الـجـزء الثـامن :
أم أمل: ألف مبروك يابنتي إنشاءالله العرس بعد شهر جهزي حالج
أمل فرحانه: صج إنشاءالله
بعد مرور شهر وبالتحديد يوم الــعــرس ..
الكل كان يبارك واللويه الي صارت وطبعا العرس خلص وراحوا المعاريس للفندق
عدنان: وأخيرا تزوجنا أنا وياج
أمل: اليوم أسعد يوم بحياتي
عدنان: باجر بنسافر
أمل بفرح: ويــــن؟
عدنان:أنتي شنو تبين
أمل: أي شي منك أكيد بيطلع حلو ياالله قول خلصني
عدنان: دول أوربه أنتي قلتي بتشوفين بلد الموضه باريس وانا بوديج له شرايج
أمل بفرح : والله خوش راي حلو الله وناسه وأخيرا بنسافر
بيت ساره :
ساره بخوف : خالد ريان مايت من المدرسه والسايق يقول مولاقيها قوم دور عليها أخاف صار فيها شي
خالد ببرود : يعني وين بتكون أكيد ببيت أهلج
ساره : دقيت على أمي مو عندها
قام خالد من النوم وراح للمدرسه عشان يدور على ريان
المدرسه كانت فاضيه ومافيها أحد وفجأه يسمع صوت أحد يمشي ..
خالد بصوت عالي : ريان ريان
والصوت كان كل ماله ويزيد
خالد يحاول يرفع صوته : ريان
فجأه تطلع المدرسه كان جوتيها الكعب (وأنتوا بكرامه) أهو الي مطلع صوت ..
المدرسه : آمر أخوي شبغيت
خالد : بنتي وينها دورتها مالقيتها
المدرسه : بنتك ريان ..
خالد : أي وينها ..
المدرسه : تمتحن بقسم اللغه الإنجليزيه ..
خالد: بهالوقت آكو إمتحان خوفتونا ع البنت آخر شي تمتحن وينه قسم الإنجليزي ..
المدرسه : سيده ع إيدك اليمين
خالد: مشكوره
المدرسه : ولو هذا واجبي
راح خالد للقسم ..
خالد : ريان وينج ساعه وآنا أدورج
المدرسه : زين أنك ييت توني بدق عليكم تيون تاخذونها ..
خالد : مشكوره ياأخت إنشاءالله ريان سوت زين بالإمتحان ..
المدرسه : أي ريان بنت شطوره لا وخذت الفل مارك ..
خالد : يعني شنو الف.. ل مادري شنو ؟؟
المدرسه تضحك : الفل مارك يعني الدرجه الكامله
خالد : تكلمي بالعربي يعني لازم بالإنجليزي
المدرسه / خالد : هههههههههه
/
/
/
/
سافروا أمل وعدنان واستانسوا صارلهم شهرين مسافرين ..
عدنان بصوت عالي : يمه إحنا ردينااا ..
الأم بفرح: هلا هلا بولدي شلونك شخبارك إنشاء الله أستانستووا
عدنان بإبتسامه: الحمدالله غرفتنه جاهزه لاني تعبان
الام: أي جاهزه
مدت أمل يدها بتسلم على أم عدنان بس ماسلمت عليها ودارت ضهرها عنها
عدنان: ماعليه أمل باجر تتعود
أمل : ننطر ونشوف .
ومن طرف ثاني دق أحمد على
ريهام الي كانت قاعده تسمع أغاني الساعه 2:30 ..
ريهام مستانسه: هلا حبيبي شلونك ..
أحمد متظايق والكلمه بالغصب تطلع منه: حبيبتي أخروني بعد سنتين يعني مو السنه الجايه راح أخلص
ريهام بكآبه: عسى ماشر ليش
أحمد: عاقبوني وأحرموني من إمتحانات السنه هاذي وراح أعيد السنتين فهمتي
ريهام تبجي: ليش شسويت
أحمد متضايق: ريهام يرحم أمج صكي الموضوع تكفين ترا مالي خلق ..
بيت أمل ..
أم أمل: هااه استانستوا إنشاءالله بالسفره ..
أمل: أي الحمدالله أستانسنا
أمل حست بدوخه براسها
الأم :عسى ماشر شفيج
عدنان: قومي أوديج للمستشفى
أمل بتعب: لا مالا داعي
عدنان: يلا قومي لاتزعليني منج
أمل معصبه : قلنا مالا داعي بعد ليش الزعل يعني والا تبي تسويلك سالفه يعني مسوي لك شخصيه أوف ..
ودارت ظهرها وراحت لغرفتها تسلم على أختها ..
