رودي للاستشارات الهندسية

[ســتارز]

بعد اذنج مستشارتنا الغالية رودي


بنات ترى كل ماصار الديكور والكرنيش كلاسيك كل ماصار راقي اكثر

خصوصا للصالات والشغل يصير بالتلوين حسب الاثاث

انا بيتي كله كلاسيك

الا الديوانية فيها شوية حركات تعطيها فخامة

 

[rudy]

انا افضل السادة لغرف النوم
ما غرف الإستقبال فيفضل كرنيس في شغل شوي ومع التللوين راح يبين الشغل

سوري بنات كلامي نصفه بدليات والسبب ان الغرفه كانت ظلمة وما اشوف الاحرف عدل ومستعيلة بروح انام


ومثل ما قالت ستارز كلما كان الديكور بسيط يسهل التفنن فيه ويعطيك حرية اكبر في انتقاء الأثاث المناسب اما الي فيه شغل وايد يقيدك ويخليك لازم تحطين اثاث فخم مثله.​

 

[غير الكل]

مشكورة رودي .... عندي طلب ثاني أبي معلم سيراميك وجرانيت حق بيتي يكون شغله نظيف ومجربته بعطيه كل بيتي يركبه ممكن رقم تلفونه ...... وشكرا لسرعة الرد و الاهتمام

 

[الكيكة]

السلام عليكم بنات

رودي اشلونج

مبارك عليكم الشهر و تقبل الله طاعتكم
عساكم من عواده

 

[ســتارز]

وعليكم السلام

اشلونج كيكة والله لج وحشة

حمدالله على السلامة

 

[rudy]

وعليكم السلام كيكة

وينك فقدناك

وفقدنا مقترحاتك وافكارك​

 

[الكيكة]

تسلمون بنات انشالله ماتفقدون غالي

تدرون عطله و سفر ... و ردينا حده حده و قمنا نستعد لرمضان و المدارس بنفس الوقت

و الحين لاهين مع رمضان بين توجيب الاهل و الصلاة و العباده.

كل عام و انتوا بخير

 

[أم الحارث]

السلام عليكم يالغاليه الله يجزيج خير عنا جميعنا أنا طلعتلى مشكلة فى صالة الأستقبال عندى شباك كبيرة وجنبه شباك صغيرة الحين قاعده أسوى ديكور السقف إلى سوى الديكور يقول الديكور إلى يسوونا للستارة المخفية بس الكسرة تصير صوب واحد عند الشباك الكبير بعدين يمشى سيده لحد الزاوية يغطى الشباك الصغير معاه لأن الشباكين فوقهم مكائن الشتر مايقدر يحط الكسرة الثانية لا بينهم ولا بعد الشباك الصغير شلون أذا أبى أسوى ستارة أخاف ماتطلع حلو هل أغطى الشباكين بستارة وحده والكسرة بس صوب واحد

 

[rudy]

تقدرين تغطينهم بستارة وحدة ما فيها شي بس ليش كسرة وحدة قبل لا يكمل معلم الديكور يبي الي بسوي الستارة واخذي استشارته هو افهم من ناحية موديلات الستاير وخلي يعطيك فكرة للديكور

 

[أم الحارث]

الله يجزيج خير يالغالية أنا فكرت أحط بينهم ديكور مثل شكل الطابوق البارز

 

[tantosha]

السلام عليكم انا ابي مساعدتج والي يسلمج انا بسكن شقة يديده بس مشكلتها ان كل غرفة السرميك لون الله يهداه راعي البيت بدع بالألوان الصالة لون السرميك أزرق والحلو فيها انها كبيره فبحط وياها طاولة طعام أما غرفة النوم الماستر لون السرميك أصفر خردلي والحمام كذلك ، والمطبخ أخضر والطقم أخضر بعد ويمه حمام أخضر بعد وفي غرفتين يم المطبخ بس ماراح اثثهم الحين لأني مومحتاجة لهم لأنه احنا بس شخصين ، ابي مساعدتج في اختيار الوان الصبغ أو ورق الجدران والأثاث وشكرا اذا ممكن تردين علي على الخاص اذا تقدرين

