روايتي الجديدة مثل ما وعدتكم " حبيب الأمس" ..حياكم

[rawona]

امممممممممممممممممممممـ

ابي اعيش قصة حب مثلهم

:eh_s(22):

:eh_s(22):

:eh_s(22):

الله يسهل على بنيتج الاملاااء و تييب فل ماارك

ناااطرينج يمااا

وبعدين يكفي وجودي بين هـ الردود يكفي و يوفي :eh_s(6):

متابعه

وناطره

ويعطيج العافيه

لا يوقف لا يوقف
كملي حبيبتي

فديتج راوونتي انا ناطرتج باجر
سويلها الحروف على نقاط وخل تمشي عليهم بالقلم واااااااايد سهله عالطريقه راح تفهمها بسرعه

لا تتضايقين ولا شي
احنا وياج ومن متابعينج

الله يخليلج بنتج وتشوفينها عروس انشاء الله

القصه تهبل تهبل تهبل ناطرتج

حلوووه القصه كمليها بسرعه بسرعه


و يعطيج العافيه

طقيت بصمتي سجليني حضور :ggdw: متاااااابعه

مشكورين بنات كلكم على المتابعه والحضور ان شاءالله كل الاسامي طالعه لأنه عندي مشكله بخاصية الرد المتعدد ..


الحين راح أنزل بارتات يديده :eh_s(6):



​

 

[rawona]

صوت الباب يطق .. واحد قاعد ينادي ..

:ألاء .. ألاء.. بطلي الباب .. ألاؤووو ويهد!! بطلي الباب !

فتحت ألاء عيونها .. تبي تستوعب اهي وين وشالسالفه! الباب يطق.. وصوت أمها يناديها .. فزت بسرعه من الفراش وراحت تركض تبطل الباب ..

ام جاسم: مابغيتي اتبطلين!! وينج؟؟ شكنتي تسوين..

ألاء: أسفه يمه شكلي من التعب غطيت اشوي ..

أم جاسم: انزين قومي غسلي وجهزي بسرعه .. الناس بيونا عقب صلاة المغرب مو يوصلون وانتي مو خالصه!

ألاء: ان شاءالله يمه ..

طلعت أم جاسم من الدار ولفت ألاء و راحت صوب المرايه .. وطالعت نفسها ولاحظت نظراتها التايهه! أه يا خالد .. ليتك معاي الحين! .. استوعبت ألاء انها عقب ما اصعدت دارها وشافت صورة خالد بالكومبيوتر مالها .. رجعت ذكرياتها معاه حق ذاكرتها لين غطت من التعب و نامت!

ألاء: ليش يا يمه تبين تزوجيني وتفتكين مني؟

ركزت نظراتها عدل واهي اطالع نفسها بالمرايه ..

ألاء: بس هالمره راح أواجه عريس الغفله هذا و بأقوله كل شي .. وبأشوف منو بيزوجني غصبٍ عني!

راحت ألاء تجهز نفسها و تتزهب لشوفة المعرس وأهله اليوم..



​

 

[rawona]

وصل حسين وأهله في الوقت المحدد استقبلتهم ام جاسم استقبال حلو .. وقدمت ألاء العصير لهم .. بعد السلام والمجاملات .. طلب حسين انه يقعد شوي على انفراد مع ألاء علشان يتعرف عليها أكثر خصوصاً انها اعجبته مبدئياً وحب يكلمها و يشوف منطقها واسلوبها .. طبعاً ألاء لقتها فرصه .. وحمدت ربها ان هالطلب منه مو منها علشان ما تنحط بوضع حرج .. راحوا اقعدوا بالصالة الثانية ..

حسين: شلونج ألاء؟

ألاء كانت مستحية ومنحرجة واطلبت ربها انه يعطيها القوة والجرأه بانها تكلم حسين عن خالد علشان يبتعد عنها ولا يفكر فيها!

ألاء: الحمدلله بخير..

حسين: دوم يارب .. وين تشتغلين؟

ألاء بقلبها: ياي تخطبني و ماتدري وين اشتغل!!

