روايتي الأولـى << الضـائعه >>

[banoota-3saal]

قصتج مشوقه
كملي

تسلمين حبيبتي

 

[banoota-3saal]

الحين بنزل البارت الرابع ومتامله اني اشوف ردود

 

[banoota-3saal]

الــجــزء الـرابع:



بـعـ مرور شهر ـد:
تطورت العلاقه بين أمل وعدنان
صارت من صداقه إلى حب و كل ماله ويزيد٠٠٠
أمل وأميره بالمستشفى عند أمهم الي الله يعلم بحالتها...
وكان عدنان وياهم ..
الدكتور: أمكم صحت وتبي تشوفكم ضروري ..
أمل: أميره روحي وأنا ألحقج
أميره : ليش ؟؟
أمل: دقيقه ماني مطوله
أميره: أوكي
أمل :عدنان تعال معاي خلي أمي تتعرف عليك
عدنان: بس أخاف تتضايق
أمل: ماكو أحد يتضايق منك
غــــرفة الأم :
الأم: أناشصارلي وأنا ليش إهني ...
أمل بإبتسامه: أنشاءالله صرتي أحسن
الأم بتعجب: أي بس منو الأخ ...
فهمو أمل وعدنان الأم السالفه ولقوها فرصه عشان تفهمهم
الأم إرتاحت لعدنان وحسته شخص صريح ومؤدب وخلوق
وفرحوا أمل وعدنان لأنه الأم إرتاحت له ...
الدكتور : سلام وعليكم ...
عدنان: وعليكم السلام
الدكتور بإبتسامه : شلونج خاله اليوم ..
الأم : الحمدالله
الدكتور: إنشاء الله اليوم بتطلعين ..
أمل بإبتسامه: صج ؟؟
الدكتور: إنشاء الله ..
ومن طرف ثاني كانت ريهام تتابع التلفزيون ..
وفجأه نفس الرقم يدق عليها
ريهام : أووف هذا مراح نخلص منه لي مته خليه يولي مراح أرد عليه ..
بــــيت عــدنان :
كانت ساره تدرس بنتها ريان لأنها كانت بأولى إبتدائي ..
ريان : يمه مراح نرد بيتنا..
ساره بعصبيه: لا مراح نرد
ريان: أنا أبي أشوف أبوي
ساره : لا أنسي أنه عندج أبو
ريان: ليش يمه ..
ساره : خلاص عاد فكيني قلنا مراح تشوفينه افهمي عاد ..
قامت ريان وراحت لغرفتها ..
بــيــت أمــل:
أمـل: نورت بيتج يمه ..
الأم: منور بوجودج حبيبتي تصدقين إني مليت من المستشفى ..
وفجأه صوت المسج طوط طوط كان مسج من عدنان
"ياغايتي ماعاد فيني اخبي ...حبـــــــــــــــك تعدى حدود نفس كتومه.....مابيك تسأل عن مقادير حبي....بكره مع الايام تطلع علومه
وردت علي بهالمسج
مهمااغيب....واخذ لي مع الوقت وقفات.....ورغم البعاد...."حبكم مانكرته"
الأم : شفيج مستانسه المسج من عدنان ..
أمل وجها حمر من الخجل: أي
الأم : الرجال صج أنه شكله مؤدب بس إحرصي منه مهما كان فهمتيني ؟
أمل : أي يمه فاهمتج
الأم : أمل مته شهاداتكم ..
أمل بعد جم يوم ..
الأم : الله يوفقكم إنشاءالله
أمل : آمين ..
وراحت حق غرفتها وصلها مسج
من عدنان .
"وتلومني فيك يوم اغليك يااغلى من جروحي ومشقيها....ابيع كل البشر واشتريك حاضر سنيني وماضيها.....ياغايب صرت افكر فيك بأول همومي وتاليها....اطلب حياتي وانا بعطيك تستاهل الروح ومهديها"
وقـ النتائج الكل يحاتي ـت
أمل: أميره يله بسرعه خنشوف النتايج ..
أميره: يله كاني دايما مستعجله
وراحوا أمل وأميره يشوفون نتايجهم ..
كانت الأم تحاتي بناتها ونتايجهم
أمل: يمه باركيلي نجت ..
الأم: ألف مبروك إنشاءالله نسبتج زينه ..
أمل: %99 الحمد الله راح يتحقق حلمي صبرت والله وفقني الحمدالله الحمدالله
الأم:إنشاءالله ألف مبروك
وأنتي ياأميره
أميره: أنا نجحت بس نسبتي مو عاليه مثل الدكتوره أمل أنا %85
الأم: لاتقولين جذي نسبتج زينه وإنشاء الله السنه الجايه تحسنين ..
ومن صوب ثاني أمل تكلم عدنان ..
أمل: أنا عازمتك على العشاء بمناسبة نجاحي ولاتقول مشغول بتجي يعني بتجي
عدنان : أوكي وأنا أقدر أردج
أمل: أنا أنطرك اليوم الساعه
7:30أوكي
عدنان : لا خليها باجر لأني اليوم مشغول أوكي
أمل: أوكي
وكانت ريهام مواعده عدنان و كان مايبي يروح بس أهله أصروا
علي فقرر يروح معاها ويخلي أمل يوم ثاني ...
أمل دقت عليها رفيجتها أفراح إعزمتها ووافقت أمل إنها تروح معاها ساعه ..
بالمطعم الساعه 7:30كانت أمل وأفراح قاعدين ياكلون فجأه
شافت أمل عدنان مع ريهام داخلين المطعم وكانت ريهام مستانسه ..
فتركت المطعم وراحت وإهي معصبه ومتنرفزه
أفراح: أمل أمل نطري وين رايحه
عدنان ماشاف أمل ولا حتى ريهام ماشافتها
أمـل راحت للبيت منهاره و زعلانه ..
الأمـ: أمل شفيج ليش قافله على روحج الباب فجي
أمل: يمه تكفين خليني بروحي أنا تعبانه وما أبي أكلم أحد
أميره: يمه خلاص خليها ترتاح ولمن تهدي راح تقولج شفيها
الأم: صح كلامج وهذا أحسن شي ننطرها لين تهدى
أمل تبجي: الخاين غلطتي أني حبيته ..
دقت أمل على رفيجتها أفراح و قالتها السالفه وليش إتظايقت
فهمت أفراح الموضوع عشان ما تزعل ..
بــــالمطعم ..
عدنان:ريهام أنتي شتبين مني بضبط أنا أكرهج أنا خلاص حبيت أمل ولايمكن أكرها
ريهام: أنت كل يوم تحب وحده شكل وبعدين تهدهم مو شي يديد ..
عدنان: هذا قبل بس من يوم ما عرفت أمل خلاص قمت أمشي سيده أنتي ما تعرفين هالبنيه شكثر غيرت حياتي خلتها حلوه وأنا الحين بأمشي أتمنى أنج تفهميني وتلاقين الي أحسن مني يا ريهام ..
ريهام متضايقه: مستحيل ألاقي أحسن منك ياعدنان
طلع عدنان من المطعم ودق على أمل بس أمل ماردت دق مره ثانيه وثالثه وهم نفس الشي دزلها مسج ..
"شفيك لامني بغيتك تهربت ....هديت حيلي بالمشي في دروبك ....لاشرقت رجلي عن الدرب غربت ...وان اشملت رحت ومشيت لجنوبك ...لاجيت المك من ايديني تسربت......وان بان مشراقك صدمني غروبك..."
قرت أمل المسج وإهي تقول الخاين النصاب دزلتله هالمسج
