البارت 37
غرفة ليال
دخلت ليال غرفتها وهيا متضايقه ...وعلى طول اتجهت لي الحمام تغسل ايدها الي كان ماسكها جراح
ليال:وع وع وع ....صج ما يستحي
دخلت اريام الغرفه وشافتها بالحمام
اريام:ليول شتسوين
ليال:انتي شنو شايفه.... قاعده اغسل ايدي الي مسكها اخوج
اريام :هههههه حرام عليج ...جراح مو وضخ لي هالدرجه
ليال بستهزاء:انضيف بالجسم والافعال مافي اوصخ منه
اريام بضيق:ليال شهال حجي
ليال تطلع من الحمام وهيا معصبه:والله مادري انتي شرايج شنو تفسرين تصرفاته كلها معاي ....جرحني اهاني داس على كرامي تزوج علي ...قولي شنو الي ماسواه بعد ...كل هذا وتبيني اتقبله ولا اضل طبيعيه ولا جنه شي صاير لا حبيبتي بنات الناس مو لعبه بيد اخوج ولا الانكم عيال فلوس ادوسون على كرامة الناس
اريام بضيق:ليول شدعوه منو ياب طاري الكرامه والفلوس
ليال بضيق :ريوم ولي عافيج الي بيني وبين جراح انتهاء خلاص ومابقى شي واخلص الكورس واتطلق
اريام وهيا متنرفزه :دامج ما تبينه تطلقي الحين ليش تنطرين تتخرجين
ليال :الان ابوي بيمنعني من اني اكمل دراستي ..و لاني بسافر من اتخرج
اريام بستهزاء:ما شالله ومخططه حق كل شي
ليال :وليش ما اخطط هذي حياتي وانا حره فيها
اريام:لا منتي حره اذا تطلقتي جراح شنو بيسوي وملاك الي ماتفارقج ثانيه مافكرتي فيها
ليال بستهزاء:صراحه اذا تطلقت جراح بضيع من دوني
اريام:اكيد بضيع انتي تدرين انه جراح ما يأمن احد على بنته
ليال تقاطعها بضحكه ساخره:هههههه حلوه
اريام:ليول انا اتكلم جد وانتي تضحكين
ليال بعصبيه:اي اضحك اضحك من القهر والضيم الي فيني ريوم اخوج لمن خطبني قال ابي زوجه مو مربيه حق بنته ...وبعدين ما الومج الي ايده بالماي مو مثا الي ايده بالنار عمرج ماراح تحسين بحساسي
فترت صمت
اريام:بس انا متأكده انه جراح بعد ماعرف غلطته بتصلح كل شي
ليال بعصبيه:بكل هالبساطه صح .
اريام:ليول انتي عطيه فرصه وبتشوفين كل شي بعينج
ليال:لي طلق غرور ذاك الوقت تعالي قولي لي عطيه فرصه اما الحين لا ...ريوم ولي عافيج ابي انام وراي قعده من الصبح
اريام:اوكي ...تصبحين على خير
ليال:وانتي من اهله
اريام طلعت من الغرفه وليال انسدحة وهيا تسأل نفسها ...ليش طول بالقعده ليش قرب منها ليش مسك ايدها ليش كان هادي ويضحك ...معقوله يحبها وغرور
ليال بحزن وقهر:يحبني طل كل هذا عشان بنته ...التفتت على ملاك الي نايمه وكل البرائه على ملامحها وبكل حنيه امسحت بصبعها على خدها الناعم ..باستها وغطتها عدل ونسدحت يمها وهيا تتأمل شكلها وهيا نايمه
ليال:حياتي انتي الله العالم انج انتي الي مخففه على مصيبتي ..انتي الوحيده الي تحبيني بقلب صادق وبدون مجاملات ربي يحفظج من كل شر
الصبح
قامت ليال بسرعه بدلت ونزلت تحت بالبيت الكبير
ليال:صباح الخير
الكل: صباح النور
ليال راحت باسة راس خالد وهنادي: يما احتمال اتأخر اليوم لاتنطروني على الغدا
هنادي:ماعليه بس اذا بتين عطيني خبر
خالد:ليش واقفه قعدي تريقي