ألاء: في الأشغال ..

حسين: حلو .. وعسى بس مرتاحه بالوظيفه ؟

ألاء: الحمدلله ..

سكت حسين شوي .. ورد تكلم

حسين: وان شاءالله طول المدة اللي بنتكلم فيها بس بتقولين " الحمدلله" ؟؟ وضحك << مسكين يبي يكسر الحاجز شوي بينه وبين ألاء خصوصاً انه نوى خلاص انه يتزوجها !!

ما ابتسمت ألاء .. وقالت فجأة: حسين .. ممكن أتكلم معاك بكل صراحه؟
حسين بنبرة جدية: أكيد .. قولي كل اللي تبينه..

ألاء: أنا ما أقدر أتزوجك!

سكت حسين شوي ورد سألها..

حسين: ما تقدرين والا ما تبين؟؟

ألاء: ما تفرق!

حسين: لا تفرق! لو كنتي ما تبين فهذا شي طبيعي يمكن ما تكونين مرتاحتلي او ما تقبلتيني .. أما إذا كنتي "ما تقدرين" فهذي فيها "إنه"!

ألاء: شلون يعني؟؟

حسين: يعني انتي مو معترضه علي انا شخصياً وما تبين تتزوجين وبس عدل؟

هزت ألاء راسها موافقته وهي مستغربة اشوي من كلامه ..

حسين: ومادام ما تقدرين تتزوجيني يعني في أسباب تمنعج من الزواج .. وحاب أعرفها!

تفاجأت ألاء بصراحته وانه فهمها بسرعه بس تضايقت من أسئلته وحسته أهو اللي قاعد يدير الحوار بينهم ويمشيه مثل ما يبي مو اهي!

ألاء: مو ضروري تعرفها..

حسين: إلا ضروري ونص!

استانست ألاء لأنها وصلت للنقطة اللي تبيها و بجذي بتفتك من حسين وترتاح شوي!

ألاء: لأني ما أقدر أكون لك!

رفع حسين حاجبه بعلامة استفسار و نظرته تقولها "وضحي أكثر"!

ألاء: لأني ما أقدر أعطيك قلبي .. تدري ليش؟
ابتسم حسين يعني قولي؟!!

ألاء: لأنه أصبح لشخص ثاني و مستحيل بيكون لغيره!

سكت حسين فترة .. حسن انه اكتفى و كرامته انجرحت بس مايدري ليش ماحب يستسلم بسهوله و حب يناقشها.. حس انه "في أمل" وممكن تكون من نصيبه!!

حسين: حب من طرف واحد؟؟

هزت ألاء راسها يعني لا: بالعكس كان حب من الطرفين ..

سكتت شوي .. وقالت: وأحلى حب!

حسين: شصار؟

رفعت ألاء راسها بسرعه اطالعه ..

ألاء: تبي تعرف شصار؟؟

حسين: إذا سمحتيلي طبعاً .. لأني مو مقتنع بسبب رفضج لي!

ألاء بقلبها شكله عنيد وماراح يرتاح ولا يفج إلا لما أقوله على كل شي .. كيفه خل يتحمل اللي بيسمعه!!

ألاء: أوكي .. بس بشرط..

حسين: اللي أهو؟

ألاء: بعد ما تعرف القصة .. توعدني انك تصرف نظر عن زواجك مني وتخلينا بحال سبيلي!

ابتسم حسين وقال: علشان يفضاله الجو؟؟

عصبت ألاء و خزته خزة اللي لو كان لها تأثير مادي جان موته حلاً!!

حس حسين انه تمادى معاها اشوي فقال بسرعه: قولي اللي عندج .. كلي أذان صاغيه..

خذت ألاء نفس طويل وبدت تقوله القصه...!




