زوجته طاحت عليه وانا السبب

[AmoOona_29]

شوفي ياقلبي الشكوى لغير الله مذله ومشكلتج تقدرين تحلينها نفسج بنفسج ما يحتاج تحطينها بالمنتدى وكل من هب ودب دعا عليج الا ما ندر بعضهم زوار ومتزوجات اول ما يقرون موضوعج بيقولون حسبي الله عليها والى آخره .. وانتي طيبه وضميرج حي صح انج تماديتي لكن انا والله حاسه فيج وصدقيني مو بس انتي الوحيده ترى غيرج العن وبنات المنتدى فيهم الصالحه وفيهم الفاسده وان شا الله انج من الصالحات ياعمري الحين اللي عليج تواضبين على الصلاه لأن الصلاه [ تنهى عن الفحشاء والمنكر ] مع الصلاه بتتقربين لربج اكثر وبتخافين منه وصدقيني ربي يحبج لأن ما شا الله سنه كامله تكلمينه وربي ساتر عليج .. الله يهديج يا حياتي ويفتح على قلبج ويرزقج بالزوج الصالح ولا تشيلين هم ترى كلنا نخطي والله يعوضج خير وياليت تحاولين تعتذرين منها وتوعدينها انج بتتركينه وكوني قد كلمتج

 

[g76aniya]

عسى الله يهدي النفووس ويصلح مابين الناس ..

عن أبي حمزة أنس بن مالك الأنصاري خادم رسول الله صلى الله عليه وسلم رضي الله عنه قال : قال رسول الله صلى الله عليه وسلم : لله أفرح بتوبة عبده من أحدكم سقط على بعيره وقد أضله في أرض فلاة متفق عليه . وفي رواية لمسلم لله أشد فرحاً بتوبة عبده حين يتوب إليه من أحدكم كان على راحلته بأرض فلاة ، فانفلتت منه وعليها طعامه وشرابه فأيس منها ، فأتى شجرة فاضطجع في ظلها ، وقد أيس من راحلته ، فبينما هو كذلك إذ هو بها قائمة عنده ، فأخذ بخطامها ثم قال من شدة الفرح : اللهم أنت عبدي وأنا ربك ، أخطأ من شدة الفرح

 

[فوشية...]

البنات ماقصروا

وانتي فيج الخير

انا مع راي بدويه وايد كلمي زوجته وتاسفي منها

وغيري رقمج

 

[نعم كويتية]

الله يحبج اللي صحيتي مبكر وناوية تتغيرين

حبيبتي قبل لا سمعتك وسالفتج تطلع اتركيه واتجهي لرب العالمين وتقربي منه وغيري حياتك من .....الى علشان يجيك النصيب الزين اللي حتى لو سمع عنج شيء ماراح يصدق فيك


الله يهديكم عيال هالزمن الشيطان زين لكم الغلط .

ان الله لايغير مابقوم حتى يغيروا ما بأنفسهم

 

[oM 3boOdeii]

لا حول و لا قوة الا بالله

اقولج شغله .. مداام عنده عياال منها فمرده لها و لعياااله .. اهوة يتسلى بس و لو صج كان يبيج جان تقدم لج و قالج انه متزوج ..
نصيييحه حااولي توخرين عنه و مثل ما قالت وحده من العضوات غيري رقمج و بجذي ماراح يدق و عليج و انتي بتنسينه انشالله ..
صدقيني انتي اذا ظليتي للحيين معاه راح تخربين بيت و عايله ..
الله يهديييج انشالله و توخرين عنه ياااا رب .. و ربي يوفقج و يرزقج بلي يسعدج و يهنيج

 

[منطوق الغلا]

البنات ماقصرن


الله يرزقج الزوج الصالح يصونج يقدرج


يعطيج ع قد نيتج لاني حسيت انج طيبه وايد تستاهلين الخير الغلا


حلو الواحد يحس بغلطته

 

[دكتوراه أنوثه]

المتزوج لما يحط على زوجته وحده ( خليله ) حتى لو يعشقها ويموت فيها فهي بالنسبه له مصاصه ( لهايه ) مصيره راح ينفطم منها ......


وأدعي لنفسج إذا تزوجتي ان زوجج مايحط عليج لأن كما تدين تدان الله يعينج ...........وأتمنالج الهداية والصلاح

 

[S!LVER G!RL]

رد: رد : زوجته طاحت عليه وانا السبب

حسبي الله ونعم الوكيل فيه الظالم .