ليال:لا عمي بمر على امي وبعدين بروح الكليه ...يالله مع السلامه
هنادي وخالد:بحفظ الله
ليال افتحت الباب ووقفت مكانها :اللهم زيد وبارك مطر قوي
هنادي:اي اليوم الجو لندني
خالد:ليال شوي شوي وانتي تسوقين
ليال:انشالله ...وطلعت ...اوقفت تحت المطر تدعي انها ترتاح من كل همومها حست براحه مو طبيعيه
طلال طلع وراها على طول شافها واقفه تحت المطر:ليال ركبي سيارتج ملابسج تبلبت
ليال ببتسامه:وناسه المطر عجييب
طلال:عجييب.... بس اذا مرضتي ما ينفعج العجيب
ليال ببتسامه :ماعليه اهم شي اني استمتعت بهال لحظه
طلال :كيفج ...ومشى
ليال تحركت وركبت سيارتها سمت بالرحمن ومشت اوصلت بيتهم واول مادخلت امها كانت قاعده بالصاله تنطرها على احر من الجمر
ليال:صباح الخير يما
حصه قامت بسرعه وراحت احظنت ليال بقوه وتبوس خدها اكثر من مره:يانظر عيني ربي لايحرمني منج
ليال :ولا منج يالغاليه
حصه تبتعد شوي بعد متحس انه ملابسها مبلوله:يما ليش ملابسج جذي مبلوله
ليال ببتسامه:كنت واقفه تحت المطر
حصه:تعالي يما تعالي خل اطلع لج ملابس تلبسينهم واقول للخدامه تكوي ملابسج عشان تنشف
ليال استغربت من تصرف امها لانها اول مره حس بهالاهتمام وبنفس الوقت فرحت :يما خلج انتي انا اروح ابدل ...اصعدت ليال فوق بس قبل ماتدخل غرفتها ادخلت غرفت آلاء وشافتها نايمه ابتسمت..وقررت انها تخرب عليها نومتها
ليال:الوووء انا هني يالله قومي بسج نوم
وآلاء نايمه
ليال:الوووء قومي اساعه 11 ...وتبتسم
آلاء افتحت عينها شوي:بناااام
ليال حست بتأنيب الضمير باستها على خدها وقامت ..ادخلت غرفتها عشان تبدل ..حست بخطوات وراها لفت وشافت حصه
حصه:شفيج طولتي
ليال بستغراب:يما انتي الي شفيج
حصه بضيق:مافيني شي يت اتطمن عليج
ليال:انا جدامج ومافيني الا العافيه
حصه وهيا تبطل الكبت وطلع لها بجامه ثقيله :بدلي بسرعه لاتمرضين
ليال ببتسامه:ان شالله يما ...بدلت اهدومها وحصه كانت بالغرفه عندها تسولف معاها وتسأل عن احوالها ...ليال خلصت تبديل وعطت الملابس حق الخدامه عشان تكويهم
حصه :يما كليتي شي
ليال:لا قعدت من النوم وعلى طول يتج
حصه مسكتها من ايدها:تعالي نتريق مع بعض
ليال ابتسمت ونزلت مع امها حطو الريوق مع بعض وقامو يتريقون
حصه:ليال يما جراح شلون معاج الحين
ليال:على حطت ايدج
حصه:يعني ليالحين يشك فيج
ليال:لا يما مو هذا قصدي ..اقصد انه اهو عايش حياته مع غرور
حصه بضيق:وانتي
ليال ابتسمت ابتسامت حزن :انا ...انا ولا شي
حصه اسحبتها صوبها وضمتها لي صدرها :ماعليه يما كل شي بيتغير صدقيني الريال يبي وحده تشببه مو تحسسه انه اهو ياهل واهيا اكبر منه بوايد
ليال:ويمن يحس معاها انه شباب يما كل شي بين الريال وزوجته محد يعرفه غير الله سبحانه يمكن اهو رتاح معاها اكثر يمكن عطته الشي الي انا ما قدرت اعطيه
حصه:لا يما انتي غلطانه صدقيني ..جراح لو مو مرتاح مج جان طلقج من زمان
ليال :يما اهو ردني عشان اخدم بنته