​

 

[yaamye]

وااااااااااااااااااااااااااااااااااي كملي حبيبتي لا يوقف

 

[Sara.M]

القصه عجيبببببببببببه كملي بليز البارتات الي تحطينها قصار حيل والروايه حدها عجييييييييبه كملي

 

[rawona]

نيو كاسل – بريطانيا .. (بعد شهرين من سفر خالد ومعرفته بألاء)

خالد قاعد يحلق لحيته ويغني..

انت بحري و انا اليم .. يقولو اللي يقولون ..
أنا بحبك متيم .. خلي العذال بغارووون ..

ويدن دن بينه وبين نفسه ..

أعرفك نفسي .. يانفسي .. يايومي يا أمسي..
أنا الجروووح أنا الألم! .. احجي عن الشووووق ..
والا عن الحرماااااااان .. عندي الزمن واقف .. لي دارت الازمان..
ياسيدي مهمووووووم.. وناطر انا شمسي ..!

خلص من حلاقته وطلع الصاله .. لقى رفيجه فيصل قاعد على الانترنت ..

خالد: ها افصيل! ما طلعت؟

فيصل: لا والله .. قلت اقعد اطق طق اشوي بالكومبيوتر على ما تخلص .. باخذك معاي ..

خالد: خوش .. هم انا مالي خلق اروح حق الدكتور بعيادته بروحي.. انزين .. اهو راح يسألنا عن شنو بالضبط؟ عن التدريب اللي حضرناه اخر مره وعلمونا شلون نسوي حشوه للضرس وجذي والا يبينا نطبق جدامه؟؟

فيصل: والله مادري.. بس الشباب يقولون سهاله حتى ما طول معاهم وعطاهم درجات زينه .. اهم شي لا يسألني عن العصب الحين كلش ماراجعته!

خالد: الله يستر هههه

فيصل: ها خلصت؟

خالد: اي يالله .. خل يعدي هالاسبوع على خير وارجع الكويت بسرعه!

فيصل: الله يسهل الامور.. تعال ما تبي نروح السوق انتشرى للأهل ..

خالد: امبلا والله .. وانا بعد ودي نقعد ليله بلندن صج السوق حلو اهني وكبير بس بعد مالنا غنى عن اكسفورد انشرى منه.. تعرف حق هدوم اليهال؟؟

فيصل: يهال؟؟!! لأ .. ليش؟؟

خالد: باشتري حق عيال اختي عزوز والبيبي اليديده ..

فيصل: اممم خلاص أسألك الوالدة اليوم ..

خالد: خير ..

واهم بالطريج للجامعه قعد يفكر بألاء .. حس انها ملت عليه حياته بهالشهرين اللي طافوا وخففت عنه غربته حيل.. ذكر كلامها وابتسم..

ألاء: يالله عاد خلود .. لا تقص علي!

خالد: أفا!! الحين انا اقص عليج؟؟ لا صج زعلتيني..

ألاء: مو قصدي والله خالد .. بس مادري أحسك مستعيل على كلش و عايلني معاك! كلش شي صار بسرعه .. عرفتك .. وحبيتك وحبيتني .. يعني كل هذا بشهرين .. انا خايفه!

خالد: تخافين وانا موجود؟؟

ألاء: خايفه منك وعليك!

خالد: تحبيني؟

ألاء: أكثر من روحي.. وهذا اللي مخوفني..

ضحك خالد: وليش مخوفج؟؟

سكتت ألاء شوي وهي حاسه انها اذا تكلمت راح تخرب كل شي .. خالد يوم عرفها كان عند وعده لها .. ما طلب انه يعرف عنها اي معلومه .. كل اللي يعرفه ان اسمها ألاء محمد .. ساكنه برميثية .. وعرف انها البنت الوحيده وعندها اخوانها الاثنين شباب جاسم (اللي بالمناسبة ملج على ايمان بنت خالته وقاعدين يجهزون لعرسهم) ويعقوب .. بس اهي تعرف كل شي عن خالد .. امه وابوه علاقته مع اخوانه وخواته .. اهلهم .. شغلهم .. وضعهم الاجتماعي .. وكل شي تقريباً .. وكان في مشكله اهي تعرفها وخايفه منها بس ماقالتها حق خالد .. ولا حابه انها اتقوله وتخسره ففضلت انها تسكت وتخليها للأيام .. اهوا ما سألها عن شي ولا ياب الطاري! وبعدين ما فتح معاها موضوع الزواج علشان تروح تتليقف وتتكلم .. فالسكوت الحين أفضل .. وبيعطيها وقت أطول مع خالد اللي صار كل حياتها .. وما يندرى يمكن اذا حبها اكثر .. ماراح يهتم لأي شي ثاني .. وراح يتمسك فيها وما يتخلى عنها! الفكره عطتها أمل .فغيرت الموضوع بسرعه ..

