روايتي : *لإِ يغغرگ آسلوٰوٰبيّ القاسي ترى واللہہ گليّ يبيگ ِ gala q8

[صغيرة سن]

متاااااااااااااااااااااااااااااااااااااابعه
واتمنى ماتطولين علينااااااااااااااااااااا

 

[gala q8]

السسسسسلاااااااااااام عليكم شلونكم ؟؟

سامحوووني بس والله لابتوبي أخترب ,, و وديت أسويه واليوم سويته

إن شاء الله راح أنزل لكم بااااااارت بأقرب وقت و ساامحوووني على الطواااااااااله

 

[ليّونة]

مـــــــتـــــــااااااابـــــــــعـــــــــه يــــــــدديــــــــــدده

احم قريت البارت الاول وبكملها ان شالله

اي وبقولج شي دام البطله سميتي أنَــƠ̴̴̴͡ـ̮Ơ̴̴͡ــآ متأكده ان الرواايه رااح تطلع شي خياااال << بره بره &#55357;&#56860;&#55357;&#56860;

المهم يومين ان شالله واردلج بتعليقاتي وان شالله تتقبليني متايعه يديه

سي يو ​

 

[gala q8]

^ حبيبه قلبي ليووونه ,, نورتي رواايتي و ناااطره منجججج تعليقآتج الحلووووهـ يأآأإ حلووووهـ ’’


3>

 

[asmaa111q8]

وعليكم السلام , تمااام

عاذرينج بس لأنج طولتي علينا نبيي بارتين
ولا متابعينج مايستاهلون

 

[سر اعجاب]

وعليككم السسسلاآم
لا عاآااديي قلببي
وننطر البارت &#55357;&#56839;

 

[ANGEL ~]

مسموووووحه حبيبتي بس نبي باررتااااااات طويييييله

مو حلو جذي الواحد ينسى شصاار .. روايات شكثر في هالقسم مو كامله ..

يلااااا ناااااااااطرييينج حبووبه :*

 

[سر اعجاب]

ويتنق .. ♥

 

[FuFu...]

معذووره حبيبتي
ناطرينج :eh_s(7):

 

[ليّونة]

كح كح

آڵسَـِْڵٱمَ ؏ـلـِْيّيّگمَ

نفس ماوعدتج قتلج بقرا البارتات اللي طافتني واردلج

اول شي بقولج رااي بكل صراحه واتمنى ماتزعلين مني

الروايه فكرتهااا روووعه ومميزه بعد يعني على كثر ماقريت رواايات الا ان حسيت ان فيها شي مميز بس المشكله ان الاحداث كلها تصير ع السريييع يعني لو تكتبين كل شي بالتفصيل احسن

مثل اللي صار مع اسيف وفيصل
وملجة مساعد ولينا ماتصير بسرعه بسرعه يعني تخلينا نعيش الجو شوي معاهم هع

والبارتات ياليت تحددين ساعه باليوم تنزلين فيها عشان لا ننطرج طول اليوم ع الفاضي &#55357;&#56833;&#55357;&#56833;
وغير هذا انتي ماعرفتينا بالشخصيات اليديده واعمارهم
رحيل وراشد واسيف وجنى وروان وغيرهم

ومن ناحيه الابطال

اتوقع لينا ومساعد يحبون بععض ومع الوقت بينصدم مساعد بحب وضاح للينه ويبدأ الاكشن

وهند مانقدر نقول غير الله يعينها على مابلاها ويسخر يوسف لها

ورحيل وراشد اتوقع راشد ماراح يحس بحب رحيل له الا اذا فقدها

وجاسم بو لينا اتوقع انه كاتب حلاله باسم مساعد او راشد
واذا راشد راح تصير عداوة بين راشد ومساعد


واخير شي الروايه ليش سعوديه يعني ليش مو كويتيه هههههه ترى فضول مو اكثر $$

وبس اتمنى تقبلين راي برحابه صدر وسوري ع الاطاله والهذرة الزايده&#55357;&#56837; &#55356;&#57145;&#55356;&#57145; ​

 

[mzyowna]

نايس حياتي كملي

 

[gala q8]

