رودي للاستشارات الهندسية

[سيدة الكويت]

مشكوره الكيكه بس ما احب هاستايل

الله شدعوه 30 تدرين بسنتر بونت ارخص وايد

 

[الكيكة]

شوفي هالموديلات

شوفي هذي اشطولها .. شفتي اشلون تسحب بالارض

المرابط اللي اب 30 طويله توصل للارض جنها ذيل حصان (ماحصلتها الا بمحل واحد بالضجيج ) .. تبين العاديين انا شريت الجوز اب 5

 

[ام وهابي]

عفيه خواتي ابي صور مطابخ حلوه وشنو الدارج الحين بالمطابخ يعني اخر موضه
واحسن الاماكن اللي يسوي المطابخ وشرايكم بشغل الواوان حلو ولا فيه احلى
وشرايكم للي ركبوا مطابخهم شنو احسن بالنسبه لسطح المطبخ رخام صناعي ولا طبيعيافضل
ادري كثرت اسئله بس انتم ما تقصرون محتاره بالمطبخ مدري من وين ابدي توني ما ركبت ولا شريت بورسلان
ومبروك اختي رودي على البيت الجديد منزل العافيه وتتهنون فيه يا رب وعقبالنا يا رب

 

[الكيكة]

اهلين ام وهابي

الدارج الحين المنيوم لون الخشب

و الرخام الصناعي افضل لان الطبيعي مع الماي تتكاثر فيه البكتيريا و يطلع ريحه
او حطي جرانيت ... بس اختاري لون غامج لان الفاتح اذا حاشه الكركم ما يروح

الواوان شغلهم وايد حلو
و شوفي هالصور

اللون هذا مع الجرانيت الاسود سويت نفسه بمطبخ التحظير طلع عجيب يهبل

و هالارضيه سويت مثلها بالمطبخ الرئيسي

و هذا لون مطبخي الرئيسي

و شوفي هالتشكيله

 

[سيدة الكويت]

مشكوره يا احلى كيكه ما قصرتى

 

[الكيكة]

العفو يا قلبي:aha:

 

[ام وهابي]

مشكوره اختي الكيكه تعبتك معاي الله يعطيج العافيه
وباسالج عن الرخام الصناعي منوين اقدر احصله بالكويت يعني اذا اتعرفين الشركه الي تورد الرخام الصناعي (الكوريون) لان الواوان يعترفون ان اللي عندهم صيني مو الاصلي ومعرض للتشطيب وخاصه الالوان الغامجه تبين اكثر من الفاتحه

 

[الكيكة]

ام وهابي .. في محل بسن سيتي اسمه كوريان عنده مطابخ و تخصصه كوريان بس وايد غالي اشدعوه

انا حطيت كوريان من محل بالشويخ اسمه العالمية ... يم بترا ... بس ما ادري اذا صيني ولا شي ثاني .. و قالولي في ماده كل جم سنه تستعملينها ترد الكوريان يديد

حطي جرانيت احسن من الكوريان و الرخام

مطبخي التحظير حطيت جرانيت اسود فيه لمعه مثل الجليتر .. ايونس

 

[الكيكة]

هلا أصوله ...

حياج الله حبيبتي الساعه المباركه

ماشالله صالاتج كبار الله يهنيج .. بس علشان اعلمج توزيع الاثاث على سنع .. حاولي تحطين رسم تخطيطي للصاله و حطي عليه اماكن الدرايش

اللي فهمته ان الصالتين بينهم ممر فيه حمام و مغاسل

مبدئيا الصالة الاولى فيها طقمين قنفات ... و الثانيه فيها طقم واحد و طاولة أكل للضيوف

حطيلي الرسم و انا اوزع لج عليه الاثاث

 

[rudy]

مشكورة كيكة الله يعطيك العافية

 

[الكيكة]

الله يعافيج رودي و ناطرين عودتج

 

[سيدة الكويت]

كيكتى الجميله ....عندج صور قعدات كخخخخخخخخخخخخخخ مو قنفات الى مثل الدوانيه

 

[الكيكة]

هلا سيدة الكويت .. اي حطيت لج قبل جم يوم صور قعدات للسرداب .. و بدور لج غيرهم

 

[sunshine22]

مرحباااااااااااااا

كيفكون


من زمان عن هالموضوع


بنات انا مطبخي فيه جزيره نفس اللي بهالصــــــــــــوره
وماحطيت للحين الكراسي الطواااااال

من تعرف وين احصلهم غير ايكيا مو حلوات كلش
ابي ستايل خيزران وخشب قديم,,,,,,,,,,,,,,,,

 

[sunshine22]

انزين على طاري الستاير

ابي ستاير ينفـــــــــــــج لها الحلج<<<طاع الوصف....

ابي كشخه ابي شي شي مو اي شي وين اروووووووووووح تقترحون علي!!!!!!!!!!!!!!!!

 

[rudy]

شلونك sunshine22 شرايك بهستارة​

 

[الكيكة]

اشلونج رودي .. انتي من زمان هالستاره عاجبتج
رودي عفيه ماتدرين وين يبيعون ستاند للريسيفر؟ لان التلفزيون مركب عالطوفه و مابي احط طاوله ولا شي تحته.


سيدة الكويت ... سوري والله مالقيت صور قعدات متصلة ماكو الا اصور لج القعدات اللي ابيتي و احطهم

 

[rudy]

مركز سلطان - ايس - لوازم العائلة بالجمعيات - واعتقد ايكيا

 

[الكيكة]

صجججججج؟؟؟؟؟؟؟؟؟

ويه و انا صارلي شهر وايراتي بالارض و افكر اروح محلات الستالايت اللي بحولي و متثيقله الروحه

اثاري بالجمعيه و انا مادري ..

مشكوره يالمنقذه .. بشوف اول شي الجمعيه

ترا امس شريت طقم استكانات و الفناييل مع القلاصات عصير و ماي و مواعين الحب كل شي 12 من المبروك و غندور شكر بعد .... بسعر لقطه .. سعرهم الاصلي 1030 دينار .. خذيتهم اب 570

ترا شكلهم مو عادي كرستال ايطالي ضد الكسر .. مصبوغين ترخيم ( مو شفافين يعني مايبين الجاي داخلهم ) و فيهم حاشية نقشه ذهبية بماي ذهب

و في منهم كل الالوان بنفسجي و اخضر و ازرق و وردي و بيج و بني و اصفر و برتقالي

مسوين عليهم خصم اذا تبين شوفيهم

 

[rudy]

عليك بالعافية كيكه انشاء الله اتهنين فيهم انتي وظيوفك يبيلنه نمر مبروك ونشوف شنو عنده