عدنان: شفيها هذي ليش عصبت أنا قلت شي يزعل
الأم: لا والله بس فيها شي مضيق خلقها
عدنان: مثل شنو
الأم: مو أنت زوجها أسألها
وقامت وراحت لغرفتها
عدنان : شفيهم شصاير الظاهر فيني شي اليوم
أمل : قوه أميره شلونج
أميره بإبتسامه: زينه أنتي شلونج
أمل بدون نفس: زيـنـه
أميره: شفيج شصاير عدنان مزعلج بشي
أمل: لا بس مادري شفيني أحس أني تعبانه
أميره: روحي المستشفى
أمل معصبه: وأنتوا شفيكم على المستشفى
أميره: لازم تروحين المستشفى
أمل بتردد: برايج هذا الحل
أميره : أكيد لازم
أمل: بس أنا خايفه
أميره وعلامات التعجب: من شنو؟؟؟
أمل: من الأمراض أخاف يصير فيني مرض جديد
أميره: هههههههههههههههاي الظاهر يبيلج دكتور نفسي يفج العقده خخخخخخ
عصبت أمل وراحت بتطلع بس قبل لاتطلع قالت حق أميره: الي يتكلم معاج ضايع وما عنده سالفه يا أميره ..
أميره بينها وبين نفسها: الظاهر البنت جنت وقعدت
أمل: يلا عدنان أمش
عدنان: وين المستشفى
أمل صرخت بوجه عدنان بطريقه غريبه وأول مره تسويها وخلت كل الي بالبيت يطلع : أنت شفيك ما تفهم مستشفى ماني رايحه فاهم وإذا مو فاهم أسويلك غسيل مخ عشان تفهم ...
عصب عدنان من طريقة أمل وقالها: أنتي شفيج نفسج خايسه ماتبين تروحين بكيفج أنا ماني غاصبج على شي وإذا هديتي ذيج الساعه يصير خير
الأم : شفيكم شصاير
أمل تدمع عينها: أنا أبي أتطلق
تفاجئ عدنان من الي يسمعه
عدنان: تطلقين أنا أهلي بالأول مو راضين على زواجي منج وبالموت ياالله أقنعتهم فيج والحين تقولين تبين الطلاق ليش أنا قصرت معاج بشي
أمل بحره: أهلك أهم السبب أمك كله تعايرني لاني فقيره أنا شذنبي أني طلعت بالدنيا فقيره أذبح نفسي أموت شوف عدنان
يا أنا يا أمك أنت أختار أنا كل ما سألني أحد قال شفيج أقول تعبانه بس عشان ما أحسسه أني متضايقه من أمك والراي رايك أنت أختار بكيفك منو تبي
عصب عدنان وطلع من بيت أمل بس قبل لايطلع سمعها تقول لأمها أنا حامل وأم عدنان ماتبي الي ببطني وقالت لي أنزله شسوي وهذا الي مضايقني ..
عصب عدنان من الكلام الي يسمعه وحس الدنيا تدور مايدري شنو يسوي ولقه أنه يروح لأمه ويتفاهم معاها ..
عدنان معصب: يمه صج الحجي الي سمعته من أمل
الأم معصبه: قالتلك بنت الحرام وانا محذرتها
عدنان بصوت عالي :لا تقولين بنت حرام هذي مرتي وكرامتها من كرامتي أنتي شنو بتخربين حياتي
الأم: أنا ما أبيها طلقها وآنا أرتاح
عدنان: ماتبينها خلاص البنت تبي الطلاق شالفايده
الأم وعلامات الفرحه مبينه عليها: صج باجر أدورلك على احلى بنات الديره
عدنان بقهر: سمعي غير أمل مراح آخذ وأنا طلاق ماني مطلق وأنا بحطلها بيت بنعيش أنا وأهي فيه والي ببطنها مراح ينزل ..
الأم: فرت مخك بنت ابليس
عدنان معصب :أنتي ماتوبين عن هالطبع أبفهم على شنو شايفه نفسج
الأم بحقد: أنا شايفه نفسي ياقليل الأدب آكو أحد يقول لأمه هالحجي صج ماتستحي روح أنا زعلانه عليك لي يوم الدين
راح عدنان لأمل وقالها بس أمل مارضت تروح معاه وتكون السبب في مشاكله مع أمه
الأم:يعني أفتكينا من بنت إبليس
عدنان بحزن : يمه أنا أبيج تساعديني ..
الأم: شوف دامني رضيت عنك لاتخليني أقلب عليك والأسبوع الجاي العيد .
عدنان يحاول يهدي نفسه: أهم شي رضاج ..
الأم بإبتسامه: هذا ولدي الي أعرفه ..
/
/
/
/
يــــوم الــــعــــيــــد :
طبعا عيد أكيد الكل مستانس إلا عدنان ضايق خلقه لأنه أمل زعلانه وببيت أهلها ...