"عدنان أنا ما أنكر إني حبيتك و ما أجذب عليك إذا قلتك للحين أحبك بس أنت خربت العلاقه الي بيني وبينك خنتني وأنا أكره الخيانه وما أحبها أنا آسفه إذا غلط معاك بشي يوم من الأيام بس أنا خلاص ماعاد أبيك أنت سببتلي جرح لايمكن أنساه بحياتي أنت موتني وأنا عايشه ولايمكن أوثق برجال خاين مثلك أرجوك لا تجرحني كثر ما أنا منجرحه منك لاتدق علي وأمسح رقمي وأنساني مثل مانسيتك بــــ للأبد ــــاي*
قرى عدنان المسج وأهو قاعد يكلم روحه متى خنتها بس أكيد ريهام الخايسه قصت عليها هين ياريهام أنا أوريج هين
رد للمطعم دورها مالقاها جان
يروح لبيت ريهام **
الخدامه :Hi adnan
عدنان: Hi ‎‏ أوف هذي شلون أفهمها : ريهام
الخدامه:Reham not heer
عدنان: أوكي باي
الخدامه:Bay
ريهام كانت تنزل من سيارتها
ريهام: عدنان خير شتبي
عدنان: أنتي ليش سويتي جذي
ريهام منصدمه : شسويت
عدنان معصب: وتقولين شسويتي أنا أحب أمل أنتي ليش
تخربين علاقتنا ..
ريهام: أنا ماخربت علاقتكم ولا هميتوني لاتحط السالفه علي أنا مالي شغل بشي
عدنان: يعني أنتي مارحتي حق أمل وقلتيلها أنج تحبيني ..
ريهام معصبه: لا أصلن ما أنزل مستواي لها فاهم باي
راح عدنان واهو يقول أنا شسويت ليش تسوي معاي جذي راح للبيت وقعد يبجي و دزلها هالمسج" أنا ما خنتج يا أمل صدقيني أنا أحبج وأموت فيج أنا قبل لا أعرفج صج إني كنت أعرف بنات واجد بس من عرفتج تغيرت صدقيني وأنا ما خنتج منو قالج هالكلام "
قرت أمل مسج عدنان جان تدزله بقصد " عفوا منو معاي"
قرى عدنان المسج درى أنها تستعبط دزله" أنا ما ألعب معاج
أنا أقولج الحقيقه شفيج ليش هالكلام "
دزت له" يمكن صج نسيت كل البنات بس ما نسيت ريهام" دزلها" شقصدج"
قالت" اليوم وياها بالمطعم مستانس وأنا عازمتك تقول عندك شغل شوف بسكر تلفوني ومراح أفتحه لا تدق علي فاهم و لا تحاول لأني مراح أرد عليك بــــــاي.
وصكرت أمل تلفونها وخشته بالكبت وصكت عليه ..
عصب عدنان وقال يليتني ما طلعت مع ريهام ..
ريهام قاعده تسمع أغنية عافك الخاطر... وتقول الأغنيه " للصبر آخر خلاص خلاص عافك الخاطر خلاص عافك الخاطر حاولت أسامح أسامح ولكن ماني بقادر خلاص عافك الخاطر روح بطريج وأنا بطريج وخلني على جرحي العتيج" وكانت تسمع الغنيه وتبجي وتقول بينها وبين نفسها أنا أحب عدنان وأهو كل يوم عايش بحب جديد أنا ليش أضيع وقتي عشانه ليش لازم أنساه خلاص راح أبدأ حياه جديده وأتمنى أنها تكون حلوه أنا خلاص بنسه الغرور والتكبر على الناس و بعيش حياتي حالي حال الناس أبي الناس كلها تحبني . .
عدنان يفكر بحل مايدري شنو يسوي يبجي أو يسكت دق على ريهام ماردت علي دزلها مسج أنا محتاجج ظروري ردي
دزتله"من اليوم ورايح علاقتنا كصديق وصديقته أنت الي أخترت هذا الشي وأنا محترمته"
دق عدنان على ريهام
ريهام: ألـو نـعـم ..
عدنان: ألو ريهام أنا عندي مشكله وأنتي الوحيده الي تقدرين تحلينها وأتمنى أنج تساعديني تكونين سويتيلي معروف لايمكن أنساه
ريهام: وشنو المشكله الي بإيدي
عدنان: أمل ياريهام أمل
ريهام: ردينا وشفيها أمل
عدنان: أمل زعلانه مني شكت أنه بيني وبينج علاقه
ريهام : ليش أنت قايلها أنك تعرفني ولاقالت عشانها بنت
عمك أكيد مسوي معاها علاقه
عدنان: شافتني معاج بالمطعم
ريهام: عادي قولها قاعد مع بنت عمي
عدنان: أي والله خوش فكره مشكوره ريهام ماقصرتي مراح أنسالج هالمعروف بــــاي٠
صكرت ريهام التلفون ودمعت عينها وقالت: أنا ليش أبجي عليه أهو الي أختار حياته وأنا مراح أنطره خلاص نسيته
عدنان راح حق بيت أمل وصار شي عادي لأنه أم أمـل صارت ترتاح له وأهو الشخص اللي تتمناه لبنتها
مريم أم أمل: هلا فيك عدنان جيت بوقتك أمل أول ماجت و إهي صاكه على روحها الغرفه وماتكلم أحد ياليت تشوف شفيها حاولت أكلمها بس قافله على روحها الباب ومو راضيه تفتحه ولاحتى تكلمني*
عدنان: إهي زعلانه مني لأنها عزمتني وأنا كنت عندي شغل ومارحت و ..... و......٠
سكت خمس دقايق يفكر شنو راح يقول حق مريم الي إهي أم أمل ..
أم أمل: وشنو شفيك أنا معاك أدري بتقول مالها حق تزعل أنت عندك شغل لازم تعذرك وماتزعل لهالدرجه
عدنان: شافتني مع بنت عمي وحسبت أني احبها
أم أمل: بنت عمك وليش تزعل جان قلتلها أنها بنت عمي
عدنان: أهي طلعت بدون ما أشوفها وبعدين قالت ريهام شتسوي معاك
أم أمل: لايكون ريهام أم المشاكل ماغيرها
عدنان: ليش أنتي تعرفينها
أم أمل: ريهام كانت ماتحب أمل
ودايما مسويتلها مشاكل
عدنان: يمكن إهي مــادري
أم أمل: جان طلعت مع أمل و أجلت طلعتك مع ريهام جان ما صار الي صار ولا أنا غلطانه
عدنان: الموضوع عائلي و ما حبيت أأجله
أم أمل: خلاص أنا أكلمها و لا يهمك
عدنان : وعطيها هالرساله
أم أمل : ولا يهمك بعطيهاياه
عدنان: أنا أخليج الحين باي
أم أمل : بـــ الله معاك ـــاي*
أميره: يمه أنتي مصدقه كلام عدنان ..
أم أمل: أي مصدقته وأنا واثقه أنه يحب أمل ولايمكن يخونها و مثل ماقال هذي سالفه عائليه
أميره: أنزين شوفي شنو في الرساله
أم أمل: مستحيل وأنا ماربيتج على أنج تشوفين شي مو لج هذا شي خاص ومايصير نشوفه خليني أروح أشوف أختج
أميره: خلاص آسفه مو قصدي
الأمـ: أمل فجي الباب لا أكسره
أمل فتحت الباب: نعم خير
الأمـ: أنا أمج تقولين لي نعم خير أنتي شفيج شصاير لج
أمل تبجي: طلعي بره خليني بروحي خليني بروحي...
الأم: قبل ما أطلع أحب أقولج أنج ظلمتي الولد إهو ماله ذنب الي معاه بنت عمه ريهام بنت عمه وعطاني هذي الرساله أعطيج ياها وأتمنى أنج تقرينها عدل وتفهمينه أنا صج أني ما قريتها بس أكيد يعتذر لج ...
خذتها أمل بس ماقرتها حطتها فوق الطاوله الي يم سريرها






