ريلي رييلي صدمنييي

[نشيج الروح]

1- إما تحلين مشاكلج بنفسفج وبالأسلوب الي ينفع ريلج
2- مثل كا قالت الأخت

الحل،؛؛ اذا انتي تحبينه
دقي عليه وخلي امچ تقعد معاچ
او ابوچ
وتكلمو بالموضوووع

لانه راح يحس ان وراچ ناس
مو يقص عليچ وياخذچ علي قد عقلچ
وفهميه جدام اهلچ انچ بس هالمره سامحتيه
ومره ثانيه لاااااا
وخلي اهلچ يعاتبوونه
ويقولون ليش تسوي چذي حرام عليك
وتلاقينه راح يتفشل ويندم
وقبل ما يسوي اي شي مره ثانيه
بتلاقينه يفكر فيج وفي اهلج

3- إذا ما تقدرين تدخلين أهلج وتحسينهم ما يتفهمون ويعصبون وبتزيد المشاكل دقي على استشاري أو دكتور فاهم يصلح بينكم ويكلمه كلام الريايل وفي ناس وايد من أهل الخير مستعدين وعندهم علم بالعلاقات الوزجية وشلون تصرفين معاهم

**********
باختصار إذا تبينه ردي البيت ووضحي له أن مو عشانه رادة بس عشان تصلحين الأوضاع وطبعا تكونين مستعدة ومتصلة على الاستشاري إذا يبي يهد هذيج الوقحة وتاب لربه استمري وسامحي وعطيه فرصة
إن كررها أخذي الإجراءات اللازمة والقوية

 

[*المــــلكة*]

الله يعينج حبيبتي
نفس السيناريو ينعااااد
هذي اهي لازقه فيني ظفرج يسواها انا كنت اعرفها قبل والحين انتي عندي بالدنيا !!!!
ونفس السيناريو ينعااااد
بروح عند اهلي مابي اسمع منك شي وبنات ساعدوني !!!
والله تعقدت من الزواااج ​

 

[كلي أنوثة]

لا تخلين زوجج وحلالج عشان وحدة مثل هاذي ماعندها شرف تكلم واحد متزوج و ترخص نفسها و اتمييع و اتدلع
و صدقيه حتلو جذاب معناته مايبي يخسرج عشان المعتوهة الي تكلمه الله يوفقكم

 

[اميره بعيونه88]

اذا قال بردج ردي واهتمي بنفسج اكثر وحولي تغيرين بيبي ريلج وخطه

وخلي بنت ابليس تمووت بقهرهاا يضل ريلج ولا تشمتين الناس فيج

والله يهديكم لبعض

 

[فرفورهـ]

بنت ابليس الله يستر علينا منهم ويستر عليهم

 

[كويتيه مذهله 87]

الله يهديه ويبعد بنت الحرام عنه

 

[إماراتية ملقوفة]

لاحول ولاقوة الا بالله

صدقها اللي قالت ليش تطلعين من بيتج !

اختي تبين الشور ردي بيتج لاتعطين سراقة الرياييل مجال وتعطينه مجال يطور علاقته وياها ويصفى الجوو

ردي و تمي شايلة فخاطرج جم يوم جدامه صدقيني بيحس على دمه اكثرر بس لاتخلينه بروحه ماتدرين شو ممكن يصير بهالكم يوم

وعقب اذا حسيتي انه صدق ندمان ناقشيه فالموضوع وقليله الله مايرضاها تلعب من وراي اذا ناوي تحافظ علي حافظ على نفسك

والله يهديه

 

[إماراتية ملقوفة]

لاتدخلين اهلج بهالموضوع نصييييحة لانه بيطيح من عينهم للاببد ومابينسوون حلي مشاكلج الزوجية بذكاء

 

[wujud]

لا تهدين بيتج علشان وحده مادري شقول
عنها الله يهديه لج وسخره ووفقكم

 

[Laidy n3ooma]