كح كح​

آڵسَـِْڵٱمَ ؏ـلـِْيّيّگمَ ​

وعليكم السلاام

نفس ماوعدتج قتلج بقرا البارتات اللي طافتني واردلج ​

اول شي بقولج رااي بكل صراحه واتمنى ماتزعلين مني

لووووووول لااا بالعكسسس ما ازعل والله
​

الروايه فكرتهااا روووعه ومميزه بعد يعني على كثر ماقريت رواايات الا ان حسيت ان فيها شي مميز بس المشكله ان الاحداث كلها تصير ع السريييع يعني لو تكتبين كل شي بالتفصيل احسن

لان وااايد أفكااار أخااف تطير لووول ,, ولان هم أحس ان اللي تقرا تمممل :eh_s(2):​

مثل اللي صار مع اسيف وفيصل
وملجة مساعد ولينا ماتصير بسرعه بسرعه يعني تخلينا نعيش الجو شوي معاهم هع​

والبارتات ياليت تحددين ساعه باليوم تنزلين فيها عشان لا ننطرج طول اليوم ع الفاضي ??
وغير هذا انتي ماعرفتينا بالشخصيات اليديده واعمارهم
رحيل وراشد واسيف وجنى وروان وغيرهم ​

رحيل كتبت إنها صديقه راااشد من ايام المدارس يعني كبره و راشد مثل عمر فيصل
و أسسسيف جنه كتبت قبل عنها و إن شاء الله راح أكممممل على الباااجي

ومن ناحيه الابطال ​

اتوقع لينا ومساعد يحبون بععض ومع الوقت بينصدم مساعد بحب وضاح للينه ويبدأ الاكشن​

وهند مانقدر نقول غير الله يعينها على مابلاها ويسخر يوسف لها ​

ورحيل وراشد اتوقع راشد ماراح يحس بحب رحيل له الا اذا فقدها ​

وجاسم بو لينا اتوقع انه كاتب حلاله باسم مساعد او راشد
واذا راشد راح تصير عداوة بين راشد ومساعد ​

واخير شي الروايه ليش سعوديه يعني ليش مو كويتيه هههههه ترى فضول مو اكثر $$ ​

لووووول .. ما ادري ياات الفكره فبااالي و حبيت أكتب شي يديد , خاصه الروايات اللي قبل كتبتهم غيررر عن هذي ,,

وبس اتمنى تقبلين راي برحابه صدر وسوري ع الاطاله والهذرة الزايده? ??

لووووووول لااا عاادي و أسعدني ردج ,,

​

:eh_s(7):

 

[gala q8]

بنااااااااات والله سااامحوووني وادري المفروووض احط وقت معين بس والله لمن اكتب بااااااارت وااحد لااازم أطول فيه عشان أنسسسسق فييه ,,

الحين كتبته بس بزيده جم صفحه و بنزله و اكتب لكم باااجر الباااااااارت الثاااني ’’

 

[جوري ستايل]

عاادي حبي نااطرينجج
ومعذورره&#55357;&#56856;

 

[ANGEL ~]

♥♥♥♥ waiting
♥♥♥♥ waiting
♥♥♥♥ waiting
♥♥♥♥ waiting

 

[ANGEL ~]

لاتطولييين بلييز وحشتني الرواية هههههههههه p:

 

[سر اعجاب]

من طول الغيبات جاب الغنائم

 

[ليّونة]

waiting ​

 

[gala q8]

البارت الخامس عشر ..​

...​

مسااعد يطاااااالع ليناا و كأن مافي بهالداار غيرهاا , اما لينا تمنت مساعد مو موجود .. أول مره تستحي من شخص بهالشكل !! ,, ​

​

مساعد وقف و مستانس و إبتسم .. طالع وراها ولا أمه ماسكتها و زافتها له .. ​

أم مساعد مستانسه : كيفك يمه ..​

مساعد وعيونه تتلاقط على لينا : الحمدالله بخير ..​

أم مساعد تضحك ( أول مره مساعد ما يبوس راسها ) ..: زين .. وذي زوجتك وعسى ربي يوفقكم و أشوف أولادكم حوالينكم .. حط بالك عليها يا مساعد و صونها .. و إنتي يا يمه يا لينا .. صوني زوجك و راعي طلباته .. وعسى ربي يرزقكم بلي تتمنوونه و يكون خير لكم يارب .. ​

مساعد مستانس : آمين يا يمه .. دعواتك لنا ..​

لينا منزله راسها .. و كل ماله تحس مساعد اللي وراها يقرب و أهوا يتكلم .. و قلبها كل ماله و يطق أكثر ..​