صحه:اهو يبيج انتي وبنته حجه لا اكثر ولا اقل صدقيني بعد فتره بتلاقينه يقرب منج اكثر واكثر ...يما الريال مايعترف بالغلطته لو شنو لا تصرفاته اهيا الي بتثبت لج انه متحسف....ليال يما كل البيوت فيها مشاكل وانتي مو اول وحده ريلها يتزوج عليها مثل ماقلت لج صبري وكل الامور بتتغير
ليال ودها تصرخ بأعلى صوتها لكن فضلت تكتم صرخاتها بقلها عشان لاتضايق امها اكثر(متى بس متى ...ابي جراح حبيبي ابي جراح الاولي جراح الي سافر ليالحين مارج ليالحين انا تعبت )
ليال:الله كريم يما والف الحمدالله على كل حال على عتراض على حكمته
حصه سرحت شوي
ليال انتبهت انه امها مو معاها وانه عيونها مليانه بالدموع حست بضيق اكثر:يما حبيبتي شفيج انتي من امس مو عاجبتني شلي صاير
حصه وهيا تمسح دموعها الي نزلت على خدها:لا يما مافيني شي بس ابيج عندي وحواليني ابي اكحل عيني بشوفتج
ليال ببتسامه :يما تحبيني
حصه:هذا سؤال في ام ما تحب ضناها انتي قطعه مني ياليال انا الي شلتج بروحي ابطني وانا الي تحملت الطلق محد تحمله معاي وانا الي كبرتج ....شلون ماتبيني احبج او احس فيج.
حصه تلم ليال بقوه وتبوسها :ربي لايحرمني منج
ليال:ولا منج يالغاليه ...الا يما شنو الحلم الي خلاج خايفه هالكثر
حصه :لاتذكريني هذا كان فضع كابوس شفته بحياتي
ليال :فديتج يما لاتحاتين شي
حصه:ليال ليلحين تحطين صدقه كل يوم
ليال:اي يما ليلحين
حصه:اي يما الصدقه تدفع البلاء لا تقطعين هالعاده الطيبه
ليال:ان شالله يما ...يما انا لازم امشي تأخرت
حصه وهيا لامتها:خلج شوي بعدي ما شبعت منج
العصر
فلاة خالد قسم البنات
جراح كان ياي عندهم منه يخلص شغله ومنه يقعد مع ملاك
جراح ينقز ملاك وهيا مستانسه وتضحك
كادي:جريح غريبه اليوم زايرنا
اريام:وانتي الصاجه من امس عندنا بس راح نام ورد
كادي ببتسامه شاقه الويه:يه يه تطورات ...جريح شرايك تبات عندنا انا اقول جرب النومه عندنا يمكن يعجبك المكان
جراح:وخلي غرور بروحها
اريام بعصبيه: لا ليش اتخليها مايصير تخليها خوفك يرتفع الضغطها وتفنقش
جراح بعصبيه:اريام تكلمي عدل
كادي:جراح لاتزعل يعني انت اتجابل غرور وليال لا ...والله شي يقهر
جراح يحط ملاك على الارض وبعصبيه:سمعو انتو الثنتين حياتي الخاصه ملكي انا وبس محد له شغل فينا ولا اسمح لكم تتدخلون بشي فاهمين
البنات لاتعليق
رن تليفون اريام وكانت ليال
اريام:هلا ليول هلا بنور البيت
ليال بعصبيه ومتنرفزه على الاخر:ريووووم وادي اشق اهدومي
اريام:شفيج بعد
ليال:الحيوان يقولي باجر اتين وتيبين معاج تلخيص كامل لي 200 صفحه
اريام تقاطعها:لحظه لحظه ..اي حيوان قصدج
ليال :في غيره ..استاذ هاني ...الله لايهنيه...تخيلي كل هذا الاني مارحت سلمت البحث اساعه تسع
اريام:عشتو ليش الاخ وايد دقيق بالمواعيد ولا اهي مسألت عناد وبس
ليال:ولا ..اول مادخلت عنده يقولي ليش متأخره ...قلت له صار معاي ضرف وضطريت اتأخر ..القليل الادب يقولي شكلج غرقانه بالعسل مع ريلج
اريام تشهق:امبيييه هذا صج ما يستحي ..على فكره ترى مصخها وايد