 

[tantosha]

هذا كروكي للشقة بس انشالله اصير واضح صراحة انا اول مرة اتعلم شلون ارفق صورة

 

[سيدة الكويت]

رودى السلام عليكم عيدج مبارك وعساج من عواده

دخلت على بيت وحده وشفت استقبالها عجيب احلى من لمسات عاد هذى ما عندها ذوق الصراحه تفاجات شلون سوت جذى ؟؟؟؟ حتى الحريم كل وحده فجت حلجها ووحده قالت اخر الدنيا موت وسوالف

حتى الناس اسالوها من ذوقه جان تقول ذوقى مع بنتى وصديقتى ؟؟؟؟؟شلون وتقول اذا قليت قليت

الصباغ مالها عجيبببببببببببببببب شويه عليه تقولين والله ول بيبر مو صبغ ؟

 

[رحيق]

السلام عليكم . تقبل الله طاعتكم وعيدكم مبارك . حبيبتي رودي اتعرفين عن صبغ اسمه ( فلفيت ) شكله كانه وول بيبر . ودي أصبغ سردابي
سمعت انه عند أصباغ الجزيرة . بس ماادري الكويت فيها أصباغ الجزيرة ووين عنوانهم . عفية لوسمحتو ساعدوني ضروري

 

[nono78]

السلام عليكم . تقبل الله طاعتكم وعيدكم مبارك . حبيبتي رودي اتعرفين عن صبغ اسمه ( فلفيت ) شكله كانه وول بيبر . ودي أصبغ سردابي
سمعت انه عند أصباغ الجزيرة . بس ماادري الكويت فيها أصباغ الجزيرة ووين عنوانهم . عفية لوسمحتو ساعدوني ضروري

انا بعد وياكم وصلت مرحله الصبغ

وابي مساعدتكم بنات:eh_s(1):

 

[اخت فروحه]

كسرة بخور ونونو
اتوقع الصبغ كلش مو موجود بس تقدرون تعوضون بالفايبر اذا سامعين عنه وانا شايفته ترى حلو

 

[nono78]

فروحه

الفايبر قالتلي عنه رفيجتي مسويته حق بيتها

بس للحين مو شايفة اشلون شكله

 

[اخت فروحه]

فروحه

الفايبر قالتلي عنه رفيجتي مسويته حق بيتها

بس للحين مو شايفة اشلون شكله

انا شفته وقالولي عن طريقته تقربيا مثل الدانتيل بس ورق
اتعرفين الجلاد الشفاف مال الكتب اللي مشجر منه وفيه ينحط على الطوفة وينصبغ فوقه اذا تبينه لون واحد بس مشير او اذا تبين تحددين النقشات وتلونين يعني نفس ورق الجدران بس ثابت ما يتشقق

 

[حبيبت عزوز]

عيدكم مباااارك
وحبيتكم تشاركوني بشقه اخوي عندي كم سؤال وابي ارائكم بشقه
وياليت تعطوني افكاااااار لديكور والاصبااااااغ وانا حطيت الصوره
عشاااان تعرفون مسااحة الغرف وااااهم شي تكتبون اسم الاصباااغ والنوعيه يعني اذا
جاااء الصباغ اكون عااارفه شنو ابي من صبغ وديكور
والمطبخ تحضيري بصوره وااااضح طريق المطبخ ابي افكااار للمطبخ
كل شي يخص الشقه قولولي وياليت ماتقصرون

[/url][/IMG]

 

[رحيق]

حبيباتي نونو واخت فروحة . الفلفيت صبغ والسعوديات يتكلمون عنه في منتدى عالم حواء ومنتدى لك وحاطين صورته عندي الصور بس ما أعرف انزلهم . الجلاد الي تقولين عنه اخت فروحة يالحبوبة شفته في حولي عند محلات الديكور . شرحلي العامل اشلون طريقته اركبونة لونة أبيض بعدين الصباغ يصبغ عليه . بس مايصلح حق السرداب . عندي بس صالة السرداب الكبيرة ما صبغتها ومحتارة . ابي شي جديد . والفلفيت وايد عجبني كانه ورق جدران