روايتي الخامسة:لــيــالــي الــســمــر

[Bent extra 3asal]

نورتووو حبايب قلبيييي

 

[a77sas '3alee]

يعطيج العافيه ،

 

[Bent extra 3asal]

الله يعافيج حبوبه

 

[Bent extra 3asal]

مستعدين للبارت اليوم !!!!!

 

[كلي حلاوه]

ايييييئ :$

 

[Bent extra 3asal]

.:الــبــارت الــثــامــن عــشــر:.

جاسم:شنووو !! خلاص انا الحين بروح احجز اول طياره ,, اي اي يلا اووك مع السلامة
جانيت:شوبيك !! شنو صاير ,, خالد وسمر فيهم شي
جاسم:لا لا كرستين مسكوها بقضية والحين ولدي مع جدته انا لازم اروح اخذه
جانيت:كتير منيح هي الفرصة الي انته بتستاناهااا
جاسم:اي انطر الفرصة بس مو تدش السجن !! ولدي لمن يكبر شنو موقفة ويعرف امه!!
جانيت:حبيبي ابنك على ما يكبر ويفهم الامور الا بيكون ناسي بعدين مش لازم يعرف خلاص اموو تزوجت !! او ماتت ليك ليه مصعبها
جاسم:هذي غلطتي من البداية وانا الي لازم اتحمل نتايجها
جانيت:طيب يلا امشي حبيبي نحجز على اول طياره
طق طق طق طق طق
عزيز:تفضل
دانة((مترددة)):اااااالللللسسسسسلللللااااام
عزيز((قلبه انشرح اول ما شاف دانة)):دانة
دانة:مممكن اااادخل
عزيز:اكيييد
دانة:شلونك
عزيز:الحين صرت زين
دانة:عسى دووم
عزيز:انتي شلونج و شلون ((سكت))
دانة:انا بخير طول ما انته بخير
عزيز:مشتاقلج
دانة:ههههههه عيار
عزيز:افا انا عيار
دانة:اي هالكلام المفروض حق زوجتك مو حقي
عزيز:انا طلقتها
دانة((تمسك ايد عزيز)):عزيز اسمعي ,, احنا خلاص سالفتنا انتهت نصيبنا مو لبعض , بعدين حليمة حامل
عزيز:حامل !!
دانة:اي حامل ,, وانا بعد حامل ,, انا ابيك تشد حيلك وتقوم لنا بالسلامة ,, وتستقبل ولدك وتمسكه بايدك ,,خلاص بتصير ابووو ((تتكلم والابتسامه على ويها))
دانة:حليمة يوم كلمتني قالت لي شي ,, كل شي انا وياج مختلفين فيه والي جمعنا بهل مكان حب عزيز ,, حلمية تحبك ويمكن اكثر مني متمسكة فيك لي أخر لحظة ,, هذا الحب ,, اما انا ما انكر ما حبيتك لكن لو كنت احبك كثر حبها جان قبلت اكون الزوجة الثانيه ,, اهيا حبتك بكل ما فيها بقلبها وعقلها ,, اما انا بس حبيتك بعقلي ,, لا تجازيها بأكثر من جذي ,,سامحها مثل ما انا سامحتها
عزيز:انا مستغرب من الي تقولينه ,, ما اقدر اسامحها ماكو شي يشفع لها
دانة:لا في حبها لك اولا ,, والي في بطنها ثانيا
عزيز:بس انا احبج ما اقدر انساج
دانة:عزيز حتى لو تطلقت من ناصر مستحيل اتزوجك انا حامل وولدي او بنتي رح يربطني ب ناصر اكثر ,, العيال رابط قوي , اقوى من الحب
عزيز:دانة ((قاطعته))
دانة:اوووووش مابي اسمع الا انك مستعد استعداد تام للعلاج وانك بترد عزيز الاولي واحسن ,, وانك بترسم حياتك اليديده من الحين
عزيز:انتي عبالج فلم ,,بسرعة انساج وبسرعه احبها ,, انتي شنو قلبج قاسي
دانة:عزيز ضيعنا وقت طويييييييييييل بالزعل والتعب ,,خلاص ياه الوقت نواجه الواقع ,, لا تعيش بحلم يا عزيز ,, الحين لازم الاولوية لك ,, صحتك و بيتك و ولدك الي بطريج
عزيز:تامرين امر ,بس ابي طلب صغير
دانة:تامر
عزيز:ابي تمرين علي تزوريني ليما اطلع من هني