ألاء: متى ترد الكويت؟

خالد: ليش و لهتي علي؟ (يبتسم)

ألاء: انت شرايك؟

خالد: رايي من رايج ههههه

ابتسمت ألاء و اقعدت تسولف معاه لين كل واحد راح يشوف أشغاله ..
طبعاً سوالفهم كلها بالماسنجر بالمايك .. او بالطباعه لانه كل واحد بديره ساعات يتصل عليها خالد وتتصل اهي عليه بس ما يطولون المكالمات غاليه بلندن .. و ساعات خالد يفتح الكاميرا علشان تشوفه ألاء بس اهي ماكانت ترضى يشوفها ..





​

 

[rawona]

وااااااااااااااااااااااااااااااااااي كملي حبيبتي لا يوقف

ان شاءالله الحين أكمل ..

​

القصه عجيبببببببببببه كملي بليز البارتات الي تحطينها قصار حيل والروايه حدها عجييييييييبه كملي

طول البارت على حسب طول حبل أفكاري لووووووووول.. ان شاءالله باكمل وأحاول اطول البارتات أكثر


​

 

[rawona]

الكويت- سوق شرق صوب المطاعم فوق ..

بدر يتكلم بالتليفون: أقول ..حبيبتي أكلمج بعدين .. عندي محاضرة الحين ..
: ديري بالج .. ولا اطولين بره .. اول ما توصلين عطيني ألو
: صار .. باي بيبي!
طارق: ههههههه
: انت ما تيوز عن سوالفك؟

بدر واهو يفر الصينيه جدامه ويجفس اجمومه ويجابل الاكل : حبيبي هذيل صايعات وفلتانات.. الوحده من تشوف واحد حلو ولابس ماركات وراكب سيارة كشخه وساعته تلمع من بعيد تلزقو فيه .. تبيني أقولها لا؟

بدر: اكل بس لا يبرد الاكل لا يطوفنا الفيلم ..

طارق: وان شاءالله للحين مصدقه انك خريج بكلية التجارة؟

بدر: أفا عليك بس! واعدتها عند الجمعية وطبعاً فنقرت سايقنا "بالو" وعطيته جم فلس اسكته فيهم يالله رضى يعطيني السويج .. وخذيتها ورحنا الكلية فرفرتها على الصفوف واهي الخبله صدقت هههه لا واقولها اهني قدمت امتحان .. واهني قعدت مع الربع واهي عيونها طايره.. صج البنات (ويأشر على راسه بعلامة يعني ميانين) ناقصين عقل!

طارق: لا انت خطيييييييييييييييييير .. بس حرام مو جنه البنت صغيره؟ جم عمرها؟

بدر: 15 .. بس لو تشوفها تقول امي هههههه

طارق: هههههههه وليش مرافجها عيل؟؟

بدر: تلزقت فيني .. واكسرت خاطري .. تدري برفيجك ما يحب يرد أحد .. وعض صمونته وبلع لقمة كبيرة قبل لا يتكلم ويقول ..

بدر: اطويرق .. جيك على البنت اللي جدامنا .. ام برتقالي.. وام قذلة اللي يمها .. من قعدنا وهم ذابحينا خزززز..

التفت طارق عليهم .. ورد كلم بدر: ما ينلامون واهم طارت عيونهم بطلتك البهية و ساعتك الكشخة اللي لمعتها تبط العين..

