رودي للاستشارات الهندسية

[rudy]

حسيت ان اول صوره اتناسب غرفتك

 

[سمسميه]

حبيبتي عندي سؤال ما ادري اذا مكانه هني اولا!
انا تكرمين عندي الحمام ما فيه بانيو مع ان الحمام عندي حجمه كبير
بحجم غرفه ما شاء الله
بس فيه شور روم! وهم وسيعه بدون فايده
ودي ببانيو جاكوزي وهالسوالف جذيه

شنو اقتراحاتج؟
اخاف التمديدات تكون صعبه ؟ هل اكو بانيو منفصل!
واشلون اترس الحمام لان حده فاضي وباط جبدي
ومشكوره

 

[الكيكة]

بعد اذنج رودي انا بقول رايي ... ايي نعم في بالسوق بانيو منفصل .. و التمديدات مو مشكله ممكن تكون خارجيه ( خارج الطوفه) مع ان شكلها مو حلو ... بس المشكله راح تكون بالمهرب .. يعني بالوعة الجاكوزي لازم يكسرون سيراميك الارضيه.

كل شي يصير ... بس يمكن راح تضطرين تغيرين البرسلان لانه بيتكسر... سألي راعي الصحية و شوفي شيقول ( يمكن اذا شاف المكان يقول يصير )

و شوفي رودي شتقول بعد

 

[سمسميه]

كيكه
ميخالف خل يكسرون السيراميك انا لون السيراميك عندي اوف وايت يعني متوفر
بس مو متخيله اشلون بيصير
وما عندج فكره جم يكلف؟

 

[rudy]

مشكورة كيكه على الرد

انا اقترح انك اتروحين عند محل الصحية الي ابتاخذين منهم الجاكوزي واهم يقترحون عليك التمديدات وغيرها وعندك حسن ابل عندهم مكتب للتصميم تختارين القطع الي تبينها واهم يرتبولك اياها ويسون لك خريطه الموقع واذا تبين معلم صحي يقدرون يوفرونه لك او يرشحون لك واحد يعرفونه
بس ماقلتي كم مساحة الحمام خلينا انساعدك بالتصميم​

 

[الكيكة]

اسعار الجاكوزي مختلفه تبدي يمكن من 300 دينار
انا خذيته من الحميضي بالتنزيلات اب 350

في انواع سعرها يوصل 800 دينار ( عند الرفاعي بالشويخ ) و في انواع فيهم دي في دي بلاير و حركات و اكيد اغلى

بس البانيو العادي اسعاره على 30 و 40 دينار

هذا غير سعر الادوات الصحيه مايقل عن 100 دينار للحمام الواحد ( انا توني مسويه حماماتي )

غير سعر البرسلان و شغل ايد اللي بيركب

ترا مو قاعده احبطج بس علشان ما تنصدمين ... شغل الحمام ياكل ترا

انا شريت بيت جاهز و اول ماشريت قلت بغير كل الحمامات مع انهم زوينين بس احسب الشغله بسيطه ... و استهنت فيها .... انصدمت و ماتوقعت اخسر كل هالخساير عالحمامات عزج الله ... و شغلهم يطول و يعل القلب على ما يخلص

و بنبهج على شغله مهمه ... اذا حمامج مو بالدور الارضي ... يعني اذا فوق و كسروا ارضيته راح يضطرون يغيرون العازل اللي تحته ( الطربال ) ولا بيقعد يخر على بيتج تحت اذا ماغيروه.

 

[loshidano]

يعطيج العافية حبيبتي

 

[سمسميه]

رودي وكيكه مشكورين على الرد
انا ساكنه بالدور الثانيببيت حمولتي
ومساحة الحمام
توتال 3.5* 4
الشور روم ما خذه متر من العرض
يعني كبير ماشاءالله
بس حدي مو مستغلته فاظي وباصج لان لونه اوف وايت

 

[rudy]

 

[rudy]

مرحبا سمسمية
ودي اقولك شي



الجاكوزي صج حلو ويونس بس ياترى كم مرة راح تستعملينه بالسنه!!!!

وعن تجربه اغلب الي عندهم حوض او جاكوزي ما يستعملونه ملو منه

انا احس الجاكوزي مثل جهاز المشي نهب فيه
وبعدين نتركه شهور بس انتطالع بالعيون



وانتي وكيفيك والي تشوفينه ​

 

[سمسميه]

الله رودي الصور اتينن
عجبتنمي فكرة ان يكون موجود باتنيو وحو قدم بنفس الوقت!
ابي جذيه
حمامي على كبره لكن كئيييييييييب
حتى الاضاءه تط الجبد

 

[getrady]