​

 

[mss.86oo6a]

رد : روايتي الأولـى << الضـائعه >>

ياااااااااااااااااااااااااااااااااااااااااااااااااااااااااااااااااااااااااااااي ونااااسه القصة روووووووووووعه
يحليل عدنان
وعاااااااااااااااااااااااااااااااااااااااشوووو
waiting ناطريييييييييييين
up up up up up

 

[banoota-3saal]

منوره حبيبتي

الحين بنزل الجزء الخامس​

 

[banoota-3saal]

الــجـزء الخـامـس :


ومن صوب ثاني كانت ريهام تمشي بالسوق
أحمد: قوه ريهام شلونج من ماتت جنى الله يرحمها ماشفناج
كان أحمد أخو صديقة ريهام الي ماتت قبل سنتين
ريهام: هلا أحمد مشاءالله عليك ما تغيرت نفس ما أنت
أحمد: صج والله حتى أنتي ما تغيرتي كأني أمس شايفج منو وياج أشوفج بروحج
ريهام: ولا أحد حبيت أغير جو
أحمد: شرايج أعزمج على قهوه هذا الي أقدر عليه هههههههههه
ريهام: ههههههه أوكي

بــيت أمـل :

أمل تذكرت إنه ريهام نفس عائلة عدنان فقررت تقرى رسالته

" أمل أنا أحبج ولايمكن أنساج أو أخونج
لو مهمى صار ما أنكر أنه ريهام تحبني ومن زمان تتمناني بس هذا مايمنع حبي لج على فكره أهلنا وإحنا صغار يبونا حق بعض عشان جذي إهي حبتني بس صدقيني
أنا ما حبيتها بس كنت أتظاهر إني أحبها والله ما أحبها و الله صدقيني وأتمنى إنج تسامحيني أرجوج أنا بدونج أموت أنت حببتيني بالحياة وخليتيني أمشي سيدا وتركت
سوالفي القديمه أنا كنت ميت كنت ضايع بس أنتي صحيتيني وعيشتيني وأنا أحبج أموت فيج وآسف إذا زعلتج بشي أنا مراح أنساج للأبد مستحيل أنساج حتى لو مارديتي
لي مراح أنساج أبدا وأتمنى أنج تسامحيني هذا الشعر أهدي لج ويمكن يكون آخر شعر أهديه لج
ماترحم اللي مات قبل انتحاره...اجرم بنفسه وانت في قلبه اجرمت ..
اثر التجاره والمحبه شطاره....وانا من انصار الهوى ماتعلمت ....يفزلك جسم براه انتظاره ....ويقوم لك قلبي وانا بعد ماقمت
بــاي أتمنى إنج تفهميني

شقت أمل الرساله وقررت إدزله مسج
" لا تحاول إنسى إني أرجع لك مستحيل ياعدنان مستحيل مستحيل مستحيل وأكررها أنت خليتني أكرهك كثر ماحبيتك
(وتقول بقلبها مراح أكرهك قلبي مايطاوعني بس كرامتي ماتسمحلي أرجعلك بسهوله )
لاتدزلي رسايل أنا بسكر تلفوني بس حبيت أرد عليك وأقولك أنسى أردلك لاني أدري أنك تحبها مثل ما إهي تحبك ياعدنان بــاي *أمل*
بجت تضايقت على المسج
ونست تصكر جهازها بس كانت حاطته سايلنت دق عليها بس ما أسمعته ولا ردت فدزلها مسج
"أشوفك بنومي حلم ...كيف لو أصحى وأشوفك حقيقه...
تعلمت منك العلم ..وقلبي على فرقاك الله يعينه ...أنت الذي أبعدت عني الهم ... وخليتني أحب بالعالم كل دقيقه ...
أحبك أحبك هذا المهم ... بس الأهم اللي ماقدرت تقوله لي حقيقه ... حبك لي الي مرسوم بالقلب رسم ...يا أعز مخلوق عرفني قلبي به "
قرت أمل المسج وقالت إهو للحين مصدق إني أحبه أوف منه أوف أوف صكرت تلفونها وما ردت عليه وإهي تقول بقلبها
"جيت أبزعل عليك وناوي إنهي الخصام وكل مافي خفوقي بس أزعل عليك يعني روح و أروح وأسري ليلي بظلام بس من يوم شفتك قلت برضى و أجيك " أغنيه للفنان الرائع عبدالمجيد عبدالله
وبعدين سكتت وقالت لازم أنساه لازم أنساه لازم
ومن صوب ثاني كانت ريهام تفكر بأحمد ومستانسه وتسمع أغنية عبدالحليم "أول مره"
فجأه تلفونها مسج أغنية عبدالمجيد" أحبك ليه أنا مدري" وكانت تهديها لعدنان سابقا بس الحين تغير الوضع قرت الرساله كانت من أحمد "إن ضاق بك وقتك فأنا كل الأصحاب!!
وإن جيتني بالهم والله لشيله؟
إن قلت أناأعزك مانى بكذاب!!
وإن قلت أنا اغليك ماهي قليله!
ولى خانتك دنياك والحض ماطاب؟
اذكر وراك انسان يسوى قبيله!!!
ضحكت وفرحت وقالت أنا قلبي شكله صج نسى عدنان وعشق من جديد .. دزلته مسج حلو قالت تو الناس بس عادي غمضت عيونها وطاعت قلبها وأرسلت
" في غيبتك احس بشي "ناقصني"
وفي حضورك اكتمل النور بوجودك
يزداد فرحي لاشفتك تراسلني
وازعل لاشفت رقمي خارج"حدودك"
تبي الصراحه في غيبتك كل شي ناقصني
وحياتي هي بس مجرد
"وجودك"
أستانس أحمد من المسج و قال الحين النومه حلوه
فجأه تلفون ريهام يدق استانتست عبالها أحمد بس طلع عدنان قالت أوف ولي هذا شيبي
ريهام: ألو !.!.!
عدنان: أبيج تساعديني
ريهام: وليه بعد شتبي فيني
عدنان : أمل ياريهام
ريهام: ردينى أمل مره ثانيه
عدنان: كلميها يمكن تقتنع عشاني تكفين أنا لا ليلي ليل ولا نهاري نهار تكفين الله يخليج
ريهام: أنا بكلمها بس مو عشانك عشان أنا حاسه فيك وبحاول معاها يمكن أقدر
عدنان: مشكوره ماقصرتي
راحت ريهام كلمت أمل بس أمل ما تقبلت الموضوع ومارضت و وما صدقتها قالت أنا شاكه أنج متفقه معاه عشان
تخربون حياتي وتخلوني أعيش بندم طول عمري أنا قلت كلمه ولايمكن أرد فيها خلاص أنا نسيت عدنان ونسيت الحب
ريهام : إذا إنتي ماتبيني بحياتكم أنا طالعه من زمان أنا أحب واحد ثاني ماأحب عدنان
أمل: أنا شاكه بكلامج وكلامج هذا يبين لي أنه وراج شي كبير أنا أعرفج عدل مو غريبه علي يا ريهام
ريهام: كيفج على راحتج أنا قلتلج أني مالي شغل فيكم و أتمنى أنج ماتخسرينه بتكبرج و غرورج مثل ما أنا خسرته أهو يحبج أتمنى أنج تفهميني ترى أنا تغيرت ماني ريهام الأوليه ...
أمل: قولي حق عدنان مستحيل أرجعله لو مهما صار وفهميه هالحجي زين ومع السلامه حيالله من زار وخفف وباي
ريهام: هذي أعتبرها طرده و أنا الي أبي مصلحتج أوكي بتقبلها منج بااااي
أمل: لا والله مو قصدي بس أنا متضايقه الله معاج ..
ريهام أوكي باي ..
راحت ريهام لبيتهم ودقت على عدنان وفهمته الموضوع ..
عدنان تقبل الموضوع بس قلبه للحين يحب أمل وماراح ينساها لو مهما صار ..

