زوجج يحبج ويموت فيج استحلفج بالله تدشين

[مادري ليه]

رد : رد: زوجج يحبج ويموت فيج استحلفج بالله تدشين

بحكم خبرتي ال15 سنه الرجال يحب
الطيبه اللي قلبها نظيف
الهااديه الحنونه موالسانها يلوط اذانها
المرحه اللي ماتزعل بسرعه وفرفشيه
خلوقه مصليه مسميه خايفه ربها في بيتها واعيالها وزوجها
مساعدته توقف وياه بازماته وماتخلي عنه وماتمنن عليه انا سويت وعطيت المره وزوجها مابينهم فرق ولاحواجز
ماتقارن نفسها بحماتها او مرت حماها تري الرجال يكره المره جذي ديري بالج
الفراش تفنني له كل شي يبيه سوي له خليج معاه جنج بايعة هوي موزوجته يعني مافي سحي بالفراش القمصان السنعه الريحه الحلوه واهم شي المنطقه الحساسه تنظيف وبعد الدوره تهتمين بنفسج وتنظفين عدل تري الرجال ينفر من المره اللي ماتهتم بهالمنطقه في كريمات مخصصه للاكان الحساسه لها ريحه حلوه وتنحط علي الرجل والايد ولكل مكان وعطري شعرج بالخمريات العدله ولا بخاخات مخصصه للشعر البسي روب ستان اوحرير ابيض اوسكري ولاتلبسين شي تحته قمة الاغراء واقعدي وياه طالعي التلفزيون او العبي بلستيشن وبتلاحظين انه يراقبج لووووول
و البخور والخلطات السنعه لفراشج وبيتج وحمامج خليه علي طول نظيف وسنع وريحته ديتول وبخي الخلطات الحلوه علي الفوط والحمام كله تري الرجال يحب النظيفه السنعه والاكل سوي لي مالذ وطاب اذا ماتعرفين تعلمي اهنيه بقسم المطبخ كل شي يعرفونه ماشاء الله وجهزي شغله قبل يجي وسنعي السفره / شعرج خليه ناعم مره ومره ويفي يعني مولامته علي طوول تري يمل الرجال من شكلج ومره بلياج ثلجي ومره اسود بس موتحرقين شعرج يعني كل سنتين صبغه او كل سنه براحتج مره قصير مدرج ومره طويل /والضحكه اهم شي ضحكتج خليها علي دلع وانثويه مودفشه كنها ضحكة رجال واهم شي بعد اذا دق عليج كلميه بانوووثه الو هلا حبيبي مشتاقه لك واطلعوا تمشوا وتعشوا بره بس لاتلزقين فيه واجد مره شدي ومره رخي /واهله اهم شي اهل زوجج حبيهم من محبته وخليهم يحبونج مونفس خايسه وتشوفين نفسج عليهم مثل بعض البنات صدقيني اللي تسوي شي زين ربي يعطيها علي النيه الكلام الطيب لخالتج وحمواتج والاسلوب السنع وحبيهم مثل زوجج لانهم اهله واهو عايش وياهم قبل يعرفج / لاتقارنين نفسج باحد تري كل رجال يختلف عن الثاني وحتي الحريم يختلفون مايصير نقارن نفسنا بناس الله خالقهم غير عنا بالتفكير والقلب والمحبه والطبع /الرشاقه خليج رشيقه ولاتخربين جسمج اذا حلو والله الله بالستشرات واللقنز والبديات الصغيره تهبل تطلع موشرط كل مره قميص نوم يعني مره جيه ومره جذيه /والدعااااااااااء ادعي ان ربي يحنن قلبه عليج ويسخره لج واذا يصلي قعديه علي صلاة الفجر وحثيه علي الفروض وصومي وياه النوافل وشجعيه علي التقربب لربه والله اذا تقربتي منه يتقرب منج ويستجيب دعواتج عيشي لنفسج ولزوجج ومالج شغل بغيرج شلون يطالعونج اشلون يعاملونج دعي الخلق للخالق صدقيني بتحسين بفرحه اما اني براقب العالم عزالله مافرحتي وبتصيرين بس تفكرين بهالامه /ولاتزعجينه مكالمات ومسجات خليج ثقيللللللله /
رجلج اذا شاف هذا كله منج بيموت فيج والمحبه تري ماتجي من اول شهر لا مع السنين والعيال والعشره بيموووووت بدبديبك وبالتوفيق ياحياتي [/b

الله يعطيج العافيه ماشالله عليج كلامج عين العقل الله يوفقك ولايحرمك السعاده يارب

 

[فانتا ستروبري]

اول شي ترى يختلف الاسلوب من زوجة لي زوجة ثانية

وكل وحده وتفكيرها شلون تخلي زوجها يحبها

طبعا اول شي ابتعدي عن التصنع والمقارنة يعني مو تشوفين

وحده تسوي شي حق ريلها رحتي سويتي مثلها حق ريلج علشان يحبج

غلط ترى انا اقول لج ليش لانج اهني قاعدة تسوين شي مو من داخلج

قاعدة تسوين شي وحده تسوي حق ريلها

واكمل على المثال نفسه اللي هالوحده راحت سوت شي حق زوجها واستانس

لا تتوقعين ابدا ان اذا سويتي نفس الشي حق زوجج راح يستانس

لان اهني بعد يختلف التفكير من زوج لي ثاني

فمن جذي اقول لج لا تقلدين احد

وخلج واثقة من نفسج بالاسلوب الحلو والكلمة الطيبة

والابتسامة كل شي راح يصير على اللي تبينه ان شاء الله

واي بعد لا تنسين الزوج يحب يشوف زوجته تصلي وتسمي وكلمه

الله دايما على لسانها يعني اسم الله عليك ما شاء الله اشياء جذي

ويحب بعد يشوفها تقرا قران وتذكره ان يقرا المعوذات وياها كل يوم

واهوه طالع قوليله الله يوفقك ودير بالك راح اشتاق لك

واذا رد رحبي فيه واذا شاري شي قوليله يعطيك العافية

وبس ترى جذي هالاشياء البسيطة تخلي الزوج يتعلق فيها ويحبها بدون تصنع

وانا ادري فيج مبين عليج سنعة وتسوين كل اللي قلت عليه

بس ترى يقولون كثر الدق يفج اللحام

والله يوفقج ويهنيج ان شاء الله :eh_s(17):​

 

[طنيخه]

خرعتيني

حبيبتي والله العظيم توفيق من رب العالمين

ياحسرتي .. اول متشفقه ابي زوله وابي ريحة الرجال الحين من ملجت وانا مالي خلقه وشايفه نفسي عليه

استغفر الله مادري وين راح كلامي قبل

بس اكيد انها كانت تدعي ربها واكيد والدينها راضيين عنها ودايم يدعولها واهي اصلا بارتهم صح

عشان جذي توفقت

الله يذكرج بالخير يبيلي اشتغل على نفسي شوي

وادعي واستغفري وبتملكين قلبه ان شالله انا بعد ابي السر

الله يستر

 

[بيتزا وشيبس]

رد : زوجج يحبج ويموت فيج استحلفج بالله تدشين

عدل كلام البنوتات

وصدقيني التوفيق من الله

ادعي بكل وقت ان ربي يسخره لج

لو تسوين اللي تسوينه بدون دعاء ماراح ينفع لان الخير بيد الله وحده وهو اللي يألف بين القلوب

 

[دمثة]

انتي قلتيهاا


ولسانها مع الناس ماشالله


الرياييل مايسحرهم الا اللساااااااااااااااااااااااااااااااااااااااااااااان