رودي للاستشارات الهندسية

[rudy]

بنات بقيت مساعده الأخت كيكيه ورودي عفيه ساعدوني أبي صبغ لغرفة بنتي يعني موديل حلو وعندي بالصاله ناحيه معجون بارز والناحيه الثانيه ترخيم وطبعا مع تكملت الممر وصالة المعيشه ودي أغير وبقيت أفكاركم ومشكورين

مرحبا اسولة

بالنسبة إلى غرفة بنتك أنا اقترح انك تزورين محلات ورق الجدران

وتختارين لون ونقشه معينة

وعلى أساسها تصبغين باقي الحوائط

لأن هالمحلات تعطيك أفكار مو على بالك

ولو حاطه في بالك لون معين عندهم راح تشوفين أفكار جديدة​

 

[rudy]

 

[rudy]

 

[rudy]

 

[fife4ever]

مرحبا رودي
انا حبيت اسأل انا في شقتي موزع يطل على الصاله وفيه ثلاث ابواب
ومشتهيه احطه لون فشلون احدد الاوان المناسب
هل اعتمد على الالوان الصاله او على الغره الي تطل عليها
الصاله لونها بيج بدرجه ازرق قامج والغرفالمعيشه احمر بابيض والثانيه غرفة ولدي درجات الازرق والباب الثالث تكرمين حمام
فشرايج اخليه بيج واللعب بالاوان إضاءة او اغير لون الطوفه

وحبيت اسأل وين ممكن احص الشغل للحمام

وانا ابي احط لوحة في الحمام شنو ممكت اختار هل احط طبيعه او رسمه تشكيليه فقط

 

[sunshine22]

fife 4 ever


الستاند اللي حطيتيه انا عندي مقاربه له شريته من الشويخ من محلات اللي تبيع اكسسوارات الحمام والبانيو والجاكوزي
اللي قبال بنك الخليج

تلاقين كووووووووووووم عندهم والاشكال اللي تبين


وماانصحج بالبرواز

انا حطيت بحمامي تكرمون فازه كبيره ومليتها عصيان ورا المغسله لانه حمامي كبيررررر حيل شريت الفازه والعصيان من دبنهامز بس غالي حيل تحصلين بايكيا نفس الطريقه واحلى وارخص


وتحت المغسله في فراغ نثرت فيه حصى من ايكيا شريت 7 اجياس الحجم الكبير وصفيتهم تحت المغسله طلع شكلهم رااااااااااقي ويونس


وعندج بعد لاكسسوارات الحمال شغلات شكثر بسنتر بوينت

من الزباله عزكم الله وطقم فرش الاسنان وفرشاه تنظيف الافرنجي وكلللللللللل شي


ومن ضمن الشغلات اللي شريت للحمام علاق ارضي ب25 من سنتر بوينت اثري شكله ويصلح لتعليق الفوط

 

[bo0ombaa]

ana 3fya aby t9mem bn7e6 nfs bo7ayrafe 7osh elbait ,, m3a nafora ..
madry fhmteny wla la
ehya mo 7mam sba7a la t9er nazla shwaya
aby t9mem allah y3afech

 

[ام وهابي]

اختي رودي بغيت اسالك عن الابواب الداخليه شنو الدارج اللحين ويا ريت اذا عندك صور للبيبان خشب
ويكون فيها ديكورات زجاج
وشنو رايك بالبيبان اللي تكون لها تاج بارز من فوق حلوه ولا مبالغ فيها اذا كانت كل الغرف نفس التاج يا ريت اتردين عليه بسرعه

 

[fife4ever]

sunshine22

مشكوره حبيبتي انا راح اروج الشويخ واشوف

الفازه والعصيان معتاد عليها
والحمام اصل للاستقبال فراح احط لوحه وهمن الاستاد الي شفتيه
وحط عليه شغلات
وحمامي مو ذاك الكبر

 

[ام مياز]

