روايتي الجديدة مثل ما وعدتكم " حبيب الأمس" ..حياكم

[عشيقة ريلها]

كمليييييييي ونحن ورائكي :135:

ماعليج من العذال خليهم ينقهرون خخخخخخخ

 

[داريني]

صباح الخير
اليوم يايه امبجر علشان اخلص شغلي واتابع روايه
بعد للحين ما كسرت خاطرج ههههههههه

 

[انجل22]

صباح العسل على احلى كويتيات

رجعت لكم بعد غيبة اشهر.. اتمنى تكونون بخير

حبيبتي روونه قصتج كلمة روعة شوي عليها جد ابدعتي واسلوبج جدا حلو وشيق

ناطره البارت اليديد على احر من الجمر اتمنى ما طوليين عينا​

 

[ضي2007]

صبااح الخير يا أحلى روونه

صدقيني ندري انها رواياتج مليوووون% ومافي شك أبد فيها .. لكن شتقولين الحقد والحسد يوصل الانسان أدنى مستوى .. ولا تتضايقين ربج

شايف وعاارف وخلي ثقتج بالله كبيره ..الله يمهل ولا يهمل حبوبه ..

وبالأخيير " اذا جاءتك مذمتي من ناقص فهي شهادة بأني كامل " :stars::stars:

 

[داريني]

؟؟؟؟؟؟؟؟؟؟

 

[dreamy_83]

يالله يا رووووونة حدنا ندمجنا كملي لو سمحتي

 

[ma3boocha]

بسرعه كملي قبل ما ننسى القصه من البدايه

 

[dreamy_83]

اي والله كمليها قبل لا ننساها

 

[rawona]

آسفة على التأخير ..


توني شابكة والله .. اعذروني .. يالله قروا هالبارت على ما أكتب غيره



:tek:

​

 

[rawona]

يوم الخطبة – بيت ام خالد ..

ام خالد قاعده مع حصة بالصالة لابسين وجاهزين ناطرين نوره تيي من بيتها .. نزل خالد ولقاهم قاعدين ..

خالد: ها يمه للحين ما طلعتوا؟؟

ام خالد: ناطرين نوره الحين توصل قالت انها عند الاشاره ..

خالد: خير .. يالله انا رايح مع فيصل نشوف اجهزة كومبيوتر يديده علشان المشروع اللي بنسويه ..تامرين على شي ..

ام خالد: سلامة عمرك.. الله يوفقك ..

خالد: تسلمين عاد ما اوصيج .. دقوا علي اول ما تخلصون ..

ام خالد وهي تضحك: ان شاءالله ..

خالد: يلا مع السلامة ..

ام خالد: فمان الله ..

توه خالد ياي بيطلع من الباب والا تدخل نوره..

نوره: ها السلام .. وين رايح؟؟

سلم عليها ..

خالد: باطلع شوي مع فيصل عندي شوية أشغال ..

ابتسمت نوره: اشغال بيوم خطبتك؟؟

خالد: شاسوي بعد اشغل نفسي شوي لاني لو باقعد انطركم لين تردون يتراوالي راح افقد اعصابي..

نوره: هههه خلاص روح لا اعطلك.. يالله يمه انا وصلت ..

واطلعوا كلهم من البيت نوره وحصة وام خالد اركبوا بسيارة نوره.. وخالد ركب سيارته وراح ..

*****************************************

بيت بوجاسم ..

ام جاسم و حمواتها قاعدين يسولفون بالصالة .. اهي نادت بس العمات وحتى مرت ولدها جاسم إيمان ما نادتها! ..

حماتها فاطمة: انزين شقالولج بعد؟؟ مادري احس السالفة فيها "ان" يعني مادري عايلتهم كلش مو صوب عايلتنا ..شعرفهم فينا؟؟

ام جاسم: شفيج الله يهداج مو قلت لج اخته معيدة بالكلية وشافت ألاء والظاهر اعجبتها..

حماتها انتصار: اي بس يا ام جاسم حتى لو اعجبتها .. بمجرد ما عرفت عايلتنا المفروض انها تصرف نظر عن الموضوع لانهم ما ياخذون منا ولا احنا ناخذ منهم؟!

ام جاسم: والله مادري ..