الأم: عدنان قوم الساعه 2 الظهر وأنت للحين ما قمت
عدنان متضايق: يمه الناس فرحانه بالعيد وأنا جني بجنازه
الأم: أعوذ بالله أستغفر ربك وقوم يله خلص
طلعت الأم من الدار طالع عدنان تلفونه لأنه في مكالمات لم يرد عليها ورساله جديده مكتوب فيها....
الله من رقم هجرني على طول
من بعد ماخصصت نغمة رنينه
إن كان رقمه ياهل العرف مفصول.
قولوله ايدورله أقرب كبينه
وإن كان عني ياهل العرف مشغول.
قلبي على فرقاه ياالله تعينه."
فرح عدنان لانه المسج من أمل دزلها..
أحلـى التهانى والورود لـج ياآغلى النـاس
"¤العيـد¤"يومين وانتي طول العـمر عيـدي"
بس المصيبه أنه أخت أمل إهي الي دازه الرساله الأولى ومسحت السجل وراحت طلعت أمل من الحمام
وتفاجئت بالرساله الي من عدنان فرحت لأنها مو زعلانه منه وتحبه أكثر من روحها بس أمه المشكله
قررت تدزله مسج ...
ليت المشاعر تنتقل للقلوب بسكات وليت الرسايل وصفها لشوق كافي أنت حبك في قلبي حي مامات وأنت الحبيب اللي هواه دافي لك المشاعر
تكتب وصفها ابيات ولك الشوق يرسم الحب وافي ومني لك يالغلا أجمل تحيات لك كتبها القلب يا أعز ناسي ..
"كل عيد وانت الحب والقلب والروح"
/
/
/
صارت العلاقه بين أمل وعدنان مكالمات بالسر وطلعات بالسر بس عدنان مارضه يطلق أمل وقعد يكلمها ويطلع معاها من ورى أمه عشان ماتزعل ""
/
/
/
أم عدنان: عدنان أنا خطبتلك ريهام وهالمره غير أهلها وافقوا
لأنه البنت كبرت وللحين ماجاها نصيبها ولا تفشلني مع الناس
عدنان متفاجئ: بس أنا متزوج
الأم ببرود: طلق أمل
عدنان : طلاق مراح أطلق
الأم: الشرع حلل أربع شنو أذا تزوجت أنا عطيت الناس كلمه ولا تفشلني معاهم ..
عدنان: ليش جذي أنا مابي أتزوج و ماقلتلج أخطبيلي
الأم: زواج بتتزوج أما عن العرس على الأقل ملجه لين تولد الست أمل عشان ماتتعب وآخذ آثامها طول عمري و احمد ربك إني أخرت العرس وأقدر أخليه باجـر فاهم.
عدنان معصب: بس أنا مو موافق مابيها
الأم معصبه: بتوافق غصبن عليك لاتفشلني مع الناس أنا عطيتهم كلمه ويوم الخميس الملجه ..
عدنان بحزن: الكلمه أنتي الي عطيتيها الناس وأنا مو مسؤول قولي ما يبي يتزوج على مرته
الأم : عدنان زواج بتزوجها
عدنان بثقه: ما تقدرين تغصبيني
الأم : بس أقدر أزعل عليك
عدنان بحزن : أوكي بس خلي الملجه بعد لين ماتولد أمل
الأم مستانسه: يعني وافقت
عدنان قام ومارد على أمه وأهو مو ناوي يتزوج بس أمه الله يهديها وماحب يزعلها..
ريهام : ولي إحنا ماخلصنه من هالسالفه افهموا قلت مابيه .
الأم: هالمره لا بتاخذينا يعني بتاخذينه فاهمه .
ريهام تناظر أمها بألم : ليش بتظيعون حياتي مع واحد مابيه
الأم تحاول تفر مخ ريهام: باجر بيغنيج وبيرزقج ولا تنسين حبج له ..
ريهام: من عافنا عفناه لو كان غالي وأهو عافني وأنا بعد عفته
الأم : على فكره تري بعد ولادة شينة الحلايا العرس .
ظلت ريهام متحسره على حبيبها وقالت أنه هالمره شكلها السالفه صجيه
دقت ريهام على أحمد وقالتله السالفه وقرر أن يرجع الديره عشان يخطبها وينهي الموضوع
أما بالنسبه لعدنان كان كل مايزور أمل يحس أنه حياته بدونها ماتسوى شي وشلون بيقولها أنه بيتزوج وأهو مو متخيل نفسه مع وحده ثانيه غيرها
بس ماحب يفشل أمه جدام الناس أمل ماكانت تدري عن الموضوع وعدنان مو ناوي يطلقها وأهو مايبي يطلقها بالأساس ..
