ريلي رييلي صدمنييي

[عذبة الاحاسيس]

حبيبتي الله يكون بعونج هذا اولا

 

[عذبة الاحاسيس]

ثانيا لاتخلين لبنت ابليس مجال بتركج لزوجج وحيد وفراغ راح تلف مخه ردي بيتج وخليه يراضيج ويقسم انه يلغيها من حياته وان مايحط باسورد لاجهزته

 

[برستيج إماراتيه]

الله يهديج يا ختيه ليش ودرتيه ورحتي عند أمج أحين برمسهااا ع راحته وبصفاله الجو إب طريقتج هاي بتخلينه يتقرب منهااا أكثر وهي أحين بتبذل جهد أكبر عسب إتم وياها عقب مادريتي إنتي بالموضوع ,ف من رايي إتردين بيتج أحسن لج وخذيهاا نصيحة مني إذا لا سمح الله صار أي خلاف بينكم لا تودرين بيتج موليه هو الطالع وإنتي الداشه الله يصلح بينكم يارب , خليه يمسحهااا من البي البي وخليه يشل الباااااس و يوعدج إنه يبتعد عنهااااا وإن شاء الله خير

 

[عذبة الاحاسيس]

ثالثا انت املي حياته لا تخلين مجال انه يفكر بغيرج من كل ناحيه
وقبل كل هذا عيلج بالصلااااااااة والدعااااااااااااء بقيام الليل

 

[Om mriom]

الرجل اذا فتشتي وراه محد بيتعب غيرج حبيبتي الدنيا محتاجه طااااااااااف

 

[سكوون انثى]

انا مع أم كوثر ,.

كلامها عين العقل

الله يهديه ويسخره لج يارب ويبعد هالبنت عنكم ويشغلها بنفسها وكل بنت تخرب بين زوجين

 

[انسانه بسيطه 20]

بعد عمري

مشكووووورييين وااايد مادري شلون اطلع من يززاكم

بردتو جبددي صصصج مع اني ليما الحين مقهوره بس حجيكم يسرسح عالقلب

 

[جذابه بنت ذيابه]

نصيحه لا تخلينه بروحه يصفا له الجو ..




ودايم ادعي بسجودج له بالهدايه وصدقيني دام برر لج موقفه اكيد خايف يخسرج ! والا اهي نفس ما قال ماتسوى ظفرج


عسى ربي يهديه لج

 

[om MaRyooM]

وضعج صعب حيل

والحل اهو الاصعب
لأن الحل انج تتمسكين في بيتج .. لاتهدمينه ترا الانتي الخسرانة الوحيدة

للاسف هذي الدنيا


ردي بيتج وكبري عقلج وادعيله بالهداية .. وعامليه برسمية بس قومي بكل واجباتج الزوجية

وان كان يحبج ويعزج بيغير رقمه وينساها


الله ينتقم منها ويبرد على قلبج

 

[انسانه بسيطه 20]

^^

اي عدل كلامج والله يسمع منج يارب
حدا مايبي يخسرني بس سويت نفس ماقولو رديت بيتي
بس كلش مالقيه ويه بخليه يندم شووي

 

[om MaRyooM]

وخل اقولج شي ثاني


دامج ببيت اهلج لا تتوقعين يردلج او يعتذر
لان الحين الوضع مريح بالنسبة له والجو صااافي
وان غاب القط ...... إلعب يا فار


واحتمال يفضفضلها بنت ابليس هذي وتسحبه صوبها زيادة


ديري بااااااااااااااالج
ردي اليوم قبل باجر
ومصيره يعقل

 

[انسانه بسيطه 20]

واااي يام مريووم

سكتي واعلييا عليي ردديت بعدها بيومين ماطولت

بس الحين ماعطيه ويه يعني قتله مابيك تنام يمي خليته ينام عالغنفه
تخيلي انسان خااييينج وحارق قلبببج ويقرب صوبج وله ويه بعد

 

[Dana.Qtr]

