رودي للاستشارات الهندسية

[اخت فروحه]

حبيبتي رودي نفس هالصورة بالضبط بس بدال الازرق فوشي محمر

 

[rudy]

هلا اخت فروحة
اذا كان خفيف راح يطلع حلو عليك بالعافية وتوكلي على الله ولاتنسين الاكسسوارات والزرع راح تحيي المكان

 

[كل الغلا زوجي]

الغالية رودي أنا سكنت من تقريبا سنة
وزوجي يايب الأثاث كله من ايكيا حق دار النوم
المشكلة : حاسته يغمت وبعدين الدار فيها كبتين وسرير ولاني عارفة أضيف ولا أسوي أي شي يخليها دار نوم راقية ومريحة بنفس الوقت
ساعديني

وهذي اول مشكلة في شقتي الحلوة

 

[rudy]

مرحبا اخت كل الغلا

اعتقد الي مسبب الربكة في غرفتك هي الخزائن
واذا في شقتك غرفة فاضية تقدرين تسوينها غرفة للملابس وبهذي الطريقة غرفة النوم تقريبا راح تصير فاضية مجرد سرير وتسريحة
وياريت توصفين الغرفة اكثر وتعطيني حجمها يعني الطول والعرا

 

[كل الغلا زوجي]

الغالية رودي شقتي وايد صغيرة

غرفتين وصالة ، غرفة ماستر وفيها حمام وحمام خارجي مع المطبخ .والرسمة اللي حطيتها طبقا نفس الألوان

عندي غرفة ثانية بس ما أقدر اسويها غرفة ملابس اعتقد غرفتنا 6*6

ومشكورة مقدما

[/url][/IMG]

 

[rudy]

مرحبا كل الغلا

غرفتك ماشاء الله كبيرة واذا فيه مجال لصقي الخزانتين جنب بعض

وحطي التسريحة مقابل السرير وحطي قنفة صغيرة بين البابين وتحت الشباك او العكس القنفة مقابل السرير والتسريحة تحت الشباك

 

[كل الغلا زوجي]

رودي الغالية

الحين المساحة مو حيل كبيرة لأني غلطت اهي 4*5

بس الغرفة رجالية لأنها من ايكيا استايلها جامد وزوجي يحبها وايد ، أمي تقول أنها غمته وتبيني أشتري غرفة فخمة وأنا ودي أحس إني في غرفة اثنوية مريحة .

شنو الألوان اللي ممكن أضيفها على الدار ( صبغ الحايط بيج ) وإطار الدريشة أسود ( الباب مال الدار والحمام كرمج الله بني ) ... الأثاث بني محروق

في شغلة وايد حلوة بالدار وودي استغلها وإهي مثل الإطار الخارجي في الغرفة على الحايط على شكل مربع يصلح لوضع صوفا وعليها ستارة نازلة او ناموسية مثل ما يسمونها

قرقت عليج وايد بس حابة استفيد من خبرتج الديكورية علشان القى نفسي بداري .


الله يعيطج اكثر من اللي تتمنينه يا رب

 

[ســتارز]

رودي لوسمحتي

شنو افضل ارضيات للدرج الداخلي والخارجي ؟

شكرا

 

[rudy]

رودي لوسمحتي

شنو افضل ارضيات للدرج الداخلي والخارجي ؟

شكرا

أفضل شي وبدون منازع ويعمر أكثر من غيرة هو............. الرخام وعندك الرخام أنواع لاتعد ولا تحصى إذا تبينه داخلي أحسن شي السيسيليا لا هو غالي ولا رخيص يعني محايد طبعا فيه الأحسن بس كل شي بسعره
والخارجي حطي رخام صيني صحيح انه يشرب ماي بس بسرعة ينشف خاصة اذا السلم الخارجي معرض للشمس وعندك مساحة كبيرة وهو أفضل من السيراميك ولاحظي بعض البيوت الي سلالمهم سيراميك مع الوقت يتكسر ومع الغسال يتغير لونه وتفكك.

على العموم هذا رأيي والناس أذواق​

 

[rudy]

رودي الغالية

الحين المساحة مو حيل كبيرة لأني غلطت اهي 4*5

بس الغرفة رجالية لأنها من ايكيا استايلها جامد وزوجي يحبها وايد ، أمي تقول أنها غمته وتبيني أشتري غرفة فخمة وأنا ودي أحس إني في غرفة اثنوية مريحة .

شنو الألوان اللي ممكن أضيفها على الدار ( صبغ الحايط بيج ) وإطار الدريشة أسود ( الباب مال الدار والحمام كرمج الله بني ) ... الأثاث بني محروق

في شغلة وايد حلوة بالدار وودي استغلها وإهي مثل الإطار الخارجي في الغرفة على الحايط على شكل مربع يصلح لوضع صوفا وعليها ستارة نازلة او ناموسية مثل ما يسمونها

قرقت عليج وايد بس حابة استفيد من خبرتج الديكورية علشان القى نفسي بداري .