رجع أحمد الكويت عشان يخطب ريهام ..
أحمد: عمي آنا لي الشرف إني أطلب إيد بنتك ريهام .
أبو ريهام : والله إحنا نتشرف فيك بس بنتنه مخطوبه لولد عمها ..
أحمد : بس أنا سمعت إنه البنت ماتبيه ..
أبو ريهام : البنت مالها إلا ولد عمها وشنو يعني تبيه ولا ماتبيه
أحمد : يعني خلاص ريهام بتزوج ..
أبو ريهام : أي بتزوج ..
طلع أحمد من البيت وكأن الدنيا تدور مايدري وين يروح يرجع يكمل دراسه ولا ينطر كأنه ضايع تايه مايدري وين يروح ولمنوو يشكي .
/
\
/
\
/
\
بـعد مـرور تسـعه أشـهـر :
حست أمل إنها بتولد ودقت على عدنان
(وللعلم أمل ماكانت تدري أنه عدنان خطب وعدنان ينطرها لين تولد وكانت العلاقه بين أمل وعدنان طلعات مع بعض ومكالمات ورسايل عشان أمل ماتسبب زعل بينها وبين أمه ...)
المـسـتـشـفى الساعه 7:30 م
الدكتوره: مبروك جالك ولد زي القمر ماشاء الله
عدنان طاير من الفرح: صج دكتوره مشكوره والله خوش خبر ...
الدكتوره: وين البشاره ولا إيه عامل حالك مش فرحان وناسي الهديه والنبي أنك تشبه أبنك جدا يلا حلاوه من عندك بمناسبه المولود
عدنان طلع من مخباته خمسين دينار ومد إيده بيعطي الدكتوره
الدكتوره: إي ده والله مش عايزه لافلوس ولاحاجه أنا كنت عايزه منك تشوف مراتك وتديها هديه ..
عدنان:. الهديه موجوده
الكل يبارك لأمل بالمولود الجديد .
أم عدنان بدون نفس: طالع جنه أبوه مشاءالله
حس عدنان أنه أمه ثقلتها مع أمل فحاول يلهي الموضوع.
عدنان: ها أمول شنو بتسمينه
أمل مايمديها بتكلم إلا أم عدنان سابقتها : شنو وأنا مالي رب ماتسأل أمك شنو بسميه
عدنان: لا حشا أنتي أختاري وإحنا نسمي
الأم زعلانه: أنت سألت أمل خلها تجاوبك أنا مالي شغل لافيها وإلا فولدها وإنشاءالله مرتك الجديده الي بتجيب حفيدي وإلا هذا مابي أشوفه باي وطلعت الأم ..
عدنان ماكان بيجرح أمل عشان يحبها ومايبي يزعلها
أمل: شقصدها مرتك الجديده
عدنان حاول أنه يخش عنها بس ماقدر وقالها:أمي خطبتلي
أنهارت أمل وطاحت غشيانه
عطوها مهدئات وبعدين صحت وطلبت أنها ماتشوف عدنان
واطلبت الطلب الي فاجأ الكل
الطلاق ..
مرت الأسابيع وباقي على عرس عدنان يومين وعلى فكره عدنان ماطلق أمل بس إهي مصره على الطلاق
أميره: أمل عقب باجر عرس عدنان تقدرين تمنعينه
أمل من الحزن والقهر ماردت عليها
أميره: شفيج ساكته قولي شي
وكان ولد أمل يبجي وكأنها ما تسمعه ..
أميره: ولدج يبجي وأنتي قاعده
أمل بصوت ماينسمع : خلي وإذا كاسر خاطرج أخذي مابيه
أميره تطالع محمد ولد أمل بنظرة حزن وأهو يبجي
أميره : يمه أمل مو راضيه تاكل ولا تشرب حتى ولدها ماتدري عنه شفيها شالسالفه كلميها
الأم: قوليلي شسوي فيها اهي متظايقه عشان عدنان الله يعينها بيحط على راسها شريكه
شتبينها تسوي لا تلومينها
فجأه دق الباب راحت أم أمل تفتح الباب ..
طلعت أم عدنان :شلونج وشلون حفيدي محمد وشلون أمه ..
أم أمل بدون نفس : بخير
أم عدنان: وشفيها الكلمه ياالله تطلع منج أقول ناديلي أمل
أستانست أم أمل على بالها أنها بتردهم لبعض ...
أمل بحقد: هلا خالتي شلونج شبغيتي
أم عدنان بكل وقاحه: هذي بطاقة عرس عدنان عقب باجر يأم محمد تعالي وعلى فكره عدنان بيطلقج باي
أمل تقول بقلبها لاء مستحيل عدنان يروح لغيري وأنا حبيبته يطلقني بسهوله .
