روايتي الخامسة:لــيــالــي الــســمــر

[Bent extra 3asal]

كل عام وانتوا بخيير ولو انها متأخره بس حديي كنت مشغوله ولي الحين امتحانات ودوام حيل كان ضغط وفووق هذا الانترنت خل الاشتراك واليوم رديته وكتبت لكم بارت ولو انه صغير 9 صفات بس فيه احداث قوية وسامحوني على التأخير

 

[Bent extra 3asal]

.:الــبــارت الــتــاســع عــشــر:.


خالد:انتي وين رايحة من صباح الله خير
سمر:بس ارد رح تعرف
خالد:وين رايحة سمر !!
سمر:خالد مشوار حده مهم و بس ارد رح تعرف وين رايحة
خالد:اي معاج
سمر:لا لا خل اتصرف وبعدين نروح مع بعض
خالد:انتي من امس مو عاجبتني !! صاير شي
سمر:اي صاير بس لمن ارد بتعرف شصاير
خالد:على راحتج
سمر:اقول وخري عني احسن لج فاهمه
السكرتيره:مدام دانة موو راضيه حده يدخل عليها
سمر:انتي من صجج ولا تتغشمرين الشركه شركتنا وانتي تقولين راضيه و مو راضية ,, يلا وخري عن طريجي ((دزتها ودشت))
دانة:سمر
سمر:انتي ليش مانعه احد يدش عليج
دانة:سسسسمر مممتى ردددييتي
سمر:الحين انا اسالج سوال تردين علي بسوال شفيييج انتي
دانة:اقول انتي شفيج
سمر:انتي الي شفيج
دانة:ماكو عادي يايه الشركة من الملل
سمر:والي اي الشركة من الملل يقعد بـ مكان امي ويمنع احد يدش عليه
دانة((مشت صوب الباب لان سمعت صوت هواش))
ام سمر:دانة @@
دانة:ليش كل هالصراخ !!!
ام سمر:ليش كل هالصراخ !!!
دانة:حياكم دشو المكتب ,, الغي اي اجتماع اليوم وخلي كل الي طلبته منج باجر ((تكلم السكرتيره))
ام سمر:انتي باي حق يايه هني !! شتسوين !!
سمر:قصدج شنسوي !!
ام سمر ((تلتفت ورا)):سمر !! شقاعد يصير
سمر((تقعد على المكتب )):الي صاير انه خلاص يه الوقت الي احنا ندير شركتنا بأيدنا ,, ونخلي العم عادل يرتاح ,, وقوليله كافي الي خذاه للحين
دانة((منصدمة من الكلام)):سمر انتي تدرين !!!
سمر:هههههههههههههههههههه اي ادري حياتي من اول يوم زواجها مو من الحين ,,
دانة:ليش ما قلتي
سمر:ليش اقول ,, لو قلت رح تيبه عندنا البيت ونفتح لها المجال
ام سمر:انا مو مصدقة الي اسمعه
سمر:لا يمه صدقي ,, بناتج الصغار صارو كبار وصار عندهم ريايل بعد ,, وقوليله حلال عليه خذاه منج , اوه اقصد مناا ولي هني وكافي دام كل شي صار على المكشوف !
ام سمر:شلي قاعد يصير موو مستوعبه شي ((عادل دش المكتب ))
عادل:شصاير
سمر:دانة ممكن تعيدين الكلام لان مالي خلق اعيده مع ثانية
دانة:عمي عادل تقولك اختي سمر , حلال عليك الي خذيته ومشكور وايد على تعبك بالشركة و تقدر الحين تاخذ المدام وتسكنها بـ بيتك , قصدي فلتك الي ام 1000 متر و (( قاطعتها سمر))
سمر:عمي عادل السياره باسم الشركة صح !! تقدر تسلم المفتاح للسكرتيره , ومشكور وايد ((تتكلم بصيغة استحقار))
ام سمر:انتي ينيتي انا لي بالشركة مثل ما انتو لكم
سمر:حقج بيوصلج ,, يما لا تتحدين اسوي شي كلش مارح يعجبج خليتيه يلعب بحلالنا واحنا ساكتين ,, بس بيت ابوي مارح اسمحلج تدخلين اي ريال ثاني فيييه والا والله ((قاطعتها امها))
ام سمر:كافي كافي الي سمعته
دانة(( واقفة تطالعهم ومستغربة من سمر ومادرت انها قوية لهذي الدرجة الحين قلب دانة ارتاح ))
سمر:وكافي الي سويته
ام سمر:الي سويته !! شنو سويت انا !! حياتي وعمري راح عشانكم وعشان ابوكم ,, ابوكم الي كان اكبر مني بـ 20 سنه دفنت عمري معاه وقعده معاه على الحلوة والمره ,, ابوكم الي (( قاطتعها سمر))
سمر:الحين يايه تتذمرين من ابوي !!! عقب هالعمر كله بدال لا تترحمين عليه لولا ابوي ما صرتي هانم ولج مكانه بالمجتمع
ام سمر:انتي ليش تكلميني جذي ما جني امج تعديتي معاي كل الحدوود
سمر:انتي شنو تجذبين الجذبة وتصدقينها !! خلاص يا مدام ليلى اصحي احنا مو بناتج خلاص فهمي عاد احنا موو صغار
ام سمر((دارت فيها الدنيا وبس يتكرر في اذنها )): احنا مو بناتج ,, احنا مو بناتج ,, احنا مو بناتج ((خذت جنطتها ودموعها على خدها وتمشي بسرعة ))
دانة:.................................((تطالع سمر))
سمر((بعصبية)):لا تطالعيني جذي
دانة:ليش سويتي جذي
سمر:ليش سويت جذي !!
دانة:هذي امنا غصب عناا فاهمه
سمر:مو امنا امنا ماتت ماتت
دانة:امج ما ماتت امج راحت ديرتها وتزوجت ونستنا واهيا الي ربتنا
سمر:انتي شتقولين شتخربطين امنا ماتت فاهمه ماتت ((ماسكة دانة من جتوفها وتهزها))