السلام عليكم
مشكوره اختي على الموضوع الرائع >>توني تحط عليه "<< احنا الحين في مرحله الديكور الاسقف والبورسلان ركبنا الدور الثاني والاول تع وباقي الدور الارضي والصالات وصدقوني اتعب شي بالبنيان البورسلان صجج متعب ومحير
وماقدرت اختار حق حمام غرفتي تعقدت واحس اني مدري شنو ابي ستايل مودرن و الالوان فاقعه او كلاسك والوان درجات البيج اياريت تحلين العقده
وثاني شي شنو احسن للحمامات بيبان خشب ولا المنيوم وهذي اسالتي حاليا
ما ودي ابط جبدك بكثره الاسئله ومشكوره مره ثانيه على الموضوع المفيد

 

[rudy]

مرحبا اختي getrady

انتي الحين تمرين بنفس مراحلي في البنيان يعني خلينا على نفس الخط نفيد ونستفيد.
بالنسبة للحمامات خليك على الالوان الهادية درجات البيج مع الوقت راح ترتاحين لأن الالوان الفاقعه صج حلوه بس تملين منها واتقيدك في فرش الحمام والاكسسوارات.
واذا فكرتي اتحطين الوان مافي مشكله بس دخلي البيج او الاوف وايت وضيفي الون الي تبينه برتقالي احمر بني ازرق ..... الخ كبوردر او لاين من فوق الي تحت كانه زوليه امعلقه بالحمام وتمتد الى الآرضية.

وبالنسبه لي ما جازفت حطيت حمامي لونه بيج على شكل رخام والبوردر المربعات الصغار قياس 1سم في1سم الي مرصوصين على شبكه طلع وايد راقي وكلاسك
مو عندنا الحمام نادر ما يتغير الا مع هدام البيت فتبين شي كلاسك
واذا تبين الذوق بس لاتشترين لان غالي اشوي او اذا اسعاره اتناسبك عليك بالعافية عندك آرت كازا مريهم في سن سيتي ونمي ذوقك:eh_s(15): واستوحي منه بعض الافكار لأن السراميك الي عندهم تقريبا اذا المتر اب 25د.ك بره تلقينه ما بين 3 د.ك الى 8د.ك طبعا مو نفس الشركه بس شبيه له.

وبالنسبة لبيبان الحمامات ما انصحك بالألمنيوم لأنه مافيه ذوق موليه خليك على الخشب واذا خايفه منه خليى النجار يركبلهم لوح المنيوم من الداخل على الباب ارتفاع 40 سم هذا يحفظه من الماي والتشققات عند الغسيل.​

 

[rudy]

هذي بعد منتجات شركة دورافيت
عند حسن ابل وايد حلوه

وهذي اكبر
و قياسها 120 سم اخذتها للحمام الرئيسي

​

موقع الشركه
http://www.duravit.com/​

 

[getrady]

مشكوره اختي رودي على الرد حبيت افيدك ان المغاسل مالت الضيوف
ناويه اخذهم من محل توه فاتح باشويخ اسمه اللوفر صراحه المغاسل عنده
عجيبه وروعه شويه عليه واهو وكيل شركه سعوديه والمغاسل مصنوعه من الرخام الصناعي مع مرايا كبيره نفس دزاين المغاسل ودي احط لك صوره المغاسل اللي اخترتهم علشان تقوليلي شنو يناسبهم من بورسلان لاني بعدي
ما حطيته

 

[getrady]

السلام عليكم
انا رديت لك يا رودي ومعاي صورة المغاسل اللي ناويه اختارهم لحمام الضيوف واهي شكل الاول لستاره وان حجم مكان اللي احط فيه المغاسل 1,5*1,5




سوري حولتكم ما اعرف اصغر الصورة

 

[الكيكة]

رودي المغسله اللي انتي ماخذتها مو عميقه الله يعينج على الماي بيطشر بكل مكان

اختي جت ريدي الله يسهل امورج بس ترا المغاسل اللي حطيتيهم مو حلوين
و ديري بالج لا تحطين ابواب المنيوم للحمامات ترا يصير بيتج جنه مخيم .... كل الناس يحطون ابواب خشب و طول عمرنا حماماتنا ابوابهم خشب
لاتضايقين مني مافيها شي احنا خوات و كلنا هني نتشاور و نتعلم من بعض

 

[rudy]

مافكرت بالماي بس عجبني شكلها واذا طشر الماي راح اضحك واذكرك بالخير

 

[getrady]

مشكورة اختي كيكه على ردك وصدقيني انا ما ضايقني كلامك بالعكس
انا ما حطيت الصورالا علشان تبدون رايكم مع اني عاجبتني امغاسل حييل والناس اذواق ومصره اني اشتريهم والله يوفقج في بيتك حبيبتي

 

[getrady]

مشكورة اختي كيكه على ردك وصدقيني انا ما ضايقني كلامك بالعكس
انا ما حطيت الصورالا علشان تبدون رايكم مع اني عاجبتني امغاسل حييل والناس اذواق ومصره اني اشتريهم والله يوفقج في بيتك حبيبتي

:eh_s(17): :eh_s(17): :eh_s(17): :eh_s(17):