​

شوي و تدخل عمتها بس لابسه العبايه ..​

أم راشد : مبروووك مساعد .. مبرووك ليونه حبيبتي .. ​

مساعد : الله يبارك فيكي يا خالتي ..​

أم مساعد تمسك أم راشد : يا الله خليهم شوي لحالهم .. عشان بعدها تبدل لينا لبسها و تطلع معه ..​

أم راشد : إي أكيد .. يا الله يا أم المعرس خلينا نروح هههه ..​

​

...​

​

مساعد واقف و يمه لينا .. قعد و قعدت .. و مبين عليها ترجف بخفه ..​

طالع مكان هاجر لقاها طلعت ,, إستانس أكثر ,,​

مساعد يطالع لينا و يتأمل فيها .. اليوم جمالها جمااال ملت عينه بدقيقه .. ​

اليوم مكياجها سسسمبل ,, ولبسها العااري ,, و خجلها كبرت فعينه .. ​

مساعد : كيفك يا لينا ؟​

لينا بصوت خفيف ما تسمعه إلا هي : زينه​

مساعد يطالعها تتكلم بس ما سمعها وش قالت فـ ضحك : ههه .. لينا كيفك ؟​

لينا بقلبها تقول شفيه ما يسمع ! .. فقالت بصوت أعلى شي : زينه ​

مساعد إبتسم : وليه كذا مستحيه .. ترا انا رجلك ​

لينا حست بدلدغه على كلمه " انا رجلك " .. وظلت منزله راسها ..​

مساعد : وش فيكي لينا .. ( مسك إيدها لقاها باااارده .. و ترجف )​

لينا كل مالها و تزيد لجفتها ..​

مساعد حس إنه يبي ينادي أمه تشوفها .. الرجفه كل مالها وتزيد !​

مساعد : وش فيكي ترجفي ؟ ترا انا زوجك .. و بعدين أدري إنتي مو متعوده علي بكره بتتعودي .. آآآ .. هدي وش بلاكي هههههه​

لينا مستحيه : مافيني شي .. ​

مساعد : زين .. وش رايك نطلع هالحين نروح مطعم كذا أعزمك و منها نتكلم يعني ..​

لينا مستحيه وبهدوء : أوكي ..​

​

...​

​

لينا نطرت دقايق بعدها راحت تبدل ,, و قالت لـ هاجر اللي صار و ماتت عليها ضحك ..​

هاجر تعدل حجاب لينا : هههههه .. وربي مت عليك من الضحك .. وبعدين حاولي تكوني عادي .. ذا أخوي ما يحب يبتلش بشي .. بعدها بيقول إنك مريضه ولا شي هههه​

لينا : هههههه .. أمبيه ما ادري شسوي والله .. زين شكلي حلو ؟​

هاجر تطالع لينا و ميته ضحك : هههههههههه إإإإي مررره حلووه .. وبعدين قمتي تهتمي بـ مسااعد يا الله يارب يوفقكم ويحفظكم من كل عين يارب ,,​

لينا بقلبها " آميــــــــــن "​

لينا : زين يا الله بروح .. اخاف اتأخر عليه ويعصب ههههههه .. وبعدين فشله ..​

هاجر : زين .. تدلي الطريق ولا أوديك له كمان هههههه​

لينا : لا بروح أدل طريجي ههههههه​

هاجر : ههههههههههه كووووويس .. لا تضيعي ..​

​

لــيـــــنــا طلعت وراحت ..لـ مســـــــــآعـــــــــد ​

​

...​

​

مريم و أمها .. بيطلعون من الحفله بعد ما خلصت السآعه 12:30 ​

أم حمد : يا الله مع السلامه يا ام مساعد وعسى ربي يرزقهم الذريه الصالحه يارب ..​

ام مساعد : آمين .. بس تو الناس خل يتزوجوا وعسى ربي يرزقهم بلي يتمنونه ..​

مريم : إلا خالتي وين هاجر ؟ لايكون نامت ؟​

أم مساعد : والله مدري .. أمكن نامت .. و أمكن راحت تبدل من التعب .. ليه ما تنامي عندنا الليله تقعدي مع هاجر بعد هاجر صارت وحيده الليله ههههه .. ​