خالد:سمر شفيج ليش تبجين وين كنتي !!!
سمر((ترمي نفسها على صدر خالد وتبجي)):خالد اهئ اهئ اهئ
خالد:ياروح خالد قولي شفيج شصاير لج
سمر((تبجي)):امي عايشة عايشة موو ميته يا خالد
خالد:خالتي ليلى كان فيها شي !!
سمر((تبجي)):ليلى موو امي الصجية ,, ابي اشوف امي ابي اشوفها
خالد((مو فاهم شي ,, بس قاعد يهديها ويمسح على شعرها )):حبيبتي هدي انا موو فاهم شي
سمر((تبجي)):ليش قاعد يصير فيني جذي فجأه صرت وحيده لا ابو ولا ام ولا اخوان
خالد((يمسح على شعرها)):وانا وين رحت انا ابوج وامج واخوانج وحبيبج وصديقج
سمر:مادري الي سويته اليوم صح ولا غلط انا اليوم تصرفت بدون تفكير بدون لا ادري شلي قاعده اسويه
خالد:حياتي امشي غسلي ويهج وخل نروح نشرب عصير تهدين وقوليلي كل شي

دانة:مادري مادري وين راحت حتى عمي عادل ما يدري وينها !!
ناصر:يمكن بيت اهلها او اختها !!
دانة:سالنا الكل ماكو احد يعرف عنها شي
ناصر:الله يسامحها سمر ليش قالت جذي ,, انتو بصراحة غلطانين وايد مو شوي المره ما سوت لكم الا كل خير
دانة:خلاص يا ناصر الي فيني مكفيني
ناصر:خل نلاقيها ويصير خير
دانة:اشتقت لها حسيت بمكانه هذي امي امي والله اميي ومارح ارضى بأم غيرها
ناصر:دانة الام الي ربت مو الي يابت
دانة:ااااه توني احس بهالشي ,, ابي ابوس راسها والمها مارح اسامح نفسي الا صار فيها شي
ناصر:وين تتوقعين راحت
دانة:مادري اكيد رح تسافر مارح تقعد بالديره انا اعرفها اذا كانت متضايقة تسافر
ناصر:لا ما اتوقع
دانة:لازم اروح حق سمر
ناصر:ريلي على ريلج