طالع بدر بساعته: عاجبتك مو؟ ما تغلى عليك .. وقام فصخها وعطاها لطارق اللي ابتسم لانه عارف الطبخه واستانس حيل وقام يشكر بدر..

طارق: حبيبي والله ..

الطاولة الثانية اللي عليها البنات..

بنت1: امبييييييييييه شفتيه؟؟ حده اينن !
بنت2: وااااااااااو شكله كيوت .. لا وشفتي شلابس؟؟

بنت1: حده كشيخ ويحطم.. واااااااااااااي ابيييييييييييييه شلون؟؟

بنت2: طالعي .. شوفي ساعته .. امس شايفتها بالصالحية مع امي تدرين بجم؟؟

بنت1: ما يحتاي اعرف اكيد بشي وشويات .. شكله ولد عز ..

بنت2 اشهقت: شوفييييييييييه اشسوى؟! فصخ ساعته وعطاها حق اللي يمه!!

بنت1: واي يابخت صاحبته .. شوفي انا باسوي روحي بأقوم اروح التواليت وبأمر يمه .. راقبيني ..

ضحكت رفيجتها وطالعتها واهي تقوم وترح صوبه ..

بدر: استعد بدا الأكشن ..

طارق: ههههه

مرت البنت صوب طاولتهم .. وقبل لا تعدي بدر .. سوت روحها انها تعثرت و راح اطيح ومالت عليه ..

البنت: أي أسفه .. امبيه يا فشلتي..سوري والله

بدر (بدا يتفنن بالمغازل): لا عادي حصل خير .. اصلاً من حسن حظي انج طحتي صوبي ..

ابتسمت البنت وبعد جم كلمه من بدر ومنها ضبطته وضبطها وخذت الرقم ورجعت مكانها حق رفيجتها ومشى بدر ورفيجه طارق بحال سبيلهم .. وهذي كانت حياة بدر الشبه يوميه تقريباً




​

 

[rawona]

كلية الهندسة – كافتيريا البنات

ساره: ألوءه عندي لج خبر .. بس مو عارفه أقوله ...

ارفعت ألاء راسها بسرعه وطالعت ساره واهي مخترعه..

ألاء: خالد فيه شي؟؟

ساره: لا يبى مافيه الا العافية وبيرجع لج بعد يومين ان شاءالله .. شفيج على اولج كله مخترعه..

ارتاحت ألاء اشوي .. وتالي طالعت ساره بنظره اللي تبي تعرف شنو بداخلها ..

ألاء: اممممممممممم شنو هالخبر اللي شاغلج ومو عارفه تقولينه لي؟؟

ابتسمت ساره اشوي .. وقالت: فهد يا ألوءه .. فهد!!

ضحكت ألاء على تعابير ويه رفيجتها

ألاء: واشفيه روميو بعد؟ ..

ساره: أهله بيون يخطبوني اليوم من أهلي!!

ألاء انصدمت و ماتوقعت الخبر .. اصرخت فجأه: يالخايسه مبروووووووووووووووووووووووووووووووووووووك! صج صج خبر يفرح .. وراحت ولمت رفيجتها اللي الفرحة مبينه عليها وعيونها تدمع من السعاده ..

ساره: الله يبارك فيج حبيبتي .. اتصدقين ألاء .. كنت خايفة من هالعلاقة ومادري شنو نهايتها .. بس الحمدلله أهله اطلعوا وايد متفهمين .. واللي ساعد انه ابوه ماخذ حضريه واهله (عمامه وعماته) وايد متحضرين صج لهم عاداتهم وتقاليدهم بس مو من النوع الحجر الحمدلله واليوم راح تيي امه ويدته ووحده من عماته ..

ألاء: الله يتمم عليج فرحتج يارب و يسعدج ويهنيج ..

ساره: بعد عمري ألوءه والفال لج انتي وخالد بعد ..

توترت ابتسامة ألاء شوي وقالت: الله كريم ..



​

 

[rawona]

بيت بوخالد – يوم وصول خالد من السفر..

