رَجيَمْـيُ نَـزَلنْـيَ 4 كَيَـلوَ بـ8 آيَـآ‘إمَ ، بَس احَسْ إرـآدتَـيُ بلشَـتُ تتراجع

[غرور 9]

ههههههههههه فديتج ضحكتيني
شوفي عمري اذا تبين خبز مع الغدا تنقصين التوست مع الريوق يعني بدال 2 تصير وحدة او بدال الوحدة ونص تخلينها نص بالريوق ونص بالغدا استبدليها بخبزة بس نص مو كامله
وانا مامنعت الحليب ولا الشاي ولا الزنجبيل ولا النسكافيه انا بالعكس قلت المشروبات مامنها ضرر كلش بس تحطين قفشتين سكر وبس
والعشا الخفيف هذا عاد لازم حبيبتي اهو مو موهقنا الا العشا بالعكس بس تصحين الصبح تلاقين بطنج مشدودة
وشربي الي تبينه بين الوجبات بس مو بعدها خلي بينهم وبين الوجبة ع الاقل ساعه \ ساعتين ​

 

[محبة الجنة]

اها اذا جذي اوك وعسي دوم هالضحكه

 

[غرور 9]

تدوم سعادتج بعد قلبي

 

[حلا قطر]

موووفقه حبيبتي شدي حيلك وعزمي وصدقيني مآفى أحلى من آلرشآآآقه قمه آلأنوثه وصحه لكم ولمآ تفكرين تخربين أو جآ بخآطرك تأكلين حآجه عطيني نفسك 15 دقيقه بتشوفين رغبتك بآلأكل خفت وقولي لنفسك طيب وكلت وسويت آللي بخآطري وبعدددددددين ؟!!!! ونآسه 5 أو 10 دقآآيق في تعب نفسيه وتعب نزول آلوزن في شهور وبعدين قولي لنفسك أذآ في أسبوعين نزلت بروح أي مطعم أحبه وبأكل وصدقيني بتكون معدتك أصغرت وأكلي آللي بحتآجه لجسم مو آللي يربي آلشحوم ولكروش وبتعدي عن آلغآزآت

 

[nado0o77]

موفقه

 

[محبة الجنة]

اليوم كان الغدا شوربه عدس مع ليمون وسلطه وبرتقاله. طبعا شعوري عن الغدا حلووو بس كنت شايله هم العشا خاصه اني من الناس الي الغدا مو مهم بس العشا ضروري وتعشيت بيضه مسلوقه مع شويه سلطه وكوب حليب اول يوم يعدي علي ملتزمه باول رجيم هههههه شجعونا بنات اهلي اليوم حبطوني تعشي لا تجوعين نفسج مو زين بس اشوا صمدت جدام كل الاغراءات

 

[محبة الجنة]

بس الصداع ذبحني تهقون من الرجيم ؟؟

 

[غرور 9]

سلامتج حبيبتي
اي لانه حسب ماقلتي اول مرا تسوين دايت ماعليج باجر بتتعودين ويومياتج امس نايس كفو عليج كملي
شكلج بتضعفين قبلي هههههههههههههههه

 

[محبة الجنة]

هههههه لا يارب نضعف كلنا مع بعض

 

[محبة الجنة]

اليوم قعدت الصبح اشوا راسي ما يعورني كثير ع الخفيف وتريقت بيضه مع سلطه بدون طماط وكوب شاي خخخخخ. راسي يعورني كان المهم بعد الريوق بشوي مشيت ع الجهاز نص ساعه بس بسال غرور يصير احط خل مع السلطه او زيت زيتون

 

[غرور 9]

يومياتي اليوم اممممقعدت نفسي منسده مو مشتهيه شي مع اني نايمة من امس لاغدا ولا عشا
شربت ٢ جاي مع توسته اسمر فيها جبنة لايت
وبعد شوي بروح الممشئ ��


اي ياقلبي يصير تحطين بس مو اكتر من قفشه بالعكس صحي بيكون وايد بس لاتكثرين فديتج عوووووافي يارب

 

[غرور 9]

رحنا الممشئ ولله الحمد مشيت ساعه ونص والعالم طق عصي ع المشي وانصدمت من وحدة دايم اشوفها متينه حييييل اعطيها بال150 صاير جسمها تبارك الرحمن ايهبل وحتئ طولانه مادري شلون :|

وسلمت علي وقالتلي ليش تمشين حدج ضعيفه قلتلها برجع وزني الصحي وطبعا حريم وماقدرت ما اسألها شمسويه هههههه
قالتلي صارلي 3 شهور رجيم ومنزله تبارك الرحمن 37 كيلو والحين صايرة تهبل بالنسبة لقبل
الله يهنيها
قرقت وايد المهم عشاي بيبسي دايت وتوفاحة << اتعب ع التوفاحه ههههههههههه

بنوتات شصار عليكم؟

 

[شربـــات لـــوز]

up up up

 

[محبة الجنة]

ماشاء الله عليج غرور بيبسي وتفاحه هههههه طيب وين الطبق الرئيسي هههه عفيه عليج كملي بكل حماس بس انا لا موجذي تغديت شيش طاووق 6حبات وسلطه وبيبسي دايت وكملت ع الجهاز اربعين دقيقه اما العشا فكان بيضه مسلوقه وسلطه ونص خبز اسمر وشويه شويه جبن لايت شسوي اشتهيته ما قدرت خخخخخ بس اليوم احس بدووووخه ان شاء الله بكرة احسن الله يعيني ويفرحني بالنتيجه

 

[غرور 9]

كفو عليج كملي ويارب هالاسبوع تلاقين نتايج تفرحج وتفرحنا وعوووافي يارب

 

[ام |حسن|]

يعطيج الف عااافية

 

[ام فهد المزيون]

اختي. ريج يمك مقارب لري جيمي نوعا ماء. وصفته لي أخصائية تغذيه. الفطور. تقول شريحة خبز اسمر. وبيضه مسلوقة. او ملعقتين لبنيه دايت. ونص كوب حليب خالي الدسم وحبة فاكهه. والغداء. شورية خضار. وسلطه. وشريكة توست او نص كوب رز مسلوق او نص كوب مكرونه. وربع دجاجه مسلوقة او مشويه. العشاء نفس الغداء. بس فيه بطاطا مسلوقة. طبعا بديته من اسبوع وكان وزني. ثنين وسبعين ونص وللحين ماشفت وزني ان شاء الله اكون خاسه. قولوا. ان شاء الله. ومشكوره على ريجمك. وان شاء الله توصلين للوزن اللي تبينه. موقفه. حبي

 

[محبة الجنة]

شلونكم حبوبات اليوم قعدت الصبح حسيت نفسي خفيفه الحمد لله ريوقي كان كوب شاي وجبن قليل الدسم شويه ونص خبز اسمر والغدا كان بطاط مسلوق وسلطه بدون طماط وبيبسي دايت ومشيت ع الجهاز اربعين دقيقه والحمد لله هذا ثالث يوم لنا بالرجيم غرور شخبارج

 

[نور مغليها]

بنات
معلوومه من فتره عرفتها ، مادري اذا تعرفونها او لاء ..


ان الروب قليل او خااالي الدسم يشيل اللكرش ؟!
وطبعاا مع الاستمرار عليه



راح اضيفه لبرنامجي

 

[محبة الجنة]

والله ما ادري عن المعلومه ان شاء الله صج وبعد سمعت عن روب مع بذرة الكتان يقولون يضعف صج بنات هالكلام؟؟ وبالنسبه ليومياتي العشا كان بيضه مسلوقه وسلطه روب وكوب شاي وكملت ع الجهاز عشرين دقيقه زياده يعني ساعه كامله وهذا اليوم الثالث عدي ع خيييير