سمر:عرفت ليش انا كنت جذي
خالد:اي عرفت
سمر:كنت ادور عن الامان الي فقدته بالبيت
خالد:سمر وين عمامج ما شفتهم الا بس بالملجة
سمر:عمامي ما يحبون ابوي لان من ام ثانيه
خالد:بس امج ما غلطت
سمر:اي ام فيهم تقصد , امي الي يابتني ولا امي الي ربتني
خالد:امج الي ربتج يا سمر وتره من حقها تتزوج
سمر:لمن يكون عند اختك بس بنتين واثنينهم متعلقين بأبوهم و صدمت موته قعدتهم بحاله يرثى لها ,, وفجأة تتزوج شنو تتوقع , وانا الي ذابحني انه تنسانه ,, انا احبها احبها ما اقدر اتخيل ام غيرها اهيا كل حياتي والله ما سويت كل هذا الا عشان خايفة افقدها ,, احساسي اكبر من اي كلام اقدر اقوله ,, محد رح يحس بنفس احساسي الا الي عايش نفس وضعي
خالد:والله فاهم وحاس بكل كلمة بتقولينها
سمر:لا محد فاهم ,, امي ليلى اول عين شفتها انا شكل امي الصجية ما اعرفه كان عمري 3 اشهر يوم ((سكتت لحظات )) مادري اقول توفت او رحلت وهدتنا
طق طق طق طق
سمر((فز قلبها)):امي ليلى صح !!
خالد:هههه شدراني خل ابطل
سمر:........................
خالد:اهلا بالنسيب حياك
ناصر:الله يحيك
دانة:السلام
الكل:و عليكم السلام
دانة:انتي شلي سوتيه ها
سمر((نطالع دانة وما ترد))
دانة:جاوبي علي انتي شلي سويتيه ((راحت صوبه ومسكتها من زندها اليمين)),والله يا سمر لو صار بأمي شي ليكون اخر يوم بحياتج
خالد:دانة هدي
ناصر:دانة شلي قاعده تسوينه وخري عن البنت
دانة:طول عمرج انانية وحقيره وقلبج اسود وقاسي وماترحمين الي جدامج ,, عبالج انتي صح واحنا ,, اصحي يا سمر اصحي انتي ولا شي انتي وحده معقده نفسيا حاقده على كل البشر ,, مرات تصيرين ملاك ومرات هلاك انتي شنو هالقلب الي عليج ما تحسين ماعندج قلب
سمر((من كثر الصدمة الدموع متجدمة وجنها بدون احساس وما حركها ولا كلمة من كلام دانة بس من داخلها تحطمت ))
خالد:دانة هدي ,, ناصر سكت زوجتك
ناصر((حمق على دانة)):دانة
دانة:بلا دانة بلا بطيخ ,, والله يا سكر لو صااار فيها شي يا ويلج فاهمه
ناصر:دانة اخر مره بقولج قعد وهدي احنا موو ياين عشان هالكلام
خالد:وينها خالتي الحين
ناصر:مادري اجهزتها مغلقة و مو موجوده لا في بيتها ولا عند اهلها
دانة((دموعها تنزل على خدها)):انا خايفة عليها وايد وايد
سمر((بس تطالعهم وساكته ولا تنطق لا كلمة وبس تحرك عيونها قاعده في هدوء لكن داخلها ازعاج ما يتحملة بشر))
خالد:سمر
سمر((ما ترد عليه بس تطالعه بعيونها))
خالد:سمر قولي شي شفيج بس تطالعيني
سمر(ما ترد))
دانة:انتي تستعبطين ردي عليه قولي شي
سمر((تحرك عيونها تطالع دانة))
ناصر:دانة !!
سمر((قامت بهدوء وراحت دارها وخذت السويج))
خالد:هذي شتسوي !!
دانة:هذي يانه وقاعده
ناصر:امشوو وراها اكيد اهيا تعرف مكان خالتي
سمر بسيارتها وما تدري وين تروح وقاعده تلوم نفسها شوي وشوي تلوم امها الصجية و1000 فكره براسها ولا دمعه بعيونها دموعها متجمده
خالد قاعد يلحق سمر ويدق عليها ما ترد وخاف عليها لان سكوتها موو طبيعي و الهدوء الي اهيا فيه خرعه زياده على كثر ما سمر قاسية لكن من داخلها حساسة وحساسة وايد مو شوي والوحيد الي قدر يكتشف هالشي خالد
خالد ((بسارته مبطل الدريشة يصارخ)):اقولج وقفي سمر وقفي ,, ردي على فوني ردييي
سمر((تطالعه وساكته واخيرا قررت توقف))
خالد((نزل من سيارته)):انتي شفييييج سمر
سمر((تطالعه))
خالد:سمر تكلمي قولي شي انا حدي خايف عليه قدري هالشي
سمر(تطالعه وتبطل وتصكر عيونها))
خالد:سمر حبيبتي قولي اي شي شفيج
سمر((تطالعه وتحرك عيونها ))
خالد((مسكها من زنودها)):سمر شفيج مو فاهم شفيييج سمر الله يخليج تكلمي قولي شي
سمر((تحاول تتكلم و مو قادره وتأشر بيأدها تسوي مادري ونزلت دموعها بس))
خالد(( خاف حييل على سمر)):سمر الله يخليج قولي اي شي قولي اسمي ناديني سمر ناديني
سمر((تحاول بس في شي رابط السانها وما قدرت تتكلم ))
خالد((بجى وحضن سمر حيييييييييييييييييل وركبها سيارته و طيران على المستشفى))
دانة:شنوو ؟؟ انته شتقول ؟؟
ناصر:لقوها ؟؟