ببـيت عـدنان :
عدنان : أنتي للحين زعلانه من خالد ..
ساره بعصبيه : مالك شغل
عدنان يحاول يرفع ضغطها : أوف أوف شدعوه مو خالد رفيجي ولازم أعرف
ساره : وعشانه رفيجك ماني قايلتلك خليه أهو يقولك
عدنان: أدري أنج سبب الهواش
ساره معصبه: أي عندك مانع
عدنان يستعبط : لا دواس هههههه
قامت ساره وراحت لغرفتها ..
دق عدنان على خالد يبي يعرف السالفه ..
خالد: أختك تافهه كل شي تسوي عليه مشكله
عدنان : احم احم تراها إختي
خالد : أبي أحد يفهمني
عدنان: أنت صدقت قول أفتح قلبك عادي
خالد: عدنان اليوم عندك شغل
عدنان : لأ ليش في شي إحنا بالخدمه
خالد: أبي أشوفك عشان أقولك السالفه
عدنان : خلاص تعال القهوه الساعه 7 تلقاني موجود
خالد: إنشاء الله

ريان كانت تسمع عدنان وعرفت إنه يكلم أبوها ..
ريان : خالي عدنان ودني أبي أشوف أبوي ..
عدنان : قولي حق أمج توديج
ريان : قلتلها بس ماودتني
عدنان : وآنا مالي شغل فيج
ريان تبجي : أنا لو أعرف رقمه جان مانطرتكم تودوني جان دقيت عليه يوديني ..
كسرت خاطره البنيه المسكينه
عدنان : خلاص أوديج له اليوم بعد شتبين ..
ريان بفرح : مشكور خالي

بـيت ريهام:
أم ريهام: اليوم غريبه قاعده بالبيت
ريهام: ليش تبين الفكه مني
أم ريهام : لا بالعكس أبيج على طول تقعدين بالبيت
ريهام : فال الله ولا فالج آنا إذا يوم ماطلعت من البيت أين شلون أقعد على طول
الأم : البنت مالها إلا بيتها وزوجها
ريهام: لمن أتزوج قوليلي هالحجي أنا عندي أقعد بجهنم الحمرا ولا أقعد بالبيت
الأم: وكاج قاعده بالبيت
ريهام: توني راده اليوم طلعتي الصبح
الأم: والله ما عرفنه لج

القهوه :
عدنان : قوه خالد
خالد: هلا عدنان
ريان بإبتسامه : شلونك يبه
خالد بإبتسامه: زين أنتي شلونج ليش جيتي مع خالج
ريان : أبي أقعد عندك مابي أمي
عدنان بعصبيه: ليش أمج شنو سوتلج ..
خالد: أسكت خرعت البنت
عدنان : ما أدري شفيها على أمها
خالد: أمج شنو شوتلج
ريان : إذا قلتها بروح بيتنا تزفني
خالد : أنزين اليوم باخذج وياي
عدنان : أي تاخذها أي بطيخ لا ما أقدر أخليها عندك مالي خلق مشاكل مع ساره
خالد : أخاف صج البنت بنتي ولا بنتك ..
عدنان: خالد أنا أتكلم من صجي ماني ناقص مشاكل أنا بروحي بمشكله
خالد بإستغراب: مشكله وماقلتلي شنو مشكلتك
عدنان : أمل ..
خالد يفكر : أمل منو ؟؟
عدنان : حبيبتي
خالد بدهشه : حبيبتك شلون ومتى وليش ماقلتلي
عدنان: القصه صارت بسرعه وما إمداني أقولك
خالد: شفيها
قال عدنان السالفه حق خالد من الألف لين الياء
خالد: تدري جم الساعه
عدنان بتعجب : جم ؟؟
خالد : 11ونص
عدنان: وي صارلنا خمس ساعات
خالد : يلا آنا بروح البيت
عدنان : الله ياك
خالد : دير بالك على ريان
عدنان: أفا عليك ولايهمك
في بيت عدنان :
ساره معصبه: أنت ليش تاخذ ريان معاك
عدنان: البنت بتشوف أبوها أنتي شفيج ماتفهمين
ساره زادت عصبيتها : أنت الي ماتفهم البنت بنتي ولا بنتك
عمر يقاطعهم: أقول أمي وينها
ساره معصبه : مادري عنها
وراحت لغرفتها
عمر : شفيها ساره
عدنان معصب : وأنت شكو
وراح لغرفته ..
عمر : شدعوه هذول شفيهم

بـيـت أمـل :
كان أمل تشكي من ألم ببطنها وكان كل يوم يزيد بس إهي ماكانت تقول لأمها ولا أختها

بـيت ريهام :
أم ريهام : بو محمد أحنا لازم نقول لريهام الحقيقه
أبو محمد الي أهو أبو ريهام: سكتي لا أحد يسمعج أياني و اياج تقولين لأحد أنتي تدرين شنو بيصير فيها إذا علمناها ومثل ما علمتج لاتقولين لأحد
أم ريهام : بس ماردها بتعرف
أبو ريهام: إذا سكتنه ماهي بعارفه خلينا مثل ما إحنا
أم ريهام: على راحتك

بـعـد مـ شهر ـرور
أمل تبجي: يمى بطني يعورني
الأم: إمشي أوديج المستشفى
أمل : ما أقدر أقوم
الأم: حاولي ..
أمل: ما أقدر
الأم بصوت عالي : أمـيـره ..
أميره : نعم يمه
الأم: تعالي ساعديني عشان نودي أختج المستشفى
ساعدت أميره أمها وودوا أمل
للمستشفى ..


بانتظار ردودكم :eh_s(22):​

 

[banoota-3saal]

تمنيت أشوف تفاعل لكن للاسف
تخيلوا هالبارت منزلته قبل اكثر من اسبوع ومحد رد
على شان جذي بطلب من المشرفه حذف الروايه
يعني مو معقوله فوق الـ 300 مشاهده وولا رد احذف الموضوع احسن :eh_s(11):​

 

[ρeαrℓ]

رد : روايتي الأولـى << الضـائعه >>

كنت اتمنى انج تكملين الروايه
بالنهايه احترم رغبتج في اغلاقها وحذفها
موفقه حبيبتي والى النجاح والتوفيق دائما
تقبلي مروري​

 

[امي الحنونه]

رد : روايتي الأولـى << الضـائعه >>

هلا وغلا مووفقه لا تحذفينها كملي

 

[mss.86oo6a]

رد : روايتي الأولـى << الضـائعه >>

والله القصه عجيبه وحلوه
انا صارلي جم يوم مادش المنتدى لاني لهيت بالكلية والدراسه سامحيني يالغاليه عاد والله حلوه قصتج
نبي نشوفج مره ثانيه اوووكي

 

[banoota-3saal]

مشكورين على الردود

 

[ρeαrℓ]

اشتقت لج بنوته

 

[banoota-3saal]

اشتقت لج بنوته

تشتاق لج العافيه :eh_s(22):

منورهـ ح ـيآآتوو

..~​

 

[صعب الكلام]

نــاطرينج وبالتوووفيـــق.,.