دانة:هذا شي موكد بدون لا تقول ,, وانا عندي لك طلب صغير
عزيز :امري
دانة:الحين بدخل اثنين اتمنى تتفهم الموقف
عزيز((حس بالتوتر)):انشاءالله
دانة((بطلت الباب)):تفضلو
حلمة:قوة عزيز
عزيز((مسك نفسه وينطر الشخص الثاني منو )):يقويج
ناصر:السلام عليكم
عزيز((منصدم)):ناصر @@
ناصر:اي ياخووي ناصر ,,
دانة:عزيز انا مستحيل ايك وامرك من دون علم ناصر ,, انا ما ارضى اسوي هالشي من وراه ,و واهوا بنفسه ياي يطمن عليك ,, والي خلاني ايك حليمة ,, يتني البيت وقعدت تحن فوق راسي ,,
عزيز:حليمة اهيا الي يابتج
حليمة:انا ممكن اسوي اي شي عشانك حتى لو اذل نفسي لأي احد بس اشوفك مرتاح ,, اشوف الي قاعده اشوفه الحين الروح ردتلك
عزيز:.....................
ناصر:انا مابي اطول عليك بترخص الحين وان شاءالله كل يوم بنزورك ونطمن عليك
دانة:انا عن نفسي مطمنه عليه طول ما حليمة يمه ,, سمعت طول ما حليمة يمكككك ,,ياويلك ان خليتها تقعد بره نفس كل يوم
عزيز:تقعد بره !!
دانة:اي مو انته لمن تطردها عبالك كانت تخليك تقعد بره ليما يقولون لها الزياره خلصت ههههههههههههه
عزيز:صج
حليمة:اي صج
دطلعوا دانة وناصر وبقى عزيز وحليمة بالغرفة
حليمة:انا مادري شقولك ,, انا مستحيه من نفسي اكثر ما انا مستحيه ممن دانة ومنك ,, انا اخطيت واعترف ,, بس هذا نصيب وهذا الي كاتبه الله,, انا ما ابي منك شي ,, بس ابي ابقى معاك طول ما انته تتعالج ولمن اولد ,, وبعدين الي تبي تسويه سوه وانا حاضره
عزيز:انا ما كنت اتوقع اني رح اقدر اسامح في يوم من الايام ,, بس اليوم وضحتلي مواقف واقتنعت بأشياء ,, وصرتي انتي زوجتي والامر الواقع الي لازم اتقبله ,, الحين القرار لاهي بأيدي ولا بأيدج ,, في طفل بالطريج ما اقدر اخرب حياتها على امور ممكن نصلحها
حليمة:اوعدك اني بتغير ورح احاول اسوي كل الي يرضييييك بس المهم ابقى بقربك
عزيز((اول مره يحس بحبها او بلأصح منظر دانة وناصر لمن اطلعوا فتح عيونها على اشياء كثيره واقتنع انه الي بقاله حليمة ولازم يبدي حياه يديده))
عزيز((مسك ايد حليمة)):تدرين مادري اليوم ليش اشوفج جميلة ليش اليوم شايفج ملاك , عقب ما كنتي شيطان
حليمة:لا دانة زينتني بعيونك ,, وتقبلت منها كل الكلام الي كنت اقولها ,, تدري ليش ؟
عزيز:ليش؟
حليمة:لان قلبك يسمع صوتها قبل اذنك ,,, يشوفها قبل عيونك ,, يحس بلمستها قبل جسمك,, وهذا الي انا احسه ,, عرفت ليش ,, مابيك تحبني كثر حبك لها ولا اطلب منك تنساها ,, بالعكس دانة ما سوت لي ولك الا كل خير ما اقدر احرمك حتى من ذكرها ,,دانة اليوم سوت لي شي عمري ما قدرت اسويه ولا كنت رح اقدر اسويه,,
عزيز:انتي اليوم مو بس شكلج صاير حلو ,, حتى كلامك صاير بلسم ويداوي جروووح
حليمة:انا طول عمري جذي يا عزيز , بس انت كنت محتاج تشوفني عدل ,, وتشيل الغشاوة الي على عيونك
عزيز:الغلط مو بس انتي ,, انا الي ما واجهت ولا حارب وقاومت رغبة ابوي عشان دانة ,, اذا في احد ضحية فهي دانة ,, والحمدالله الله عوضها بناصر
حليمة:الله يوفقها ويسعدها
عزيز((يطالع بعيون حلمية)):اوعدك رح احاول احبك