اتمنى يعجبكم البارت وسامحوني على التأخير وانا شرحت لكم ضروفي فوووق :$

 

[Bent extra 3asal]

واسسسسسسفة اذا ما ردييييت عليكم سامحوني اخر مره وعد ^_^

اهلا وسلا بالمتابعة اليديده نورتي حياتي

وسارووونه حج مبروووك وسعي مشكور ان شاءالله <<< ان شاءالله مو غلط لان حدي مقفله :×

 

[bent.gaga]

مشكوره عل بارت حبيبتي والله يوفقج بدراستج

 

[Bent extra 3asal]

العفوو حياتي نورتي

واجمعيين يا رب يوقف الجميع

 

[سارووونه22]

مشكووووره حبيبتي على البارت واي صح بس يقولون حج مبرور سمر كسرت خاطري حيييييل ناطرينج حبيبتي والله يعينج على امتحانات

 

[Bent extra 3asal]

ايي اشوه ^_^


نورتووووو

بنات تره حدي زعلانة منكم واايد مو شوي ​

 

[lulu_q8]

Kamlii

 

[FOOOFOOO_]

كمللي بلليززز نااطرينج

 

[FOOOFOOO_]

اب اب لعيووونج كملللي

 

[سارووونه22]

اب اب اببببببببب لعيونج &#55357;&#56856;

 

[FOOOFOOO_]

يلا وين البااارت

 

[FOOOFOOO_]

احلى اب لعيونج
اب اب اب اب اب اب اب اب اب

 

[a77sas '3alee]

y36eeeech el3afyaa , thaanx 3l bart , 7daa 8awii! :eh_s(17):

 

[ا ح ب ك]

وااااااو رووعه البارت

سمر : حيلللل قاااسسسيه  شصار فييهااااا ؟؟

 

[Anfal dy]

كملي بليييز اندمجت ؛'(

 

[alm9rg3a]

wiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiting

 

[alm9rg3a]

وينج بنوته بليييييييييييييييييييييييييييييز نزلي البارت بلييييييييييييييييييييييييييييييييييييييييييييييييييييييييييييييييييييييييز

 

[سارووونه22]

وينج

 

[A7laa kuwaitia]

متابعه يديده
نبي باارت