 

[banoota-3saal]

منورهـ ح ـيآآتوو

 

[banoota-3saal]

راح أكمل الرواية لانه في بنات طلبو مني أني أكملها
وان شاء الله أشوف تفاع ـل

 

[banoota-3saal]

الجــزء السادس :


فـي الـمـسـتـشـفـى :
الساعه8:30بليل:
الدكتور: مدام بنتك فيها كلى ونبيلها متبرع بأسرع وقت
الأم: وأنا من وين أجيبلكم متبرع
الدكتور: حالت بنتج خطيره
الأم بخوف: أنا بتبرع يصير
الدكتور: لازم نسوي تحليل
سوة الأم تحليل بس ما تطابقت مع بنتها وسوت أختها وهم ماكو فايده
الدكتور: احنا راح ندور لها متبرع
الأم: بس بسرعه دكتور الله يخليك
الدكتور: بس يبيلها وقت يعني شهر أو أكثر وهذا الوقت يمكن يضرها ويأثر على صحتها و يمكن تموت ..
الأم تبجي: تكفون بسرعه
الدكتور: احنا نتمنى بس ننطر كليه ..
الأم تبجي : أنا أمها ليش مايصير يعني بنتي بتموت ...
الدكتور : إنشاء الله بتعيش إحنا راح نحاول قد مانقدر أنه نعالجها ...
بــالشــركه :
سمر: أستاذ عدنان بجيبلك البريد صارله أسبوع ...
عدنان بملل: جيبي فكيني بس خليني أفتك من الشغل
سمر: على أمرك استاذ ..
عدنان بملل: أوف بعد حنا ناقصين شغل أووف ...
وفجأه يدق تلفونه عدنان بعد هذا منو رقمه ولي
عدنان: ألــــــــــو!!!
أميره تبجي: معاي عدنان
عدنان: هلا والله منو معاي
أميره تمسح دموعها: أنا أميره أخت أمل ..
عدنان: هلا والله شفيج تبجين إنشاءالله خير ..
أميره: أمل ياعدنان أمل
عدنان بخوف : أمل شفيها عسى ماشر ..
أميره: تعال المستشفى بسرعه إهي بحاجتك ..
عدنان: أنزين بس أي مستشفى
قالت أميره حق عدنان اسم المستشفى وراح على طول حق المستشفى يشوف أمل
عدنان: خالتي أمل شفيها قولي تحجي
الأم وإهي تبجي: يدورولها على كليه بس راح يطولون على مايلقون متبرع واهي حالتها خطيره الطبيب قال لا زم تقعد عندهم جم يوم واهم الحين معطينها مهدي يخفف الألم ...
عدنان: أنا مايصير أتبرع لها بكليتي ...
الأم: والله مادري يا عدنان جرب وشوف وأتمنى يصير ...
غــرفة الدكتور :
عدنان : دكتور أنا بتبرع بكليتي حق المريضه أمل
الدكتور: إحنا راح نسوي تحليل أول قبل كل شي
عدنان : راح يطول التحليل
الدكتور إنشاءالله ماراح يطول
بــيت ريهام :
ريهام كان كل يوم يزيد حب أحمد وإعجابه لها وإهي نفس الشعور
وفي يوم دزلها هذا المسج الي إنزعجت منه ريهام ...
"أنا مسافر حق لندن بكمل دراستي وكنت أتمنى إنج تكونين وياي أتمنى من كل قلبي بس هذي الضروف "
وبعدين دزلها مسج ثاني ســألــت مشاعري: منو أعز الناس تحبينها قالت: أكتب رساله وشوف وين الــ"ـقـــ"ـلب يوديها"
دزت له"علام الدار مظلمه... وقلبي ظلام الدار أورثه ظلاما... فكيف أطيعه بعد اليوم صبرا...
وكيف تذوق عيناي المنام ؟؟
قعدت ريهام تبجي لأنها بتفارق أحمد وأحمد بعد حس نفس الشعور لأنه يحبها حيل ومتعلق فيها ...
أما بالنسبه لساره فهذي شي ثاني غلطتها أنها تزوجت خالد كان رجال سكران بس قبل الزواج ماكانت تدري أنه يشرب لأنه كان يحبها حب مو طبيعي
وأهي كانت تحبه وتزوجو ومن تزوجوا وأهم كل يوم هوشات بس خالد لمن تزوج بطل يشرب عشان يرضيها كان يسوي أي شي بس يرضيها بس إهي
راسها يابس وكانت تشك فيه بشكل مو طبيعي كانت كل يوم تزيد المشاكل بينها وبين خالد وكان خالد يحاول ينهي المشاكل بس إهي عنيده وراسها
يابس ماينفع الطيب أهو أول ماتزوجو صح إنه كان يشرب بس تهاوشت معاه مره وبطل يشرب بس للحين أهم مختلفين ...
كان خالد بالشركه وجتله ساره كانت بجانبه السكرتيره وإهي كانت غيوره بشكل مو طبيعي
ساره معصبه: ياسلام أشوف الجو صفالك من وراي السكرتيره ليش أنا مو قلتلك جيب سكرتير ..
خالد: روعه روحي و بعد شوي نكمل الشغل ..
روعه بدلع: حاظر استاذ خالد
ساره بغيره: مشاء الله اسمها روعه بعد والله وعاشت الأسامي
خالد بعصبيه: أنتي ماتقولين لي شفيج ليش تفشليني جدام السكرتيره
ساره بقهر: أنا جيت أصالحك بس الحين لو تموت ما أجيك ولا أراضيك إلا لمن تجيب سكرتير ذيج الساعه أفكر بالموضوع
و راحت ساره على بيتها تبجي
أم عدنان: ساره شفيج
ساره وإهي تمسح دموعها: ماكو شي إلا وين ريان وجاسم
الأم: راحو مع عمر مادري وين رايح فيهم
ساره: أنا باجر بأفتحلي محل يديد وهذي بطاقة الدعوه لأنه راح يكون فيه إحتفال
ساره إعزمت الكل إلا خالد ما إعزمته تبي تحره ..
الدكتور: عدنان أنت يصير تتبرع لأمل بكليتك بس المصيبه أنا هذا راح يسبب خطر على حياتك عدنان: أوكي أنا موافق على العمليه مهما كانت الأسباب
أم أمل: لا مايصير تسويها ننطر لها كليه
عدنان وكأنه بيبجي: هذي أمل إذا ماتت أموت أتبرع وانشاءالله الله بيوفقني.
الدكتور.: العمليه الخميس الجاي لأنه مايصير نصبر أكثر
بس لازم توقع على هذي الورقه ...
عدنان : ليش ؟؟
الدكتور : عشان إذا صار فيك شي لاسمح الله احنا مو مسؤولين ..
