ريلج فارط

[FeShinGoOo]

اي والله كوكو بس الحمدلله ان عرفت نظرتها لي كنت اتوقعها تشوفني بنظره ثانيه

 

[Eva-SS]

والله تبين الصراحة اهي حره شنو تزوج بنتها كل واحد وقناعته يعني ما نقدر نجبر الناس يغيرون تفكيرهم

اما عن المطاوعه اهما بشر ترا يعني مو ملائكة ولا معصومين لما اشوف مطوع بس عنده زله او غلطة احنا غلطاتنا واجد ليش العيون بس على المطاوعه جنا بس اهما اللي وراهم حساب يعني حتى يوم تقولين زوجها مطوع بس ما يضحك ومهمل اهله هذي طبيعته وشخصيته كلنا فينا عيوب مو عشان مطوع لازم يكون كامل

الالتزام انه الواحد عارف حدود ربه ومتثقف بأمور الدين ويحاول يطبقها وتبقى نظرة الناس مختلفة فيه ناس تشوف الملتزم لازم يكون كامل وفيه ناس عندهم اللي يصلي ومحافظ على صلاته يعني ملتزم او مطوع

واذا على اللبس انا كنت اعرف وحده كانت معاي بالدوام اهي متحجبه بس لبسها حيل ملفت تلبس ضيج وفل ميك اب وريحة العطر والبخور تصك الراس بعدين اكتشفت انه زوجها مطوع وتسولف عنه تقول حيل ملتزم انزين يعدل لبس مرته استغفر الله مو بالضرورة تتغطى بس ليش المكياج والعطور لما تطلع .. اهي يمكن بنظرها انها محجبه واحسن من غيرها بس انا اشوف لو انها قاطه حجابها ارحم لها

 

[e7nayyeena]

قال عليه أفضل الصلاة والسلام: (المسلم من سلم الناس من لسانه ويده)

وقد قال: (أنما جئت لأتمم مكارم الأخلاق)

والواضح من الأسلوب أنه دليل عدم تدين ..

وجزاك الله خير أنج حاولتي توفقين بين أثنين ... لكن الواضح من أسلوب البنت والأم أنها خيره للولد ..

أتمنى أنج كلش ما تنزعجين لأنج باختصار ما تقدرين تعيدين تربية الناس من جديد .. والصمت في هذي المواقف دليل قوة

الله يهديها في ناس عندهم معاناة مع لأسلوب ماا يعرفون ينقون الكلام الصح والحلو والمهذب ... وباختصار التدين مو من علاماته غباة وحجاب أو نقاب ... وايد قصص عن الرسول عليه الصلاة والسلام يتكلم عن ناس سيدخلون النار بسبب كلامهم أو أيذائهم للناس ... فالمعنى من الكلام خليها لا تعورين قلبج .. الله يهديها لنفسها

 

[اطياب طيبه.أم عبدالله]

لا تحرين عمرج ولا شي
سوي معروف وقطيه بحر

 

[سمو]

السلام عليكم

اللهم صل علي محمد وال محمد


حبيبتي كلمه وحده بس :

تسولف عنه نفسه شينه مايدري عن بيته وعياله ولا يبر والدينه ويزورهم بالشهر مره تقول حتى ظحك مايظحك وفوق هاذا طايحه عليه جم مره يكلم بنات بالتويتر وغيره ..

المراه العاديه او المعتدله ما تسولف عن ريلها جدام الناس والاسرار ما تطلع بره بيتها ...شلون واهي متدينه وتقول جذيه عن ريلها ؟؟؟:eh_s(10):

 

[كراميلا مرة]

ايي اهي يمكن تقصد انا مو صاك عليج
وترى مثل ماقلي اهم شيء الاخلاق
مو صاك على مرته وعياله وعنده بلاوي

 

[Beyoncee]

حبيبتي انتي صح ولا تبينين شي بينج وبين ريلج حق الناس
اللي يزيد واللي يطرح عن العين والحسد خشي أمورج
ودام ريلج وتعرفينه لا تهتمين ما قالت جذي الا تعرف النقص اللي عندها
واذا عندج خطيب زين انا عندي بنت حلال شرااااايج

 

[نونه العنونه_H]

خل تولي
خليني ساكته احسن

 

[f اميره قلبهf]

الدين يسر موعسر ترا

خليها تولي عنج حسبالها اهيا المسكينه الدين مظاهر مو افعال؟؟

ماعليج منها طاف حبوبه

 

[بنوته كيكه]

والله محتاره لو مكانج كان ضيق حده ليش تقول جذيه هذا وانتي جايبه خوش مع ريايل حق بنتها
تقول كذيه ماعليج وسعي صدرج ولا تشلين هم

 

[PuPa^^SWeeT]

حبيبتي

تختلف الرؤية من شخص لي شخص


يعني اهيا فكرت انه الديانة عبارة عن شلوون تلجم المرة و اهيا عبالها انه اللي يسويه ريلها صح او يمكن اتقص على روحها علشان تقنع نفسها


حبيبتي مو كل شي انركز علييه من اهلنا و قرايبنا و محيطنا و ربعنا


يعني اهيا يمكن مافكرت انها بتحرجج كثر ما اهي حاولت اتحافظ على ماي ويهها لما تمدح ريلها ولا ولج اخوها مادري ولد خالها


انتي مقتنعة بحياتج و بريلج و بعقل ودين ريلج و بعقلج و دينج انتي بعد


فا انسي شللي قالته


ماتدرين شنو داخلها

او ممكن اتكون اهي اللي اتفكر انه الديين بالمظهر و القشووور الخارجية بس مافكرت باللب هل اهوو نقي ولا شائب