كيكه ورودي
صراحه استفدت منكم وايد
والحين داخله استزيد منكن
شريت طقمين كنب مختلفين
الاول يجي كله ذهبي على زيتي شكله زي المخمل ومكان المقعد باذنجاني مشجر والخديدات تاخذ من اللونين واطراف الكنب حفر بني معتق او اعتقد ذلك الحين شلون اسوي الستاير
ولون الصبغ بيج
اما الكنب الثاني
كله خمري مخملي والحفر بني معتق والخديدات له وجه منها خمري سادة ملبس من النص بشيفون بني اوعسلي والجهه الثانيه خمري مشجر
ها ستايرها شلووون
انتظر افكاركم الحلوة

 

[bint ilq8]

خوووش موضوووع والله مبروك التثبيت "ولو متأخره" هههههه

 

[rudy]

اختي رودي بغيت اسالك عن الابواب الداخليه شنو الدارج اللحين ويا ريت اذا عندك صور للبيبان خشب
ويكون فيها ديكورات زجاج
وشنو رايك بالبيبان اللي تكون لها تاج بارز من فوق حلوه ولا مبالغ فيها اذا كانت كل الغرف نفس التاج يا ريت اتردين عليه بسرعه

شلونك ام وهابي

بالنسبة للأبواب اهي مسالة ذوق
انا ركبت ابواب الغرف لون بني وتعبت يالله لقيت الدرجة المناسبة.
والي معاي يبنون في نفس الوقت ركبو ابواب بلون ابيض وطلعو حلوين بعد.

انتي فتحي مجلات الديكور وركزي على الابواب المعروضة في الغرف.
وبالنسبة للتاج من فوق الباب حلو ويعطي ارتفاع بس لازم تشوفينه معروض في بيت او معرض او مجلة ديكور بعدين تقررين تسوينه.
وفيه فكره وايد حلوه وهي انك تركبين بدل من الشرشوب العادي ( وهو ايطار الباب) تركبين برواز لوحة يكون ذهبي وفيه نقوش وتلقينهم عند محلات البراويز.​

 

[أسولة]

مشكوره رودي على الرد بس بالنسبه للصوره رقم 3 اسود ووردي انا شايفه في سنتر بوينت طقم حمام كامل نفسه وفوط وأنا شريت بس الفوط لأن حمام البنات عندي برتقالي فاتح ما ينفع وبالنسبه للغرفه أسوي طوفه وحده سوده وحط ديكور وردي باقي الطوف وردي اشرايج

 

[الكيكة]

أسوله مو حلو طوفه سوده اولا اتصغر الدار و تغمتها
ثانيا تتوصخ بسرعه و يبين فيها الغبار و تصير جنها لوحه المدرسه على ايامنا


ام مياز .. عالبركه الاثاث الجديد ... الستاير اختاري مخمل ساده .. حطي مسطره الالوان على اثاثج و اختاري نفس درجه الزيتي للصاله الزيتية و نفس درجه العنابي للدار العنابيه

و اذا ناويه تحطين كل الاثاث بصالة وحده خلي الستاره طبقتين يعني لونين زيتي و عنابي

 

[ام مياز]

أسوله مو حلو طوفه سوده اولا اتصغر الدار و تغمتها
ثانيا تتوصخ بسرعه و يبين فيها الغبار و تصير جنها لوحه المدرسه على ايامنا


ام مياز .. عالبركه الاثاث الجديد ... الستاير اختاري مخمل ساده .. حطي مسطره الالوان على اثاثج و اختاري نفس درجه الزيتي للصاله الزيتية و نفس درجه العنابي للدار العنابيه

و اذا ناويه تحطين كل الاثاث بصالة وحده خلي الستاره طبقتين يعني لونين زيتي و عنابي