عدنان بتردد: أوكي ..
كان عدنان طول الليل يفكر بأمل ويقطع عليه صوت الباب ..
ساره : ممكن أدخل
ماحصلت ساره جواب من عدنان فدخلت ..
ساره : ياعدنان هالأيام زين نحصلك بالصدفه
عدنان: ـــ؟ـ؟ــ؟ــ؟ـ؟ــ ساكت
ساره: شفيك عدنان
عدنان ودمعه تنزل من عينه : يمكن الإسبوع هذا آخر يوم أشوفج لأني بموت
ساره بخوف: اسم الله عليك من الموت ..
وتقرب يمه وتمسج دمعته
انت أخوي و أعرفك عدل أكيد زعلان قول شفيك
عدنان بحزن: أنا بسوي عمليه والعمليه خطيره ويمكن أموت
ساره بخوف :عملية شنو ؟؟
عدنان : كلى ..
ساره : من متى وأنت فيك الكلى ؟ وليش ماعلمتنه ؟
عدنان: من زمان ورجاءا الكلام هذا لاتقولينا لأحد ..
ساره: ليش ما أقوله أنت لقيت أحد يتبرع لك ؟؟
عدنان: أي لقيت ..
(عدنان جذب على أخته عشان ماتقول حق أهله وتصير مشكله)
ساره: وليش ما أقولهم عشان يوقفون معــاك
عدنان: إذا تحبيني لا تقولين حق أحد وحتى أنتي لا تجين المستشفى ..
ساره: إذا ماوقفت معاك أوقف مع منو ..
عدنان : أوعديني ماتعلمين أحد
ساره بتردد : أوعدك
يــوم الأربـعـاء :
هذا كان يوم سفر أحمد راحت ريهام تودعه ..
أحمد بحزن: ريهام ديري بالج على نفسج أنا سنتين إنشاءالله وبجي بس أوعديني تنطريني
ريهام تدمع عينها: أوعدك من كل قلبي أنا راح أنطر هالسنتين على نار ..
أحمد: الحين أسافر وأنا متطمن
سمع أحمد النداآاآاآء الأخير
أحمد: ريهام أنا لازم أروح الحين بــــاي "
ريهام تدمع عينها: بــــاي ..
ويقطع على دموعها وحزنها صوت الموبايل ..
ريهام: ألو!!
ساره: ريهام يله وينج الحين بنفتح المحل ولازم أهلي يكونون يمي ولا شرايج يقولون ماعندي أهل تعرفين كلام الناس تعالي بسرعه وإلا أزعل منج ..
ريهام: كاني بطريج يايه
ساره:أنطرج أوكي باي
ريهام: باي ..
بـــالشركه :
عدنان: خالد أنا بروح إفتتاح محل ساره اليديد ..
(خالد كان يعرف كل أسرار عدنان لأنه صديقه المفضل)
خالد: الي معاك بطاقة الدعوه
عدنان: أي ليش ما أعزمتك
خالد بحزن: لا ما عزمتني خلاص ولا يهمك روح وأنا أخلص الشغل
عدنان: أنت متضايق ..
خالد بقهر: أكيد بتضايق خلاص أنسى الموضوع
عدنان: أوكـي باي
راح عدنان وضل خالد بالمكتب يفكر بساره ويقول معقوله ما تعزمتي الله يسامحها وطلع من المكتب وراح لبيته ..
الكل كان يبارك لساره ..
أسماء رفيجة ساره: عيل وين ريلج ..
ساره منحرجه: عنده شغل مسافر البحرين ..
وكانت ساره كل شوي تطالع الباب ..
أم عدنان: شفيج كل شوي تطالعين الباب تنطرين أحد
ساره ماتدري شتقول: لا يمه ما أنطر أحد ..
راحت ساره قالت حق الموضفه حطي إغنية "سلام العشق"
وكانت حفله حلوه وربحت بأول يوم والله وفقها ..
يوسف: شلونج ساره والله ماتغيرتي ياسبحان الله ..
ساره: آسفه ماعرفتك منو أنت ..
يوسف: أنا يوسف الي كنت معاج بالجامعه تذكرتيني أول ما عرفت إنج بتفتحين محل قلت لازم أييج أبارك لج ..
ساره: مشكور أخ يوسف وسامحني لاني ما عرفتك
يوسف: مسامحج والله ما تغيرتي مثل ما أنتي
خالد ماتحمل إنه يقعد بالبيت فراح للمحل وشاف ساره تضحك مع يوسف إنقهر ..
خالد: قوه ساره
ساره ماردت عليه
يوسف: نعم خير منو أنت
خالد: وأنت شكو أنت آخر واحد تكلم
يوسف: اطلع برى لا أنادي الشرطه عليك إحنا مستانسين أنت جبتلنا التعاسه
خالد وخر يوسف وجر إيد ساره وقالها بصوت خفيف تخليني عشان هذا بس تأكدي إني ماراح أنساج أنا جيت عشان أراضيج بس إنتي كيفج وراح
ساره: خـــــالـــــد تعال
راح خالد ومارد على ساره
ساره: يوسف أنت ليش سويت جذي هذا زوجي
يوسف منصدم: زوجج أنتي متزوجه
ساره: وعندي عيال ورجاءا مره ثانيه إحترم ضيوفي
يوسف: أنا آسف قلت أنج متضايقه منه لأنج مارديتي عليه سارا راحت وتركت يوسف بروحه
يوسف: طلعت متزوجه وأنا دايما حظي جذي
راحت ساره لبيت خالد طقت الباب خالد أوف توني جاي تعبان هذي وقت زياره طبعا يقول بينه وبين نفسه
خالد: منو ؟ ؟ ؟
ساره ساكته ماقدرت تتكلم
فتح خالد الباب : هلا ساره ودار ظهره عنها وراح غرفته لحقته ساره : أنا بكلمك أسمعني أنا طول اليوم ألتف يم الباب أنطرك لأني عرفت أنه
حياتي صعبه بدونك اليوم حصلت نجاح كبير بس الفرحه مراح تكتمل إلا بشوفتك والي معاي هذاك كان
معاي بالجامعه أصلا أنا ما أذكره بس اهو يذكرني وضحكت معاه كضيف من الضيوف ودمعت عين ساره
خالد بحزن: طبعا أنا مو من الضيوف ..
ساره تبجي : أناكنت بعزمك بس ترددت لأنه كنا متزاعلين
خالد: وأنا بعد حياتي صعبه بدونج .. وظم خالد ساره وقال لها خلاص لا تبجين ..
ريهام كالعاده عالنت كانت مدمنة إنترنت فـجأه ..
تلفونها مـســج من رقم خارجي إهو كان من أحمد
يقول فيه" أنا وصلت بالسلامه وهذا رقمي بعد إنحرمت من شوفج ما أنحرم من صوتج .
دزتله ريهام" تسلم لي بعد قلبي أنا مشتاقه لصوتك بس خلها وقت ثاني أوكـــــي
دزلها " أوكي حياتي​