ليال:واي والله تعبت راسي مصدع بشكل مو طبيعي غصب قاعده اسوق ..والله مو قادره اشوف جدامي
اريام:هي ليول اذا مو قادره تسوقين اوقفي مكانج وانا ايلج
ليال:لالا ما يحتاج انا قريبه
اريام:اوكي
جراح طول المكالمه قاط اذنه عند اريام ومن سكرته من ليال على طول سألها
جراح:ليش معصبه
اريام تستعبط:ومنو قالك اني معصبه
جراح :انا اقصد ليال
اريام:اها ...لا ماكو شي
كادي بصوت واطي :شفيها
اريام على نفس النبره :استاذ الزفت قاعد يضايقها بطلباته
كادي:بعد
يقاطعهم جرح بنبره حاده:بتتكلمين ولا شلون
اريام:قلت لك مافي شي
كادي :لا في
اريام تلتفت عليها وتخزها
كادي:لا اطالعيني جذي جراح اهو الوحيد الي يقدر يوقف الي ما يستحي عند حده
جراح بعصبيه:يعني في شي وخاشينه (وبصرخه)تكلمو
اريام:جراح بلا صراخ الموضوع مو مستاهل وليال تقدر ادافع عن نفسها
جراح والشرار يطلع من عينه:اريام تكلمي دام النفس طيبه عليج ولاتنسين انه ليال زوجتي
كادي:خلاص انا اقولك بس لاتعصب
جراح قعد وهو متنرفز منهم:تكلمي اسمعج
اريام:كدوي بالله ليال ماترضى لازم اهيا الي تقول
جراح :اريام تسكتين ولا شلون
اريام قامت وهيا معصبه:يعني شتبي تسوي ...دام ليال هامتك جذي ليش ماتجابلها ليش ماتصلح غلطتك ولا الان السالفه فيها ريال ثاني عشان جذي بتعرف
جراح بصراخ:اريام اخر مره اقولج سكتي
كادي:جراح خلاص هد شوي وانا قلت لك بتكلم ليش العصبيه والصراخ
جراح:مو سامعتها شتقول
كادي:سمعتها بس تبي الصراحه اريام معاها حق انت هامل ليال وايد وهم انت من حقك تعرف الي يصير مع زوجتك
جراح:وهذي انتي قلتيها من حقي اعرف يالله قولي السالفه
كادي:اوكي بس بدون انفعال وعصبيه اسمع لي الاخر بعدين فكر شلون تتصرف
جراح:ماشي
كادي:الله يسلمك ليول يدرسها استاذ صغير ...اول ايام كان كل ماصار عندهم اختبار او اي شي ماعرفته كان يساعدها
جراح :انزين
كادي:اممم....بعد فتره قام يطق عليها نغزات بس ليول ماكانت فاهمه وتطنشه كانت اتي تقولنا عن تصرفاته الغريبه
جراح وهو متنرفز:مثل شنو
كادي:يقط عليها كلام
جراح بعصبيه:اي مثل شنو
كادي:مثلا تدرين انج حلوه...انتي اثقل بنت شفتها وليال كانت اطنش وتسوي نفسها ماتسمع لي درجت انه مره قالها انتي ماتسمعين عدل
جراح من سمع جذي ين وقعد :كملي وبعدين
كادي:لين قبل سبوعين كان عندهم اختبار وقف على راسها وقالها شرايج احجز لنا سينما انروح انا وانتي
جراح: والله ذابحه يعني ذابحه ...الحماره ماتعرف انتي تقولي ولا عاجبها الوضع
اريام:لاتظلمها اكثر من جذي كافي ظلم
جراح:وليال شنو ردت علي شقالت له
كادي:تقول ابتسمت بويها وقلت له مو مشكله بس ابي تذكرتين تذكره لي وتذكره حق ريلي ...تقول انصعق من سمع رها وسالها انتي متزوجه ...قالت له اي متزوجه وعندي بنت ...قالها مايبين عليج ....تقول قلت له مو مهم انك تعرف انت يدوب استاذ تعطينيا الماده لا اكثر ولا اقل ...طبعا يومها طردها من القاعه واحرجها جدام الكل ...ومن يومها وهو حاط عليها كل يوم يطلب منها شي مره بور بوينت مره بحث ومايعجبه ...كل يوم يطلع شي المهم يأذيها...وشكله اليوم مسوي شي الي داقه على اريام معصبه