حليمة((غمضت عيونها خذت نفس عميق)):وانا هذي اللحظة تكفيني
في السيارة وبعد سكوت طويل
دانة:ناصر
ناصر:عيونه
دانة:لا خلاص ولا شي
ناصر((يقلد صوتها)):ناصر شنو السبب الي خلاك تقترح علي نروح نزور عزيز وتطلب اني ادش اول شي بروحي مع انه اهوا كان سبب الخلاف
دانة((@@)):اييي صح ليش
ناصر:بكل اختصار لان سمعت كل الي صار بينج وبين حليمة من اول شي لي اخر شي وانا كنت ورا واهيا الي خلتني اسمع لانها كانت متاكده من ردج
دانة((تفاجأة)):صج !!!
ناصر:اي صجين
دانة:امبيه مو مستوعبه
ناصر:انا بهل يوم تأكدة انه انا مختار البنت الصح البنت المودبة المحترمة الي تراعي كرامة زوجها حتى بغيابه ,, وكنت ادري انج مارح تخشين عني موضوع حليمة ,, وكنت عارف انه صعب عليج تطلبين هالطلب ,, فـ من واجبي اسهل عليج المهمه وانا واثق كلي ثقة انه دانة لـ ناصر وبتصونه
دانة:تدري انك ريحتي وايد
ناصر:ارتاحي دام انتي معاي ,, ونيتج صافيه ,, وصادقة بكل شي
دانة((رجعت راسها وره وخذت نفس عميق وابتسمت)):الله لا يحرمني منك
ناصر:ولا يحرمني منج ولا من فهد
دانة:اووه خلاص قررت فهد
ناصر:هههههههههه
دانة:شرايج كل يوم نسميه باسم ويوم الولاده اخر اسم سميناه فيه يتسمى
ناصر:ههههههههههه تصدقين فكره مجنونه
خالد:اي ما قلتيلي ليش ما تبين احد يعرف بردتنا
سمر:امبيه شفيك جم مره اقولك ابيها مفاجأة
خالد:مادري مو مقتنع بكلامج
سمر:خالد ماكو شي والله جد بس مابي اعني ناصر ودانة واهيا مصممة
خالد:وامج !!
سمر:امي قالو مسافره
خالد:ماردت
سمر:لا لا انا اذا امي سافرت انساها تقصعد اشهر عادي
خالد:اهاا
سمر:اقولك سر بما انك صرت زوجي
خالد:سر
سمر:اي سر على كثر ما اهوا صغير على كثر ما اهوا خانقني و محد يعرفه غيري
خالد:حتى جوجو
سمر:حتى دانة
خالد:قولي
دانة:كنت ناوية اسكن عند امي بس
ناصر: حياتي لا بس ولا شي ,, مكانج الطبيعي بـ بيتي ومنو قالج اني برضى
دانة:لا اكيد كنت بترضى شلون نخلي ماما بروحها
ناصر:بس الحين مو بروحها
دانة:ودي ابيع البيت ,, مو قادره اتخيل لي الحين في شخص ثاني غير بابا بالبيت
ناصر:دانة
دانة:ناصر لو كنت مكاني بترضى !!حتى لو عادل زين ماقلت شي ,, ليش ساكن ابيتنا ليش موو موديها بيت ثاني ,, موو اهيا مرته !!
ناصر:مادري شقولج ,, بس يمكن هذا طلبها
دانة:اي وانا وسمر لنا نصيب بالبيت مثل ما سوت كل هذا من ورانا حتى لو نيتها طيبه,, انا من باجر بنزل الشركة وبيتنا يبناع بس ما يسكن فيه
ناصر:انتي مو ملاحظة انج شانه الهجوم عليه واهوا ,, ما بذر منه شي للحين
دانة:مستحيل اامن عليه ناصر هذا حلالي وحلال اختي مستحيل اخليه يضيع ,, هذا شقى ابوي سنين ,, انته عبالك بيعة البيت بتكون سهله على ,, في كل مكان في كل زاوية ريحة ابوي ,, في كل فلس قطه على هالبيت شقى وتعب ,, بس كل هذا يهون يوم اي واحد ثاني يتمتع بتعب ابوي
ناصر:انا مارح اتدخل بهالسالفة دانة
دانة:انته ريلي ابو ولدي شلون تخليني بروحي بهالسالفة
ناصر:هالشي موو بروحج تقررينه ,, سمر لها راي بعد
دانة:انا مادري شلون المسكينه سمر بتتصرف لمن تعرف اتوقع بتهستر ,, سمر اكثر وحده قريبة من ابوي
