رودي للاستشارات الهندسية

[rudy]

شلونك جهراويه الله يهنيك بشقتك وعقبال بيت العمر
مع ان بعض الناس ما يحبون يقولون بيت العمر وان كل بيت وراه بيت احسن منه ... المهم

كيكه مشاء الله ما قصرت بالردود وانا اثق في ذوقها
مشكورة كيكه

وبنسبة للون الصاله وايد حلو ونبي الصور اتحطينهم لنا على شكل قبل وبعد
اشرايك
وانا هاليومين حدي مشغوله مع العيال وامتحاناتهم والبنيان وعشان كذا انا اطول بالردود عليكم
وتوني يايه من آرت كازا واخذت منهم سراميك لحمام الضيوف الي لونه ذهبي كانه ورق جدران جاكار
يارب يارب يطلع حلو.
​

 

[الكيكة]

شكرا خواتي .. احرجتوني ههههه
الله يوفقج جهراويه
والله كلنا قاعدين نفرش و ايدينا على قلوبنا .. ماودنا نخسر و مايطلع حلو

رودي الله يسهل امورج و يوفق عيالج بامتحاناتهم و عيالنا
اكيد حمامج بيطلع حلو .. انا مو شايفه ذهبي و جاكار ... بس قاعده اتخيله واااااااااو ... انتي بعد ورينا صور الحمام اذا خلص .

 

[الكيكة]

شكرا خواتي .. احرجتوني ههههه
الله يوفقج جهراويه
والله كلنا قاعدين نفرش و ايدينا على قلوبنا .. ماودنا نخسر و مايطلع حلو

رودي الله يسهل امورج و يوفق عيالج بامتحاناتهم و عيالنا
اكيد حمامج بيطلع حلو .. انا مو شايفه ذهبي و جاكار ... بس قاعده اتخيله واااااااااو ... انتي بعد ورينا صور الحمام اذا خلص .

 

[ام مياز]

آسفه حبيبتي بس توني اشوف سؤالك
انشغلت هالأسبوع وما دخلت المنتدي عذريني

أول شي شنو يعني خربزي!!!!! او مره اسمع في هالون

بالنسبة لغرفة بنتك حلو الون الوردي انا وايد احبه وترا الوردي درجات منها الحلو منها الي رايح فيها وليتك اتمرين ايس هارد وير وتشوفين درجات الالوان الي عندهم اصلا راح اتغيرين رايك

وبالنسبة للون غرفتك انصحك اول شي انك تختارين الستاير لأن اختيار القماش اصعب من الصبغ والصبغ ايي مكمل للغرفة وانصحك بعد مع الستارة لون السجاد وعلى اساسه تختارين لون الغرفة يا اما نفس لون السجادة 100% او لون من الدرجات الموجودة بالستارة​

​

مشكورة عالرد عزيزتي الخربزي تقريبا لون اطار المنتدى هذاحق السهم
وبالستارة افكر لونها محايد وساده اللون اللي يناسب كل الالوان والصاله ودي بجدار مميز بحركه عندك افكار ؟؟
وعندي الدرج للدور العلوي يمفتوح على الصاله ودي اقفله ايش رايك زجاج فرنسي والا شنو

 

[rudy]

مرحبا كيكه
شفت الباب وايد حلو عليك بالعافية

بس ما توقعت أسعار البيبان غالية
توقعتهم اب 400 او600

ابييييييييه الله يعيني على اختيار باب البيت

مو لازم انحطه اب 1000 – 2000 لازم

 

[الكيكة]

رودي ... الله يعافيج .. شفتيه بالمحل؟ ولا بالصوره اللي انا حاطتها؟

انا شفت الابواب اللي شكلهم حديد مشغول و المنيوم مشغول و بظهرهم زجاج و بعظهم دبل جام يعني الجام من ورا و من جدام .. حلوين و وايد هابين فيهم الناس شفتهم بالمحلات بالشويخ على 400 و 500 دينار و تختارين اللون اللي تبينه ..

بس انا مابيهم... يقولون يدش منهم غبار لوشتسوين حتى لو يقولولج نحط ربل و عوازل و مادري شنو هم يدش منهم غبار و تنظيفهم صعب و يكشفون البيت بالليل تخيلي عندج استقبال و الحريم ماخذين راحتهم باللبس و الرايح و الراد من برا الحوش او بالشارع يتطمش .

طبعا الخشب مو عملي .. رحت لاخشاب الجسار و نفسهم اللي مانصحوني اركبه عالحوش لانه ما يتحمل جو الكويت رطوبه و شمس ...

انا كنت ادور المنيوم و لونه خشبي و مالقيت الا عند توب روك و ابهالقيمه و اضطريت اشتري بعد شسوي؟

 

[الكيكة]

انا الحين فصلت قنفات امريكي و ستاير لجناحي و غرفة نومي عند كاكولي و شريت لهم سجاد حرير من الضجيج وايد حلوين و كلاس ...و ناويه بعد اشتري سجاد حرير لصالات الاستقبال بس لما اشتري الاطقم اول ( ناطره تنزيلات الصيف ) .

امبيه تعرفين التباستري( السجاد اللي يتعلق ) .. معروفين بكل مكان ينباعون الصغار اب 35 دينار .. لقيتهم بالرحاب على 4 دنانير و ربع ( محل مينون مسوي تنزيلات ) .. ماصدقت الا لما شفتهم بعيني و شريت منهم .

 

[rudy]

انا الحين فصلت قنفات امريكي و ستاير لجناحي و غرفة نومي عند كاكولي و شريت لهم سجاد حرير من الضجيج وايد حلوين و كلاس ...و ناويه بعد اشتري سجاد حرير لصالات الاستقبال بس لما اشتري الاطقم اول ( ناطره تنزيلات الصيف ) .