جراح بقمت العصبيه:كل هذا يصير وانا اخر من يعلم ليش ما اقلت لي عشان اوقفه عند حده
اريام:ليش اهيا تشوفك عشان تقولك انتم وجرد اسمك ريلها بالاسم بس ...عمرك سألتها شلي مضايقج ...عمرك سألتها شلي ناقصج همك الوحيد بنتك تكون مرتاحه ورضى الاستاذه غرور اما ليال بطقاق ليش تسأل عنها هذي مجرد خدامه حق بنتك
جراح بصراخ بشكل هستيري:اريام ذلفي عن ويهي لاتشوفين مني شي عمرج ماشفتيه
اريام خافت من عصبيت جراح وصعدت فوق على طول
كادي بدت اتكلمه وتهديه لين دخلت ليال وكان واضح عليها انها تعبانه وايد ويها اصفر وشفايفها ناشفه الي يشوفها يقول صار لها فتره مو شاربه ماي ...ادخلت وانسدحت على اول قنفه وغمضت عينها من التعب مالاحظت وجود جراح ...كادي من شافتها جذي خافت وراحت لها
كادي بخوف:ليول حبيبتي شفيج
ليال:مصدعه وابي انام شوي
كادي:انزين قومي نامي بغرفتج
ليال بصوت تعبان:ماقدر اتحرك
كادي:ليول ايب لج بندول
ليال:مايحتاج توني ماخذه ابره...كدوي عفيه بنام شوي ملاك لا تشوفي
كادي:ملوكه نايمه واريام عندها انتي نامي ارتاحي
ليال غمضت عينها ونامت
جراح كان متحلف فيها بس من شافها تعبانه سكت عنها :كادي قولي حق الخدم ايبون شي يغطونها فيه
كادي:ليش الخدم انا اروح ...وقامت اصعدت فوق
جراح قام وراح صوبها وشاف لون ويها الي صاير اصفر من شدت التعب نزل نفسه لي مستواها وقعد يحرك صبعه على خدها
ليال وهيا مغمضه وبهمس:كدوي بنام
بجناح طلال
جنى:طلال
طلال:عيونه
جنى :ودي اسافر مليت من الروتين
طلال:اوكي بس مو الحين خل اخلص الشغل وبعدين انسافر
جنى:طلال ما صارت يعني لي متى شغل ...انت صرت اغار من شغلك من كثر ما انت مجابله
طلال:انتي يايه بوقت غلط تدرين مابقى شي على السنه الماليه ولازم كل شي يكون زاهب ...خليها بعدين
جنى بتذمر:متى بعد مليون سنه
طلال بعصبيه:جنى خلاص قلت لج عندي شغل واذا على السفر سافري مع امج او البنات كيفج بس لاتحنين على راسي
جنى:اوكي اذا ماتقدر بهالفتره ...احجز لنا شاليه الجو حلو
طلال:انتي شنو ماتفهمين اقولج ثور تقولين احلبه ....يامره مشغووول وموفاضي تفهمين
جنى:اوووف خلاص هونت مابي شي
تمر فترت صمت بينهم
جنى :طلال اذا خلصت قوم خل نطلع
طلال :تدرين شلون انا هاد لج المكان وماشي انتي الظاهر ماتفهمين ...يامره فهمي عندي شغل ومحتاج هدوء عشان اركز مو حنه وقرقه
جنى:تدري انا الغلطانه الي ابي اكون معاك ...بروح بيت ابوي واجابل امي وايد احسن
جنى قامت بدلت وطلعت...بهالوقت رن تليفون طلال
طلال بكل هدوء وهو راسم ابتسامه على ويها:هلا بالحب
حنان:هلا فيك ...وينك اليوم مادقيت ولا سألت
طلال:مشغول شوي
حنان تتصنع الغيره:مشغول مع جنون
طلال:لا والله شغل الشركه
حنان:اممم ...طلول
طلال:قلبه وروحه ودنيته انتي
حنان بدلع:مشتاق تلك متى اشوفك
