رودي للاستشارات الهندسية

[اخت فروحه]

كسرة بخور انا اللي اقول عنه اسمه فايبر مو فلفيت لان الفلفيت الظاهر مو موجود بالكويت بس شكله روعة

بس ترى الفايبر يصلح للسرداب لانه مو مثل ورق الجدران اكثر ثبات

 

[اخت فروحه]

حبيبتي حبيبت عزوز الله يوفقكم ويوفق اخوج

روحي موضوع فيدي واستفيدي واتصفحي الديوانية كل شي موجود فيها

 

[رحيق]

شلونج اخت فروحة . أدري على حسب وصفج للفايبر . شفتة في حولي . وتركيبة مثل ورق الجدران . وايد يقولون انه مايصلح للسراديب
والله محتارة أب شي جديد . صبغت سادة وصبغت تعتيق وبحط ورق جدران وحطيت ديكورات في الطوفة وبسوي نبريته في سقف صالة السرداب الكبيرة . بس بعد محتارة أب شي جديد .

 

[اخت فروحه]

تعالي :
شنو هاذا نبريته اول مره اسمع فيه حق شنو وليش ووين
عاد انا ما اصدق خبر اسمع عن شي جديد ياوخيتي انتي حاسه فيني ومجربه

 

[nono78]

ايي حتى انا اول مره اسمع نبريته !!!!

شنو هذا اافيدوناااااااااااااااا

 

[رحيق]

حبيباتي أحبكم في الله وحاسة فيكم . دايما من توصل جريدة الوسيط أفتح على الصفحة الي فيها اعلانات الصباغين . وعرفت النبريته منهم. ترى في اعلاناتهم صبغات الى الآن ما عرفتها . النبريته مثل الزخرفة هذا اذا موغلطانه في اسمها . تكون لون الذهبي بس انتي وذوقج. آنا ناوية أحط زخرفة بسيطة بالذهبي تربط بين السبورت لايت . امسويتها مصممة سعودية عندي صورتها . البعض يحط النبريته في طوفة كاملة. مثلا تصبغين طوفة وحدة مشمشي وبعدين اسوون هاذي الزخرفة.

 

[رورو الدلوعة]

عندي سؤال للكل اذ احد يساعدني

انا فصلت غرفه نوم واخترت اللون المطلوب عبارة عن لون الودري الفاتح والاطار بنفسجي غامق مثل لون المنتدى

بس ربي يسامحهم ما طلعو اللون نفس طلبي طلع كلهاا بنفسجي وما ظاهر ابدا اللون الوردي يعني الكبت والسرير غامق

ما ودي ارجعها لان ما بقى تستاهل

بس سمعت عن ماده تخفف من لون الصبغ نمسح فيها الاثاث ...ما عندي فكره عنها ابدااا
ساعدوني بحل؟؟؟ او طريقه

 

[soso q8]

ماعندى فكرة

بس نصيحة روحى أبيات لواحد أسمة نعهان مهندس أصباغ يقدر يفيدج

أنا أحترت
ببشربت سيراميك
لحمام بناتى عنابى على أحمر درجتة غريبة ومعاة اخضر فسفورى ونصحونى بشربت فضى غامق


بس سؤالى ألحين

بنوافذ اليو بى فى سى عند الشركة السعودية الكويتية هو لة ميزة أنة يجى لونين من برة لون بيج على السيجما ومن داخل تصبغينة من صوب العرفة أى لون تحبينة على ديكوراتج ونسبة عزل 80 بالمية و4 ربلات وعزل جديد للرطوبة ولغبار وهاذا كلام البائع طبعا ؟؟؟؟؟؟ أحد؟

مجلاب شغلهم

بليييييييييييييييييييز الرد ناطرة الدرايش علشان أمر تصنيع وياخذ وقت

ناطرتج؟؟ رودى باقى الخوات

ياليت يخلص هالبيت أحس راسى بيينفجر من التفكير

 