حصة وبدرية قاعدين يبدلون ملابسهم لانهم بيروحون المطار بعد .. وبدوره على طول في بيت خالتها ام خالد وكله مع حصه فوجودها شي طبيعي ..

بدرية: حصوصه .. زين شكلي؟

حصه: تهبلين .. واخوي بدر مو بس عمي ما يشوف الا بعد خبل وماعنده سالفه اللي ما يدري عن هالجمال اللي جدامه ..

انحرجت بدريه شوي وقالت: الله يهديه ..

حصه: آمين.. واي بدوره ما تتصورين شكثر ولهانه على خلودي .. احسه هالمره غير اتصدقين؟

بدريه: شلون غير؟

حصه: مادري احسه وايد مستانس .. وهم احس فيه شي متغير .. يعني قبل ما كان يحب يرد الكويت وايد حتى بالصيف مع انه طلبة الطب مالهم صيفي اهناك بس كان يحب يقعد ويتدرب في العيادات ومع دكاترته بس هالمره حجز للردة اول ماسافر من اهني!

بدرية: يمكن ارتاح بالقعدة بالديره مع ربعه واهله وجرب الوناسه اهني فقال ليش اقعد اهناك بعد؟

حصه: والله ممكن .. شاللي يمشي اكثر مع ملابسي هاللون والا هذا؟؟

بدريه: لا جنه الاصفر أحلى ..

خلصوا لبسهم وانزلوا تحت ينطرون الباجي..

ام خالد: يالله يابوخالد بسرعه .. الحين توصل طيارة الصبي ومايلاقيني ناطرينه..

بوخالد: يا انج حنانه يا مره! خلينا نعرف نلبس عدل و نشوف نفسنا اشوي .. اها كاني خلصت راضيه الحين؟

ام خالد: اوقف خلني أبخرك وأطيبك لحظه ..

بوخالد: ووين رايح انا عرس؟ خليني بس جذي لا نتأخر!

ام خالد: صبر اشوي .. وانا من متى أخليك تطلع من غير بخور ولا طيب؟؟

بوخالد: والله ما ينعرف لكم انتو يالحريم .. بخريني بس ..

بعد دقايق الكل طلع وراح المطار .. بدر والبنات حصة وبدرية مع السايق .. ام خالد وبوخالد بسياره .. نوره كان عندها مراجعه عند الدكتوره فقالت انها بتخلص وتنطرهم في البيت مع طلال ..


******************************** ****

مطار الكويت – قاعة الوصول

ألاء: ساروووووه حدي مرتبكه .. خايفه لا احد يشوفني..

ساره: لا تخافين محد بيشوفج واذا شافوج عادي نقولهم يايين ندفع فاتورة التلفون ونتمشى شوي بالمطار ..

سكتت ألاء شوي والتفتت وشافت اهل خالد واقفين بالجهة الثانية ..

ألاء: أهله اهني .. أخاف يلاحظوني ..

ساره: اشفيج انتي؟ منو بيعرفج ؟ خلج طبيعيه و ريلاكس!

ألاء: تدرين شلون .. خلاص مابي بارد البيت!

ساره: ينيتي! << وما مداها اتكمل تبطلت البوابه وطلع منها خالد اللي تلقوه أهله بالاحضان والكل يسحبه من صوب ..

ابتسمت ألاء واهي اطالعه .. للحين ماشافها .. مو مهم .. المهم شافته وقرت عينها بشوفته!




​

 

[rawona]

راح اكتفي بهال6 بارتات الحين .. وبارجع اكمل معاكم بعدين ان شاءالله ..


ناطره رايكم بالبارتات .. وبالقصة للحين ..


اي انتقادات او ملاحظات .. لا تبخلون فيها علي

​

 

[yaamye]

مشاء الله قصتج عجيييييييييييييييييييييييييييبه

 

[rawona]

مشاء الله قصتج عجيييييييييييييييييييييييييييبه

تسلمين حبوبه .. وان شاءالله تعجبكم للنهايه ..