طلال:انتي متى فاضيه
حنان:الحين ماعندي شي
طلال:ماشي الحين ..انا بعد محتاج اخذ بريك من الشغل شوي
حنان:حياتي انت اكيد تعبان وجسمك متكسر
طلال:اوووف وايد مو شويه
حنان بدلع:تعال وانا اخليك تنسى كل التعب
طلال :اوكي بس وين
حنان:بالشقه
طلال:اوكي انا ابدل وأيه يالله باي
حنان:بيا
نسيت اقولكم انه طلال وحنان ردت علاقتهم مع بعض من يوم ما دقت حنان عليه وقالت له ابي اتزوج ...ردت علاقتهم وصارت اقوى من قبل ..وجنى يا غافلين لكم الله اغلب وقته مع حنان وشغل الشركه وجنى صارت اخر اهتمامه للعلم انها مو مقصره معاه بشي
بيت صالح
بالصاله
رناد قاعده وحاطه كتبها حوالينها وبيدها كتاب يتعلق بالجسم ...كانت قاعده نشرح حق صالح وهو مستانس منها...دخل سعود عليهم
سعود:رناد انتي تدرسين ولا ادرسين الوالد
رناد ببتسامه:الاثنين
صالح:وانا ابوك لازم انعرف شنو فينا من امراض
سعود:على جذي بيصير عندنا دكتورين بالعايله
رناد:ثلاثه وانت الصاج ..ولا نسيت محمد
سعود:اوووه ذكرتيني خل ادق عليه من زمان مامر الدوانيه وكل ما بدق انسى
رناد:اهو مو فاضي لكم عنده امتحانات
سعود:وانتي شدراج
رناد:شنو شدراني نسيت اني معاه بالكليه
سعود:اي بس اهو سابقج بوايد
رناد:ادري بس اشوفه يوم وترك ...امس شفته وسألني عن الاختبارت وقالي ان اهو بعد عنده بهالفتره اختبارات
سعود:اها
رناد:لادق عليه خله يذاكر
صالح:كملي يبا ماعليج منه اهو ومحمد ينيازون
رناد:ا نشا لله بابا
بالفلا بعد ساعتين
كان قاعد طول المده عندهم وكان يشتغل بالاب ...اما كادي كانت قاعده معاه تسولف شوي وتساعده شوي ...كانت مستانسه الانها من يوم الي جراح تزوج على ليال ماقام يقعد معاهم
كادي ببتسامه:جريح اليوم انت رديت لي روحي
جراح ببتسامه فيها شي من الاستغراب
كادي:انت من متى مو قاعد معاي وتسولف
جراح:ما اذكر
كادي:من زمان ...جريح انت تغيرت وايد وعلينا كلنا مو بس على ليال...جراح بلييز ارجع جراح الاولي الي يحب يقعد معاي ويحب يطلع معاي الي يحسسني اني مو بس اخته ...ابي جراح الي يدلعني
جراح يقاطعها وهو يضحك:اها يعني كل هالديباجه عشان الدلع
كادي:اممم نوعاما ...لالا اتغشمر معاك بس صج اشتقت للقعده معاك
جراح:و انا بعد...فقدت وايد شغلات حلوه بحياتي ولازم ترجع مثل الاول واحسن
كادي وهيا ترفع ايها:ان شاء الله يارب
بهالوقت يرن تليفون ليال لكن ماترد الانها ماسمعت من اول مره...وبعدها بشوي رن مره ثانيه...خذت التليفون وهيا نايمه على جنب اليمين وويها قبال القنفه وظهرها صوب كادي وجراح
ليال بصوت ناعس:الووو
محمد:نايمه
ليال:اي
محمد:خلاص اكلمج بعدين
ليال:اساعه جم الحين
محمد:اليحن 6
ليال:أمبييه ما صليت
محمد:خلاص قومي صلي وبعدين دقي علي
ليال:شفيك
محمد:ما فيني شي بس بغيت اشوف شلون صرتي
ليال:ما أدري بس جنه راح الصداع
محمد:لازم اتين المستشفى عشان تسوين فحوصات
ليال: الموضوع مو مستاهل
محمد:شلون مو مستاهل انتي شفتي شكلج اليوم