الله يعيطج اكثر من اللي تتمنينه يا رب

عفوا حبيبتي امك مالها داعي اتدخل في غرفتكم وارد اقول عفوا وعذريني اذا كلامي ضايقك واذا ريلك شاريها مسكين وعاجبته خليه يستانس فيها ولاتكسرين بخاطره لكن من ناحيتك تقدرين تضيفين بعض اللمسات الانثوية عن طريق الإكسسوارات وغطاء السرير والأضائة موقع ايكيا السويدي منزل صور روعة لغرف النوم بحاول ادورة واعطيك اياه اتصفحينه وترا وايد يناسبك بما ان غرفتك حيل صغيرة​

 

[rudy]

حبيت اقدم لكم عامه
وكل الغلا خاصة
موقع ايكيا الاصلي السويدى للي حابة اتنسق اثاث بيتها او تاخذ بعض الأفكار

http://www.ikea.com/se/sv/


هذا الصفحة فيها غرف النوم:http://www.ikea.com/se/sv/catalog/categories/departments/bedroom/​

 

[سيدة الكويت]

السلام عليكم شلونج رودى شخبارج امبارك عليج الشهر ان شاء الله

ابى اشترى اكسسوارت للبيت مثلا زرع لوحات اسعار مناسبه من وين احصل ؟

 

[كل الغلا زوجي]

الغالية رودي

أمي حالة خاصة وأنا اعتبر من أملاكها ليش إنها وافقت بعد جهد جهيد على زواجي من حبيبي ونور عيني زوجي الغالي
بس إهي تحب الفخامة وتقترح دايم علينا شنسوي في بيوتنا مع خواتي _( وبالعكس الغالية أنا كلامج عسل على قلبي )


الحين شكلي بغير الغرفة كالتالي :

- بشيل الكبت الصغير نهائي ، وإما بغير الكبت الكبير لآخر من ملوت ايكيا اللي فيهم السحاب الشفاف ، أو أخليه وأضيف عليه تقسيمات داخلية بحيث يسوع الدثرة مالتي .

- ممكن أييب سوفا طويلة وأحطها تحت الدريشة أومكان الكبت الصغير ( بس شنو اللون اللي يناسب ) بدخل لون يفرفح الغرفة من وين تنصحون السوفا نييبها ؟؟؟؟

بعدين قاهرني لون الستارة هل أييبة طقم ويا السوفا ولا ويا السرير ولا ويا منو ؟؟؟؟ وهم شنو الألوان اللي يفضل أدخلها على الدار يعني علشان ما تصير خبصة


صراحة ودي بصور زواجنا كبيرة بالدار بس ولا صورة عاجبتني التصوير كان فاشل بعرسي .
بس الفكرة أنو صورة كبيرة تنحط لي نص الحايط ما راح تضيج الغرفة أو تبينها صغيرة ، أبي أفكار تبين المساحات في الدار أكبر مما هي عليه .

شفت بإيكيا مرايا قطع تتركب وفعلا ركبت وحة بالدار بس ما دامت معانا شهرين ليش انه طاحت من كثرة صك وفك الباب

المرايا أركبها على الحايط أفضل ولا أييب قطعة ستاند .


ودمتم سالمين

 

[rudy]

مرحبا كل الغلا
امك ماسوت جذي الا من حبها لكم وهذي طريقتها في التعبير

اقتراحك حلو بانك بتشيلين الخزانة الصغيرة واحسن ما في الموضوع ان اثاثك من ايكيا لأن الأثاث الفخم ما يصلح للبيوت الصغيرة والغرف الصغيرة لاحقه خير انشاء الله لما تبنين بيتك او تنتقلين لمكان اكبر

اقترح انك تزورين ايكيا وتقعدين مع طاقمهم المسئول عن الخزاين وتقولين لوهم انك بتغيرين الأبواب من عادية الى جرار وتعطينه الموديل الي عندك اكيد راح يساعدك في انتقاء القطع ويعطيك تكملة زيادة للخزانة وبما ان غرفتك صغيرة تقدرين تكملينها بالمرايات الكبيرة تعطي اتساع وحاولي ما تحطين صوفا بالغرفة اخاف ما تستحمل واذا ودك حطي شيزلون صغير​

 

[rudy]

السلام عليكم شلونج رودى شخبارج امبارك عليج الشهر ان شاء الله

ابى اشترى اكسسوارت للبيت مثلا زرع لوحات اسعار مناسبه من وين احصل ؟

اهلييييييييييييييين سيدة الكويت

من زمان ماشفنا مشاركاتك

بالنسبة للاكسسوارات واللوحات ما عندي مكان محدد وين ما اروح اتلقط يمين ويسار بس نصيحة لا تاخذين شي مكرر وايد
وهذي بعد الأماكن
بومبي - ذا ون - لاند مارك - A 2 Z - لمسات - ميداس

- هذا الي طرا على بالي الحين.​

 

[سيدة الكويت]

مشكوره رودى بومبى وين مكانه

 

[rudy]

مرحبا سيدة الكويت
بومبي خابرته في سن سيتي و جلاريا 2000​

 

[غير الكل]

رودي .... مستشارتنا الحلوة . أولا مساء الخير , أبيج تساعديني باختيار كرانيش ديكور الجبس لدوانيتي اللي بالسرداب لان الديوانية مهمة أعتقد اهي واجهة البيت . و شنو الدارج الحين كرانيش الجبس حق غرف البيت كلها بأنواعها من غرف نوم وصالات .

 

[اخت فروحه]

وانا بعد مثل طلب غير الكل بعد اذنج

وغرف النوم شنو الافضل الكرانيش المنقوشه ولا السادة لاني دخلت بيوت وشفت معظمهم حاطين كرانيش سادة لغرف النوم

 

[rudy]

انا افضل السادة لغرف النوم
ما غرف الإستقبال فيفضل كرنيس في شغل شوي ومع التللوين راح يبين الشغل