ريحة زفر دم بالبيت ولا عارفه شنو السبب

[نونه المنكوشه]

اها توني اقري الردود اذا بعد ريلج يشم موبس انتي اكيد في شي بالسنترال يبو شركه اتشوف وين الخلل تري احنا مره صارت فينا انشم ريحه خياس ولاندري وين البيت كله تنظف اخرشي يبنا شركه وله طلع قطو ميت داخل السنترال مادري شلون دش

 

[فـراوله]

مادري عن السنترال مع انه متاكده مو منه لانه مو مشغلته ولانه بس بالصاله الريحه والممر
وباقي الاماكن لا واهو سنترال واحد يعني لو في شيء ميت داخل جان الريحه بالبيت كله



​

 

[أ.بيشو]

انتي تبين احد يقولج عين وسحر ...

خلاص لاتزعلين عييين

 

[بنت19]

بما انك نظفتي ومتاكده من التظافه بالبيت
والريحه موجوده ولها شهر
والريحه حتى بجسمك واولادك
>>مابغئ اخوفك بس احتمال يكون *** لأن اغلب المسحورين يطلع منهم ريحة تفر الناس منهم
بس اتوكلي على ربك وسوي هالاشياء وان شاءالله مايطلع ***
شغلي البقره بالبيت يومياً وحصني اولادك ونفسك وزوجك
غسلي جسمك بسدر مقري فيه مدة سبع ايام
ورشي بالبيت مويا مقري فيها وملح
^على فكره هالطريقه ادا مانفعتك ماراح تضرك بإذن الله لانه علاج بكلام الله
وراح يشيل كل شي عنكم

 

[عاشقة الككاو]

اب















..

 

[fatma A]

يمكن الخدامه ما تنظف عدل او تحط ويا التنظيف دم و بول

ترا اتذكر خدامتنا تسوي جذي تحط دم ويا بول بالماي مال التنظيف وتمسح كل يوم وكل مره نقول ما نبي نظلمها بس الريحه كل مالها تزيد وخدامه خالتي فتنت عليها قالت ماما خدامه انتي يحط بول ودم وحتى حطت مره بمطاره الجاي دم وبول الدوره الله ياخذها انشالله

 

[M!ss Pa!n]

غسلي المكان بماي وملح مقري عليه بس مو بالحمام وشغلي شبة

 

[فـراوله]

انتي تبين احد يقولج عين وسحر ...

خلاص لاتزعلين عييين​

عفوا ليش أبي أحد يقولي عين أو سحـر لهدرجه اهو شيء حلو

والواحد يستانس عليه​

أنا قلت الصراحه كل اللي قلتوه مسويته قبل لا اكتب الموضوع ولا جان ما كتبت الموضوع ​

بصراحه ردج غبي ​

 

[فـراوله]

يمكن الخدامه ما تنظف عدل او تحط ويا التنظيف دم و بول

ترا اتذكر خدامتنا تسوي جذي تحط دم ويا بول بالماي مال التنظيف وتمسح كل يوم وكل مره نقول ما نبي نظلمها بس الريحه كل مالها تزيد وخدامه خالتي فتنت عليها قالت ماما خدامه انتي يحط بول ودم وحتى حطت مره بمطاره الجاي دم وبول الدوره الله ياخذها انشالله

ما عندي خدامه حبيبتي


​

 

[fatma A]

حاولي على يوم اطلعين كل شي وتنظفين البيت كله وادورين اذا ما فاد كل هذا وما لقيتي شي شغلي صوره البقره كل يوم بالبيت

 

[فـراوله]

بما انك نظفتي ومتاكده من التظافه بالبيت

والريحه موجوده ولها شهر

والريحه حتى بجسمك واولادك
>>مابغئ اخوفك بس احتمال يكون *** لأن اغلب المسحورين يطلع منهم ريحة تفر الناس منهم
بس اتوكلي على ربك وسوي هالاشياء وان شاءالله مايطلع ***
شغلي البقره بالبيت يومياً وحصني اولادك ونفسك وزوجك
غسلي جسمك بسدر مقري فيه مدة سبع ايام
ورشي بالبيت مويا مقري فيها وملح
^على فكره هالطريقه ادا مانفعتك ماراح تضرك بإذن الله لانه علاج بكلام الله
وراح يشيل كل شي عنكم​

الحمدالله أنا دايما القرآن بيتي شغال وسورة البقره وأرقي عيالي دوم قبل النوم لانه زوجي قبل فتره سال شيخ وقال له سحـر أو عين بس أنا ما اقتنعت الله الحافظ ان شاءالله




​

 

[فـراوله]

حاولي على يوم اطلعين كل شي وتنظفين البيت كله وادورين اذا ما فاد كل هذا وما لقيتي شي شغلي صوره البقره كل يوم بالبيت

اي حبيبتي أنا منظفه البيت كله عدل والسجاد والستاير وديتهم المصبغه والقنفات نظفتهم بنفسي وشلت القنفات ومسحت وراهم
والحمدالله سورة البقره دايما شغاله عندي بالبيت ​

 

[ޢޢޢإيمانޢޢޢะۣۨ>]

هلا حبيبتي
والله ذكرتيني بسالفتي قبل فتره
أشم ريحة زفر قوية بغرفتي وما خليت شي ولا خليت مكان بالغرفه
تخيلي شنو طلع ؟؟؟
البلاك اللي بالطوفه ذااايب ومحترق من الحرارة وانا مو حاسه
والغريبه ان ريحة الحرق مثل الزفر
تأكدي حبيبتي من كل البلاكات والوايرات اللي بالصاله والممر
بس غريبه شميتي الريحه بجسمك وبالولد !
ان شاءالله ماكو الا الخير ​

