ريحة زفر دم بالبيت ولا عارفه شنو السبب

[مشتطـه]

والله ياقلبي احنا قلنا لج لان انتي سويتي كل شي والريحه موجوده


شغلي البقرة يوميآ بالصوت ف بيتج مثل ما سوت وحده وبالصدفة لقت السحر من الخدامة


عاد انتي يمكن عين مادري
عسى الله يفكج منه ويحفظج

 

[ي حليليِ]

*


شوفي جيرانكم يعانون من نفس هالريحة ولا بس بيتكم ؟؟

جيبي هيئة التنظيف ونظفي كل شيء حتى الاشياء اللي متأكدة من نظافتها !!

واهم شيء الزوالي لأن اذا انكب عليها ماي او شيء يطلع ريحة خايسة حتى لو نشف الماي -_-


موفقة وبلغيننا شيصير معاج

 

[نونا**]

الله يعينج الصراحه بس دام سويتي كل اللي عليج مالج الا سورة البقره والزمي الاستغفار واذكار الصباح والمساء وكثري الدعاء انه الله يبطل العين والسحر ويخرج هالريحه من البيت

 

[بحرانيـه]

ييبي شيخ خل يقرا وسوي رقيه والله الحافظ

 

[بحرانيـه]

احس الي يعلقون لج انتي بصوب وردهم بصووب لوووووووووووول

 

[orange blossom]

شي غريب
ما عندي اي فكره حبيبتي
اهي الريحه قوية و لا خفيفة؟

 

[فـراوله]

يعطيكم العافيه حبايبي وما قصرتوا

وأنا الحمدالله كلش ما أقنع نفسي بهالشيء ولا أحب هالشيء

صح انه موجود بس تقريبا معدوم عندي



​

 

[Gatwa DaloO3a]

الله يحفظك من كل شر

 

[Lady_q8]

اذا عندج زرع
نبشي فيه يمكن فيه شي ميت او اكل قاطه ولدج فيه

 

[Ranoon]

من متى ماعندج خدامه ؟

يعني من راحت خدامه بديتي تشمين ؟
وشنو جنسيتها


أكيد الي في بيت عين ماصلت عالنبي
ناس تحسد على كل شى
دام انج ام لعيال ومرتاحه في بيت ومع زوج
يحسدون


داومي على قران في بيتج
والله يحفظج

 

[Dr.Nouf]

انتي تقولين شنو عندي يحسدونه؟

بس الحاسد مايفكر بهالطريقة!




الله يكون بعونج

 

[فـراوله]

من زمان ما عندي خدامه وما شميتها الا من شهر أو شهر ونص

شكرا حبايبي على اهتمامكم

وربي الحافظ ان شاءالله



​

 

[انا لها شمس]

واللهً سالفتج تحير !!!!!!
ودي اعرف شنو سبب هالريحه.. تكفين اذا عرفتي ردي قولي لنا
لاني صج مستغربه

 

[فـراوله]

والله يا أخت شمس مو أكثر من حيرتي

صرت تقريبا اتجاهلها واتنساها عشان ما أفكر وايد

واذا فكرت فيها أقوم أقلب الغرفه



​

 

[قآنون كيفكـ!!]

بعد عمري الله يحفظج
انتي نظفتي وشلتي وحطيتي ومافاد
جربي ترشين بيتج بماي مقري وتقرين البقرة وتشغلينها ببيتج
وشوي شنو يصير معاج ..
ولاتقولين مو حسد ياكافي الحين الناس حتى الماي اللي بيدج طالعون فية ويحسونة غير
الله يحفظج انتي وعيالج وريلج ...

 

[فـراوله]

تسلمين حبيبتي عالدعوه

وهذا للي أنا مستمره عليه ألحين سورة البقره وأرش ماي مقري بالزوايه


​

 

[اللّہ معي ، ♡]

ياقلبي يمكن حمامه ماتت بالمكيف ومكيفً الصاله هو سبب الريحه
صارتلنا مره احترنا ولله وعجزنا نعرف من وين الريحه

طلعت من المكيف ماتت داخله حمامه وينفخ علينا ريحه

 

[فـراوله]

اي حبيبتي أنا من فتره جبت واحد يشوف السنترال
وما لقى فيه شيء







​

 

[راحيل العبدلي]

والله وانا اختج بنت جيرانا عروس وتشم ابيتها ريحه كريهه وكله تنادي اهلها
ويشمون ريحه عاديه ريحة البيت والبخور بس اهي لااا
و عقبها اكرهت زوجها واهم معاريس توهم وما ارتاحت لي قالوا لها فلان طلقج
لانها كارهته وماتبي تشوف وجهه بعد ..
فاكيد مسوي لها *** او صايبتها عييين
انتي اقري قران لاتعتمدين ع المسجل انتي اقري البقره يومياً
و ارقي نفسج واعيالج وزوجج واذكار الصباح والمساء ..
.


والله يحفظكم ولاتستهينين بهالامور انتي تحسين حياتج اوكي عاديه
بس غيرج يمكن يشوف عندج شي وفاقده واهو بالاساس حسود وحقود
فاقري بنفسج البقره

 

[مريااانه 4]

^^^^^^^^^^^^^
انا مع راحيل العبدلي


ولعي سوووره البقرره بالصاله بالغرررفه وحصني نفسج وعيالج وريلج


والله يحفظج خيتوو