أم حمد بإصرار : لالااا خلي مريم تجي بعد ما نبغى نزعج هاجر أكيد تعبانه .. و كمان أبغا أخذ مريم بكره الصبح أوديها للجامعه تقدم أوراقها أمكن يقبلونها هالسنه .. ​

أم مساعد :إإإي الله يوفقها و نشوفها عروس .. ​

أم حمد تطالع مريم و مريم مبين عليها مرتبكه .. ​

أم احمد : امين الله يرزقها بالرجال الصالح اللي يصونها .. و يحطها في عينه .. ​

أم مساعد تطالع أم حمد : الله يرزقها الرجال الصالح .. و إن شاء الله يكون ولدي فيصل من نصيبها ..!​

مريم تمسك إيد امها : يا الله خلينا نمشي !​

أم حمد : والله يا ام مساعد .. هذي مريم قدامك .. واللي عرفته .. إن يا ام مساعد إنك إختي .. ولمن يجي رجال اهله يخطبون بنتك و تآلي الرجال يقول ما ابغاها .. وش تبغيني أتمنى ! أتمنى لها وله الخير .. لكن مو لبعضهم​

أم مساعد : ماني بفاهمه يا اخويتي !!​

أم حمد : إسمعي ​

مريم : يمه خلاص خلينا نروح ما بنغى تكبر السالفه !​

أم مساعد : وش سالفته !!!! .. لا مريم تكلمي وش اللي صاير !​

أم حمد : فيصل قال لمريم إنه ما يبغاها زوجه له .. و إن في باله بنت(ن) ثانيه .. و حنا ما نقدر نجبره ياخت بنتنا اللي هي بنت عمه .. و ما نقدر نربط شخصين و هو ما يبغاها !​

أم مساعد منصدمه : وشووو .. و كيف كذا !!! مستحيل هو ما قال لي ذي السالفه ! .. أكيد في حاجه غلط ! هو قال لي إنه بيتزوج ثانيه بس هو سمع كلامي و رفض أكيد الموضوع ذا قديم​

أم حمد منصدمه : أجل كنتي تدرين يا اخويتي .. كلمي ولدك و حددي موقفه .. بكره يجون خطاب و ش أقول لهم ! .. محجوزه لولد عمها .. ولا ربي يبارك لهم فيها !​

أم مساعد إحترت : أجل خلاص يا أخويتي انا راح أتفاهم مع فيصل .. ​

مريم : يا مرت عمي .. انا ما ابغا أسوي مشاااكل !!​

أم مساعد : ماهي مشاكل يا بنيتي وربي يشهد إيش قد انا مره مرتاااحه لك .. أكثر من أي إنسانه .. لكن صدقيني راح أكلم فيصل بهدوء و ما راح يصير إلا كل الخير .. ​

...​

​

عند أسيف ,, بعد ما وصلوا الريآض بالسيآره خلال 4 سأأأأعأأأأت تقريبـــــــــأ .. ​

​

بعد السآعه .. ​

​

فيصل : الوو .. كيفك حبيبتي ​

أسيف : الحمدالله .. ​

فيصل : وش فيكي ! مريضه ؟​

أسيف : لا بس تعبانه شوي من طريق السفر .. و كمان الشقه اللي أخذناها مره صغيره .. و تجيب المرض فرق بينها و بين بيت أبوويا .. ​

فيصل : ماعليه كلها كم يوم و أجي لكم و أخطبك من أمك ..​

أسيف : هههههههه .. صدق ؟ من جدك تتكلم ؟​

فيصل : إيوا .. انا بكره بقول لامي إني أبغا أسافر مع أخوياي .. و أجيكم .. و إذا وافقت أمك برجع الرياض أكلم أبوي عن الزواج .. و بكذا أبوي بيوافق .. بس أمي بتتضايق يوم يومين و بترضا .. مالها إلا راحتي أكييييد !​

أسيف : الله يريحك .. ريحتني .. دام أبوك بيوافق قول له يقنع أمك .. !​

فيصل : أفا عليييييييك .. بس أمك خل توافق مررره و انا اجيييب عشيرتي كلهم لاجلك ​

أسيف : ههههههه .. فيصل ​

فيصل : عيوونه .. ​

أسيف : أحبك ​

فيصل : اوووووه .. لالا انا كذا ما اقدر امسك نفسي أأأأبد .. أبغا أرقص لالا .. بتصل على أخوياي نروح منطقه ...... لأجل أفحط و أجي هههههه​

