوز بلشر فاتح على وردي وبس ....خلي لبسج يتغير اكثر من مره باليوم مرتين يعني لبس حق البيت ولبس لي بغيتي تنامين ...

4- السواااااااااااااالف ... الريال يحب الونيسه الي تسوولف " الاغلبيه مادري عاد يمكن ريلج يحب الهدوء والسكينه ;d" سولفيله وهذري عليه سوالف تضحك .. سوالف تونس .. او يبيله اخبار الناس وعلوم الديره ههه صدقيني بيستانس ....


5- لعبي معاه بوقت مناسب .... من صجي لعبي معاه اونو .. لعبي معاه جنجفه ... لعبي معاه لعبة السنيك ... وغيرها من الالعاب الحلوه الي تضيع الوقت وتسلي بنفس الوقت .. وراهنيه شويه علشان يتحمس معاج ;d

والله من صجي شفتي هلاشياء الي قلتها كلها تحبب الريال بالبنيه ... بيحسها حلوه وسنعه وكيوت وونيسه بنفس الوقت

6- في شغله مهمه بس انا استحي اقولها " العلاقه الزوجيه " خل احد غيري يذكر هلنقطه

وعسى الله يوفقج


ونسيت شغله مهمه واساسيه : الي ماتصلي الله مايوفقها .... التزمي بصلاتج اذا مو ملتزمه فيها واذا ملتزمه فيها عسى الله يثبتج ...


مابي منج غير الدعاء اذا تغيرت حياتج ....

:hjy5jewf:

 

[شباصة حمرا]

حبيبتي انا كاسبه حب زوجي بطيبتي واني شايله امه على راسي لدرجة انه يقول اني حيل ابالغ بحسن معاملتي مع امه بس هي تستاهل وماتقصر معاي من تزوجت وكل دراعتها وحلو القرقيعان مع العيد علي انا ومتى مابغت السوق انا اوديها

وهذا كان سر زوجي الي هو امه
الاحظ انه اذا شافني مسويه شي زين لامه يستانس حيل ويقولي الله ايحرمني منج وهي بعد اذا جابوا طاريي باي شي تدافع عني

..........وبس

 

[لوذان]

بضربلك ميثال اواستنتاج بسيييييييييييييط انتي تقولين سنعه ولسانها حلو وطباخه ليش هذا مو كفايه الرجال يحبها الا يشيلها على راسه بعد صدقيني الجمال مو كل شي يعني بعطيك ميثال واحد من عايلتنا متزوج ماصارله سنتين وزوجته حلوه ماشاء الله بس يقول لاخوي ناوي الثانيه اللي عندي بالبيت جامده مافيها اي مشاعر وبااااااااااااااااااااارده اناا مليت
بالعربي تحرشي فيه خليك فرفوشه بزياده اعزميه على عشا اوغدى برى خططو لسفره اذا تاخر تحرشي فيه مسجات غزل وذوبيه ويااااااااااااكثر مسجات للمتزوجين بالنت اكسري الحاجز اللي بينكم والله يوفق اخوك وزوجتك ماشاء الله تبارك الله
ويسخرلك زوجك

 

[مادري ليه]

رد : رد: زوجج يحبج ويموت فيج استحلفج بالله تدشين

الحل انج اتطفين عيونج عن خلق الله وتتركين الحسد عنج وتحمدين ربج على النعم اللي عندج

لو بتطالعين زوج فلانه وعلانه وتقارينينهم بزوجج اكيد ماراح يعجبج

البنت انتي بنفسج مادحتها وقايله ان لسانها حلو وسنعه وطباخه والخ من المزايا والخافي اكثر

لو ماهي خوش بنت جان ما خطبتوها حق ولدكم

والحين يوم الولد حبها استكثرتي عليها !!

لا يبا الجمال مو كل شي والجمال ماله مقاييس كل البنات حلوين بنظر اللي يحبونهم

اخوج كان سطحي بالبدايه وكان يحكم على المره من شكلها بس يوم عاش معاها شاف المزايا اللي فيها فأكيد راح يحبها

وانتي من قالج اني حاسدتها والا مستكثره عليها الحمدالله والشكر

انا قايله اني حاسدتها

احترمي نفسك وخلي الفاضك راقيه كل يشوف الناس بعين طبعه اكيد انتي الي مبطله عيونج وتراقبين فلانه وعلانه
والا ماقلتي هالكلام

 

[SaD FaCe]

الله يهنيهم ..