والله هل رياييييل جذاااااابين بسالفه هذا تلفووون الدوام

ريل رفيجتي قاص عليهااا قايل لها هذا بيبي الدوام ورقم الدواااااام

وطاحت علي البيبي طلع البيبي حاطه حق البنات وفيه فوق ال 200 كونتاكت بنااااات ولا من كل دووول الخليييييج وصووووووووور وبلاااااااااوي

حتى تلفون الدوام لازم تعرفينه مو شرط ادقين منه اهم شي يكون مسيف عندج

انا اشوووف انج تزعلين زعله جااايده علييييه حتى لو رديتي عليه واهجريه فترررره خليه يحس بغلطه مو يقص عليج بكلمتين حلوين

وحطيييي شرووووووط حق ردتج

هذي صج جليله حياااا يعلها بمرررررررض

 

[زوجة الوزير]

اااااخ من الخيانه انا مجربتها بعدين لاتتركين بيتك عشان وحده زي كذا

ازعلي وكبريهاااا بس في بيتك عشان مايصفالها الجو الخبيثه

الله يسخره لك

 

[نجمة كويتية]

ليش الريال يخون ؟؟؟

انا استغرب دام انتو يالحريم جميلات مثل ما تقولون ومو مقصرين معاهم عيل ليش تشتكون من الخيانة !!!

اكيد شاف شي ناقص عند زوجته وراح يدوره عند غيرها وللاسف بالحرام ؟؟

ع العموم يا حياتي البنات كفو ووفوا والله يهديه لج ويبعد عنج بنات الحرام اللي ما يحلالهم الجو الا مع واحد متزوج وهذا كلله بسبب غيرتهم وحرتهم انه عايش مع وحده متزوجه وهن عانسات طايحات بجبود اهلهم​

 

[love love]

لا تطلعون من البيت صدقيني وجودج جدامه بيحل المشكله بيشوفج كل يوم بيله يوم ويتعب ويصالح وحتى لو صديتيه بس بيحاول وبتتراضون

اما اذا برا البيت بيصير ساللفه عزه ومااتنازل ومثل مااهي اطلعت ترد او انتي ماتبين من يتصل تردين بتخافين يقول متشفقه


ابسط شي موقادره تشوفينه طرديه مرده بيرد للبيت

استغرب من بنات لي زعلت راحت بيت اهلها سوري بس انتو مو خدم ترجعون اهو يطلع اهو غلطان هـذا بيتج مثل بيته


واكبر مثاااال ربج سمح بالمطلقه تقعد شهور العده بيت الزوج لانه يمكن يسبب الفه بينهم


شي ثاني هـذي سالفه خيانه يعني هديتي البيت بتخلين مجال لهم والي ماتستحي خذت الي تبييييييه والله ماقهرتني الا لما قالت لج تجسيين على ريلج؟ اي يعني تدري انه ريلج



لا تصيرين مطلقه علشان تاافهه نفس هـذي هذي انسانه تافهه لو صج لها كرامه تهده ليش ماتزوجها وخطب غيرها



نصيحتي لج مسكي سيادتج وابجي عليها محددددد بيحل مشكلتج غير ربج صدقيني بعد هالصلاه بتشوفين الامور تمشي بصالحج انتي لو شنو صار

 

[بطوووطة$بيضة]

بسكم تعبث ابتليفونات رياييلكم الله يهداج ليش سويتي ابنفسج جذي ...يعني رديتي عند امج شنو يعني ابتطلقين ولا شنو حبيبتي كان تليفونه جدامج الحين راح يحط من وراج ويكون ابعلمج ماراح بهدها ...لانج حريتيه انج اتبشين ابغراضه ...وخليتيه ورحتي حق امج الحين حبيبته بتساحل فيه وراح اذمج جدامه واهوا راح يتمسك فيها اكثر الله يهداج بس ....

 

[*E.B.D.A.3*]

ماتوقع هالاشكال عليها حسوفه لو راح
او افترقتوا !!
الي ماحس بقيمتج وانتي معاه وشايلته على راسج
مايستحق حتى قطعه طين تحت نعالج !!