أسيف : يوووه .. انا ما احب التفحيييط مررره .. هالموضوع يزعجني ​

فيصل : يووووووووه أجل انسي أفحط ههههههههههه ​

​

(( و فجأه دخلت أمه .. ))​

فيصل : اوكي ماااجد أكلم بعدين ( صكره )​

إلتفت لها و قال : وش فيكي يمه .. عسى ماشر !​

أم مساعد صكرت الباب وراها : وش اللي قلته لمريم !​

فيصل وقف من الفراش : هدي شوي و خليني أتكلم ...​

أم مساعد قعدت بالكرسي و تطق ركبها : وش تسوي يا فيصل تبغا تفضحني قدام الرجاجيل و قدام عمك و ابوك ! .. ذي البنت اللي حبتك .. و خلتك في عينها .. والله كل ما قلنا لها حاجه قالت مقدر ,, فيصل ما يحب ذا فيصل ما يبغى ذا .. والحين قايل لها إنك تبغا غيرها ! كيييييييييف قلبك سمح لك .. كيييييييييف مبادئك سمحت لك ! كييييييييف​

فيصل ماسك أعصابه : انا قلت لك إني أبغا اسيف يايمه .. و إنتي رفضتي قلت انا اكلم مريم و أعرف راااااااااااااااايها أفضضضل .. زين !!​

أم مساعد تطالع فيصل : وليييييييييه ما تستحي على وجهك !! ما عرفت إنك كذا يا فيصل ! لووو ادري زوجتها لـ ضاااحي الوفي أفضل منك ​

فيصل بصوت عالي : ههههههههههه واااضح إن ولدك وفي .. لانه كل يوم يكلم له بنت ​

أم مساعد : و كماااااااااااان تكلمني كذا لجل بنت ما تستاااااهل !!! انا امكككككككك ما تفهم ! .. وبعدين ضااااااااااحي فعلا وفي .. قال لي إخطبي اللي إنتي تبغينها .. بكره يركد بلي هو عليه ... لكن ما يبع أهله و بنت عمه اللي من لحمه و دمه لجل بنت ما ادري من فين جايبهاااا .. و ذي مووو هي اللي نفسسسسسسسها مالها شرف !!​

فيصل بعصبيه و بصراخ : أسسسسسسسيف أششششششرف الخلق .. فاهمممممممين !! و قولي لمريم بنت عمي اني ما ابغاها .. ​

أم مساعد : وشوووو !! كييييييييييييف كذا .. تبغا تبيع الإنسانه اللي شرفها طاااهر و تروح للبنت اللي كل شرفها على لسسسسسسسان العربااان ... انت وش تبغا تسوي فيناااا !! تبغى تذبحني !!!!!!!!​

فيصل : يمممممه إسمعيني أرجوك .. مريم بنت عمي و ما ابغا أضرها معي لكن إن لزمتي على إني أتزوجها والله راااااااااح أسوي شي كلكمممممممم ما تحبووني أسويييه !!!​

أم مساعد تقوم و هي غضبانه : حسبي الله ونعم الوكيل عليك و عليها ,, و دااامك تبغاها تكبر السالفه انا راح أكبرها .. و راح اخلي أبوك هو اللي يتفاهم معك .. و دامك رجاااااااال كلم اللي أرجل منك لا تسسسسسسستقوي على بنت فوق راسي .. و إذا جيت تكلم أبووووك قووول له إن ذي البنت مالهاااااااااااااااااا شررف .. ( و طلعت و صكرت الباب ) ​

...​

(( فيصل قااااااام يطق الكبت بإيده و بريله من الأعصاب اللي فييييييه .. قام أخذ مفتاحه و تليفونه و طلع ,, ))​

