روايتي الجديدة مثل ما وعدتكم " حبيب الأمس" ..حياكم

[TuTTi^FruTTi]

ابدااع روونه ناطره باجي البارتات انشالله ياخذون بعض يارب لول

 

[عشيقة ريلها]

ياالله ننطر البارتات لاتطولييين عليناااااااا بليزززززز

 

[Cute mama]

متاااااااااابعه @@

 

[وين^العهود]

ان شاءالله ياخذون بعض

ناطره ومتابعه

 

[♥ الــزيــن ♥]

ناطرينج راوونه

 

[MeeMeeYoo_2]

واااااي نوووره
يمكن نقول معاها حق
بس ليش جذي اسلوبها وايد جاف ! يعني لازم تقدر البنيه شوي مو بيدها الي صار !!

يعطيج العافيه حبيبتي

 

[ام _خلودي]

ناطرينج

 

[مـذهـلـهـ]

روووووووووعه


ناطرينج

 

[بدوره 22]

رونه انا اتوقع ان ابو الاء يرضى بس اهل خالد مايرضون يرجعون يخطبون البنيه


اهىء اهىء اهىء

انا ناطر حبيبي ترجع لي يا حبيبي

انا ناطر حبيبي ... انا ناااااااااااااااااااااطر

 

[عاشقة البحر 93]

يعطيج العافية حبوبة وناطرينج

 

[عاشقة البحر 93]

وايد ضاق خلقي على خالد مسكين ما يندرى شنو راح يصير فيه اذا بيعرف انهم اهلها رفضواا وعلية خنت حيلي >> اهي اهي

 

[عيون عسليه]

أنا اليوم قريت البارتات كلها وصراحه مبدعه يا روونه وناطرينج لا اطولين علينا

 

[انجل22]

يعطيج العافية رووونه
واااااااااااي حدي متشوقة بعرف اشراح يصيرلهم لا طولين علينا
حبوبة​

 

[ام _خلودي]

ووووووووبنج

طولتى علينااا

عسي المانع خير

 

[dreamy_83]

رووونة وينج اليوم؟
نبي بارت بسرعة

 

[rawona]

السلام ..


شلونكم ؟؟ ماشاءالله ككم موجودين .. شنو ما طلعتوا اليوم؟؟ ويك اند!! هههههههه


عموما أنا أسفة على التأخير رحت زرت امي اليوم وتوني راجعه بس ما نسيتكم كتبت لكم جم بارت وانا بالزواره!!


ان شاءالله يعجبونكم ..



:tek:


​

 

[rawona]

حاولت ألاء تقنع امها تكلم ابوها .. وفعلاً الابو اقتنع نوعا ما ووافق بس على انه يسأل عن الولد ..

بو جاسم: قلتيلي اهو دكتور؟

ام جاسم: اي طبيب أسنان ويشتغل بمستشفى الشركة ..

بوجاسم: خير ان شاءالله باجر اكلم اخوي علي يسأل عنه ربعه ومعارفة لأنه أهو يشتغل بالشركة وأكيد له علاقات ومعارف ..

ام جاسم: على خير ان شاءالله ..

**************************************

داومت ألاء بشغلها اليديد .. واتصلت على خالد ..

ألاء: صباح الخير..

خالد: صباح الأنوار .. ها شلون مهندستنا بأول يوم دوام؟؟

ابتسمت ألاء: مادري عادي .. للحين ما حسيت اني مهندسة!

خالد: ههههههههه ما ردج بتشكين من الكراف ..

ألاء: بنشوف .. انت شخبارك؟؟

خالد: الحمدلله .. قاعد اتريق على السريع قبل لا يوصلون المرضى .. عاد اليوم عندي 12 مريض..

ألاء: ويي الله يعينك .. خلاص حبيبي أخليك الحين واكلمك بعدين اذا رجعت البيت ..

خالد: اوكي ..

ألاء: اي نسيت أقولك .. عندي لك خبر حلو ..

خالد: شنو؟؟

ألاء: امي كلمت ابوي ووافق مبدئيا انه يسأل عنك ويعرفك قبل لا يعطي رايه النهائي .. وكلم عمي علي اللي يشتغل بال koc علشان يسأل عنك ..

فرح خالد بس بنفس الوقت ماحب يبين ..

خالد: اها ..

ألاء: مو مستانس؟؟

خالد: باستانس بحالة وحدة بس .. اذا ملجنا!

ألاء: ان شاءالله ..

خالد: اوكي ألوءة وصل اول مريض أكلمج بعدين ..

ألاء: اوكي ..باي

خالد: باي




​

 

[rawona]

مر اسبوع على هالأحداث .. وام خالد قلبها معورها على ولدها .. صارله جم شهر مو معاهم .. ولا يقعد معاهم ولا يسولف .. وفي يوم الزوارة قالت حق نوره..

ام خالد: تدرين انه من 3 اشهر ما قعد معانا ولا ذاق اللقمة؟!! اليوم ليش ردينا الزوارة وتيمعنا قعد معانا..

