رودي للاستشارات الهندسية

[ahbabi]

انا ابني بيت وودي احد يشلركني افكار جديده بالبناء

 

[ahbabi]

انا برايي لازم ناخذ وقت كافي ومانستعجل في الديكور والاثاث

 

[جيجان77]

تسلمين كيكه
واحسن الله عزاكم
ماقصرتي والله بيض الله وجهك

 

[الكيكة]

أجرنا و اجرج ام مياز
صح كلامج الجرانيت الناعم مال الصالات نوعين فل بدي full body و فيه عادي مو فل بدي
حوش اهلي عادي مو فل بدي .... و لون واحد .... و خلوه ليومج ها ما تغير ماشالله
اهو يعتمد ترا عالتركيب بعد اذا المعلم شاطر و مركبه عدل ما يتكسر ولا يصير له شي

جيجان ... حياج الله حبيبتي و بالتوفيق ابيتج

هلا احبابي ,,, كلامج صحيح لازم ما نستعجل بالديكور و الفرش و لازم لازم تقتنعين بكل عود تحطينه ابيتج .. اهم شي القناعه .. اذا شريتي شي و مومقتنعه فيه ماراح تحبينه

و كل شي يكمل شي و الفرش و الديكور مراحل ... الله يعين اللي يفرشون والله .... أنا سنه كامله افرش بيتي من خلصت الصبغ و الحمامات و الارضيات والمطابخ ...بلشت اشتري الثريات و مغاسل الضيوف و الاثاث و الستاير و السجاد و الاجهزه و الاكسسوارات و اخر شي المواعين .... صج يبيله تعب و فلوس

 

[ام مياز]

الكيكه
ارسلت لك عالخاص صورة عمود عندي مسويه منه اربع في غرفة النساء اوكي
مشكلتي حطيت فيها فتحات للكهرباء وهم حول الشبابيك
الحين شحط فيهم ؟؟ابليكات؟(مااظن مناسب لاني حاطه في جدارين من الغرفه) انتي مارايك

 

[ســتارز]

بنات تكفون رودي والكيكة ... راعي الديكور وزوجي ينطروني

اذا عندكم صور عن ديكور السقف والكورنيش شنو الجديد اللي الحين واصلينه الناس

شكرا مقدما

 

[الكيكة]

ام مياز .. ماوصلني شي عالخاص

اذا ماتبين تحطين ابليكات عالعواميد ... تقدرين تغطين فتحات الكهربا بانك تعلقين عالعواميد مرايا او لوحات ... و ممكن اتلبسين العواميد ورق جدران ساده بس يكون خشن و لونه اغمج من لون جدران بدرجه او درجتين بعد اذا تحبين يطلع شكلهم وايد حلو

 

[الكيكة]

ستارز ... اللي واصليله الناس اليوم بيطيح موديله باجر

خلج عالساده الكلاسك احلى شي

 

[ام وهابي]

الكيكه سلونك يا قلبي ومشكوره على ردودك الي تبرد القلب
حبيبتي ارسلتلك رساله خاصه اسالج عن نوع ثلاجات الي موجوده بمطبخك شنو ماركتهم وكم قدم بس ما رديتي علي مدري انتي مشغوله ولا ما وصلج الرساله

 

[tofy]

رودي والكيكة يعطيكم العافية

بغيتكم تحطون لي صور مغاسل ودي اسوي نيو لوك حق مغاسل الظيوف الي عند امي

وتدلوني وين يبيعيون سوالف حلوه حق المغاسل

 

[روزه]

ما شاء الله تبارك الرحمن على الصور يا كيكه وبغيت اسالج الكنبات الصفرا وين مسوتها

 

[الكيكة]

اهلين ام وهابي ... ماياني شي عالخاص

عندي ثلاجتين .... وحده منهم ستيل ثلاث ابواب ( بابين ثلاجه و باب فريزر ) مادري جم قدم صناعتها امريكية ة شاريتها من المبروك بالتنزيلات اب 1000 دينار و سعرها الاصلي 1900

ثلاجتي الثانيه حاطتها بمطبخ التحظير ماركة فريجيدير من الغانم بابين ( باب ثلاجه و باب فريزر و فيها من برا برادة ماي و صانعه ثلج ) وايد عملية و مفيده لانها ثلاجه و براده ماي بوقت واحد ..... شريتها من الغانم بالتنزيلات 360 دينار و سعرها الاصلي 700 و شوي

هلا توفي .... تحصلين اكسسوارات حلوه عند هوم سنتر للمغاسل ( شموع و ورد و طقم مواعين صابون و مزهريات و ماعون فوط)

هلا ظبية ... مشكوره من ذوقج .. أي كنبات صفرا؟
صالة المعيشه لونهم فستقي و مشجر بعنابي و مفصلتهم عند عبد الرضا كاكولي بالضجيج

 

[أم عباس]