​

 

[banoota-3saal]

​

الجــزء السابـع​

​

أمل توها تصحى من البنج : يمه
منو الي يبي يتبرعلي بالكليه ..
الأم بفرح: هلا بنتي باجر العمليه إنشاءالله عدنان الي بيتبرع لج ..
أمل تفقد الوعي: عدنان و فقدت الوعي ..
الأم بحزن: الله يشفيج يابنتي ..
يــوم العمليه:​

الدكتور: عدنان أنت المفروض ماتسوي العمليه​

..
أهم كانو بالغرفه الي فيها أمل
كانت تسمعهم بس أهم مو شايفينها ..
عدنان معصب: شنو ما أسوي العمليه لا راح أسويها عطيت أهل أمل الأمل بنجاح العمليه والحين ما تسويها لا راح أسويها
الدكتور: بس فيها خطر على حياتك العمليه إنشاءالله راح تنجح بس فيها ضرر لك
عدنان بحزن: أنا حياتي ما تسوى بدون أمل أموت أنا بس اهي تعيش
الدكتور: على كيفك أنا نصحتك وأنت حر العمليه بعد ساعه جهز حالك
عدنان: إنشاءالله ..
الأم: الله يستر إنشاءالله خير إذا ماتت بنتي أنا أموت أجن
أميره: يمه هدي إنشاءالله خير
الأم: شلون أهدي وأختج بين الحياة والموت ..
ساره فكرت أنه اليوم عملية أخوها نست الوعد الي وعدته أنها ما تجي للمستشفى بس ماقالت حق أهلها وراحت للمستشفى أسألت عنه قالتلها الممرضه وين مكان العمليه وراحت لعدنان ..
ساره: سستر وين مكان عدنان
السستر: عند الأنسه الي هناك بس هو بغرفة العمليات اسئليها وأخذي المعلومات منها
ساره ركضت للمره بسرعه
ساره بخوف:أختي لو سمحتي عدنان الي بالعمليات طبعا إذا تعرفين أسمه ..
الأم: أي أهو الي تبرع لبنتي بالكليه ..
ساره منصدمه لأنها مو متوقعه أخوها يسوي جذي: شنو؟
الأم: شفيج أنتي تعرفينه
ماردت ساره على أم أمل
وبسرعه راحت لاهلها وعلمتهم بالموضوع طبعا الكل انصدم بانه عدنان الطايش ممكن انه يسوي هذا الشي
أم عدنان:ساره انتي شدراج ومني هذي الي فرت راس ولدي وخلته يتبرع لبنتها لابارك الله فيها ولا فبنتها
الأبو:لاحول ولا قوة الا بالله انتي ماعندج الا تدعين وبس المفروض تفرحين انه ولدج بسوي عمل خير ليش انتي ماتحبين الا نفسج وبس
الام:ويمكن ولدي يموت
الأبو:ليش يموت والي كاتبه الله بيصير
الام:يعني انت ماهمك ولدك ماهمك الا نفسك وبس
الابو:انا عارف انتي الي ماهمج الا نفسج وبس اقول ساره ودينا المستشفى الي فيها اخوج
ساره:يلا امشوا أوديكم بسيارتي ..
الابو : مشينا بس احذرج يام عدنان اذا اذيتي اهل البنت وفشلتينا جدامهم ياويلج
الام معصبه:اخاف تهددني
الابو:لا حشا بس قصدي انه ولدج اهو الي تبرع لهم
الام:خليني اشوف ولدي بعدين يصير خير ..
​

 

[banoota-3saal]

بالســــــــياره​

الكل يحاتي عدنان
الام تبجي:ياويلي على ولدي
الابو:لاحول ولا قوة الا بالله
كانت الام متسلطه نوعا ما ومتكبره على الناس حيل لدرجه مو طبيعيه الا انه مرات
بوعدنان ينام بره البيت بتسلطها وغرورها أما بالنسبه لبو عدنان كان انسان عادي جدا متواضع مع الناس وكان عمر ولده المقرب اليه كان نفس ابو بالضبط مايتكبر ويحب
الخيرلكل الناس كان متفوق بدراسته وملتزم يصلي ويصوم عكس عدنان تماما الي نفس امه بأطباعه وغروره
بس من يوم ماتعرف على امل غيرت حياته ونظر للحياة نظره ثانيه عكس نظرته القديمه اما بالنسبه لساره
فكانت مثل ابوها بس انها عيبها الوحيد لسانها الطويل الي نفس امها بس قلبها ابيض وصافي ...
وصلوا اهل عدنان للمستشفى..
ســاره:يما هذي ام المريضه
طبعا الام ما اهتمت لكلام بو عدنان وراحت لها بكل فخر
حنان ام عدنان (اسمها مو لايق لشخصيتها كلش)السلام وعليكم انا ام عدنان ما تعرفنا
ام امل وعلامات استفهام لانه عدنان قالها انه مراح يقول لامه عن العمليه :هلا انا مريم ام امل المريضه ونشكر عدنان الي ماقصر تبرعلها بالكليه
حنان وعلامات القهر مبينه عليها:ان صار بولدي شي ذبحج على ايدي
مريم ماردت عليها وهذا زاد قهر حنان مرت ساعات على العمليه وبعدها ماخلصت طبعا الكل عارف هالنوعيه من العمليات تاخذ وقت الكل على اعصابه ومر الوقت صار ست ساعات على العمليه
ام عدنان :اذا صار لولدي شي ياويل الي كان السبب وكانت ساره تحاول تهديها
وبعد شوي ..
الدكتور :ياجماعا انا مادري شقولكم بس هذي الحقييقه عدنان
دخل بغيبوبه اما امل ففي احسن حال انا حاولت اقنع عدنان انه مايسوي العمليه بس اهو ماطاع وقع على الموافقه بس انشاالله في امل انه يصحى منها
حنان بقهر : انا قلبي مو مرتاح قلت انه راح يصير شي بس محد طاعني آه ياولدي اذا مت انا اموت وراك
الابو: لاحول ولا قوة الا بالله بعد عمر طويل خلاص
الام تبجي لانه عدنان الوحيد الي فاهمها وكانت تحبه كثير كان غير عن اخوانه عندها كانت ترتاحله غير عن اخوه الي كانت ماترتاح لشخصيته كان كله ينصحها واهي ما تحب احد ينصحها المهم
غرفة أمل :
أمل توها تصحى من البنج
مريم ام امل :الحمدلله على السلامه حبيبتي
امل بتعب :عدنان عدنان شلونه يمه تكفين قولي الصج
الام:صار بغيبوبه بس مو خطيره
امل:كله مني انا السبب انا السبب
اميره:امل لاتقولين هالكلام انتي مالج ذنب اهو الي يبي لانه مايقدر يعيش بدونج واحنا بعد
امل:مثل مااهو مايقدر يعيش بدوني انا بعد مااقدر اعيش بدونه
أميره بنظرة تعاطف مع اختها لانها مقدره حبها له وحبه لها:انشاالله بيشفه ويطلع و تتزوجون ..
أما بنسبه لاهل عدنان فكانو ينطرون على احر من الجمر
أم عدنان: حسبي الله عليها من مره الي قطت ولدي بالمستشفى وبنتها برت ومافيها شي وولدي للحين بغيبوبه ..
أبو عدنان: أنا بفهم المره شسوت لج ..
الأم : قصت على ولدي لين ما خلته يتبرع لبنتها بكليته
ساره: يمه الأم مالها شغل عدنان يحب البنيه وتبرع لها بكليته
الأم: حبتها القراده أقول بس خلينه ننطره لين مايصحه ونسأله
غرفة أمل :
أمل: يمه أنا لازم أشوف عدنان
أم أمل: أنتي للحين مريضه لمن تصحين يصير خير
أمل متضايقه: يمى الله يوفقج
الأم : خلاص أمري لله
أمل: مشكوره يا أحلى أم بالدنيا
الدكتور: لا يا أمل صحتج ما تسمح أمج مو الدكتور عشان تسمح لج أو لا
امل: دكتور الله يخليك
الدكتور: إنشاءالله الله بيخليني
أمل والحزن مبين عليها: أنا تعبانه مراح أطول عليه
الدكتور: مره ثانيه لمن تسمح حالتج أنا أوديج بنفسي
أمل : صدقني لو أشوف عدنان أرتاح ..
الدكتور: خلاص أوكي أمري لله
أمل فرحانه : مشكور يادكتور الله يخليك ويوفقك بالدنيا والآخره
الدكتور يضحك: هذي دعاوي الوالده هههههههههههههههههههه
أمل:هههههههههههههههههههه
وراحت أمل تشوف عدنان شافت وضعه شافت حالته بجت كلمته بس أهو كان بدنيا ثانيه
بــعـ مـرور شـهـر ـــد
أمل تطالع صور عدنان وأهي تبجي تقول حق أمها ياترى متى بيصحه وطبعا الأم تهدي بنتها بأعذار تافهه بس عشان تهدى
وعلى فكره أمل طلعت من المستشفى وراحت لبيتهم بس عدنان كانت حالته سيئه لدرجه شديده ..
الـمستشفى :
الدكتور: الحمدالله حالت عدنان أستقرت بس لحد الحين ما صحى من الغيبوبه ...
أم عدنان تبجي: ومتى بيصحى صارلنا شهر كل يوم نجي للمستشفى حتى راحه ما أرتحنا وأنت تقولنا إنشاء الله خير
حسبي الله ونعم الوكيل فيج يا أمل جانج خربتي حياتنا وضيعتينا اذا مات عدنان إحسابج عندي هين يا أمل ..
الأبو : دكتور نقدر نشوفه
الدكتور: أي تقدرو بس واحد واحد ما نبيكم تزعجونه رجاءا والا ترجع حالته مثل الأول
وفجأه أمل تجي : دكتور شلون عدنان؟؟؟
الدكتور: تحسنة حالته والحمد الله
أمل: نقدر نشوفه
أم عدنان: لا مايصير أنتي بتموتين ولدي
أمل: خالتي أنا بس حبيت أتطمن عليه
ام عدنان معصبه: أنتي بتطلعيني من طوري يا أمل ياالله روحي بيتكم ..
الدكتور: معليش أم عدنان بس أنا سمعت ولدج أمس يقول أمل أمل الظاهر إهي إهي الحين خليها تكلمه يمكن يصحى من الغيبوبه
أم عدنان: يصحى عشانها وإحنا لا مستحيل أهو ما يعرفها
أمل: خالتي أحنا نعرف بعض و إذا تبين مصلحة ولدج خليني أدخل يمكن إذا كلمته يصحى
الأبو: خلاص يابنتي دشي
الأم بقهر: لحظه أنت شنو تدش مو بكيفها
الأبو: حنان ترى المستشفى مو
مستشفى أبوج
حنان بحقد: بس الولد ولدي وانا ما أبيها تشوفه
ساره: يمه يبه عيب خلووا أهواشكم بالبيت الحين هدوء
الأم: أنتي مالج شغل فاهمه
الدكتور أخذ أمل ودخله لمن مل من الأم والأبو
الأم: شفت الدكتور الحمار دخلها وإحنا لحد الحين ماسمحنالها
الاب: أكرمينا بسكوتج لو سمحتي
ساره: الظاهر القعده معاكم ممله أنا بروح للبيت والعصر لمن يجي خالد بجي معاه
الأم: أتصلي على عمر وينه فيه مازار أخوه إلا مرتين دقي عليه خليه يجي
أمل : عدنان قوم أصحى تمسك بالحياه خليك قوي وأنا واثقه أنك بتقوم وبترجع مثل أول عدنان فرحنا خلينا نفرح فيك
عدنان الله يخليك لا تتركني الكل حاط اللوم علي قوم تكفى قوم لاتتركني أنا من دونك أموت
أنا آسفه إذا زعلتك بيوم أو ضايقتك أنت ماتستاهل هذا كله وآنا أوعدك أول ماتصحه راح أتزوجك لأنه مالي غيرك بالدنيا ..​

