روايتي الجديدة مثل ما وعدتكم " حبيب الأمس" ..حياكم

[بدوره 22]

وااااااااااااااااااااي عوار قلب

لا


حرااااااااااااااااااام واي صج حرااااااااااااااااام

 

[rawona]

كانت ألاء بهالفترة تحاول تفكر بطريقة تخلي أهل خالد يردون يتقدمون لها مره ثانية .. وقدرت تقنع امها ان تكلم ابوها وتخليه على الاقل يسأل عنه ..

ام جاسم: وشاقول لأبوج اذا سألني؟؟

ألاء: امممممممممم قوليله انج يوم رديتوا عليهم ما قلتي لهم ان احنا مو موافقين .. وقولي ان امه ردت تسألني شصار على الموافقة ومتى بنعطيهم الرد .. وقوليله انج قلتيلها ان ابوي كان مسافر والحين رجع وراح يسأل عن ولدهم !

ام جاسم: مادري والله .. خلاص أنا بأشوف شيصير معاي ..

وطلعت ام جاسم وخلت ألاء بروحها تفكر .. وبعد فترة قصيرة .. التفتت على الكومبيوتر .. وشبكت على الانترنت .. طالعت ساعتها لقتها 4 ونص العصر .. اكيد خالد نايم هالحزة .. وتصرفت بسرعة ..

شبكت على الماسنجر بايميل خالد ( اهو معطيها الباسورد ماله واهي معطيته باسوردها من زمان) وراحت حق قائمة الكونتاكتس .. ودورت على ايميل معين تبيه .. واخيراً لقته .. راحت سجلته عندها و سوت ساين اوت واطلعت!

*********************************** **********

كانت نوره قاعدة يم المسبح في بيتها .. طلال طالع .. وعيالها نايمين نومة العصر .. واهي شابكة باللاب توب مالها ..

يتها دعوة من ايميل غريب على الماسنجر متضمنة هالرسالة:

" محتاجة أتكلم معاج ضروري .. أرجوج ضيفيني عندج بالماسنجر..
ألاء .."

استغربت نوره حيل وضافت ايميل ألاء لها : هذي شعندها؟؟ وشتبي مني؟؟!

دخلت ألاء على الماسنجر و شافت نوره اون لاين..

ألاء: السلام عليكم ..

نوره: وعليكم السلام ..

ألاء: أدري يمكن مستغربة من هالايميل .. ومن طلبي اني أكلمج بس اعذريني اضطريت اسوي جذي ..

نوره: لا عادي ولو ..

ألاء: أنا محتارة من وين ابتدي بالكلام .. بس قبل كل شي بأقولج ان اي شي بنقوله يتم بينا وما يطلع لخالد لأنه ما عنده علم اني بأكلمج!

نوره: ان شاءالله ..

ألاء: انا ادري ان اللي صار من اهلي صدمكم مثل ما صدمني ... وانا ابيج تفهميني و تعرفين وجهة نظري ..

نوره: حبيبتي اللي صار صار ..! اخوي خالد ما قصر .. دش بيتكم من الباب .. وياب أهله و اخطبج بشكل رسمي .. لا لعب عليج و لا قص عليج .. والله يعلم شكثر كان شاريج ..

ألاء: أدري والله .. وانا حيل مقدرة له هالشي..

نوره: مقدرة هالشي؟؟ اي واضح! والدليل رفض اهلج له من ثاني يوم!! متى مداهم يسألون عنه والا يعرفونه؟؟ متى؟؟

نوره: بعدين راح أكون صريحة معاج .. انتي عارفة المشكلة الاساسية بالموضوع .. وتدرين ان عوايلنا ما ياخذون من بعض .. ومع هذا خالد تحدى الكل واولهم أهله و اصر على انه يوفي بوعده ويتقدم ويخطبج .. شسويتي انتي بالمقابل..

نوره: انتي تدرين ان احنا وخالد حاطينا نفسنا بموقف صعب .. وهم امي وابوي اللي كانوا رافضين فكرة الزواج من عايلتكم .. بعد ما عرفوا شكثر اخوي متعلق فيج .. تحدوا اهلهم وجماعتهم .. وفضلوا انهم يواجهون الكل .. ويتحملون كلام الناس علشان ولدهم .. وايون اهلج يصدمونا من ثاني يوم بالرفض!!

نوره: على الأقل .. من باب اللباقة يعني .. يعلمونا بقرارهم بعد جم يوم مو ثاني يوم!!

ألاء: والله معاج حق بكل اللي قلتيه .. بس ابوي عصبي .. وناااااااااار ورفض سيده من غير ما يناقشنا وامي المسكينة خافت منه و سيده اتصلت على امج وقالت لها عن رايه..

نوره: اي بس يا ألاء لو كانت تبي تساعد .. جان على الأقل ما عطتنا الرد فوراً ونطرت جم يوم وحاولت تقنع ابوج فيهم ..

سكتت ألاء شوي وتالي قالت: والله انا نفسي انصدمت من موقف الاثنين .. علشان جذي انا ابيج تساعديني..

نوره: اساعدج؟؟ بشنو؟؟ بان اعطي اخوي امل وارد اسحبه منه.. ؟؟؟ بروحه متغير علينا .. ومو الأولي .. لا نشوفه ولا نسمع صوته .. وضحكته اللي كانت تارسه البيت راحت .. اختفت!! تبيني اساعدج على شنو؟؟ انا اقول ابتعدي عن اخوي ووخري عن طريجه .. وخليه يشوف حياته لو سمحتي!

بجت ألاء بس ما حبت تستسلم : مو أنا ابيج هلشان هالشغلة ..