شوفي حبيبتي انتي غلطتي مرتين . اول مرة لما كلمتي واحد غريب واصلا علاقتكم غلط بغلط اكيد رب العالمين ما راح يوفقك بشي يعصيه . ثاني شي لما عرفتي انه متزوج صرتي انانية وما فكرتي بزوجته وفكرتي بنفسك . لو حطيتي نفسك مكانها وربي ما رضيتي .طيب الحين الي صار صار وخلينا في الي راح يصير لان الماضي ما ينفع . انتي غلطتي غلطة كبيييرة حيييل . هو كان يلعب فيك وانتي كنتي مجرد تغيير بالنسبة له عن هالروتين الي عايشه . اتمنى وضحت عندك الفكرة الحين . وعرفتي هو شنو والمفروض انك تعرفين من لما اكتشفتي انه سنة ونص كاذب عليك حسبي الله ونعم الوكيل فيه . وربي بنات الناس عندهم لعبة . شنو استفدتي الحين ؟كلمتيه فترة طويلة وطلعتي معاه بعد وبالاخير طلع كل شي خدعة وكذب . قولي لي شنو استفدتي ؟ حرقتي قلب زوجته وهي ما لها ذنب . تلقينها مجابلة عياله وبارتهم وشايلة بيته بس هو ما فيه خير وصدقيني 100% لما واجهته اكيد قال ان هذي ولا شي وهذي بنت شوارع وهذي وهذي وانتي العزيزة والغالية والي بنيت حياتي معك وام عيالي ومن هالكلام . يسوى عليك ؟ حبه يسوى عليك ؟ وربي ما فيه شي يسوى . اهلك ربوك وكبروك وعلموك وعزوك ورزوك مو عشان بالاخير تصيرين خرابة بيوت وتكلمين رجال متزوج وبالحرام تطلعين معاه . ياقلبي انا مابي اجرحك انا بس اكلمك بالواقع عشان توضح لك الفكرة اكثر وربي مو القصد اجرحك في النهاية كلنا نخطأ واغلاطنا راكبتنا من راسنا لرجولنا .

الحين دام انك ناويه نيه انك تعدلين من امورك وتتوبين عن اغلاطك فهذي رحمة من ربي وفرصة جديدة لك انك تعدلين من اخطائك . اهم شي النية .. خلي نيتك للتوبة حااازمة وما فيها ردة لو قلبك تقطع ترى هذا كله من الشيطان . خلك قريبه لرب العالمين استغفري في اليوم عالاقل 1000 مرة صدقيني حياتك راح تتغير مليون درجة وربي راح يشغلك بإلي احسن من الي مالي عليك فراغك ولاعب بحسبتك وبسمعتك . حبيبتي انضمي للجمعيات الخيرية روحي تطوعي بأعمال خيرية وخاصة رمضان جاي قريب ربي يبلغنا ان شاء الله استغلي هالفرصة ربي العالم ان كنا بنصومه كله عسى ربي يعوده ويبلغنا فيه العمر كله.

لااااااازم تكلمين زوجته وتعتذرين لها وتقولين لها انه قال لك انه مطلق وانه خدعك بس لا تعطينها تفاصيل كثيرة بس اتصلي عشان تعتذرين وقولي لها حلليني وهذا وعد مني اني ابد مالي شغل فيه وربي يسامحه لانه خدعني . عشان هي تعرف نوعية النذل الي عندها عشان هي تتصرف معه وتدير بالها على نفسها وعلى عيالها . وفي النهاية صدقيني انتي نزوة بالنسبة له ومع الايام راح تكتشفين هالشي ان لا كان في حب ولا هم يحزنون .

عموما سامحيني حبيبتي اذا ضايقتك بكلامي بس هذا لمصلحتك لازم تفتحي عينك وما ترجعي تغمضيها مرة ثانية . عسى الله يهديك ويغفر لك ويبعد عنك عيال الحرام وطمنينا عليك .

ما ازيد بحرف ..

صح السانج

 

[* الوردة *]

غيري رقمج وبعدي عنه وكل الرياييل ذيابه بعدي عنه متزوج ولا مطلق ولامومتزوج توبي الله يهديج ويهدي بنات المسلمين أجمعين

وأتقي ربج أكييييد زوجته تدعي عليج لأنها مظلومه ولاتنسين دعوة المظلوم تقبل ...............

 

[nadoy]

انا استغرب من اللي يقول عنه الظالم ويتحسبون عليه !!

واللي تقول حريتيني بس مو منج منه !!