ليال تقوم تقعد وتكمل كلامها:طبيعي بيصير فيني جذي امس مو نايمه عدل وفوق هذا ماكنت ماكله شي بس تريقت مع امي
محمد:ليش ماكليتي بالكليه
ليال:ما مداني
محمد بحزم:ليول اليوم اخر مره تاكلين فيها اساعه 8 وباجر من الصبح تروحين تسوين تحاليل ..مو زين تهملين نفسج
ليال:ان شالله
محمد:اوكي روحي صلي ولي خلصتي دقي على فواز
ليال:انشالله
محمد:يالله مع السلامه
ليال:الله يسلمك ....سكرت التليفون وتمقطت بنعومه بدون ماتلتفت وتشوف جراح
كادي:صح النوم
ليال التفت ونصدمت من وجود جراح :صح بدنج
كادي:شلونج الحين
ليال وهيا تقوم:الحمدالله احسن ...ملوكه ليلحين نايمه
كادي:لا قعدت وهيا فوق مع اريام
ليال:اوكي ...ومشت جم خطوه لكنها وقفت على صوت جراح الحاد
جراح وهو متنرفز:وقفي
ليال بدون ماتلتفت وبنفسيه:نعم
جراح:لمن اكلمج طالعيني
ليال تلتفت وبستهزاء:سوري ما دري انه شكلي يعجبك
جراح بنبره حاده:ممكن اعرف شلي صاير معاج بالكليه
ليال وهيا تشوف كادي:مو صاير شي
جراح:لا تجذبين
ليال:انا ما اجذب بس فعلا مو صاير شي
جراح بعصبيه وهو يعلي صوته:صج عيل شنو سالفت الاستاذ معاج
ليال:ماكو شي
جراح بصراخ:لا تجذبين
ليال:شكلك عارف البير وغطاه ليش تسألني
جراح:انا من حقي اسألج
ليال بستهزاء:اها ويعني انا لازم اجاوبك
جراح :والله مادري انتي شرايج
كادي:جراح ليال هذي مو طريقه لتفاهم هدو شوي عشان تقدرون تتفاهمون
ليال:ليش اهو في شي عشان انتفاهم عليه
جراح:يعني عاجبج الي قاعد يصير
ليال:طبعا لا
جراح:وليش ماقلتي لي انه يضايقج
ليال:وليش اقولك
جراح بستغراب :ليش تقوليلي ...اضن اني ريلج ومن حقي اعرف كل شي يخصج
ليال بعصبيه:صج والله ...ودي اصدقك مو ماقدر ....لاتقنعني اني شي مهم بالنسبه لك انا ولا شي بنظرك
جراح بعصبيه:انتي زوجتي تفهمين شنو زوجتي
ليال:جراح ولي عافيك راسي مصدع ومالي خلق عمري عطني من الاخر
جراح:عطيني اسمه والماده الي ماخذتها عنده
ليال بستهزاء:ههههه ليش بتروح تتهاوش معاه وتحط انعال بحلجه ...جان سويتها قبل مع الي قالولك اني مو بنت ...على فكره جراح انا مو محتاجه اي احد يدافع عني لاني اعرف شلون اوقفه عند حده واذا ما قدرت اخواني موجودين ويقومون بلاازم ...عن ذنك مابي ااخر صلاتي اكثر من جذي ...ليال صعدت فوق قبل ماتسمع اي رد لي جراح
جراح بعصبيه:هين ياليال حسابج عندي
كادي:جراح لا تلومها بروحها متنرفزه من استاذها الزفت ...وانت قاعد وتصارخ عليها...وبعدين اهيا تعبانه وايد هالفتره قدر وضعها شوي
جراح:يعني شتبيني اسوي اصفق لها واقول لها برافو عليج
كادي تتنهد:جراح خف عليها والله البنت ما تستاهل ...جراح احنه عاشرنا ليال اكثر منك ونعرفها عدل ليال قلبها صافي وحنونه وايد لايغرك ردها عليك تلاقيها فوق ميته من البجي
فعلا ليال دخلت الغرفه وبدت بنوبت البكاء
ليال وهيا تبجي:يارب ياحبيبي تعبت وماعاد فيني طاقه مو قادره اتحمل اكثر من جذي ...يارب اخذ روحي ...تعبت من الدنيا ماشفت فيها غير الشقى والاذيه الناس ماترحم ...لكن انت ارحم الراحمين ...يارب يارب