البنات ما قصرو

 

[شانتي]

رد : زوجج يحبج ويموت فيج استحلفج بالله تدشين

والله جنج تتكلمين عن اخوي وزوجته الشينه بس لاتتعبين روحك المحبه يوزعها ربي وكل ريال يختلف عن الثاني

 

[غرشة عطر]

بحكم خبرتي ال15 سنه الرجال يحب
الطيبه اللي قلبها نظيف
الهااديه الحنونه موالسانها يلوط اذانها
المرحه اللي ماتزعل بسرعه وفرفشيه
خلوقه مصليه مسميه خايفه ربها في بيتها واعيالها وزوجها
مساعدته توقف وياه بازماته وماتخلي عنه وماتمنن عليه انا سويت وعطيت المره وزوجها مابينهم فرق ولاحواجز
ماتقارن نفسها بحماتها او مرت حماها تري الرجال يكره المره جذي ديري بالج
الفراش تفنني له كل شي يبيه سوي له خليج معاه جنج بايعة هوي موزوجته يعني مافي سحي بالفراش القمصان السنعه الريحه الحلوه واهم شي المنطقه الحساسه تنظيف وبعد الدوره تهتمين بنفسج وتنظفين عدل تري الرجال ينفر من المره اللي ماتهتم بهالمنطقه في كريمات مخصصه للاكان الحساسه لها ريحه حلوه وتنحط علي الرجل والايد ولكل مكان وعطري شعرج بالخمريات العدله ولا بخاخات مخصصه للشعر البسي روب ستان اوحرير ابيض اوسكري ولاتلبسين شي تحته قمة الاغراء واقعدي وياه طالعي التلفزيون او العبي بلستيشن وبتلاحظين انه يراقبج لووووول
و البخور والخلطات السنعه لفراشج وبيتج وحمامج خليه علي طول نظيف وسنع وريحته ديتول وبخي الخلطات الحلوه علي الفوط والحمام كله تري الرجال يحب النظيفه السنعه والاكل سوي لي مالذ وطاب اذا ماتعرفين تعلمي اهنيه بقسم المطبخ كل شي يعرفونه ماشاء الله وجهزي شغله قبل يجي وسنعي السفره / شعرج خليه ناعم مره ومره ويفي يعني مولامته علي طوول تري يمل الرجال من شكلج ومره بلياج ثلجي ومره اسود بس موتحرقين شعرج يعني كل سنتين صبغه او كل سنه براحتج مره قصير مدرج ومره طويل /والضحكه اهم شي ضحكتج خليها علي دلع وانثويه مودفشه كنها ضحكة رجال واهم شي بعد اذا دق عليج كلميه بانوووثه الو هلا حبيبي مشتاقه لك واطلعوا تمشوا وتعشوا بره بس لاتلزقين فيه واجد مره شدي ومره رخي /واهله اهم شي اهل زوجج حبيهم من محبته وخليهم يحبونج مونفس خايسه وتشوفين نفسج عليهم مثل بعض البنات صدقيني اللي تسوي شي زين ربي يعطيها علي النيه الكلام الطيب لخالتج وحمواتج والاسلوب السنع وحبيهم مثل زوجج لانهم اهله واهو عايش وياهم قبل يعرفج / لاتقارنين نفسج باحد تري كل رجال يختلف عن الثاني وحتي الحريم يختلفون مايصير نقارن نفسنا بناس الله خالقهم غير عنا بالتفكير والقلب والمحبه والطبع /الرشاقه خليج رشيقه ولاتخربين جسمج اذا حلو والله الله بالستشرات واللقنز والبديات الصغيره تهبل تطلع موشرط كل مره قميص نوم يعني مره جيه ومره جذيه /والدعااااااااااء ادعي ان ربي يحنن قلبه عليج ويسخره لج واذا يصلي قعديه علي صلاة الفجر وحثيه علي الفروض وصومي وياه النوافل وشجعيه علي التقربب لربه والله اذا تقربتي منه يتقرب منج ويستجيب دعواتج عيشي لنفسج ولزوجج ومالج شغل بغيرج شلون يطالعونج اشلون يعاملونج دعي الخلق للخالق صدقيني بتحسين بفرحه اما اني براقب العالم عزالله مافرحتي وبتصيرين بس تفكرين بهالامه /ولاتزعجينه مكالمات ومسجات خليج ثقيللللللله /
رجلج اذا شاف هذا كله منج بيموت فيج والمحبه تري ماتجي من اول شهر لا مع السنين والعيال والعشره بيموووووت بدبديبك وبالتوفيق ياحياتي