من وجهة نظري الريال شاريج .. قعدي معاه وكبري عقلج وبعدي عنج العواطف .. قوليله بعطيك فرصه وببتدي معاك صفحه يديده .. كل الي يصير وياك تقوله لي مابينا اي حدود " من ناحية باسود ع الجوال او مواضيع تخصه " وانتي كوني بالمثل واحتويه وقولي له واوعديه ان هالموضوع بتمسحينه من بالج وجنه ماصار شي وبيتم هالشي فقلبج بس انسي واوثقي بريلج .. وكل فتره بطلي تلفونه جدامه وبرضاه وانتي نفس الشي خليه يعرف كلشيي عنج وانتي اعرفي عنه كلشي .. وحتى عالبيبي عششان مايفضى جوه كلميه 24 ساعه مب سوالف البيت والهم .. تغزلي قولي وحشتني ومن هالكلام .. الريال مايب راسه غير الكلام الحلو والراحه النفسيه والجنسيه .. وحثيه على الصلاه وهذي الامور الدينيه لان المتدين مستحيل يغلط بحق مرته .. والله يخفف عليج حبيبتي ويهدي سركم يالغلا ..

 

[Dana.Qtr]

واااي يام مريووم

سكتي واعلييا عليي ردديت بعدها بيومين ماطولت

بس الحين ماعطيه ويه يعني قتله مابيك تنام يمي خليته ينام عالغنفه
تخيلي انسان خااييينج وحارق قلبببج ويقرب صوبج وله ويه بعد

غلــــــــط جذي .. تخلين له مجال يروح لبرا .. انتي صج محتره بس اصبري عليه ماقولج لا تزعلين بس خلاص من باجر قعدي معاه وصارحيه بالي تبينه .. وبعدين يكلمها ولا ينام معاها ؟!

دام يات ع مكالمات يقدر ينسااها اسرع وانتي الي تنسينه وماخذاج الا لان انتي احق فيه منها ..
خلج قباله 24 ساعه .. بس مو تمللينه مثل ماقلتلج تغززززززززلي فيه اخذي وعطي وجنكم معاريس يدد وسالفة انج تخونينه عشان ينقهر .. تذكري ان " الريال عيبه فجيبه " جذي مجتمعناا

 

[عشقي اناني]

لاتغلطي غلطته يالغلا
ومردها لك لو كان يحبك
مالك غير الدعاء

 

[: روح النادر :]

حسبي الله عليهاا

الله يريح بالك ويطمن قلبك ي رررب ..

 

[simtonguri]

حسبي الله و نعم الوكيل كان المفروض أهواء يطلع من البيت مؤ انتي

 

[Sportiya.cute]

حبيبتي والله انا رديت نكي لاني ناسيه باسوورده بس عشان ارد عليج

طبعا مابقولج شنو تسوين لان البنات ما قصرو فوق

بس سالفتج ذكرتني برفيجتي كانت معاي بالثانويه اخر سنه

تكلم واحد متزوج و صدمتني انهم تدعي عليهم يتطلقون !!!! و حاطه صور عياله خلفيه تلفونه

تقوول مستعده اربيهم بس ابيه و مسويه مشاكل حق مرته !! وايد عايشه جو يااهل و ماتعرف الدنيا ويــع

انا اقول حق كل بنت تكلم ريال متزوج

(((( ما فكرتي ان اذا صار و تزوجتي سواءا الي كنتي تكلمينه و لا غيره ان الله بيرد الحركه هذي فيج ؟؟؟؟؟ ترا الدنيا دواره كل شي تسوينه بالناس يصير فيج خلي عقلج براسج و مثل ما كلمتيه و اهوا متزوج بتكلمه وحده غيرج و انتي مرته يعني بتحسين بحرقه القلب الي سويتيها ببنت الناس الي مالها ذنب
خافو الله شنو هذا الي قاعد يصير ! ريال يكلمج يومين و يمل منج مو دايم لج خصوصا اذا كان متزوج مو الكل عنده استعداد حق زوجه ثانيه و كل شي غالي !!!!!!!!))))

ان شاء الله الشريحه من البنات يقرون كلامي و يارب يأثر فيهم

حبيبتي ادعي و صلي كثر ما تقدرين و الله الصلاه مثل الثلج عالقلب تحسسج ان ولا شي بالدنيا تسوا و همج كلللللله يرووووح عند الله سبحانه

الله يسخركم لبعض ان شاء الله

 

[انسانه بسيطه 20]

بعد جبددددي والله

مشكورييين وااايييد فديتكم

الله يوفقكم يياارب

 

[laymona]

عسى الله ينتقم من كل وحده تنوي تخرب بيت

توقعي من بنات الشارع كل شي

و بعض الرياييل للاسف ما يملي عينهم غير التراب لو تقومين فيه و تحطين له الشمس بيد و القمر بيد هم بيشوف

الله ياخذ حقج و يبرد جبدج