...​

عند هند و يوسف .. ​

قعدوا الصبح ,, ​

​

هند تطالع الساعه .. و تطالع يوسف اللي نايم يمها .. !​

هند قامت تتأكد إذا يوسف قاعد ولا لا !! قامت ولبست حجابها و عباتها و طلعت .. !​

​

...​

عند مساعد و لينا .. ركبت يمه و قام يسوق فيها ,, لين ما أفتروا المنطقه كلها ..​

مساعد : ماودك يعني نروح كذا مول و نتعشأ ,,؟​

لينا بخجل : براحتك ​

مساعد : هههههه .. اوكي يا عروس ..​

لينا خجلانه .. ​

​

...​

عند هند ويوسف ​

.​

.
.​

بعدها بسآعات ,, يوسف قعد دور هند بالشقه مالقاها !! ..​

شوي و يطالع الباب يتبطل ..​

يوسف : هند إتني فين رحتي ؟؟​

هند ماسكه أكياس : شفتك نايم و انا من امس قلت لك إن مافي أكل جوا الثلاجه فقلت أنزل للسوبر ماركت و أجيب أكل ! ​

يوسف : وشووو !! هههههههه إنتي حسبالك هنا زي السعوديه ! لا حبيبتي هنا برااا الخليج يعني كيف تخرجي زي ما تبغي ! وبعدين إنتي وفالسعوديه ما تطلعي زي كذا !​

هند : يوووه يوسف وش فيك ! ..​

يوسف : لا تطلعي لي و أنا مدري ! .. فاهمه !!!​

هند : حاظر .. زين ما تبغى تاكل حاجه ؟​

يوسف : جيبي الاكياس أوديهم للمطبخ معك ​

هند : يوووه .. وليه !! خلني انا بنفسي اودي الأغراض و كمان جارتنا إماراتيه راح تسوي لنا الغدا .. ​

يوسف : وشوو أي إماراتيه ؟؟​

هند : ههههههه ما قلت لك .. انا اول ما طلعت شفت جارتنا إماراتيه .. وسلمت علي وطلع زوجها يدرس هنا .. فسلمت عليها و سولفت معها شوي ​

يوسف : اها .. زين ماعليه لو مو كلها كم يوم ونرجع الديره كااان علمتك كيف .. المهم حطي فطور خليني أكل ..​

هند : حاااظر من عيووني يا حبيبي ...​

​

...​

​

قعدت الصبح لينا .. و فتحت تليفونها لقت مسج من مساعد .. ​

" لينا شلونج ,, أخذت رقمج من أبوك .. و بلغني أقول لك قومي إصحي عشان الطيآره بتطير "​

لينا إنصدمت : الطياااااااره بتطيييييير !! لاااا لندددددددن .. ( نقزت من فراشها و راحت تبدل و تغسل ويها وتلبس عبايتها وتنزل بسرعه لووول .. بسرعه = نص ساعه و زوود )​

​

...​

​

مساعد يحزم الجنطه .. و راشد و أمه قاعدين يكلمون جاسم " ابو لينا " ​

أم راشد : لاااا احنا فكرنا نرجع بعد جم يوم بعد ما نروح شوي الدمام يمدحونها .. و تآلي إحتمال نرجع يا الكويت يا لندن وين بنروح هههههه​

جاسم : الله كريم .. انا عندي خبر حلووو .. ان شاء الله بعد ما اخلص من لندن بيي الكويت .. و عرس لينا حااابه يكون بالكويت تقول .. و إن شاء الله سهالااات .. ​

ام راشد : إي والله زين تسوي يا اخوي .. ​

لينا نزلت و إهي تجر جنطتها ..​

راح مساعد يركض و أخذ منها الجنطه .. وراحت لينا تسلم على عمتها و ولد عمتها .. و ركبت السياره و مشوووااا ..​

​

...​

​

بعد وصوولهم لـ لندن ..​

​

لينا حست بإرتيآآآح .. و وصلت البيت و فصخت العبايه من عند الباب ,,​

مساعد يطالعها ما عجبه حركه لينا .. بس قال يمكن مافي احد غريب فالبيت ,,! فخل تاخذ راحتها ,,​

و وصلوا عند باب البيت و نزلوا ,,​

​

لينا ركضت عند باب بيتهم و فتحته , و كان على حطته ما تغير شي ! ​

ومساعد و جاسم دخلوا و حارس البيت يشيل الأغراض ..​

لينا مستانسه : اخيييييييييييييييييييييييييه يا ريحه لندن .. صج صج بخاااطري بـ غرفتي من زمااان ما نممممممممت فيها وربي حدي مشتاااااااااااقه لهاا ,, والله قلبي يتقطع ابييي أشوووووفهااا ..​

جاسم إبتسم : روووووووحي لهااا ,, دامج مشتاقه لها .. ههههه .. وانا و مساعد بنسولف شوي ,, برووحنا ​