طق الجرس بهاللحظة .. وراحوا كلهم الاستقبال .. علشان يرحبون بالضيوف ..


دخلت ام خالد ودخلوا وراها نوره وحصة .. استقبلتهم ام جاسم استقبال حلو .. ودخلتهم الاستقبال ..

عقب السلام والمجاملات عرفتهم ام جاسم على عمات ألاء .. واقعدوا يسولفون شوي بمواضيع عامه ..

وفجأة اسألت ام جاسم وهي اطالع البنات نوره وحصه : منو فيكم اللي مع ألاء بالجامعة؟؟

تنحوا البنات اشوي علشان يستوعبون السؤال .. وتالي استوعبت نوره وتكلمت

نوره: أنا بس مو معاها بالكلية .. أنا أشتغل معيدة بكلية العلوم .. وشفت ألاء جم مره ياية مع رفيجاتها عندي بالقسم ..

عمتها انتصار: اي بس ميخالف من غير احراج اسألج سؤال؟

نوره : تفضلي ..

عمتها فاطمة: يعني عقب ما سألتي عنها وعرفتي اهي منو ومن بنته وجذي مو من المفروض تصرفين نظر لأنه تدرين يعني عوايلنا مختلفة وجذي ومدام انها خطبة عادية يعني كان بسهالة تلاقين لأخوج وحده ثانية ..

اعتفس ويه ام خالد شوي و اسكتت ..

اما نوره فابتسمت وتكلمت بثقة لأنها كانت متوقعة السؤال

نوره: اي فعلاً كلامج .. بس انا ما رحت سألت عنها إلا عقب ما شافها أخوي!

الكل طارت عيونه على نوره و بنظرتهم علامة استفهام!

وضحت نوره لهم وكملت كلامها: في جم مره كان أخوي ياي يزورني بالكلية و صادف انه شاف ألاء واعجبته و طلب مني اعرف اهي من بنته.. وعلى ما عرفت الا اهو كان ملاحظها جم مره وشاف ادبها واخلاقها و حب يخطبها..

ام جاسم: اي الله يكتب اللي فيه الخير ..

ام خالد: اللهم آمين ..

واقعدوا يسولفون شوي عن معارفهم ومنو مناسبين وجذي وبعد فتره ..

ام خالد: عيل وين بنيتنا؟ نبي نشوفها ..

ام جاسم: اي ان شاءالله و طلبت من عمتها انتصار تروح تناديها ..

دخلت ألاء وهي حدها مستحية .. دشت وسلمت على ام خالد و نوره وحصة .. ابتسمت ام خالد يوم شافتها وحست بفرحة الأم اللي تشوف عروس ولدها .. وتأكدت نوره يوم شافتها ان اهي نفس البنت اللي شافتها بالمطار يوم وصول خالد .. كانت ألاء قمر ماشاءالله .. مبطلة شعرها الاسود ومخليته ناتشورال .. وحاطة آي شادو بني فاتح و ماسكارا .. وقلوس لحمي .. ولابسة بدلة قصيرة شيفونها ألوانها هاديه وطلع شكلها ناعم و"بيبي" ..

مع السوالف تكلمت ام خالد عن عايلتهم و عايلة زوجها وكانوا من العوايل المعروفة بالكويت .. وكتبت لهم أسماء معارفهم و أهلهم علشان لي بغوا يسألون عنهم ..

ام خالد: انتي اخذوا راحتكم بالتفكير والسؤال .. واي شي تبون تعرفونه بلغونا عنه ..

ام جاسم: ان شاءالله ..

ام خالد: على خير ان شاءالله احنا نستأذن .. وبننطر منكم الرد عن قريب باذن الله ..

ام جاسم: الله يكتب اللي فيه الخير ..

ام خالد وهي تكلم العمات: مع السلامة وفرصة سعيدة..

العمات: هلا والله .. واحنا اسعد .. حياكم الله ..

وسلمت على ام جاسم وطلعت ..

ام جاسم: حياكم الله ..




​

 

[rawona]

ركبت نوره السيارة وشغلتها ونطرت امها واختها يصعدون ..

ام خالد وهي اطالع نوره: هاااااا؟؟ شرايج؟؟

نوره تتنهد : امممممممم مادري والله شكلهم حليوين .. الله يكتب لأخوي اللي فيه الخير يارب ..