[soso q8]

ههههههههههه

نعهان يعنى نعمان

اخذوا بدليات لى بااااااااجر

 

[عمار يا كويت]

السلام عليكم

اشلونج رودي

بغيت استشيرج بلون المطبخ شنو احلى لونين
انا اخترت المطبخ لون الستيل ودخلت معاه اللون اللي بين الوردي والاحمر بس على الاطراف وشوي في المسكات بس ريلي مو عاجبه اللون يبي لون كلاسك ؟؟؟؟

السلام عليكم أخت فروحة
لون المطبخ اللي اخترتيه غريب وجريئ مع انيما كنت أحب الاستيل وهمن الخشبي حلو أتا سويته لأمي عند الواوان ألومنيم مصبوغ خشبي
بغيت اسالج صور المطابخ الاستيل منج ولا من محل الرياض؟

 

[rudy]

شخباركم بنات تر انا ضعت بينكم وبين هالمسميات نبريته ومادري شنو يحليلكم
يالله ومنكم نستفيد

 

[البسايل]

العين ما تعلا على الحاجب ولو يا رودى

 

[رحيق]

رودي شلونج طولتي الغيبات . وينج محتاجين خبرتج . عفية ماتدرين عن صبغ اسمه فلفيت ضروري ساعدوني في البحث عنه وعندي صورته بس ما أعرف أنزل الصور .وجزاكم الله خير كلكم

 

[اخت فروحه]

عمار ياكويت :

الصور من موقع محلات الرياض
بس مافهمت عليج جريئ وغريب يعني حلو ولا لأ ؟
واشرايج بدال الفوشي احط ابيض ولا لأ ؟

 

[soso q8]

حلو لون الاستيل أخت فرووحة

بس الواحد لو ودة يحط الاستنسل ستييل الأاصلى بس ناار غالى مترة 250
بس ما أدرى لو ماخذتة سادة مو مطقق أحس يدخل حوالين الدوائر الصغار ويجمع وصخ ودهن أحس جذية

 

[اخت فروحه]

ثانكية سوسو عالنصيحة

 

[رحيق]

اخت فروحة صح كلام سوسو تجنبي في المطبخ أماكن يتجمع فيها الزيت والوسخ . والله يوفقح

 

[rudy]

والله يا كسرة بخور الفلفيت اول مرة اسمع فيه بحاول اسال واذا لقيت الجواب برد عليك

 

[dectora 7elwa]

السلام عليكم يا كويتيات اشلونج اخت رودي انا توني اسوي مخطط حبيت اسال عن الحديقه الداخليه هل تستوي بالمخطط ولا بعدين شلون طريقتهاتسوى وللا لا وعن المنور انا شفت في بيت المنور قبه بالسقف وواصل لما الدور الارضي عند لفه الدرج حاطين زجاج بالرض يعني المنور يعكس وتشوفين الطابق اللي تحته من الزجاج الشفاف مادري فهمتوني او لا هذا شسمه وشلون اشرحه للمهندس وشكرا والله يوفق الجميع

 

[rudy]

مرحبا دكتورة حلوه الحديقة الداخلية فكرتها وايد حلوه وتصلح لنا كمجتمع محافظ والاستفادة منها اكثر من الحديقة الخارجية بس بشرط انك ما تضحين بمساحات وعدد الغرف يعني اذا مساحة الارض كبيرة وراهية عليك بالعافة سويها بدون تردد واذا العكس اقولك من الحين لاتسوينها ما تسوى انتي لازم تقعدين مع المهندس وخليه يرسم لك كذا مخطط تختارين منه بس اذا حصل حديقه داخلية بيتك راح يصير عجيب.
اما بالنسبة للمنور اذا كان مطل على الدرج حلو ويعطي اضاءة اما اذا ماخذ من مساحة الغرف ويطل على الدور الأرضي ... ما انصحك لأنة يسبب ازعاج وانتقال للصوت من دور الى درور.