ريلي رييلي صدمنييي

[زين ودلال]

الله يهديه ان شاء الله

 

[فراولة قلبها]

اخيييه الله يهديه حقج ويبعد عنه بنات بليس

 

[غدووور الكويت]

الله يفرج همج

 

[معلمة واثقة]

الله ايفرج عليج

 

[sunshine22]

الرجل اللي يستحق رقم ثاني بس



الوزير
السفير
الامير
الملك
القنصل
المدير





اذا زوجك مومن هذول الوظايف


مايدش مخ اي شخص انه عنده خط ثاني الا للمغــــــــــــــــــاززززل





وربي ما يوفق بنات ابليس

اعرف وحده كانت تكلم متزوج وتدق على مرته وتغثها
سبحان الله تزوجت بعدين واحد يعرف وحده غيرها
وذوقها الله اللي كانت تذوقه للمره



الدنيا دواره​

 

[دمثة]

الله يكون بعونج

واهي الوقحه اشكره تقول مرته وتجسسين واي استغفرالله شهالزمن الوصخ


الله يجيرنا يارب من نارك

 

[ام العامر]

الله يهديه لج

 

[amoona89]

ليش رحتي حق اهلج
من صجج ردي بيتج لاتخلين هالخاايسه تستانس انها شبت النار بينكم
حبيبتي انتي الاصل لوو يبها جان تزوجهااا هي مجرد مضيعة ووقت
اذا تبين نصيحتي ارجعي لبيتج وخلج ثقيله علييه
وعسي ربي يهدي الامور بينكم​

 

[دآنة آلرشآيده]

الله يكون بعونج
الله لايوفقها دنيا واخره​

 

[kAmMoOnH]

الله يصلح مابينكم ويبعد عنكم كل سوء

 

[عفت طآريك]

الله يمسح على قلبج ويخسركم لبعض
الخيانه تذبح

 

[Mrs_s3doun]

كش شعر ينبي لانه قبل شهر انا نبشت وطحت عليه وشفت صوره وحده اردنيه بس واتساب وكاتبلها مشتاقلج واهيا راده عليه وانا كمان ودازه الصوره انا زعلت بس مارحت بينا بس قتله بقعد بالبيت لانه حالك حال الخرووف واحد . ويااني وباس ريولييي سامحيني وكنت على اساس باجر الصبح بروح المحكمه اطلب الطلاق وكنت ناويه نيه قشره هدديه بالطلاق ترا يخااافون والله

 

[الـمـسـتـبـدهـ]

ياربي هم ليش يسوون جذي انا مت قهررر

مادري شقولج بس أدبيه ولاتنسين هالشي خليه يتسنع

حري قلبه لاتخلينه يستانس والله اكتشفت اللي لسانها شطوله يحسبون لها الف حساب

حتى لو تردين بيتج وتنكدين عيشته اطلعي تمشي شككيه ان فيج شي متغيره

ولاتبينين له حبج حسسيه انج خلااص مصدومه وهالصدمه اثرت فيج ...

 

[دمووع الذهب]

الله يعينج يا اختي مالج الا الدعاااااء من رب العالمين يبعد عنك وعن كل مسلمة هذا الابتلاء
أنا من رايي اذا صارت لك فرصه منه هو يرجعك للبيت ارجعي اما من نفسك انت لا ترجعين بروحج مني والطريق.
بس ارجعي ثقيلة بعد ما تتصافون.
بيني له انك فعلا مجرووووووحة وما عاد في ثقة.
الله يهديه لك

طمنيناا عنك شصااار معااااك

 

[يازمان العجايب]

شوفي أنا مالومج لانج محترة وطبيعي تضايقين
بس طلعتج غلط اهو الحين متضايق وبنت إبليس بتستغل هالفرصه لصالحها وبتقعد اتواسيه وتهتم فيه
رجعي بيتج وزعلي منه وحاسبيه
اول شي لو يبي الغلط يقدر يلغي خطه ويشتري غيرة من وراج
لاتنبشين تتعبين ولا تصيرين شكاكه وتخلينه يطلع برة يدور الراحه

 

[عاشقة هواك]

الله يعينج ويفرجها عليج

 

[Ice Princess]

حبيبتي الله يكون بعونج
بس لا تتنازلين بسهوله نصيحه

 

[د. فاطمة]

ما تنلامين ولام الله من لامج


مابي اقولج شي يحرج يكفي اللى فيج بس حبيبتي عندي سؤال ؟؟

انتو ليش تتركون بيوتكم لمن تزعلون ؟؟؟؟؟؟؟؟؟؟؟

يعني ما تعرفين تزعلين بالغرفه الثانيه ؟ بالسرداب .. ؟ باي مكان بس يكون في بيتج ؟؟؟؟؟؟

ما تعرفين تكونين عنده في البيت وبنفس الوقت مو عنده ؟؟؟

يشوفج وتسوين كل واجبات بيتج وعيالج وهو جنه مو موجود ؟


بجذى ترا الريال بيحس بغلطه اكثر من قعدتج في بيت امج وهو ما يدري اشلون نفسيتج ؟


انا اقول اذا دق عليج او يالج ردي معاه وقوليله .. رقمك مابي اشوف فيه رقم سري .. ماني عارفه انا اللى اعرفه انه الزواج شركه بين اثنين .. اشلون يخشون عليكم ارقامهم السريه ؟

خليج واضحه وصريحه معاه وقوليله اذا ما كان فيك بلا ليش خايف اانك تعطيني الرقم السري ؟

ثاني شي رقم الدوام اغلب رياييلنا عندهم ارقام دوامات وتلفونات ثانيه بس احنا نعرفهم وندق عليهم بعض المرات علي تلفون الدوام .. ليش مو معطيج ؟ طلبيه وخل يعطيج ودقي عليه بين فتره وفتره انتي .

ودامج تحبينه وهو بعد حس بغلطته من البدايه وحاول يهديج ويفهمج ويلمج معنااه انه شاريج وما يبي يتركج ..


حبيبتي حطيها قاعده براسج اعتبريني اختج العوده .. ترا الرياييل كلهم لهم نزوات .. بس صدقيني عمر بنات الحرام ما يدومون لهم .. ولا اهو يفكر اصلا مجرد تفكير انه يحط راسها براسج . لانج انتي الشريفه الطاهره العفيفه وهي حي الله بنت شارع تكلم واتقصع واتميييع ..


لا تخلين بنات الحرام يخربون بينج وبين ريلج .. قرصي اذنه هالمره .. لكن لا تكثرين الدووس .. وعفا الله عما سلف ..


وعسى الله يجمع بينكم علي الخير يا رب طمنينا عليج ..

قالت كل اللي بقلبي وبقوله :eh_s(15):

 

[جبار حبك 305]

الله يكون بالعون هالسالفه منتشره حيل بين الكل

تمسكي بدعائج وصلاتج والله يفرجها عليج وعلينا قولي امين

 

[kareeb]

الله يهديه لج