ناصر:الحين سمر مو بروحها معاها خالد
دانة:الله يستر
خالد:ههههههههههههههه هذا السر
سمر((توقف جدامه وتنزل راسها )):اييييييييييييييييييييييييييييييييييي
خالد:سمر انا حسيت شي خطيييييييييييييير كاااااااااااااااااااااك بطني
سمر:اي خوو كنت محتره وااااايد
خالد:انا ماهمني السر كثر ما همني شنو سويتي امبيه من صجج
سمر:والله بردت حرتي شوي ,, بعدين المفروض ما تضحك
خالد:ادري بس الي سويتيه شي غبي والله ههههههههههه
سمر:ماشي ماشي , حتى انته بتطلع لك حركات غبية وبقعد اضحك عليه
خالد:فديييت الي معصبة
سمر((تطالعة بنص عين)):موو معصبة يلا روح يبلي الي ابيه
خالد:زين زين
ناصر:يقولون الدكاتره انه بالمرحلة الثالثة !!
دانة((يعورها قلبها كل ما تتذكر سالفة عزيز)):اي
ناصر:الله يعينه خل يسافر
دانة:خله بين اهله احسن
ناصر:بس ان شاءالله في امي
دانة:تتوقع يموت
ناصر:فال الله ولا فالج !!
دانة:شكله الحين يكسر الخاطر عقب اشهر شلون بيصير
ناصر: عقب اشهر ان شاءالله يكون بخير ويرجع لصحته
دانة:ماكان ودي اروح
ناصر:........................
دانة:ولا كان ودي اشوفه
ناصر:.......................
دانة:ادري الي قاعد تسمعه يعور قلبك ,, بس انا مابي اخونك مع نفسي ,,كجرد احساس ياني اتمنى ما تزعل منه
ناصر:........................
دانة:بس ابيك تتأكد من شغله انه عزيز ماضي وراح واي مشاعر صوبه مشاعر عطف للحاله الي اهوا فيها
ناصر:انا عارف وفاهم الي تقولينه
دانة:الي بينا كان المفروض زواج بس الله ما كتب ,, ورزقني بلي احسن منه
ناصر((يمسك ايدها)):دانة
دانة:عيونها
ناصر:مو ندمانة على زواجج مني !!
دانة:يمكن قبل اليوم ممكن اي ,, بس الحين لا ولو يعود الزمن بختارك مره ومرتين وثلاث ولا رح اندم ,, انا اكتشفت انه الزواج شي والحب شي ثاني
طاف يوم ورا يوم ودانة قلبها منكسر اي قلبها منكسر ,, دانة بكل الي قالته جذابة دانة للحين تحب عزيز بس اقتنعت اقتناع تام انه مالهم نصيب وقاعده تقول هالكلام عشان تقنع نفسها قبل لا تقنع ناصر انها نست عزيز ومشاعرها اتجاه مشاعر عطف
نوره:حياتي الله يقومه بالسلامة
دانة((واقفه صوب الدريشة ومعاها قهوتها ومعطيه ظهرها حق نوره وصوتها مبحوووح)): ماكان ودي اشوفه شكله يعور القلب ,, كان ودي احضة واقوله فيني ولا فيك ,,كان ودي ابجي بحضة واقوله وينك من زمان عني وحشني صوتك ولمتك ولهفتك ,, ااااه قلبي مو قادر يكابر اكثر ,, بس ناصر ماله ذنب هذا الي معور قلبي ,, واكره نفسي كل ما افكر بعزيز واكره عزيز بهلحظة لاني قاعده انخون ناصر بعقلي ,, مرات وانا اسولف مع ناصر اقط حجي , واهوا يسكت يراعي مشاعري وانا ما اراعي مشاعره ,, تعبت ,, ودي اقوله احبه احبه ,, ما اكره ناصر ,بس حب عزيز يزيد يوم عن يوم وزاد اكثر عقب مرضة
نوره:انا حاسة فيه ,,
دانة:مابيج تقولين شي ابي اقول الي في قلبي انا بس
سمر((واقفة جدام باب بيتهم)):سوتها
خالد:شنو!!
سمر:ولا شي امش نروح بيتكم الصبح نيي عند امي
خالد:الليت امبطل
سمر:خالد امش معاي باجر الصبح نيي
خالد على راحتج ,,

