زوجته طاحت عليه وانا السبب

[ياشوقي للجوري]

رد : زوجته طاحت عليه وانا السبب

الله يهديج مادام انج ندمانة صج وعرفتي غلطج
غيري رقمج واحذفي رقمة مو تقولين بتطمن عليها
خلاص مالج شغل فيها ابعدي عن طريقها
وتوبي لله ترا هالطريق طريق الندامة

 

[daloula]

اختي الحبيبه نرجسيه الورد.........
انا حسيت بصدق كلامج ونيتج الطيبه في التغيير والندم وهذا اهم شي.........ولو ما ربج يحبج ما كان هداج وكنتي استمريتي بهالشي
يمكن للحين انتي تكلمينه او تحبينه او ................اي مسمي
لكن انا بنصحج والله من قلبي ...اول شي ما قصروا خواتنا الله يحفظهم جميعا خوووش ردودونصائح انشالله في ميزان حسناتهم
انتي انسانه زينه والدليل ندمج وطلبج للنصيحه ........وانا ما راح اقولج انه ما يحبج بس انا لي تفسير ثاني (مع العلم انه حراااااااااااااااااااااام) بس انا اقصد اتكلم بالواقع اللي صار
تعرفين لمن احد يحب لعبه ويمكن يفضل اللعب علي دراسته وربعه واشياء وااااااااااايد بس مرده حق اللي فيه مصلحته واللي في مصلحته بها الحاله بيته وعياله وانت مثل ما تفضلو خواتنا لعبه
هل تقبلين علي نفسج حب من هالنوع وانج ما تكون لج الاولويه ومالج الا الجذب والغش.....ليش انتي ما جذبتي عليه بولا شي ...لانج تحبينه اذن مفهوم انه ما يحبج الا حق انانيته واخذيها قاعده اللي يبيع مره يبيع وااااااااايد هذي طبيعه فيه ابعد من خيالج انه يكون زين او انه زين بس الظرووف ما ساعدته
كثيرا من البنات يغلطوون نفس الغلطه بس انا متاكده ان االلي تابت ان ربها عوضها بزوج تحبه اكثر من هذا الف مرره وتضحك علي روحها بعدين شلوون كنت افكر بها الطريقه
انتي الحين مجرووحه ...زاعطي نفسج فرصه الجرح يحتاج وقت حتي يبري ولازم تغييريين رقمج وانسحبي تماما بدون مقدمات جنه ما علافت هالكابوس صدقيني ادري انه صعب لكن الله وهبنا النسيان وطالما اخترتي رضا ربج وانج ما تكونين السبب في هدم بيت ...مو شرط يطلقها لانه اجبن من هذا بس اقصد انه تخلقين جوو شيين ومشاكل بين اثنين الله ربطهما بميثاق غليظ موانتي اللي تسووين هالشي والشخصيه اللي عندها ضمير نفسج ما ترضي
والله راح يعوضج بالشخص الزين اللي يريحج ويحبج وتنسيين كل شي
الله يوفقج ويهديه حق زوجته وعياله

 

[đeɱɛɼɑ™]

،


لآوالله لمآ عمى عينج الحب والشوق مآفكرتي فيهآ ألأ لمآ طآحت على زوجهآ وصآرت بين زوج وزوجتــه فجــوه كبيره ؟؟

مآفكرتي تهدينه ألأ لمآ انكسسر شي كبير بينهُم ؟؟

مآفكرتي فيهآ ألألمآ فقــدت الثقه فيه ؟؟


اتتي الي لآزم تعرفينــه انج تقزيره بـ الحــرآآم !!

وهي زوجتــه بـ الحــلآل


المفروض لمآ دريتي انه متزوج تهدينه وتنسحبين من حيآته مو وهو عند زوجته تدزين له قآعد حبيبي وألأ نآيم وألأ ميت مآدري شسآلفتج !!


انا اقول دقي عليه وقولي له ابي اكلم زوجتك واتأسف منهآ كلميهآآ وتعذري من المــرأه دوسي على نفسج مثل مآدستي على قلبهآآ !!


وغيـــري رقمج على طول لآتروحين تدورينه او تقولين احبه وبدق عليه ؟؟


حسبي الله على كل وحده تكلم متزوج وتفرق بين زوج وزوجتــــه

لآتقولين مآكنت ادري دريتي ولزقتــي له ومآتركتيه


الله يهديج بس الله يهديج

معاها :rerrerek:
قطعي علاقتج فيه شنآطرة آكثر من جذي ليمه يطلقهآ ؟!
وشكو تكلمينها تبين تموتين المرة بجلطة @@
وخري عن طريجهم وتوبي حق ربج واستغفريه
ومالج شغل فيه حب غيرج ما حب .. المهم نفسسج وان شاء الله اتوبين توبة نصوح
وتبتعدين عن هالطريج .. ويرزقج ولد الحلال اللي يحبج صج ويصونج

 

[نهايتنا قبر و موت]

يا الغالية ,, ان شاء الله هذي اول الخير مدامج عرفتي غلطج الحين وحسيتي انج مشيتي بطريج الغلط وتبين اتصححين غلطج هذي اقوولج اول

الخير .. الحين اللي صار صار ورجال هذا اهوو مرتة ما تقدرين اتسووين شي ألا انج اتهدينة وبس ..



ودايمن يا الغالية راقبي افعالج شوفيها صح اوو خطأ .. ومالج ألا الدعااااء احناا نقدر ننصحج اي لكن ما نقدر انسووي شي ..