ام خالد: اللهم آمين ..

حصة: بس ماشاءالله ألاء حلوه .. صج اخوي طلع مو هين و عنده ذوووق ..

الكل: ههههههههههههههه

********************************************
كان خالد قاعد مع رفيجه فيصل بالقهوة و هو على أعصابه .. ما يبي يفكر بألاء ولا بأهله و لا بالخطبة بكبرها!! فكان شاغل نفسه مع فيصل بالكلام عن المشروع مالهم ..

خالد: عرفت شلون؟

فيصل: اي بس لازم نلاقي مكتب بسرعة حق المشروع و نطلع له رخصة وهالسوالف ..

خالد: هذا امره هين المهم من وين تبينا نستورد قطع غيار الكومبيوترات؟

فيصل: خل هالشغلة علي أنا أسأل عبدالكريم صاحبنا و أرد لك خبر ..

خالد: صار..

طلع خالد موبايلة من جيبه وما لقى ولا مسد كول ولا مسج ..

خالد: يلا انا الحين اترخص حدي تعبااااااااان و باروح احط راسي و انام.. باجر دوام .. اوووف

فيصل: ههههههه والله انا للحين متعجب شلون صرت طبيب أسنان و انت مو صوب هالمجال بالمره!!

خالد: بعد! قدر و مكتوووووووب .. يالله تامر على شي ؟

فيصل: سلامتك ..

خالد: يلا فمان الله..




​

 

[أنين الورد]

ياااااااااااااهو انا اول وحده ترد على البارت اليديد
تسلمين يالغلا
ويارب يارب يتزوجون ترا ما فيها شي يعني لو المذهب غير .. لو الاثنين كانو يحبون بعض يقدرون بالتفاهم يسيطرون على الوضع

 

[داريني]

اخيرااااااا طفيتي ناري خخخخخ
يالله نبي تعويض بالويك اند نبي بارتاتااااااااااااات طواااااااااااااااااال
بلييييييييز

 

[Cute mama]

ثانكس عالبارتات اليديده


متابعه

 

[rawona]

اليوم الثاني من الخطبة ..

كانت نوره وحصة وام خالد و اليهال وخدامتهم رايحين يتمشون بسوق شرق .. وخلت نوره اليهال مع الخدامات يلعبون بالألعاب و راحوا اقعدوا بستاربكس تحت ..

نوره: والله قعدت أحاتي اليهال .. أول مره أخليهم مع الخدامات ..

حصة: لا تحاتينهم شوي و اروح اطل عليهم خليني بس أخلص قهوتي ..

أم خالد: وين بتروحين بروحج؟؟

حصة: عادي يمه وين باروح يعني؟؟ كاهو الدري جدامج .. أطل عليهم وارد ..

نوره: يلا روحي الحين بسرعة قبل لا تخلصين قهوتج طلي عليهم وردي ..

حصة: واااااااااي انزين!! حنه!! ما تخلون الواحد يتهنى !

أم خالد: قومي وقمقام!!

راحت حصة تشوف اليهال.. واقعدوا ام خالد ونوره يسولفون ..

رن تلفون ام خالد ..شافت الرقم و بققت عيونها من الاستغراب..!

ام خالد: هذي ام جاسم!

نوره: ردي عليها شوفيها..

ام خالد: الو ..

ام جاسم: السلام عليكم .. شلونج ام خالد؟

ام خالد: هلا والله وعليكم السلام .. شخباركم ..؟؟

وبعد السلام والمجاملات ..

ام جاسم: والله يا ام خالد مو عارفة شأقولج .. والله انتوا خوش ناس و ما فيكم عيب بس بو ألاء مو موافق على زواج خالد من ألاء .. وما رضى!

انصدمت ام ألاء.. وبنفس الوقت حست نوعاً ما بالراحة لأنها ما كانت مرتاحة لهالزواج ..

ام جاسم: مافي نصيب ..

ام خالد: يلا الحمدلله .. والله يوفق بنيتكم و يرزق وليدنا اللهم آمين .. وكافي معرفتكم و...

ومن هالحجي لين انتهت المكالمة ..