لينا إستانست : عن أذنكم ( وصعدت ) ​

جاسم مسك مساعد من إيده : تعال خل نريح و منها نتكلم بموضوع الشركه و موضوع هالاوراق اللي بمخباتي ​

مساعد : حاظر ,,​

​

...​

​

صعدت لينا و هي كل دمعه تسبق الثانيه .. مو مصدقه ان أبوها واافق إنها تروح معاه لندن ..​

​

و فتحت باب دارها ... ولقتها ظلمه .. فتحت الليت .. لقتهااا نظييفه مو مثل ما كااانت .. الملابس اللي قطتهم بالارض موجودين بالكبت ! .. كتبها ملوت جامعتها موجودين بالدرج .. ​

لينا إبتسمت و الدمعه تنزل بخدها .. و خاصه لمن تسمع وحده من وراها تقول ..​

​

... : تغيرتي و كبرتي و تزوجتي يا لينا .. !​

لينا تعرف هالصوووووووووت .. إلتفتت : جووووووولي !!​

جولي مبتسمه : ياااروووووووح جووووولي !!​

لينا راحت و لمت جوووولي ,, : أمبييييييييييه والله حدي مس يوووو ,,​

جولي : ههههههههه .. انااا أكثررر والله ..​

لينا : ليشششش مايتي مع أبوي يوم يااا السعوديه ؟​

جولي نزلت راسها : كنت بيي بس صارت لي ظروووف و ما قدرت ​

لينا : حسااااااااااافه كنت اتمنى أشوفج يمي بيوم ملجتي والله​

جولي : ماعليه .. الايااام يايه إن شاء الله .. ​

لينا : اخييييييه .. والله ايااام ..​

جولي : تعاالي بوريج شي .. ( مسكت لينا من إيدينها ) .. ​

​

ودخلتها غرفه الغستقبال القديمه صار لها فتره مقفوله من قبل لا تروح لينا .. ​

لينا : ويييه شكلج بتوديني غرفه الإستقبال القديمه !!​

جولي : ههه .. القديمه ! تعالي و شوووفي ! ( فتحت الباب )​

لينا تطالع الغرفه و مستانسه من شكلها ,, كان لونها وردي مخطط ابيض .. و ألعاب لليهال .. و كانت الغرفه غرفه بنوته .. و في بعض الأغراض والألعاب ألعاب لينا يوم كانت صغيره ..​

لينا : عجيييبه الغرفه .. ( نزلت راسها )شكلها لأختي اليديده .. ​

جولي إبتسمت : كنت متوقعه منج بتنصدمين .. بس .. خلاص دامج عرفتي .. هذا أهم شي .. ( قعدت بالكرسي و مسكت الدب اللي يمها و قامت تطالع فيه ) .. لينا حبيبتي , هالطفله إهي اللي خلت أبوج يتبعد عنج .. وبنفس الوقت إهي اللي خلتج تتقربين من أبوج والأهم من كل هذا إهي اللي خلتج تيين لندن بكبرها .. ( حطت الدب و وقفت و لفت لينا و مسكتها من كتوفها ) ابوج كان يعرف موديرن هنيه بـ لندن .. و سوا شي ما يرضي ربي .. و بالتالي أكتشف إنها حاامل .. و طلب منج تروحين السعوديه عند خوالج .. لان خاف غن تصير مشاكل من اللي بيسوويه .. خاصه إن أبوج بغى يتعرض لمشاكل و منها السجن !​

