رَجيَمْـيُ نَـزَلنْـيَ 4 كَيَـلوَ بـ8 آيَـآ‘إمَ ، بَس احَسْ إرـآدتَـيُ بلشَـتُ تتراجع

[ommo92]

مااشاااءالله. عساج ع القوة
تابعي واحنا وياج. خل عزمج قوووي

و بغيت اسالج/ الخس الاحمر
قصدج. الملفوف؟؟

 

[غرور 9]

اي قلبي ملفوف بس ماينسلق اهو الي ينحط مع السلطات الاحمر كثري منه بكل وجبة واخذيلج اسبوعين ع هالوضع وشوفي خصرج شلون ينرسم والمطبات تصير شوارع طبيعيه

 

[Letk te7s]

اناآ ابى اضعف بعد
يلآ وناسه متى نبلش
انا بنزل 7كيلوات
وزنى 57ابى اصير 50

 

[غرور 9]

يلا عيل باجرررر هجووووووم بس مو ع الاكل علئ الاراده واليوم اشتريت جنزات وملابس وشوز رووووعه بس اخذت مثل مقاسي القديم الخصر ٢٥ او ٢٧
عشان اكمل رجيمي والبسهم
بنوتات باجر ررر نبلش ودخلو باجر وكتبولي شنو تريقتو وتغديتو وتعشيتو وشنو سويتو رياضه بعد

ويوم اليمعه الياي نوزن امانه بنوتات التزمو معاي بكل شغله عشششان نصير ولا اروع وهالاجنبياات مو احسن منا
وشكلنا بيكون وااااو


اي صج وبعد شريت كريم نفخ خدود لاني بس انزل هالاسبوع بيضعف وايد ويهي وبستخدمه اول ما ادش بال٦٠ بأذن الواحد الاحد

 

[غـــرآآآم]

شوفي حبيبتي انتي مشكلتك مثلي لازم بداية الريجيم تشتهين حتى الاشياء اللي ماكنتي تهتمين تأكلينه
بس انتي بطله وعندك اراده ماشاء الله
تخيلي شكلك بالنحف وكيف بتكونين مرتاحه وراضيه عن نفسك وعن الشيء اللي حققتيه
استمري باللي انتي فيه وقولي لنفسك البنات اللي نحفوا بشنو احسن مني
الله ينحفك بغير شر عليك يارب ويصير جسمك احلى جسم ومثل ماتتمنين


~
​

 

[غرور 9]

حبيبتي غراااام ماقصرتي كلامج بلسم وربي

تسلمين ع الدعوات الحلوة عسئ ربي يوفقج دنيا واخرة وتصيرين وتوصلين للي تتمنينه يارب فديتج ماقصرتي ​

 

[غرور 9]

شنو هالخرابيط الي طلعتلي ههههههههههه

اممم مشكورة قلبي غراااام فديتج

 

[محبة الجنة]

غرور تسلمين انا معاج وزني86 وطولي 165 توني والده لي كم شهر ببلش معاج عندنا عرس وابي اضعف ويرد جسمي نفس قبل شريت اليوم جهاز مشي وبراجع رجيمج وبحاول اطبقه

 

[غرور 9]

حياج حبيبتي محبة الجنة ونتشرف فيج ويارب تنزلين مثل ماتبين نورتي

 

[غرور 9]

صبحكم الله بالخيرررر خواتي الرشيقات

اليوم انا فطرت :


جاي + توسته سمرا + خياره + لبنتي المفضله فيلادلفيا مقدار قفشه كبيرة
والحمدالله ع النعمه


واخذت معاي للدوام برتقاله عشان اخليها سناك ع العشرة
وانا تريقت مبجر عشان دوامي كله حركة واحرق الي اكلته


حبيباتي الي بلشو معاي الرجيم دخلو وكتبولي شنو تريقتو >>> شكلج بس انتي الي تريقتي من صباح الله خير ههههههههههه

 

[bubble.gum]

انا ابي معاكم ... مافيني ارااااااااااااااده ابدا ..
انا الحين وزني 68 ابيه عالاقل 60 ... انا اول ما اتزوجت كان وزني 58 بس حملت انعفس جسمي صااار ماكو ملامح وصلت بحمالي 80 ونزلت بس 12 كيلو فقط ...

ابي انزل وزني مو قادره ... اشوف صوري يوم بالعرس شحلاااااااااااااتي باربيه شضعفي واقول بقلبي ما اقدر اوصل هالوزن صعب .. احبط عمري

 

[bubble.gum]

انا ما ابي احسب اليوم ...
لاني اكلت سلطه باستا بس مو كلها لانه لايعه جبدي قطيتها .. شربت عصير كوكتيل احس اني انغثيت ..
وبس طول الدوام اشرب ماااي
راح ابلش من باااجر انشالله ...

 

[غرور 9]

حياج حبيبتي خلاص باجر باجر مثل ماتبين ويارب تضعفين حتئ اضعف من يوم كنتي بنوتة
قولي يارب

 

[ركووزه]

الله يوفقج واستمري تري والله تندمين اذا رديتي لان الوزن اللى ينزل صعب بس اذا تردينه سهل حيييل

 

[سآق نملة]

كملي كلنا معااااج

 

[غرور 9]

بعد عمري نموله وكروزه ماقصرتو فديتكم ان شاء الله والله حمستوني حييييييل ربي يرزقكم باللي تتمنونه ياربي

 

[محبة الجنة]

غرور قلبي انا راح ابدي بكرة لان جهاز المشي ييوصل بكرة رجيمج فيه اشباء صعبه علي بحاول اطبقه قدر الامكان بس اهم شي نشجع بعض وما تفتر همتنا. بنات شجعوني عندي عرس شهر 6 ابي اضعف

 

[غرور 9]

هلا حبيبتي محبة الجنة

اممم انزين قوليلي شنو الصعب واحاول ابدلج بنفس السعرات ان شاء الله

ويارب تضعفين يارب يارب يارب

 

[محبة الجنة]

هلا غرور يا قلبي انا بديت اليوم الجمعه تريقت نص خبز اسمر مع جبن قليل الدسم مع حليب

 

[محبة الجنة]

بالنسبه للاشياء الصعبه انا مو متعوده ع الرجيمات اول مرة اسوي ما اعرف اتريق من غير حليب او شاي هذا اولا ثانيا ما اشوف خبز بالرجيم الغدا والعشا وين الخبز هههههه شنو الحل بعدين العشا خفيف حيل مافي شي يكثرة ههههه وبين الوجبات يصير اشرب ينسون او زنجبيل او نسكافيه بنات لا احد يضحك اول مرة اسوي رجيم يعني بالعربي تحملوني