السلام عليكم يا بنات ..
الله يعطيكم الف عاافيه على المجهود الواضح بهالموضوع ..
عندي طلب صغير ما عليكم أمر ..
أنا الحين بأثث شقتي صغيرونه في بيت أهل ريلي .. عباره عن دارين كل وحده 6 *6 متر و حمام ...
مافيهم مطبخخ .. فأنا مفكره أسوي كاونتر صغير بزاويه من زوايه الصاله أحط فيه كبت صغير و ثلاجه و مايكروويف ... يعني شي بسيط حق تسخين على السريع ما راح أطبخ فيه ..
ربلي عاجبته الفكره بي مو قادر يتخيلها بالواقع .. فياليت إذا عندكم صوره حق صاله صغيره و فيها بالزاويه مطبخ صغيير ياليت تساعدوني .. الله يخليكم لا إتأخرون لأن ما عندي وقت ..
مشكورين مقدما و الله يعطيكم ألف عافيه

 

[الكيكة]

خوش فكره يا ام عباس و خوووش راي ... و الحين كل البيوت حاطين مطبخ تحظير بالصاله

أنا حطيت صورة مطبخي ابهالموضوع على الصفحه

http://q8yat.net/showthread.php?t=53364&page=67

 

[هند رستم]

يعطيج العافية يا أم بدووور ادري انج كلج ذوق وإنشاالله تعطيني استشاراتج والله يوفقك

 

[الكيكة]

الله يعافيج هند رستم و الله يوفق الجميع

 

[أسولة]

كيكه اشلونج حبيبتي بغيت منج مساعده ابي أغير صبغ السرداب بس مادري شنو اصبغه أو تنصحيني أحط ورق حائط أبي مساعدتج ضروري وبعد عندي بغير مطبخي أي شكل يديد وعملي وحلو وبعد عندي مطبخ تحضيري بس ماني عارفه شسوي فيه أبي استخدمه أنا من سكنت ما استخدمته وبغير ديكوره وبالنسبه لغرفة بنتي أبي صور كبت وكوميدينو وادراج ممكن مساعده وضروري الرد علي بعد عمري ما انحرم من نصايحج

 

[جيجان77]

الكيكة
ممكن تحطين صور لاخر مسكات الستاير وصورة ذيل الحصان اللي تقولين
ومين احسن للستاير القيطان والا الكرستال
وعندي غرفتين مفتوحين على بعض برسل لك صورة شلون افصل بينهم بستارة شيفون والا شلون
ادري دوشتك باسالتي :eh_s(6):

 

[الكيكة]

أهلين أسوله

أول شي السرداب ما انصحج تحطيله ورق جدران .. لأن السرداب مكان رطب و حار و خصوصا اذا قعدتكم بالسرداب ...ورق الجدران يبيله مكان ماعليه دوس وايد ... مادري أنا احسه يصلح لغرفة نوم ماستر و لصالات الاستقبال.

انا أشوف الصبغ وايد احسن للسرداب .. , انا احب و دايما انصح البنات بدرجات الكريمي و البيج ... لانه شرح و راقي و ماتتقيدين بلون الأثاث.


المطابخ الحين الدارج المنيوم او فينول لون خشبي .... و اللون الخشبي له مسطرة الوان عند محلات المطابخ تحتارين اشتختارين .. في لون خشب السنديان و في لون خشب العاج و بعد كل درجات الوان الخشب ..... وايد حلو الخشبي و ستايل

ليش ما تستعملين مطبخ التحظير حطي فيه ثلاجه و خشي الاكل اللي ماتبين الخدم ياكلونه مثلا كاكاو عيالج و الكيك و الايس كريم و أجبان اللايت و اللو فات ... أنا كل شغلي و شغل عيالي بثلاجه ممطبخ التحظير .. اما الثلاجه اللي تحت بالمطبخ الرئيسي كلها كراتين طماط و خيار و خس و هالسوالف و أجبان الخدم و خبزهم

و حطي بمطبخ التحظير برادة ماي و توستر و غلاية ماي للشاي و كورن فلكس و نودلز ... أحنا ريوقنا و عشانا كله من مطبخ التحظير ( ما استغنى عنه ) و تالي الليل اذا ريلي طلب شي شاي او بيبسي ..كلش كلش يايب عشا من برا و يبي صينية .... يمي بمطبخ التحظير ما انزل تحت للمطبخ الكبير .

بنتج الله يحفظها جم عمرها؟ شنو بخاطرج او شنو حاطه ابالج تسوين بغرفتها؟ .... تبين جاهز ولا تفصيل نجاره؟.


هلا جيجان ... مرابط ذيل الحصان حطيتهم لج بصورة الستاره هذيج المره .. رجعي للصور و شوفيهم تكون الخيوط طوال واصلين للأرض.... سألتيني شنو الاحسن القيطان ولا الكريستال.....انتي و ذوقج ....أنا ماحب الكريستال... روحي محلات اكسسوارات الستاير بالضجيج و تشوفين أشكاااااااااااااااااااااااااال حلوووووه و مو غالي .... نفس أكسسوارات الستاير اللي بمجمع الرحاب بس عاد الرحاب نااااااااار و اسعار خياليه .

بالنسبة للغرفتين .... لا تحطين شيفون بينهم ... موديل قديم و بايخ .... قوليلي الغرفتين شنو نوم ولا صالات ولا شنو؟ و انا اقولج شتحطين بينهم و احط لج صور بعد

 

[داريني]

حبيبتي
عطيني حل بالنسبه اذا كان سقف الصاله الرئيسه منخفض
شنوو نوع الاثاث والثريات وشنو الوان الطوف الي لازم احطهاا ؟؟