نوره: رفضوه؟؟

ام خالد: تقول ابوها ما رضى!!

نوره: مني والطريج؟؟ ما مداه يسأل عنه!!

ام خالد: ما يحتاج يسأل !! أكيد رفض مثل ما رفضنا احنا من البداية وانتي عارفة السبب..

نوره: انزين وخالد؟ درى؟

ام خالد: مادري والله .. اقوله؟

نوره: اممممممممم لا لا تقولين له اكيد اهي بتقوله..

نوره: والله اقهروني!!

ام خالد: لا تنقهرين ولا شي .. خيره ما تدرين ..

نوره: يعني الحين اهي شبت على الولد حنه و خطاب يايين يخطبوني ومن هالحجي .. ومادامها تدري ان اهلها ماراح يرضون ليش خلتنا نيي؟؟

ام خالد: والله قلبي معورني على خالد ياترى عرف والا للحين؟؟




​

 

[بدوره 22]

واااااااااااااااااي لأ

ويح قلبي

اهىء اهىء اهىء


رونه ماله داعي تحلفين

والله ندري ان انتي صاحبة هالابداع الي قاعدين نقراه

 

[rawona]

يعطيج العافيه حبيبتي روونه وماعليج من احد واحنا متاكدين مليون بالميه ان القصه من ابداعاتج وماعليج من احد واصلي

وانا ناطره البارت اليديد

كمليييييييي ونحن ورائكي :135:

ماعليج من العذال خليهم ينقهرون خخخخخخخ

صباح الخير
اليوم يايه امبجر علشان اخلص شغلي واتابع روايه
بعد للحين ما كسرت خاطرج ههههههههه

بسرعه كملي قبل ما ننسى القصه من البدايه

اي والله كمليها قبل لا ننساها

ثانكس عالبارتات اليديده


متابعه

واااااااااااااااااي لأ

ويح قلبي

اهىء اهىء اهىء


رونه ماله داعي تحلفين

والله ندري ان انتي صاحبة هالابداع الي قاعدين نقراه

يسلمووووووووووووووووووووووووووووو



كلكم بدون استثناااااااااااااااااء حبيباتي و كلامكم على راسي من فوووووووووووق


ان شاءالله اكمل واعوضكم بالبارتات اليايه ..


تدرون اني قاعدة اشرب جاي اكل حب و اسولف و أألف لوووووووووووووووول فاسمحولي اذا في بدلية او عدم ترابط بالفكره ههههه ..


قاعده اجامل اللي يمي و بنفس الوقت قاعدة اكتب لكم :dddds:




​

 

[rawona]

رد خالد البيت واهو صاكة فيه الدنيا .. اتصلت عليه ألاء و قالت له ان ابوها رفض زواجهم ..

خالد: السلام عليكم ..

بوخالد وام خالد قاعدين بالصالة: وعليكم السلام ..

راح خالد باس راس امه وابوه و قعد يمهم ..

خالد: ها عيل وين الشعب؟؟

ام خالد: حصة بدارها و بدر طالع .. انت شلونكم يمه؟

خالد: الحمدلله .. ردوا عليكم أهل ألاء؟

ام خالد: اي اتصلت فيني امها اليوم ... الله يرزقك باللي أحسن منها وان بغيت من باجر ادور لك على أحلى بنت ..

ابتسم خالد بحزن: وراح باس امه وصعد داره ..

ام خالد: كاسر خاطري والله ..

بوخالد: ما فيه الا العافية .. واللي خلقها خلق غيرها .. وباجر بينسى !

ام خالد: اروح له؟

بوخالد: اشفيج انتي؟! خلي الصبي بروحه ! يمكن محتاج يقعد مع نفسه شوي..

ام خالد: الله يصلحه ويهديه ..

بوخالد: آمين .. قومي يبه عشينا ونادي حصة من زمان ما قعدت معاها ..

ام خالد: ان شاءالله

بدر توه داش البيت..

بدر: السلام عليكم ..

ام خالد: وعليكم السلام .. الله يابك .. تعال اقعد مع ابوك علشان تتعشى معاه ..

بدر: ان شاءالله ( وراح باس راس ابوه وقعد معاه يسولفون) ..