ماتدرين شنو فيها اهي


اللي علييج الحيين اتقولين الله يهدينا اجمعييين



بخصوووص انها هاجمتكم ادري انها غلط من فوق لي تحت غلطانة


بس ارد و اقول النفوووس شنو داخلها ماندري


مابي اقول غيرانة منج لأنه الحيين الغيرة و الحسد موضة صايرة


بس اللي اقوووله قولي الحمدلله اذا ريلج مريحج و حابج و تركي الخلق للخالق


وتركي الكلام اللي يقثج و يتعبج انسيييه صعبة ادري بس مع الوقت لو احد يقولج شي ماراح تهتمين وبتنسين بسهووولة

 

[ما كو اسم]

كيفها هذا رايها وهذي بنتها و من حقها تختار اللي تشوفه الاصلح لبنتها

 

[أم الأسلوب]

عسى بنتها تبور ولا اذا تزوجت ما تقعد عن ريل كل يوم تنط من ريل لي ريل ههههههههههههههههههههههههههاي

كيفي شريراا هههههه


الظاهر يطالعون فوق وااايد يبون نعال على راسهم ههههه


ماخذين مقلب بنفسهم شريفات روما وين دوامج خل امصخرهم لج تلقينهم اكبر قزيزات ويموتون بمسجات السكس

الله ياخذهم ولو اني ما اعرفهم

بس اكره اللي يسووون روحهم متدينات


الالتزام عرفناه بس التمثيليات اللي بلا طعمه مالها داعي

 

[المرتاحة]

شوفي اختي لو انا منج بسحب نفسي و كيفها اهي و بنتها

الحين انتي هذا يزاج انج يايبه ريل حق بنتها تقوم اطب فيج.. مو بعيده عقب ما تزوجين بنتها بتقعد تلومج على اي مشكله تصير بينهم


وبالنسبه للتدين .. الدين هي الاخلاق

اللي تلاقينه مربي لحيه و قاعد يسبح... والخ هذا مجرد شكل اهم شي اخلاقه اشلون

اذا ديانته ما عدت اخلاقه فهذا اسمحولي ما يسمونه متدين.. يسمونه ديكور متدين

 

[أريد حلا]

الله يسامحها و يبارك فيج اللي تحبين الخير للغير

 

[louraa]

حبيبتي لا تتضايقين ولا شي
حمدي ربج على زوجج وان عقليته مو نفس هالاشكال
واذا انتي على كلامج لبسح واسع و تحت الركبه و تلبسين عباه
لا واهم شي ان انتي قياسج سمول وتلبسين لارج شنو معناته؟؟؟؟
حتى الياهل يفهم معناته انج محترمه حجابج و نفسج و ريلج

الدين معامله
كل انسان و طريقه فهمه
في ناس تفهم التدين عباه
و ناس بس صلاه و صيام
التدين لازم يكون معتدل و الدين يسر مو عسر
لازم الانسان المتدين يخاف ربه يصللي يصوم يحسن معمامله الاخرين و يحترمهم و ..... الخ

ارد اقولج حمدي ربج ان عقليتج و مفهومج للحياه مو نفس الللي قلتي عنها
صج الناس اجناس

 

[هواجيس الفجر]

مو شرط الرجال المتدين اهو اللي يلبس زوجته و يغطيهااااااا

الرجال اللي عنده غيره اهو اللي يلبس زوووجته و يخاف عليها

يا ما شباب صايعيين ضايعين بس حريمهم متغطيات لانه رجل غيووور مو ديوث

و يا مطاوعه علي نفسهم ما يدرون عن حريمهم

وتلله يا قلبي الناس فاهمين الدين غلط او يستعبطووووووون

 

[FeShinGoOo]

اشكر على وحده مرت وشاركت بموضوعي .. للامانه الحرمه الظاهر حست بتأنيب الظمير وامس يت اعتذرتلي قالت ادري ان جرحتج ومادري شلون طلع هالكلام مني والله انتي اتهبلين وخوش بنيه .. انا ماكثرت حجي وقتلها عادي حبيبتي ميخالف ..


لي ملاحظه على البنات الي يقولون كيفها فبنتها وحره بتزوجها ولا لا.. واضح ان موضوعي مو ليش مارضت بالمعرس ..موضوعي عن الكلام الي قطته علي وعلى لبسي وعلى زوجي هاذا موضوعي .. وانا ذكرت سالفة المعرس وبنتها عشان ابينلكم السالفه وليش اهي قطت علي هالحجي عشان لاتي وحده وتقول مو معقوله قالتلج جذي بدون سبب .. فذكرت سالفة بنتها للتوضيح فقط ..



يزاكم الله خير بنات حبيباتي والله وفديتكم وفعلا الدين معامله واخلاق قبل لا يكون مظهر صح الاثنين يكملون بعض بس واحد بدون الثاني مايسوى شي ..


يعطيك الف عافيه مره ثانيه :*********

 

[بوغاتي88]

حياااااااااااتي لاتضايقين عمرج خليها تولي شكلها محترة منج / الحمد لله والشكر ريلها محسر فيها وحاكرها بالبيت تبي الناس كلها تصير مثلها وشكله ريلها يقز بالمجمعات ويقعد بالكوفي شوبات ويخز هذي وهذي وفبيته ابد اللي متشدد الدين يسر لاعسر