افرشي سجادتج وصلي وادعي ربج من قلب ان الله يهديج ويصلح بالج ان شاء الله ..

ودربااااااااااااالج ترجعين للمعصية او ترجعين اتكلمينة .. والله يهديج ان شاء الله ويصلح بالج ..~

 

[miss-winter]

مادري شقولج بس انتي شتبين بالريال خليه لمرته الله يهديج

 

[om yousefany]

تبين اقولج شي بس لاتزعلين انتي كنتي محطة بالعمر بس كانت هالمحطة كلها اثام استغلي حياتج بالقران والادعية لهي روحج بشغلة بحرفة وصدقيني وقت ماراح ايي نصيبج بتحبينه حب وصدقيني بتحسين بحرة مرتة واهوة مثل ماقص عليج بقص على غيرج

 

[يوآش يوآش]

انتي مبين انج ندمانه صج ومن قلب


يعني راح تقدرين تنسينه لانج صج مو راضيه على هالغلط


وترا الله بيعطيج على قد نيتج.. والله يهديج

 

[Bent extra 3asal]

الله يعينج حبيبتي ويهديج

بما انه الحين عطله دشي نادي او اذ عدنج هوايه مارسيها وتقربي من ربج ومثل ما قالو البنات مالج الا كتاب الله تعالي

والله يوفقج ويزقج بالزوج الصالح

 

[عاشقه رويشد]

زين انج وخرتي عنه والحمدالله انج عرفتي غلطتج

 

[bnt_shyo5]

والله ما ادري شقووول لج
بس مالج غير ربج
والدعاء وغيري خطج او بيعيه عشان تبعدين عنه

 

[الحلا و الزين كله]

حبيبتي لو بتهدينه جان هديتيه من عرفتي انه متزوج..اساسا انتي راكبج الغلط من اول شلون تكلمين رجال غريب وطالعه معاه ماحشمتي نفسج تبين تبينين لنا انج محتره على زوجته حبيبتي لو تبين باب الطاعات مفتوح من رادج عنه؟؟
تلاحقي عمرج وتوبي الحين مرته مظلومه وامداها دعت عليج دعوه ماترقعين منها...لاحول ولا قوة الا بالله

 

[al-musk]

من ترك شي في سبيل طاعة الله عوضه الله بشي احسن منه واخير...

والله يكون بعونج في صدتج عنه..

 

[حور الحنونه]

رد : رد: زوجته طاحت عليه وانا السبب

غيري خطج وحاولي تنسينه وادعي ربج بكل صلاة انه يبعدج عن هالطريق وكثري من الاستغفار وتصدقي وربي ان شاء الله يثبتج ويرزقج بالزوج الصالح اللي يسعدج بالحلال ياارب

معاها بالرأي ​

...

 

[( المـلاك )]

الغلطة منه
اهو خله زوجته و خانها معاج
و اهو اللي جذب عليج
و اهو بهالحاله خلاج تتعلقين فيه

اكيد انتي غلطتي حبيبتي
بس هذا مو وقت العتاب

احس ماكو فايده ماكو امل تتمين معاه حتى لو تميتي معاه الجرح ما ينسي و بتمين تعبانه طول عمرج


غيري خطج
و تقربي من ربج و صلي و اقري قران وادعي
و لهي نفسج طلعي روحي ردي
و اذا انتي بعمر زواج
بس تحسين براحه
كلمي احد من طرفج خلي يتقدمونلج ناس
و اذا شفتي واحد زين
توكلي على الله و تزوجي
و بتنسين لما تعيشين حياتج الزوجيه من اولها بتلهين و بتتعلقين بالريال و بتتغيرين

وعسى الله يوفقج و و يسهل دربج و يرزقج راحه البال يارب =)

 

[دلوعة أبوهآ]

اتركيه وربي يعوضك خير ..
هو من الاساس خدعك وماقال لك انه متزوج ..
ولاتصيرين انتي السبب في هدم حياته وبيته ..

اتركيه وربي يرزقك الاحسن منه

 

[تاجي الفضيلة]

انتي لو تتركينة بحاله يتوب مالا داعي انتي تعلمينة التوبة

اختي استغفري ربج ذنبج عظيم بس ربج غفور رحيم
تذكري ان لو كملتي ان الدنيا ديييين وكما تدين تدان

يا بنات ليش الجرأة ليش بالاساس تكلمين متزوج ولا لا انتي لهدرجه رخيصة لا انتي غالية عززي نفسج

ان الصلاة تنهى عن الفحشاء والمنكر
وهذا منكر
...

 

[غربــــة اِحساس]

شفتي شلون بمسج منج شافته مرته خاف على بيته !!

انتى عنده ولاشئ تقزيرة بس لاتزعلين مني

انتى اغلى من جذي حافظي على نفسج ومشاعرج وعرضج من هالاشكال وابتعدي عن هالطريج

وربي يعوضج خير

 

[nono93]

الله يهديج تكلمين واحد

ليش ؟؟؟

اعوذ بالله


اسمعي انتي غلط غلط غلط

كلميه وقولي انا بطريج وانت بطريييييييييييييييييييييييييييييييييييج

وتوبي و طلعتج معاها حراااااااااااام شرعا

هذا الصج

 

[رند]

رد : زوجته طاحت عليه وانا السبب

غيري رقمج وتلهي باي شي وحاولي تنسينه

 

[SaD FaCe]

الله يهديج ويثبتج