​

 

[rawona]

انسدح خالد على فراشه واهو حاس بتعب .. وحاس ان هموم الدنيا كلها فوق راسه .. رن تلفونه وشاف رقم ألاء .. خلى التلفون على الصامت وحط راسه على المخدة ونااااااااام من التعب!!

كانت ألاء تبجي بدارها .. وتحاول تتصل بخالد وما يرد عليها .. ادخلت عليها امها .. وشافتها تبجي.. استغربت!

ام جاسم: شفيج يمه؟؟ ليش تبجين؟؟

ألاء: لا يمه مافيني شي .. بس متضايقة شوي!

ام جاسم: شاللي مضايقج؟؟ شفيج؟؟

ألاء: مافيني شي يمه .. الحين بأنام..

ام جاسم: لا انتي فيج شي!! بتحجين والا شلون؟؟

ألاء: لا يمه .. أنا .. السالفة ..

وقالت ألاء لأمها كل القصة مع احتفاظ ببعض التفاصيل .. ثالت لها عن معرفتها بخالد من زمان .. وشلون كان محترم معاها .. وشلون انه وعد ووفى بوعده .. وتقدم وخطبها اول ما تخرج .. وكل هالسوالف ..

امها عصبت عليها في البداية .. وخانقتها .. وتالي هدت واطلبت منها انها ما تتصل فيه ولا ترد عليه!

ألاء: يمه .. عفيه كلمي أبوي .. خليه على الأقل يفكر بالموضوع .. يسأل عنه على الأقل! اهوا حتى ما سأل عنه كلش!

ام جاسم: انتي تبين ابوج يذبحج؟؟ شتبيني أقوله؟؟ زوج ألاء من اللي تحبه؟؟

قعدت ألاء تبجي و تصيح وما عرفت شتقول لأمها ..

ام جاسم: أنا الحين خلاص قلت للناس ان احنا مو موافقين ..يعني انسي اتصل عليهم مره ثانية! وما اعتقد بيرجعون يتقدمون لج .. فأحسن لج تنسينه و تشيلينه من بالج!

ألاء: بس يمه ..

ام جاسم: وبسس! لج عين بعد تردين!

سكتت ألاء وحطت راسها على المخدة واقعدت تبجي لين اتعبت ونامت!



​

 

[rawona]

مرت الشهور كيئبة على خالد .. أيامه كلها متشابهة و كلها مثل بعض .. الصبح يقوم ويروح الدوام .. يرجع يتغدى و ينام شوي .. يقعد المغربية ياخذ جنطة اللاب توب ماله و يطلع من البيت يا يقعد بالقهوة يا عند الربع و مايرجع الا متأخر بليل .. وهذا هو روتين حياته .. قلت اتصالاته مع ألاء وايد .. صار ما يكلمها الا من فترة لي فترة بس على طول بينهم مسجات و يكلمون بعض بالماسنجر ..

ومرة من المرات تبطل موضوعهم مرة ثانية..

ألاء: خالد أنا حاولت أقنع أمي تكلم أبوي و اهي من تشوفني ينكسر خارطها .. بس تقولي شلون أقنعه وما تدري اذا أهلك بيردون يتقدمون والا لا؟

خالد: تدرين يا ألاء اني مستعد اتقدم بدال مره عشر و مليون! بس اهم يرضون!

ألاء: ان شاءالله أقدر أقنعها .. انت وفيت بوعدك لي وما تخليت عني .. وانا بعد مستحيل اتخلى عنك!

خالد: الله كريم ..

********************************************

ام خالد تكلم نوره بالتلفون..

ام خالد: شفتي اخوج شقاعد يسوي فيني؟؟ يرضيج جذي؟؟

نوره: ميخالف يمه طولي بالج مرده راح يطخ ويرجع نفس قبل وأحسن بعد ..

ام خالد: مادري والله حيل حيل متغير علي!! لا اشوفه مثل قبل .. ولا اقعد معاه .. ماقام يسولف لي .. حتى وجبة الغدا ما ياكلها معانا .. وايد تغير وابتعد عني ..

وقعدت تبجي ..

نوره: طولي بالج يمه .. ولا تكدرين عمرج .. ان شاءالله كل شي بيصير مثل ما تبين واحسن بعد ..

ام خالد: الله يسمع منج ..



​