 

[قلب زوجي وولدي]

شوفي حبيبتي مابي أخوفج دام سويتي كل اللي قالوا عنه البنات ​

هذا يدل على عين أو حسد أو سحرر لانه صارت بنت عمتي مره وكانت تشم الريحه بالبيت ​

لين ما الشيخ قال لها اقري سورة البقره كامله 3 أيام متواصله وجيبي دولكه فيها ماي واقري عليها ​

وشربي من هالماي والاغرب انج تشمينها بولدج وبنفسج يعني مو بس بالبيت فأتوقع صج عين او حسد ​

والله يبعد عنكم كل شر ​

 

[خط احمر]

اختي انتي وين تنشرين ملابس غسيلكم
اذا داخل الشقه فالريحه اللي تشمونها تطلع من البكتيريا اللي تعلقت بالطوفه .لانها تطلع مع مرور السنين .
وان شاء الله مافيه الا الخير .. لا *** ولا عين الله يحفظكم

 

[مشتطـه]

اذا مو قطو ميت بالسنترال اعوذ بالله اخاف سحرررررر مادري

شنو خدامتج ؟

 

[عـيّــآره]

انا مع ايمان اتوقع في بلاك يحترق عندج من فتره كنا نشم بصاله ريحت شي ميت قلبنا الصاله فوق

تحت عفسناها بعدين زادت

الريحه اكثر وتوقعت شي ميت بالمكيف طلع لاوالله البلاك يحترق من داخل

شوفي بلاكات البيت كلها
​

 

[Shinexo]

حتى آذآ قلتي آنآ منظفه بنفسي ترى حزآت يمكن لآسمح آلله تنسين شي لآنج بروحج , يمكن نسيتي نقطه مايضر لو يبتي شركه تعفس لج البيت وتنظف ,

و اللي تقول عين و *** ؟ ماله شغل ترى لان عمري ماسمعت فيه قلت يمكن ماعرف , عفست النت ادور اذا في علاقه بس طلع مافي

اللي بيتها فيه *** او عين ينترس نمممممل ماتقدرين تقضين عليه ,

 

[فـراوله]

من أسبوع مصلحين البلاكات كلها والوايرات ومغيرين الليتات المحترقه ما كان فيه بلاكات
محترقه بس في مكسور وسوينا تمديدات وصارلي 3 أيام عندي عمال بالشقه وصبغت البيت
أمس خلصنا كل شيء واليوم الصبح جبت شركة تنظيف نظفت البيت كله مع انه مو متعوده
عليهم وعمري ما جبتهم بس لانه زهقت من هالريحه اي صح وجيكنا على السنترال ما فيه
شيء ميت فيه وأنا الملابس أنشرهم برا بالشمس

مشتطه حبيبتي أنا ما عندي خدامه


تكفون بنات شسوي أنا زهقت من هالريحه مهما نظفت وبخرت ما أحس البيت نظيف بسبب
هالريحه الزفره

اليوم أمي تقول دام سويتي كل هذا وما راحت أكيد عين أو حسد لانه زوجي فسر هالشيء عند شيخ
وقاله جذي ورفيجة أمي أمس قالت هذا حسد أو سحـر لانه شميتي الريحه بجسمج انتي وولدج
عاد بنات تهقون صج ولا لا بس أنا الحمدالله ما أحس بشيء

بس في شيء ملاحظته فيني من شهر وأكثر كله مالي خلق للصلاة وأحسها ثقيله علي وأقوم أصلي
بس أبي أخلصها بسرعه وقريت موضوع للاخت اهني انها من اعراض الحسد أو السحـر عاد مادري صج
أو لا لانها أول مره تصير معاي جذي وهم من سنه وأنا أحلم بأحلام ويوم أفسرها عند شيخ يقولي عين أو حسد
بس أنا عمري ما حطيت هالشيء ببالي لانه شنو عندي يحسدوني عليه


المهم بنات عندكم حلووول بعد ممكن أسويها اضاهر بروح اشتري مرشات واكتها كت بالبيت هذا للي ظل





​

 

[حبيبة اهلهاا]

حبيبتي الناس الحين تحسدج ع اي شي

ع اي شي اي شي ما تتخيلينه

المهم حبيبتي انا متاكده ان مو *** لان لو ***

جان ما قدرتي تسجدين استحاااله تسجدين ينفجر راسج

و دام انج حافظه سوره الفاتحه و تقدرين تقرينها هما دليل ان مو ***

و دام تقدرين تقرين قران هما مو *** السحر مو هين اي شي يقربج لرب العالمين

تحسين بعوووار مو طبيعي ما تتحملينه عرفتي و دام انج تسمعين قران هما مو ***

يمكن عين و ما صلت ع النبي ترا هما العين مو هينه بس اخف من السحر طبعا

بس شوفي لا تفاولين ع نفسج و لا تفكرين بهالشي و تنرسخ هالفكره براسج غلط

بعدين حتا انتي نفسيا راح تحسين انج مو طبيعيه و انتي مافيج الا العافيه

انا كل الي اقولج اكثري من الرقيه و لا تهجرين قرانج اكثر من ٣ ايام

و عسا الله يحفظكم و يبعد عنكم كل حاسد يارب