في الشركة
السكرتيره:المدام موو موجوده ؟
دانة((رعجت خطوتين)):نعم شنو قلتي !!
السكرتيره:لا ما حكيت شي تفضلي
دانة:اول شي ابيج تفهمينه محد يدش المكتب بدون اذني مفهووم
السكرتيره((بارتباك)):عفوا !!
دانة:الشركة هذي ملكي انا واختي فاهمه ولا تبين افهمج على طريقتي
السكرتيره:حححححضاار
دانة:ابي اجتماع بعد ساعة
السكرتيره:ان شاءالله
دانة:اي حتى امي ما تدش الا اذا كانت بروحها
السكرتيره:و سيد عادل
دانة:لا
خالد:انتي وين رايحة من صباح الله خير
سمر:بس ارد رح تعرف
خالد:وين رايحة سمر !!
سمر:خالد مشوار حده مهم و بس ارد رح تعرف وين رايحة
خالد:اي معاج
سمر:لا لا خل اتصرف وبعدين نروح مع بعض
خالد:انتي من امس مو عاجبتني !! صاير شي
سمر:اي صاير بس لمن ارد بتعرف شصاير
خالد:على راحتج
سمر:اقول وخري عني احسن لج فاهمه

:eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7)::eh_s(7):

قراءة ممتعة​

 

[كلي حلاوه]

ححرام دانه ححرام عزيز ححرام ناصر
- سمر شكلهاا تعرف بموضوع امهاا :S' لووول و السر اللي قالته لـ خخالد ودي اعرفه :$
- دانه تكسسسر الخاطر :"( ححياتي :$
- خخالد وايي يهبل بسس اخاف يعرف عن سمر و جاسم
- البارت مو چنه قصير ؟ '
- يعطييييج العافيه ننطرج =))'

*

 

[Bent extra 3asal]

الله يعافيج حياتي :*

والله حياتي انا هالاسبوع هذا الي قدرت اكتبه اليوم كان عندي امتحان وطول الاسبوع كنت ادرس

 

[R i M]

ليكون عرفت سمر حدي تنحت/: !

ناطرينج حبيبتي :*

 

[Bent extra 3asal]

ماكو تشجييع

طخيتوووو

 

[كادي سويت]

لا ما طخينا ....بس مشغولين شوي باوضاع البلد
واحنا بانتظارج وانتي قلتي كل جمعه
مع كلا التقدير

 

[ReemAR]

حبيبتي كملي

متشوووقه أعرف شراح يصير

بدفتر سمر !!

بيشوفه ولا لأ والله يستر

ويتنق !

 

[lulu_q8]

Kamlii waiting

 

[Anfal dy]

امبيه شكلها سمر و دانه ناوين على شي جايد
الله يستر !!
كملي اندمجت

 

[3rbawiiya]

طولتي حيييل!!!

 

[ღرحت فيهاღ]

maa y9eer chii lazeem t3aw'9eena eb Parten

 

[R i M]

Up Up
ناظرييينج

 

[ا ح ب ك]

احم احم متابعهـ جديدهـ

الرووووايه حدددها رووووعهـ :eh_s(22):

سمر : كانت بااطه جبدي :rgewrg: بس تسنعت راح تنجن اذا عرفت سرر امها

خالد : احسهـ ما يستأهل سمر

دانه : امبي حيلللل مظلومه تعور القلب :eh_s(2):

ناصر : حيللل حبوب

عزيز : اويلي عليه الله يشافيه > عاشت الدور

القصه روووووعهـ تااابعي حبي :eh_s(17):

 

[سارووونه22]

حبيبتي هذي ثاني جمعه لازم تنزلين بارتين وبارت عيديه منج هههههههه ناطرينج انا بل حج وادش اجيك نزلتي بارت ولا لا

 

[ღرحت فيهاღ]

اب اب اب طولتي !!!