لينا منصدمه : الســــــــــــــجـــــن !!!​

جولي بأسف : إي .. بغى ينسجن اكثر من مره وبسبه هالمرا .. نطر لين ما تهدي الأمور و تولد عشان يحلل مع البنت و يشوف إذا هذي بنته ولالا .. ( إلتفتت شوي شوي .. و قامت تروح عند الدريشه تطل منها و تقول ) .. ولمن سوا التحاليل طلعت فعلا بنته .. و طلب مني أحرص عليها و اجابلها .. وتآلي إكتشفنا إن أبوج مريض .. عن طريق التحاليل اللي سواها .. و طلع المرض منتقل من زوجته .. أو بالضبط من المرا اللي غلط معاها ! .. ( تطالع لينا المصدومه ) .. إي إي لا تنصدمين .. بس اهوا صلح غلطته و تزوج المرا قبل لا تولد يوم كانت بالشهر الثاني .. اول ما قالت له إنها حامل حتى تكون بنته بنت شرعيه .. و خاصه على النظام اللندني .. و بعد ما ياب هالبنت إنفصل عنها بس طولوا بموضوع الإنفصال لان موضوع الإنفصال بلندن مو سهل زواج من مسلم إلي غير مسلمه صعبه شوي .. و أول ما خلص من مشاكله معاها .. كان مقرر إيي السعوديه و ياخذج للكويت و يكلم عمتج عنج و غنج لازم تتزوجين من ولدها راشد و بجذي يضمن إن إنتي و أختج بـ بخير .. بس عرف إن عمتج و ولدها مطولين .. و ابوج بصراحه مو متوقع يزوجج لـ راشد لان طول عمرج تقولين هذا مثل أخوي ! .. حتى لو كنتوا بعااد عن بعض كنتوا قراااب و كنتوا تسوون مشاكل عشان تتلاقون !! .. فأبوج قرر يوديج لـ خالج بو حمد .. و لمن تأكد إنج بخير و سمع خبر انج رحتي لـ خالج ابو مساعد .. إرتاح إن في اعيال أكبر منج و مومتزوجين .. و سأل عنهم واحد واحد .. لين عرف إن مساعد الوحيد اللي مو مرتبط و إنه أفضل من أخوانه الأثنين .. وتالي كلم خالج عنج ..​

لينا : و قال له زوج بنتي لـ مساعد ! .. أنا فاهمه .. ابي أعرف شنو موضوع الورقه اللي أبوي مسجل كل الاملااااااك بإسم مساعد !!​

جولي راحت عند الطاوله و صبت كاسين ماي و مدت إيدها ل لينا اللي كانت قاعده على الكرسي الثاني وقالت جولي : ..انا ادري بتقولين إن مساعد اهوا اللي طلب أو .. بس لا تفكرين لـ مساعد بالشينه ! .. أبوج بالاول كان بيشوف برد مساعد .. ولمن تأكد منه أكثر من مره إنه اهوا الريال المناسب على طول سجل بإسمه .. خاصه إن ام اختج بعد الإنفصال فكرت أكثر من مره إنها تأخذ من حلال أبوج .. بس أبوج رفض و سجل اشياء بإسمج و أشياء بإسم ريلج " مساعد " .. ​

لينا تشرب الماي : اها .. ​

جولي : ابوج طلب مني أفهمج بس .. و طلب مني أوضح لج الموضوع كله .. زين ( قعدت يمها ) خليني أكلمج شوي عن الزواج بما إنج أمس مالجه ههههه​

لينا نزلت راسها .. وتضحك ..​

​

...​

​

فيصل دخل عند أمه و أبوه اللي بالصاله ,, سلم عليهم و قعد ..​

أمه كانت معصبه منه و من سالفته مع مريم ,​

فيصل : يبا أبغى أسافر هالكم يوم قبل لا تبدي الدراسه ..​

أبو مساعد : وفين حاب تروح ؟​

فيصل : ما ابغا أبعد .. أبغى أروح الدمام .. مع أخوياي ..​

أبو مساعد : و مين أخوياك يا فيصل ؟ ​

فيصل : راشد و غازي ,, ​

أبو مساعد : كويس ..روح يبا إلأا متى تبغا تروح ؟​

فيصل : هالحين أبغا أبدل لبسي و أمشي ​

أبو مساعد : انا ما عند مانع .. ​

فيصل : و يمه وش رايك ؟​

ام مساعد : انا مالي شغل إنت كلمت أبوك و أبوك موافق .. انا مالي دخل ​

فيصل : خلاص انا ابغى أسافر كم يوم و ارجع لكم إن شاء الله .. مع السلامه ( و راح دخل غرفته و أخذ ملابسه و بطاقته المدنيه وراح )​

​

...​

​

​

 

[ليّونة]

وناااسهه أنَــƠ̴̴̴͡ـ̮Ơ̴̴͡ــآ اول من قرا البارت هههههه



البارت عجيييب عجييبب عججييبب

اسيف وفيصل متأكده هالزواج ماراح يتم وفيصل مرده لمريم بنت عمه

وبس يعطييج العافيه حبي :* ​