نوره: ميخالف يمه طولي بالج عليه .. وادعي ان الله يهديه ويرد مثل اول واحسن وبعد ..

ام خالد: اللهم آمين ..

كان بو خالد .. وخالد .. وطلال .. وبدر قاعدين يشربون جاي بالصالة و يسولفون .. واليهال يلعبون حوالينهم .. حصة اصعدت تبدل علشان بتطلع مع خالتها لطيفة "ام بدرية" وبدوره و اختها هيونه ..

بوخالد: وشلون الشغل معاك؟؟ في وايد مشاكل والا؟؟

طلال: والله يا عمي المشاكل موجوده بس تدري بعد شغل الشركة كراف صج مو مثل قبل بس لو نقارنه بالحكومة .. فاهوا كراف ونص !

كان خالد لاهي مع عيال اخته يلعبهم ..

خالد: زيونه .. يا النمله! ويضحك مع عزوز

جان اطالعه الزين وقالت له " انا ما ادول يا النمل حق حالي .. اهوا هلو"

دخلت نوره: زين اليوم زيونه راضية عليك!! بالعادة اذا قلت لها يا النملة قالت لك يا النمل!

طلال: ههههههههه والله بنتج هذي ما ينعرف لها ..

ابتسم خالد و ما علق بشي ..

نزلت حصة وسلمت على اهلها علشان بتطلع ..

حصه: يلا يمه خالتي لطيفة ناطرتني بره .. تامرين على شي ؟؟

ام خالد: خلي خالتج تنزل شوي ما عندنا احد..

وراحت حصة تنادي خالتها ..

ادخلت لطيفة وبناتها و سلمت على بو خالد وريل نوره طلال وخالد واقعدوا يسولفون شوي ..

بو خالد: شلونج يا عبدالرحمن ؟؟

لطيفة: بخير الله يسلمك .. شخباركم انتوا ؟؟

بوخالد: بخير عساج بخير .. شلونكم يا بنات؟ ( يكلم بدرية وهيه)

البنات: تمام عمي ..

خالد:خالتي .. شلون عبدالرحمن و حمد؟ من زمان عنهم؟

لطيفة: والله دايما يسألون عنك انت اللي مختفي ما نشوفك..

خالد: اي والله بعد دوام ولويه ..

لطيفة: الله يسهل عليك يارب ..

خالد: تسلمين خالتي .. امانه سلميلي على الشباب .. ان شاءالله بامرهم باجر والا اللي عقبه ..

لطيفه: حياك الله ..

لطيفة: نوال .. نوال.. يا ام خالد .. وين راحت امكم؟؟

ام خالد: كاني .. وين وين رايحة قعدوا شوي!

لطيفة: والله باودي البنات السوق .. ما نبي نتأخر عن الزحمة بالردة ان شاءالله قعدنا عندكم شوي ..

ام خالد: خلاص ديروبالكم .. ولا تتأخرون ..

لطيفة والبنات: مع السلامة ..

الكل: مع السلامة حياكم الله ..

قام خالد وصعد فوق .. وبعد 10 دقايق نزل ومعاه جنطة اللاب توب .. قعد شوي مع ابوه وطلال .. وتالي انسحب .. خذا اللاب توب وطلع ..

لحقته نوره ..

نوره: خالد! وين بتروح؟؟

ما التفت عليها وقال: بارجع .. بارجع .. وطلع من البيت ..

ام خالد : طلع؟؟

طالعتها نوره بنظره وتنهدت ..: اي ..

ورجعوا اقعدوا بالصالة مع بو خالد وطلال واليهال ..




​

 

[rawona]

مر جم يوم من يوم الزواره .. كان خالد نازل مع جنطة اللاب توب مالته ويتكلم بالتلفون .. شافته ام خالد و اشرت له بايدها "يعني اصبر لا تطلع" .. وقف خالد يخلص كلامه بالتلفون ..

خالد: خلاص افصيل .. شكلنا راح نعتمد المكتب اللي اخترناه .. بس خلنا نطلع الرخص .. وتالي نضبط كل شي ..

فيصل: خلاص .. متى بتمرنا القهوة ؟

طالع خالد ساعته: امممممم يعني خلال ساعة او اقل ..

فيصل: خير نشوفك اهناك ..

خالد: ماشي ..

التفت خالد على امه ..

ام خالد: يمه خالد تعال ابيك شوي ..

خالد: يمه والله مستعيل عندي جم شغله اخلصها ..

ام خالد: يا يمه هذي ماهي حاله .. ارحمني الله يخليك! صار لك جم شهر وانت كله طالع.. ما نشوفك! لا لقمة تاكلها في البيت .. ولا سالفة تسولفها ولا تقعد معاي نفس قبل ولا شي .. ليش يمه؟؟ انا شمسويه لك؟

سكت خالد شوي وراح قعد يم امه: لا ابد يمه مافيني شي بس والله مشغول .. تدرين لأني باسوي مشروع مكتب برمجه و تصليح الكومبيوترات فلاهي شوي ..