ريلج جذاب وجذاب عوود بعد
يقول مبتلش فيها، وعلاقتهم من اجمل مايكون !!!
بس طقيتيلها بنق على طول قالت دق علي :\

اصلا شيظمنج انه ماطلع معاها ونام معاها بعد ؟؟
شيظمنج انهم ماخاروها وراحوا حفلات وسوالف؟؟
مابي ازيدج، لكن ترى الواقع مر !!

جزء مني مايبيج توصلينها حق الاهل
وجزء مني يقول هالريال مراح يفج حتى لو شرطتي عليه كل شروطج
مبين عليه لعوووب واايد ومستغل غفلتج عنه !!

انتي اذا تبين الزواج يستمر عطيه فرصه اخيره وقوليله خل احس بس ، مجرد احساس انك مو مضبوط
والله مايردني لك اكبر شنب بالديرة !!
وفرضي عليه كل شروطج، من الطأطأ لي السلام عليكم

اما اذا انتي غسلتي ايدج منه مثل ما انا غاسله ايدي
وصليها للطلاق !!
هالريال لو انه يحبج ولو انها ماتسوى ظفر ريلج
ليش كلمها من الاساس ؟ ليش كون معاها علاقه ؟؟
يخسي لا يحبج ولا بطيخ
وقال الي قاله عشان يتفادى المشاكل بس !!!!
واهني المشكلة .. هاذي المشكلة بعينها " انه مايحبج" !!
لان هذا معناته لو طال او قصر الوقت بيرد على عادته القديمة !!
وبيردلها مره ثانية وثالثه :\


انتي ادرى بحياتج
لكن لا تصدقين كلامه، ولا تعطينه الثقه
طول ما انتي حولينه خلج امفتحه عيونج عدل :\

 

[nano]

امممممممممممم لاتخربين بيتك واكسبي زوجك بس خليه يكلمها قدامك وتسمع الكلام السم اللي قاله عنها لان البنت مارتضى احد يتكلم فيها كذا لو كذب او انه حاول يرضيك بتزعل وتذلف صدق مو من حقي ارد لاني لسى ماتزوجت سوري حياتي بس علق بحلقي كلام هع اسفه مره ثانيه

 

[كلي أنوثة]

Love love
انا معاها خوش كلام:rerrerek:
الله يهديكم ويوفقكم

 

[dana.7]

الله يسخره لج

 

[Mrs Al-Nasser]

أول شي حسسيه ان اللي سواه شي عووود عووود
ولا ترضين بسهوله
مو تهدينه لأ ! بس لاترضين بسهوله
قعدي بيت اهلج جم يوم
واذا حاول يردج جم مره
ردي ..
بس هم مو كل شي يرد مثل قبل على طول لأ
عشان يحس بحجم الغلطه اللي غلطها

ثاني شي يا حبيبتي على اي اساس عنده فون وعنده رقم وانتي ماتعرفين الرقم !
اول شي تتفقين معاه الرقم يغيره والتلفون ماله بعد اذا يقدر يغيره عشان لاتعرف البن ماله
او يعطيها اقنور جدامج
ثاني شي تلفوناته كلهم تعرفين ارقامهم والباسوردات بعد :eh_s(15):وتكونون متفقين على هالشي اثنينكم
لان ماكو شي ينخش بين المرا وريلها

والله يهدي نفوسكم حبيبتي بس فكري عدل ولا تتهورين ولا تصغرين او تكبرين المسأله زياده عن اللزوم
​

 

[Mrs Al-Nasser]

بسكم تعبث ابتليفونات رياييلكم الله يهداج ليش سويتي ابنفسج جذي ...يعني رديتي عند امج شنو يعني ابتطلقين ولا شنو حبيبتي كان تليفونه جدامج الحين راح يحط من وراج ويكون ابعلمج ماراح بهدها ...لانج حريتيه انج اتبشين ابغراضه ...وخليتيه ورحتي حق امج الحين حبيبته بتساحل فيه وراح اذمج جدامه واهوا راح يتمسك فيها اكثر الله يهداج بس ....

ها عيل تبينها تقعد جنها مغفله واهي ماتدري عن شي ويستغفلها ويكلم بنات من وراها؟؟!
شالتفكير هذا
​