 

[Nauara]

رد : رد: زوجج يحبج ويموت فيج استحلفج بالله تدشين

انا مو من خبرتي بزواج بنصحج لان انا هم عروس وماصارلي الا شهرين وشوي المهم

1- اول شي يخرب العلاقه بينج وبين ريلج المقارنات .. والله صدقيني طول ما انتي تقارنين بتتعبين وبتعبينه معاج وبتوترين علاقتكم ... اهوا لا شعوريا ساعات تقارنين ليش طلع معاها ريلها وانا ياحظي علي ريلي طالع ولا يدري عني ... لمن ايكلمج لا شعوريا بتنفسين ان مو مسويلج شي زين .. بس لانج قارنتي ... حاولي كل ماتبين تقارنين تلهين عمرج تطردين الافكار من راسج ... قولي انا احبه مثل ما اهوا انا بغيره علشان نفسي علشان بيتي مو علشان الناس يقولون اهوا ميت فيها ....

2- الريال يحب اللي اداريه يعني الي تحوفه اي شي يبيه قبل لا يقوله تيبينه له مثال على الغدا قومي قوليله شنو اييبلك تشرب؟ تبي بيبسي؟ ماي ؟ وجذي حتى لو انتي ماتبين علشان يعرف انج قايمه علشانه ... طلعي هدومه قبل لا يرد من الدوام اذا كنتي قاعده وعطريهم له .... ساليه شودك تاكل عقب الاكل شيبي يشرب خل ايحس انه اهوا مركز اهتمامج ... بس مو معناته تخلينه شغلج الشاغل لووول كل شي بالمعقووول .... دلعي وهديه دلعي وهديه ...

3- اهتمامج بشكلج بالبيت شي وااااااااااااااااااااايد مهم ... لازم يكون شعرج دايما مرتب .. وكل مره غيري مره رابطته مره فالته مره ستريت مره طبيعي ولابسه باند ... مره ويفي ... يعني لاتثبتين على حال ... وحطي مكياج خفيف عباره عن كونسيلر قلوز بلشر فاتح على وردي وبس ....خلي لبسج يتغير اكثر من مره باليوم مرتين يعني لبس حق البيت ولبس لي بغيتي تنامين ...

4- السواااااااااااااالف ... الريال يحب الونيسه الي تسوولف " الاغلبيه مادري عاد يمكن ريلج يحب الهدوء والسكينه ;d" سولفيله وهذري عليه سوالف تضحك .. سوالف تونس .. او يبيله اخبار الناس وعلوم الديره ههه صدقيني بيستانس ....


5- لعبي معاه بوقت مناسب .... من صجي لعبي معاه اونو .. لعبي معاه جنجفه ... لعبي معاه لعبة السنيك ... وغيرها من الالعاب الحلوه الي تضيع الوقت وتسلي بنفس الوقت .. وراهنيه شويه علشان يتحمس معاج ;d

والله من صجي شفتي هلاشياء الي قلتها كلها تحبب الريال بالبنيه ... بيحسها حلوه وسنعه وكيوت وونيسه بنفس الوقت

6- في شغله مهمه بس انا استحي اقولها " العلاقه الزوجيه " خل احد غيري يذكر هلنقطه

وعسى الله يوفقج


ونسيت شغله مهمه واساسيه : الي ماتصلي الله مايوفقها .... التزمي بصلاتج اذا مو ملتزمه فيها واذا ملتزمه فيها عسى الله يثبتج ...


مابي منج غير الدعاء اذا تغيرت حياتج ....

