- إنضم
- 1 يونيو 2010
- المشاركات
- 4,996
- مستوى التفاعل
- 9
- النقاط
- 0
hello
شلونكم بنات شخباركم ..؟؟
الصراحه اليوم حدي انصدمت من وحدة قطت علي حجوه ظايقتني شوفي معاي حق ولا لا ؟؟
قاعده احاول اطنش بس مادري احس ليلحين تقرقع
الحرمه هاذي كبر امي ملتزمه وخنقول فيها نوع من التشدد ..
المهم ان هالحرمه عندها بنت بعمر الزواج وانا يايبتلها معرس ..
فكلمتها عنه اليوم وقالت لا بنتي خاطبها ولد خالها بس اهي متردده لانه ملتزم حيل وبنتي مو راضيه تقول انتو صاكين علي وابي اتزوج عشان اعيش حياتي مابي واحد يحكرني بالبيت وولد خالها جذي ممنوع عنده المطاعم وممنوع السفر والسوق والسياره .. يبيها بالمختصر مكينة تفريخ ..
والريال الي انا يايبته حق بنتها عكس يعني متفتح ويخاف ربه بنفس الوقت خنقول معتدل ..
المهم انا يايه بفهمها ان مافيها شي يكون معتدل ..
وقتلها كا زوجي متدين بس يروح مطاعم ويوديني السوق ونسافر ومافيها شي ..
جان تقول لا لا اسمحيلي ريلج مو متدين ..
في ريال متدين يخلي مرته تطلع بهاللبس ..!! (( حسستني لابسه بدلة رقص كشكش))
تقولي شكلج مو شكل وحده ريلها عنده غيره لازم يكون له سلطه عليج
تقولي شكلج مو شكل وحده ريلها عنده غيره لازم يكون له سلطه عليج
واي بنات حسيت جنه احد طاقيني طراق على ويهي ..
ليش اشفيه لبسي ..؟؟ امبيه انا نظامي ساعات عباة وساعات قمصان طويله وواسعه
ماعندي شي ضيج مقاسي سمول والبس لارج وكل قمصاني تحت الركب ماعندي شي قصير ..!!
ومكياجي كحل خفيف وزيده بس
لافاونديشن ولا شادو ولا بلشر ولا اي لاينر ولا ليتات بويهي يعني حتى الي يشوفوني مايدرون انا حاطه مكياج ولا لا
لافاونديشن ولا شادو ولا بلشر ولا اي لاينر ولا ليتات بويهي يعني حتى الي يشوفوني مايدرون انا حاطه مكياج ولا لا
والله صدمتني يعني التدين لازم عباية راس ؟؟
قتلها فلانه اهو متدين بس على عمره وريلي مايجبرني على شي انا مو مقتنعه فيه وفعلا اهو يكلمني عن العبايه وايد ويقول استر بس يقول انا ماجبرج عليها
بفهم الحين شنو مفهوم المتدين عند الناس ؟؟
من وجهة نظري المتدين اهو الشخص الي يخاف ربه بكل الامور وقبل لايخطي الخطوه يقول هالشي بيرضى ربي ولا لا .. واللي يحافظ على فروضه حجه وصيامه وصلاته طيب واخلاقه حميده ويساعد المحتاجين ومايقصر بمساعدة احد اللي اذا سألتي سؤال او حكم شرعي يكون عارف وفاهم مو يقولج مادري خل ادق على شيخ .. اللي يبر والدينه ويحطهم على راسه ولا يعصيهم بشي
اللي مايسمع اغاني واللي يصلي بالمسيد واللي ماياكل حرام انا زوجي حتى مطاعم الكويت مو اي مطعم يرضى ياك منه يقولي كيفج انتي اكلي الي تبينه بس انا لا ..
وهاذا نظام ريلي واهي تقول لا ريلج فارط ..
اللي مايسمع اغاني واللي يصلي بالمسيد واللي ماياكل حرام انا زوجي حتى مطاعم الكويت مو اي مطعم يرضى ياك منه يقولي كيفج انتي اكلي الي تبينه بس انا لا ..
وهاذا نظام ريلي واهي تقول لا ريلج فارط ..
وللعلم اهي زوجها ملبسها عباية راس بس بنفس الوقت تسولف عنه نفسه شينه مايدري عن بيته وعياله ولا يبر والدينه ويزورهم بالشهر مره تقول حتى ظحك مايظحك وفوق هاذا طايحه عليه جم مره يكلم بنات بالتويتر وغيره ..
بعرف يعني هل التدين صار يقاس بالشكل الخارجي وبس ؟؟
وهم بعرف شنو المتدين من وجهة نظر البعض ؟
وشنو اقولها باجر لان فعلا باطه جبدي ..!!