انتو بتقصون عليها ؟؟ ولا شنو

خلو نفسكم مكان الزوجه شبتسوون ساعتها ؟ بتقولون والله مو من البنت من زوجها

انا اللي احتريت والله بس ما احتريت منه احتريت منج

تدرين لو انا زوجته جان قطعتج تقطع

انتي غلطتي غلطه ماتتصلح كلش

دريتي انه متزوج وهم ضليتي معاه ؟؟؟؟؟؟؟؟

لين اخترب بيته ونهدم وماتبين نقول بنات ابليس

والله اني اخاف على زوجي من الهوا الطاير حتى رفيجاتي ما ادخلهم بيتي بسبة هالشغلات والحين صرت اخاف اكثر واكثر

الله يستر على كل البنات ويصلحهم ويبتعدون عن هالشغلات

ماقول الا الله يسامحج

 

[spanish-girl]

الحمدالله اهم شي انج عرفتي غلطج والله يهديج انشاءالله حاولي تشتغلين نفسج بأشياء مفيدة

 

[بنت المنصور]

انا قريت جم رد من الردود بس ماقدرت اقراهم كلهم فماأدري اذا كلامي مكرر ولا لا بس بقول راييي

شوفي حبيبتي ماعليج من الي تحسبو عليج وحطو اللوم عليج انتي ماغلطتي اي ماغلطتي انتي دريتي

انه متزوج بعد ماحبيتيه فشي طبيعي مو بسهولة تتركينه كافي عندج نية انج تبين تتركينه وانتي تحبينه

هاذي بروحها مو سهله انا ضد كل بنت احتقرتج ولا تحسبت عليج ولا كان ردها لج رد جنج بنت مو اوكي

الحب مو هين خصوصا اذا كان اول حب انتي متى تكونين غلطانه اذا من البداية تدرين انه متزوج وكملتي

معاه هني اصلا انا حتى ما بكلف على نفسي وارد عليج لكن انتي قصتج غير انتي الضحية هني مو

الجاني والبنات الي قالو ان المفروض من درت انه تزوج تتركه بقول لهم الحجي سهل لكن الفعل

مو سهل والحب اذا كان صادق مو بسهولة الواحد ياخذ قرار انتي حبج كان صادق لكن النصيب

صار ضدج مو بصالحج كل الي اقدر اقوله الله يهون عليج لا تحملين نفسج فوق طاقتها هوني

على نفسج ولاتكرهين نفسج وارجع واقول انتي ما غلطتي واستخدمي شعورج بالندم لصالحج وبعدي

عنه وان شاء الله يقدرج حبيبتي

 

[ديرتي الغاليه]

انت علي بالج يحبج ,,,,,,,,,,,,الا انتى وال........ نفسها ........قدرج وقدرها وااااااااااااااااااحد ,,,,,,,,,,,لو يحبج جان تزوجج وماجذب عليج ,,,,,,,,,انتى لعبه متى ما خلص حذفج وتفل بعد عليج,,,,,,,,,,,,,,تووووووووووووووووبي لربج ربج فووووووووقج والي تسوينه حراااااااااااااااااااااام تعرفين شنو حراااااااااااااااااام !!!!!!!!!!!

 

[Ameeraaaaaa]

الله يصصلحج
ويهون عليج وييسر امورج
دقي علي زوجته
وتحللي منها ضروري
لان فعلا كما تدين تدان
والله ثم والله ان خالتي الصغيرة تزوجت شخص متزوج وكان بينهم قصة حب وخرابيط من هالسوالف وما سمعت النصيحه ,, وكانت سبب ان الريال طلق زوجته لانها ما رضت ان يتزوج عليها شريكة !! المهم ما اطول عليج ,, عقب سنين يوم خالتي يابت منه عيال , رجع كرر نفس القصة ,, وتعرف علي وحده ثالثة وطلق خالتي وتزوج الجديده !!
المهم تحللي من المره ,, واشغلي وقتج بكل ما هو مفيد اشتركي بنادي , روحي دروس حفظ قران ,, رياضه ,, دورة ,, اي شي المهم خلي عقلج يننشغل والله بعينج
مادام تبتي وعسى ربي يتقبل توبتج ويغفر لنا جميعا .

 

[nandeny]

نفس ماقالو البنات :23_asmilies-com:

 

[طوق البنفسج]

رد : زوجته طاحت عليه وانا السبب

هذا ما فيه خير بزوجته ام عياله .. لا اتهقين ان فيه خير لج .. و انتي تستاهلين احسن من جذي .. واحد يحبج و يعزج.. و الله يثبتج على الي ناويه عليه و يعينج

 

[مـيـراس]

الله يهديج وانا اختج ويصلحج ويستر عليج

اللي صار صار والله كتب انه تطيح عليه زوجته

توبي ولا تفكرين اتدقين لانها تبي تنبش تليفونه وتشوف اتصالاتج وتنجرح مرة ثانية

لاعاد تكلمين شباب ترا الحين ما عاد ينعرفون اللي متزوجين واللي لا

 

[دلوعة vvip]

الله يهدي الجميع ويصلح حالك الكل

 

[N.springflawer]

انتي غلطانه من راسج لريولج ومثل ما خربتي بيت عمرج ماراح تتوفقين والله بعينج على دعاويها

 

[fara7 89]

اشعقبه تبتي عقب ما جرحتي المسكينه .. لما عرفتي ان متزوج ليش ماهديتيه علطول .. حسبيا الله ونعم الوكيل ..