بعد ماهدت شوي دخلت الحمام توضت وطلعت
اريام ادخلت غرفتها...واول ماشافت ويها
اريام:ليال شفيج ..جراح قالج شي
ليال:منو الي قاله عن الموضوع
اريام:سوري ليول هذي كادي حاولت امنعها لكن ما قدرت
ليال لاتعليق
اريام: شنو قالج
ليال:مو مهم ...اريام بصلي الحين وبعدين نتكلم
اريام :اوكي ....قعدت اريام على سريرها واخذت مذكرات ليال وقبل ماتبطله
ليال:ريوم بلا لقافه
اريام ببتسامه:عادي انا اعرف كل شي عنج يعني كل المكتوب تعرفينه
ليال:منو قالج في اشياء بالقلب ما تنقال...حطي مذكراتي لو سمحتي
اريام حطت المذكرات وليال بدت تصلي ...وبعد ماخلصت
اريام:تقبل الله
ليال:منى ومنج
اريام:ليول عنوان مذكراتج غريب
ليال:خلينا من مذكراتي وقومي صلي
اريام:صليت ...بس قوليلي شمعنه عهدي مع الايام
ليال سكتت شوي :عجبني الاسم
اريام:ومن وين ماخذته
ليال:مايحتاج اخذه من اي مكان ....المهم انا ميته من اليوع شنو عشاء
اريام:مادري ..اليوم مارحت عندهم
ليال:الا وين ملوكه
اريام:عند جراح
ليال:ان شالله لي الحين تحت
اريام:اي
ليال:غريبه عيل وين ماما عوده عنه
اريام:ههههههههههه .....مادري تصدقين
ليال:اضاهر مو معطته ويه هاليومين او متهاوشين عشان جذي ياي عندنا
اريام:ويمكن ياي عشان يتقرب منج اكثر
ليال :هههههه ...حلوه هذي ....ريوم ماكو امل انسي خلاص مابقى شي على الفراق الابدي
اريام بضيق:يا حماره لا تقولين جذي ما اتخيل البيت بدونج
ليال:وانتي لي متى بتضلين بهالبيت مردج بتروحين بيت ريلج
اريام:من صجج في احد يعوف الراحه ويروح لشقى
ليال:الي مكتوب على الجبين لازم تشوفه العين وماتدرين يمكن نصيبج يكون احسن من خواتج
اريام:الله كريم ....الا ما قلتيلي شبتسوين مع استاذج
ليال:ولا شي باخذه على قد عقله وبسويله التلخيص
اريام:من صجج ليش
ليال:اهو يسوي جذي عشان اقوله انا مستعده اسوي الي تبيه بس لا تضغط علي وهذا الشي ما يشوفه حتى بالاحلام
اريام:انا اتوقع انه جراح راح تصرف
ليال:ما اتوقع ...لان اخوج ...وسكتت
اريام:كملي ليش سكتي
ليال:ريوم ولي عافيج بس ماعت اتحمل ايب سيرته على لساني غيري الموضوع
اريام بقلبها(الله يلوم الي يلومج مادري شلون متحمله كل هذا)
ليال وهيا تمشط شعرها:ريوم شعري طال وايد يبيله قص
اريام:معنه حلو بس انا افضل القصير
ليال:دقي على لينا خل اتي ودي اقص واصبغ
اريام ببتسامه:ليول لا تشيشيني بروحي على طريف
ليال:التغير حلو ليش ما نغير ما ورانه شي
اريام:على قولتج...وتمسك تليفونها ودق على لينا وتفقت معاها تي لهم الحين
بعد مانتهت اريام المكالمه
ليال بدلت ملابسها ...لبست بدي وبنطرون سكني ورفعت شعرها كله سوت( ذيل حصان)(عنقوصه) وقبل ماتنزل
اريام:ليال حطي ميك اب خفيف
ليال:يا سلام عشان اخوج يقول كاشخت لي
اريام:لا وانتي الصاجه عشان تخفين الورم الي بويهج ...ترى مبين انج باجيه
ليال:خل يبين ...على الاقل يوقول باجيه ولا كاشخت لي ....امشي بس لوعتي جبدي