امبيه تعرفين التباستري( السجاد اللي يتعلق ) .. معروفين بكل مكان ينباعون الصغار اب 35 دينار .. لقيتهم بالرحاب على 4 دنانير و ربع ( محل مينون مسوي تنزيلات ) .. ماصدقت الا لما شفتهم بعيني و شريت منهم .

مرحبا كيكه
جهازي يعلق اينني ما يكتب عربي الا بالزور المهم

انا شفت باب بيتك بالصورة لما الحين ما درت على محلات البيبان بعد وكلامك صح بالنسبة للبيبان الحديد مهما حطيتي يدخلون اغبار والألمنيوم احسن 1000 مرة واظاهر بسوي نفسك
امس مريت محل سراميك (فهد السويد) عجيب عندهم سراميك واطقم حمامات وايد حلوه اول مرة ادخل محلهم وعندهم ارضيات جرانيت لونها غريب الي لونه اخضر على مشمشي ورمادي وايد حلوين
فالي تبي سراميك خل تمرهم شغلهم حلو​

 

[الكيكة]

ايي صاجه رودي السويد عنده شغلات غريبه
مره ريلي وداني مخازن محلات السيراميك ما ادل المكان بس سألي ريلج اكيد يدل ودشيت مخزن السويد و شفت شغلات تهبل و قال لي انهم ارخص من السعر اللي بالمحل ... بس انا كنت شاريه و خالصه

 

[sunshine22]

شلووووونكم



شلونج رودي


بغيت اسالج واسال اهل الخبره



من وين احصل ورق الجدران اللي يكون وياه ديباج نفسه وستاير نفسه
كلهم نقشتهم والوانهم وحده,,,,,,,,,,,,,,,,,,,



ابي بسعر معقول حق غرفت نومي,,,,,ابسويها ستايل غير دارج

وياليت اذا عندج صور نفس اللي ببالي تراوينا يارودي

وسلملم

 

[الكيكة]

كان في محل بالبلوكات اييب ورق جدران و قماش تنجيد نفس الشي .. رحت له قبل فتره اثاري يقول خلاص ما قمت اييب

و عرفت من البنات ان الصراف بسن سيتي اييب طلبيات بس يقولون غالي

 

[سيدة الكويت]

ودى احط ارضيه حق استقبالى بس ما نى عارفه شنو

الجرانيت حطينه حق السرداب لأنه عملى ودخلت معاه بوردارت رخام ورسمات

بس اللأستقبال والرخام وايد غالى ...............؟

 

[rudy]

امس حطيت رد طويل عريض وفيه صور واسم موقع كله ورق جدران بس مادري وين راح

على العموم راح اذكره باختصار
انا من فترة شايفه عند التراث الهندي قماش شانتون سادة له عدة اشكال:
الأول:
سميك ومضرب كانه كفر.
والثاني:
مدروز كاروهات يصلح للستاير.
الثالث:
ساده عادي كانه خام دراريع يصلح تلبيسه للحوائط عن طريق تلبيس الواح
خشبية بالاسفنج الخفيف وبعدها بالقماش ثم ترص جنبا الى جنب على الحائط.​

 

[الكيكة]

سيدة الكويت .. انا استقبالي و سلالم بيتي كله رخام سيسيليا ايطالي بدون بوردرات ولا شي علشان ما اتقيد... سعره مناسب و اكشخ من كل الجرانيت

المتر اب 8 دنانير


رودي مشكوره عالمعلومات انا ناويه اروح التراث الهندي اشتري كوشيات و مفارش

 

[الكيكة]

رودي بستشيرج

عندي بالدور الارضي دار وحده والباقي صالات كبار هالدار صغيرونه و صاده و مفتوحه بدون باب ويمها حمام الضيوف والمغاسل مساحتها 4 في 4

قلت احتاجها اذا حرمه تبي مكان تصلي مثلا ...

حطيت لها قعده متصله حرف L مثل الدوانية علشان ماتاخذ مكان لونها شمواه عنابي ساده و من تحت خشب

و حطيت لها كوشيات درجات البيج . و سجاده حرير بلجيكي عنابي ابيج و تلفزيون ال سي دي عالطوفه.. صارت شحليلها

سؤالي شنو لون الستاره ؟ والقماش و النقشه؟ والموديل؟؟؟؟ لان القنفات لازقين بالطوفه و فوقهم الدريشه

الستاره ابتتكود وراهم و ماراح يبين موديلها

مع العلم ان مسوين مكان تركيبها بالديكور مخفي... يعني ودي اسوي موديل الستاره امريكي ناعم بدون موديلات

ناطره ردج

 

[rudy]

مو حلو الامريكي القصير سويها الستايل الروماني المصفط عرفيته او بالون تطلع حلوه ومرتبه او انك تبعدين القعده اشوي عن الطوفه عشان الستارة تقدر تاخذ راحتها اذا قررتي اتحطين امريكي.

هذا موديل البالون:

وهاذا الروماني:

​

 

[الكيكة]

مشكووووره رودي ...عيل يمكن يبيله روماني .. ماقدر ادنيهم عن الطوفه

البالون مايمشي ما ستايل الدار... البالون ناويه بسويه بغرفه الملابس لاني حاطه الشيفونيره تحت الدريشه

و بسأل راعي الستاير بعد عن رايه

 

[سيدة الكويت]

الكيكه ما قصرتى صج السيسليا حلو اختى حاطته فى بيتها

 

[rudy]

 

[الكيكة]

اللله وايد حلوين .. احلى شي اول صوره
مشكوره بعد عمري ماقصرتي