اصفق لها بصراحه

صاجه بكل شي قالته

وفي كتاب اسمه رومنسيا زوجيه

اشتريه و اقريه وطبقي الي عليه فيه اشيااء مووووووووووصج !! عجييييييييييبه

اعرف وحده زوجهاا يمووووووووت فيها كل تسوي له الي بالكتاب

 

[عيون سارة]

رد: رد : رد: زوجج يحبج ويموت فيج استحلفج بالله تدشين

الله يوفقهم يارب

 

[Čut!e Quèéи]

عمر الحب ما صار بالجمال

والدليل دايما يقولون الحب عمي

لان الحب ما يشوف الشكل يشووف الرووح

خلي روحج حلوه وكوني واعيه ولسانج ما يطول عليه لو شنو يسوي

دايماً قدريه بكل شي قدري كل شي منه و صبري على كل شي معاه بيني له غيرتج

خلي روحج مرحه تحبين الضحك و اللعب و الوناسه لي شفتيه مضايق سحبتيه على صدرج تشيلين عنه همومه او تشاركينه

كوني ناعمه وهادديه لا تكونين ملسونه او هاملته اهتمي فيه كأنه ولدج الصغير وكليه لبسيه نشفيه

كل هذا اسويه حق زوجي يموت فيني ولا يرضى بغيري ولا يرضى اهله يقوولون علي كلمه او همسه

الجمال مو كل شي والله مو بس انج احلا من مرت اخووج لو انتي احلا بنت بالدنيا كلهااااا اذا ما كنتي خفيفة طينه و سموحه وطيوبه

مالج من القلب نصيب تقربي منها شوفي اسلوبها وطريقتها وراح تعرفين ليش يموت عليها

 

[عيون القرناس]

رد : زوجج يحبج ويموت فيج استحلفج بالله تدشين

المفروض ماتقارنين نفسج باي احد وسبحان الله اللي سخره لها الله يهنيهم ومو شرط تكون حلوه عشان يحبها بعض الحلا مامنه فايده اهم شي الاخلاق والاسلوب واللباقه والنظافه والاحترام تجبر الشخص يحبها والله يهني سعيد بسعيده

 

[يارب نور حياتي]

رد : رد: زوجج يحبج ويموت فيج استحلفج بالله تدشين

الله كريييييييييييييييم الله كريم الله لايحرمنا يارب

 

[lolo2005]

رد : زوجج يحبج ويموت فيج استحلفج بالله تدشين

حبيبتي عسى الله يوفقك ويسخرلج ريلج وتصيرين عيونه اللي يشوف فيها.
بقولك سالفه أمي قالتلي إياها لما تزوجت. في ثلاث أشخاص عندهم خبزتين يبون يقسمونهم راحوا حق رجل حكيم قالوله قسمهم علينا قال تبون قسمت الله ولا عبدالله قالوا أكيد قسمت الله عطى الاول نص خبزه والثاني خبزة ونص والثالث ولا خبزه قالوله شلون جذي قال انتوا طلبتوا قسمت الله وهذي قسمته. مو معنى كلامي انه الله مو عادل معاذ الله ولكن كل واحد ياخذ نصيبه من الدنيا في الفقير وفي الغني وفي متوسط الحال وفي المعدوم وفي اللي سعيد وفي المريض وفي الحزين ولو تساووا كل الناس ماكان راح يكون جنه ونار ولو انتي كنتي مكان زوجة اخوج وسعيدة مع زوجج وحاطج على راسه راح ترضين احد يطالعج ولا يحط عينه عليج ولا يقولج شلون جذي ريلج معاج ولا ليش حظك زين وحظ غيرك شين لا حبيبتي خلج قنوعه بقسمت الله بس حاولي بكثر ما تقدرين انج تحببين ريلج فيج خليه روحك وانفاسج مو بس بقلبك لاء بيني هالشي واذا شفتيه مضايق احتويه واذا فرحان طيري من فرحته وكتمي سره وريحيه وعزي اهله وخليهم اهلج لان الريال تكبرين بعينه لما يشوفك حاشمه اهله ومقدرتهم وحاطتهم بعينك ةلا تقصرين عليه بشي لا دلال ولا طباخ ولا سنع وصدقيني راح تشوفين كل شي يسرج واطلب من ربي يوفقك ويسعدج ويهنيج مع زوجك والله لا يغير على اخوج ويرزقك بسعادة مع زوجك ما مثلها حبيبتي .*

 

[sawaranza]

الله يوفق مرت اخوج و لا يغير عليها انا لو منج اسألها عن السر >> من حزب الطماشه