برب باروح ايب بنتي من المدرسه .. ما يندرى شسوت بالاملاء اليوم لوووول

​

 

[digital]

مشكوووره روونه خوش بارتااات

توقعاتي

يا ان خالد يموت


او يخطبهه واهلهه ما يوافقون يمكن لاختلاف المذهب عندى خيال واسع مو

 

[Om Zayoona]

واااي حرام عليج كملي !! انا ما كتفيت
العين عليج يا حلوة من عقب قصة طلال وشيخه ..
كانت ومازالت تحفههههههههههههههههههه ..
لا تطولين بليييييييييييييييييييييييييييييييييييييييييييييز ..

 

[MeeMeeYoo_2]

يعطيج العااافيه

 

[kity]

اي انتقادات قصتج روعه حبيبتي


وناطرينج حياااتي ببارت ثاني

 

[~RouNa~]

بشري شـ سوت بنّوتج بـ الاملاااء

امممممممممـ الحين خطبة الاء حق حسين كاانت بـ الزمن الحاضر

بس سوالفها مع خالد و سارة قبل يعني كله ذكريات ,, صح ؟!

الاحداااث حلوة و نااطرين التكملة

 

[rawona]

مشكوووره روونه خوش بارتااات

توقعاتي

يا ان خالد يموت


او يخطبهه واهلهه ما يوافقون يمكن لاختلاف المذهب عندى خيال واسع مو

استنتاج منطقي وممكن ..

​

واااي حرام عليج كملي !! انا ما كتفيت
العين عليج يا حلوة من عقب قصة طلال وشيخه ..
كانت ومازالت تحفههههههههههههههههههه ..
لا تطولين بليييييييييييييييييييييييييييييييييييييييييييييز ..

مشكوره حبيبتي .. ان شاءالله علشانكم راح احط بارت صغير الحين لاني باطلع وبارجع بسرعه حق الزواره .. اكمل وياكم تالي على خير ان شاءالله ..​

يعطيج العااافيه

الله يعافيج حبوبه ..

​

اي انتقادات قصتج روعه حبيبتي


وناطرينج حياااتي ببارت ثاني

تسلمين بعد عمري .. رايج فرحني و ان شاءالله تعجبج لي النهايه .. ​

بشري شـ سوت بنّوتج بـ الاملاااء

امممممممممـ الحين خطبة الاء حق حسين كاانت بـ الزمن الحاضر

بس سوالفها مع خالد و سارة قبل يعني كله ذكريات ,, صح ؟!

الاحداااث حلوة و نااطرين التكملة

اي حبوبه خطبه ألاء لحسين في الزمن الحالي .. وباجي الاحداث كلها بالماضي يعني حركه

​

 

[rawona]

الفرحة مو شايله خالد وهو بين أهله وأحبابه .. ومنتظر اللحظة اللي يقعد فيها بداره بروحه علشان يكلم حبيبته .. ويسمع صوتها .. طول ما اهوا قاعد بين اخوانه يجيك على موبايله ويقرا المسج اللي دازته 1000 مره!
"الحمدلله على سلامتك .. وحشتني يالغالي"

عقب العشا استأذن خالد من أهله .. وراح صعد داره .. وسيده اتصل على ألاء..

ألاء: هلا ..

خالد: وحشتيني مووووووووت ..

ابتسمت ألاء : وانت بعد .. شلونك؟ وشلون أهلك؟

خالد: تمام ... مستانس ومو ناقصني الا انج تكونين معاي ..

ألاء: الله كريم .. شلون السفره؟

وقعدوا يسولفون لي الفير وكل واحد منهم ما وده يفارق الثاني..

******************************** **

مروا هالشهرين على ألاء وخالد من أروع ما يكون .. كانت علاقتهم حلوه وحبهم صادق وبرئ .. كان يشوفها من بعيد لي بعيد خوفاً عليها وعلى سمعتها و كانت اهي راضيه بهالشي وفرحانه لأنه يعاملها بكل حنان وعطف .. كل يوم عن يوم وحبهم يزيد ويكبر.. وبكل مره يتعلقون في بعض أكثر ..