نوره: قولي اللي عندج ..

ألاء: خالد متغير معاي انا بعد .. صاير عصبي و مكتئب و ما يتكلم وايد نفس قبل ..

نوره: ما ينلام ..

ما علقت ألاء و كملت كلامها: اهو قالي ان امه قاعدة تدور له عروس ..

نوره: صحيح .. وجان زين يرضى!

ألاء قلبها تقطع .. : نوره ساعدينا الله يخليج .. انا الحين أقنعت أمي تكلم ابوي .. اهو وافق مبدئيا انه يسأل عن خالد ..ارجوج .. اذا اهلي وافقوا .. عادي اهلج يردون يتقدمون مره ثانية؟؟ ارجوج صبروا على خالد شوي .. لا تزوجونه الحين!

نوره: اشدعوه عاد اخوي بيرضى يتزوج الحين!! جان زين والله يفرحنا ويشوف اللي امي نقتهم له!

ألاء: ارجوج نوره .. صبروا علينا شوي .. صدقيني ماردهم اهلي بيرضون .. بس انا ابي اعرف عادي ترجعون تتقدمون لي مره ثانية؟؟

نوره: والله مادري شعبه على اهلي ..

ألاء: ارجوج ..

نوره: شوفي علشان سعادة خالد مستعدين نسوي كل اللي يبيه!! انتي بس شوفي اهلج بالأول و حاولي تقنعينهم ..

ألاء: واذا اقتنعوا .. ترجعون تخطبوني؟؟

نوره: يصير خير .. : )




​

 

[digital]

عااااااااااااشت روووووونه



ياجبل ما يهزك ريح

 

[rawona]

وااااااااااااااااااااي عوار قلب

لا


حرااااااااااااااااااام واي صج حرااااااااااااااااام

هههههههههه شاسوي بعد القصة اطلعت معاي جذي




هاااااااااااااا بنوتات كافي هالبارتات لليوم؟؟؟ ترى تعبت من العصر مجابلة هالكومبيوتر واكتب


ناطرة رايكم بالاحداث للحين .. القاكم على خير باذن الله :eh_s(6):

​

 

[rawona]

عااااااااااااشت روووووونه



ياجبل ما يهزك ريح

ميرسوووووووو ديجيتال .. افتر راسي وانا افكر واكتب ههه تعبت

​

 

[fatma]

ياريت خالد يتزوج الاء ..... الاحداث قامت اتشوق اكثر ..... ناطرين البارت الياي

 

[داريني]

نبي بعددددددد

نوره بطت جبدي مسكينه الاء بروحها مو ناقصه
ا

 

[rawona]

ياريت خالد يتزوج الاء ..... الاحداث قامت اتشوق اكثر ..... ناطرين البارت الياي

اي والله بدت حمى مثل ما يقولون

​

نبي بعددددددد

نوره بطت جبدي مسكينه الاء بروحها مو ناقصه
ا

نوره احترت على اخوها .. وحيل كاسر خارطها وانبطت جبدها من اهل ألاء على اللي سووه فيه و شلون ردوه بهالسرعه!


ان شاءالله اكمل بس مو الحين .. اليوم خميس وزوارات .. يدوب اروح اجهز نفسي وعيالي للزواره


القاكم على خير ان شاءالله وقعدو فكرو بالاحداث و توقعاتكم شنو اللي راح يصير؟؟ :tomato2:


​

 

[n00ni]

يسلمووووووو رونه
بس والله ماعجبتني حركه آلاء لمن كلمة نوره
كلش موحلوه حركتها
يعطيج العافيه

 

[ام _خلودي]

عوار قلب

ناطرينج بنهايه سعيده

 

[a7la 3rbaweya]

مشكووووووورة حبيبتي رووونة على هالبارتات الحلوة ويعطيج العافية وان شاء الله اهل الاء يوافقون
ناطرة البارتات الياية على احر من الجمر

 

[داريني]

رووونه
ناطريج
بس لا تنطرينا وايد خخخ

 

[ma3boocha]

واااااااااااااااااااااااااااااااااااااااااااو

كملي

 

[muneera_alb]

3ashaaaat rouwnaaa 3ashaaat :**
ya a7saaan katibaaa blmuntadaa 3u2baaal manshoof kitabatiich blmakatb el3aalamya mu bas elma7aliyya
ta9arof noura ma3a ala2 kan eb mukanaa , ya3ni mala da3e elle sawita ala2 killesh ghala6 !!
o ana ma a2ayed ezawaj elle feh ekhtilaaf mathahib na3aam bacher khawalhum she9eron !!!

 

[shushii]

hellow;** thaankYou Rawoona 3al paarts w sorry hal esbou3 ma shibakt wayed tawniii ashouf el parts tadriin ba3aad school w 3awaar ras ma nlaa7ig;* w keep going sweety<3

 

[dreamy_83]

القصة حدها عجيبة وياريت تكملينها بسرعة

 

[Simply_The_Best]

رونـة خلصت كــــــــل الأجـزاء !!! واي واي واي روعـة !!... متشـوقـه بعرف اشراح يصيـر !! بيتزوجون ولا ؟؟؟

 

[* فطامي *]

ما شاء الله


ابدااااااااااااع قريتاه مه وحده بس كنت مستعيله وما رديت برووح الكلية لكن اللين فضيت


يارب يتزوجون حدهم كاسرين خاطري


بس نوره تعجبني تصرفاتها ولو اخر تصرف بط جبدي مسكيييينه الاء

مبدعه بقصتج موفقه وبانتظااااااار الباجي

 

[داريني]

هل من جديد؟

 

[ام _خلودي]

ووينج روونه نااطرينج

على احر من الجمر