ام خالد: انوين يمه يا خالد اقعد شوي .. اشرب لك استكانة جاي .. ولهت عليك وعلى سوالفك يا يمه ما يصير اتسوي فيني جذي!!

ضحك خالد وراح باس راس امه وقعد يشرب معاها جاي ويسولف معاها اشوي ..

****************************************
بيت طلال

نوره: زيونه يالخايسة .. شسويتي عمرج انتي!

وراحت شالت زيونه اللي لاعبة بالكريم المرطب مال امها وتالفة نفسها وهدومها ..

نوره: يا جينفر .. تعالي اخذيها وغسليها وبدلي ملابسها كلها ..

نوره: عزووووووز !

عزيز: نعم يمه !

نوره: روح اقعد تحت بالصالة بس اصلي وايي اقعد معاك ..

عزيز: انزين..

نوره: قول ان شاءالله!

عزيز: ان شاءالله!

نوره: اوف..!! الله ياجرج يا يمه!! والله يعيني على تربيتهم!

وراحت تصلي .. ونزلت تالي تقعد بالصالة مع عزوز .. ورن تلفون البيت ..

نوره: الو..

ام خالد: هلا يمه شلونج؟؟

نوره: الحمدلله بخير ... شخباركم؟؟

ام خالد: تمام .. شلون زيونه وعزوز؟؟

نوره: واااااااااااي يننوني !!

ام خالد: هههه لا تقولين جذي خليهم يلعبون ويستانسون لا تعصبين عليهم ..

نوره: تدرين العوبه هيونه شمسويه؟؟ عافسة داري فوق تحت ولاعبة بالكريمات لعب!

ام خالد: وانتي وينج عن بنتج؟؟

نوره: ماكو والله رحت شوي المطبخ و فقدتها وصعدت فوق لقيتها بالدار عامله عمايلها!

ام خالد: يمه بنيتي! وشلون صعدت الدري بروحها؟؟

نوره: عادي يمه تقدر تصعد .. اتقضب بالدرابزين وتصعد .. وعزيزان التعبان رايح معاها ..

ام خالد: الله يحفظهم .. المهم سمعي ..

نوره: هلا ..

ام خالد: توني كلمت اخوج وقلت له اللي بقلبي قعد معاي شوي .. وتالي راح القهوة يخلص شغله ..

نوره: اي شقال ما قال؟؟

ام خالد: ماقال شي .. ما يبت له طاري ولا اهو بعد .. انتي للحين عندج ايميل البنية؟؟

نوره: منو قصدج ألاء؟؟

ام خالد: اي اهي .. شوفي دزيلها وقوليلها هالشي على لساني .. قوليلها امي اتقولج وخري عن ولدي وخليها تبعد عنه وعن حياته .. وتقطع كل صلة فيه .. وخل ولدي يشوف حياته خلاص ! احنا اللي علينا سويناه .. وخلاص مدام اهلها رافضين خل توخر عن الصبي و تخليه بحال سبيله .. والا ترى بارفع السماعه على اهلها و اعلمهم عن سوالفها!!

نوره: يمه شفيج الله يهديج لا تعصبين مو زين لج .. اهدي شوي..

بجت ام خالد: بس خلاص .. ما اقدر اتحمل هالوضع .. لا اشوف ولدي ولا اقعد معاه ولا حتى ياكل لقمة في البيت بسبتها اهي؟؟ خلاص خل تذلف وتوخر عنه! قوليلها يا نوره .. ترى ازعل اذا ما دزيتيلها!!

نوره: خلاص يمه ان شاءالله .. كل اللي تبينه بيصير الحين اروح ادز لها .. ولا يهمج ..

اقعدوا يسولفون شوي .. وتالي سكرته نوره .. وقعدت تفكر ..

راحت نومت عيالها وتالي ارجعت اقعدت بالصاله .. اتصلت على ريلها ..

نوره: الو هلا طلال ..

طلال: هلا ام عزوز شلونج؟؟

نوره: تمام .. ها وينك فيه؟؟

طلال: والله بالقهوة .. شلون اليهال ناموا؟؟

نوره: اي توني نومتهم ...راح تتأخر؟؟

طلال: لا ان شاءالله ساعة بالكثير وراد ..

نوره: خلاص ديربالك ..

طلال: اوكي .. يلا تامرين على شي ؟

نوره: سلامتك حبيبي ..

طلال: الله يسلمج .. باي ..

نوره: باي ..


اسحبت نوره اللاب توب و شبكت .. راحت على ايميلها تبي ادز حق ألاء رسالة وتبلغها برسالة امها .. اقعدت فترة اطالع الشاشة .. مو عارفة شنو تكتب ولا شتقول!! اخر شي هونت و فضلت انها تكلم اخوها خالد .. وتعرف منه شنو وضعه ولي متى راح يظل جذي .. ماله داعي تكلم بنت الناس .. وامها كانت معصبة والا مستحيل تطلب هالطلب..




​

 

[rawona]

بنات راح احاول الحين اكتب جم بارت يديد .. بس ترىالنهاية قربت واحتمال البارتات الياية تكون الأخيرة ..





​