خالد: تصدقين حبيبتي .. احس اني مليت من الغربة .. وودي أخلص وأرجع بسرعة ..

ألاء: ان شاءالله حبيبي .. انت بس شد حيلك وكل شي بيصير مثل ما تبي باذن الله .

خالد: الله كريم .. اتصدقين أول مره أحس اني محتاج لأهلي و ولهان عليهم هالكثر..

ألاء: بس اهم اللي توله عليهم؟؟

ابتسم خالد: اي بس ..

ألاء بدلع: خلاص انا زعلت ..

خالد: انا مو ولهاااااااااان أنا .. أنا دنيا من الوله .. محتاجك ابيك ..

ابتسمت ألاء: خلاص رضيت ..

وظلوا طول هالفتره واهم يا يكلمون بعض بالتلفون يا بالماسنجر او المسجات ..

تم زواج فهد من ساره .. الكل توقع ان فهد يأجل عرسه لي عقب تخرجهم بس فاجأ الكل بقرار عرسه وانه مو حاب ينطر ويعيش اهو بصوب ومرته بصوب لسنين جدام..

احضرت ألاء العرس طبعاً وكانت مع ساره بالصالون ..

لبست ألاء فستان طويل من تصميم "ليونارد" حرير وفيه قصات ناعمه بلون اللافندر .. وارفعت شعرها بتسريحه حلوه مسويتها عند ليلى هارموني .. وميكياجها ناعم حاطته عند الفرنسيه ميشيل ..

وساره حطت ميكياجها عند منيره الفرج وشعرها سوته لها وحده تعرفها يتها لي الفندق .. ولبست فستان ناعم بلون العاج .. فيه حركات حلوه من صوب الذيل وتطريز بسيط عند الصدر .. وما لبست طرحه اكتفت بتاج العروس .. ومسكتها نعومه داش فيه الورد الجوري الاوف وايد والفوشيا .. نفس لون حمرتها

وصلتهم سيارة الليموزين لي مكان العرس .. في فندق الهيلتون .. سبقت دخله العروس أبيات من الشعر اهداء من امها وخواتها لها .. ودشت على اغنية زفه باسمها بصوت فيصل السعد .. دشت معاها ألاء ووصلتها لين الكوشه .. والكل طار فيها .. وام ساره تقرا على الثنتين من كثر ما الكل قاعد يخزهم ..

عرس الرياييل ..

صالة الميلم – العديليه ..

الكل جا يبارك .. واهل فهد ماشاءالله وايدين .. وخالد مافارق رفيجه لحظة ووقف معاه خوش وقفه .. وقام بالعرس جنه واحد من اخوانه ..

خالد: على البركة ومنك المال ومنها العيال ..

فهد: الله يبارك فيك .. والفال لك ان شاءالله ..

خالد: الله يسمع منك .. انا ريض .. تو الناس خلني اخلص واشتغل وتالي يصير خير ..

وزفوا المعرس .. وراح معاه اخوانه واهله المقربين ومنهم خالد رفيجه .. دخل المعرس على زفة يامعيريس .. وألاء واقفه يم الكوشه قريبه من ساره ولابسه رداء مغربي طويل يغطيها ومغطي شعرها.. ويوم قرب المعرس راحت ساعدت ساره توقف علشان يبوس فهد راسها .. ويوم بعدت انتبهت لشخص يبتسم لها من بعيد وطاحت عينها بعيون خالد ونزلت راسها مستحية وابتعدت عن الكوشه على مايخلص المعرس سلامه مع ربعه ..

كانت الحفله حلوه والكل استانس فيها وحس خالد انه مشتاق لألاء حيل ووده يرجع البيت علشان يكلمها ويسهر معاها لي الصبح.. وهي بعد ما صدقت يروحون المعاريس .. ورجعت البيت على طول وكلمت خالد !






يتبع لاحقاً باذن الله



​