مشكورة عالرد اختي الكيكه
بس الكنب اصلا لونين الغالب فيه الزيتي ومكان المقعده هو البنفسجي المشجر عرفتي شلون
يعني الحين اخلي الغالب للستارة بنفسجي سادة والشيفون زيتي والا العكس؟؟ ومنو احسن المخمل والا وش افضل شي للستاير
وغرفتي
اللون للجدار بنكي فاااتح والاثاث خشبي على عسلي وفي راس السرير مخمل ابيض وش احط ستارة فيديني جزلك الله خير

 

[الكيكة]

هلا ام مياز ... الزيتي اكشخ للستاير ...مثل ماقلت لج حطي مسطرة الالوان على اثاثج و ااختاري درجه الزيتي اللي بالاثاث ... و حطي الشيفون البيج المايل عالذهبي ...... لا تسوين ستاير بنفسجي

ستاير صالات الاستقبال ابيتي مخمل بس مو المخمل اللماع لا ... المخمل الثقيل اللي مثل خامات التنجيد.


غرفة نومج بنكي قصدج وردي؟ و الاثاث لون السنديان و تاج السرير ابيض ..

اتوقع الستاره تكون بدرجات الوردي ..... اذا تحبين غرفتج هادية حطي ستارة وردي فاتح بس يكون اغمج من الجدران بدرجه
و اذا تحبين غرفتج تكون فخمه شوي حطي ستاره غامجه بدرجات الوردي يعني مايلة للعنابي او الفوشي او للبنفسجي او الباذنجاني انتي عاد شوفي الالوان بالطبيعه و اختاري .. القماش الشانتون حلو لغرفه النوم

 

[ديرتي الغاليه]

مساء الخير:


انا من زمااااااان متابعتكم بس توني مسجله وهذي ثاني مشاركه وارجو من ردوي واختي الكيكه انكم ما طنشوني .........وعندي طلب .........

ابي تعطوني رايكم .........بصبغ صالتي ........طبعا انا بشقه ........وناويه اصبغ صالتي مقاسها 6×5 ........ونويت اخلي الجدار اللي بالوجه يكون عباره عن ثريات بطوفه ومنثور حواليهم كرستالات شوارفسكي ومرايا ملونه وببروز الثريتين بجبس واصبغه ..................لكن محتاره باللون لان زوجي يموت علي لون (البيج والبني ) <<يقول يمشي مع الموضه وغيره ومع اي اثاث ........طبغا اجباري الصبغ قبل الاثاث <<<<هذا كلامه معند ........بس اللي محيرني :

1- شنو اصبغ الركن اللي بالوجه قبل لا الصق الكرستالات والمرايا <<<اخلي تعتيق اولا ؟
2- ياجي الطوف شنو اصبغها اخلي عرض شبرين لمعه وعرض شبرين مطفي بالعرض يكون اوف وايت وبيج ؟

(اسفه كثرت طلبااااات ).......انتظركم الصبغ ناوين عليه بعد 10 ايام ....

 

[الكيكة]

حياج الله ديرتي الغاليه أنا رايي انج لا تسوين تعتيق ( قدييييم راح موديله )
و انج تخلين باقي الحوائط ساده مو شبرين لمعه و شبرين مطفي علشان لا يصير المكان وايد لويه و مزعج للنظر

اما الحائط اللي بالوي دام ريلج يبي درجات البيج اوكي ليش لا ...حلوووو... بس اختاري عاد غامج شوي علشان يبين الكريستال

شوفي هالصور و اخذي افكار ...

و نبي نسمع راي رودي بعد

 

[ديرتي الغاليه]

مشكووووووووره يا قلبي بس الصور وايد تارسين الكرستلات لا اني ابي شيء ناعم اوزعه علي خفيف ..........


يعني رايج اصبغ باجي الطوف لون ساده ؟؟؟؟؟ بس اللي اقصده لمعه ونص لمعه من نفس الدرجه يعني اللي يدقق راح ينتبه ؟

 

[امراة من زمن الحب]

لا يوقف