بعد مرور شهرين :
طبعا زيارات أهل عدنان خفت بس أمل ما يأست ظلت كل يوم تزوره وتكلمة عشان يصحه وفي يوم من الأيام كالعاده أمل تزور عدنان بس
الغريب أنها ما لقت عدنان بالعنايه المركزه صار قلبها يطق من الخوف عليه
الدكتور: أهلين أمل انتي شتسوين اهني
أمل خايفه: عدنان وينه
الدكتور : هههههه وشفيج خايفه عدنان بخير وصحه من الغيبوبه وأهو من مساع يسأل عنج حتى أهله ما سأل عنهم
وصل الدكتور أمل لغرفة عدنان
أمل تدمع عينها: عدنان أنت بخير الحمدالله ولهت عليك حسيت أنه حياتي بدونك ما تسوى شي أنت الأساس أنت أنت ياعدنان أنا أموت عليك
عدنان بتعب: جم يوم صارلي بالغيبوبه أحس جنه صارلي عشر سنين
أمل: لو عشر سنين جان أنا أموت بدونك لا صارلك ثلاث أشهر بغيبوبه
ومرت الساعات وأسعد لحظات أمل وعدنان نسوا الوقت وأهم قاعدين ويه بعض ..
عدنان: أهلي يدرون اني صحيت من الغيبوبه
امل :لا بس اعتقد انه الدكتور علمهم مادري خليني اروح قبل لا تجي امك تسويلي سالفه
عدنان:الله معاج بس والله ماشبعت منج
امل :بروح بعدين تمل مني
عدنان:امل من روحي ولاامل منج
أمل:اهلك يأسو بس انا لا كان عندي امل
عدنان :اسم على مسمه
أمل:ترى طولت امي تحاتيني بااااااااااااي
عدنان:بااااااااااااي
الام :امل جان نمتي عند عدنان
أمل فرحانه: يمى عدنان صحى من الغيبوبه
الام: الله يبشرج بالخير يابنيتي
أمل:شرايج تزورينه
الام:لا والله مالي خلق لسان امه
أمل:اي والله نسره
الام:اهي شنو اسمها
امل:اخاف اقولج اسمها تضحكين اسمها مو لا يق كلش أسمها حنان
الأم:ههههههههههههههههههه اي والله على قولتج يابنتي
أمل:يمه متى بس يطلع عدنان ونتزوج راح اكون اسعد وحده بالدنيا
الام:ويمكن النسره ماتوافق
أمل:يمه لا تقولين جذي انشاء الله بتوافق
الام:أمل انتي مو قبل العمليه كنتي زعلانه من عدنان الحين اشوف طاح الحطب
امل:لاني عرفت انه عدنان مايقدر يعيش بدوني والسبب انه تبرع لي بكلته وكانت العمليه
خطيره عليه بس اهو وافق لانه يحبني ومايقدر يعيش بدوني لو مهمى صار واهو ترك كل سوالفه من عرفني وانا ضلمته حيل
الام:خلاص المهم انه سامحج وانشاءالله نفرح فيكم قريب
امل: انشاالله الله يسمع منج يارب

 

[banoota-3saal]

اهل عدنان كانو زايرينه​

الام تبجي: عدنان يمه انت شلونك انشا الله صرت احسن​

​

​

​

عدنان:يمه ماله داعي البجي انا بخير والحمدالله
الام:هذي دموع الفرح وانا من الفرح قاعده ابجي والحمدالله على سلامتك
عدنان:يمه انا زعلان منج
الام واهي تمسح دموعها:عسى ماشر يا ولدي وليش الزعل
عدنان:انا توقعت اني اول ما اصحى اشوفج بس ليش مو كل يوم تزوريني
الابو:يا عدنان لاتظلم امك اهي كل يوم تبجي عليك وبعدين انت تدري شكثر صارلك وانت بغيبوبه ثلاث اشهر واحنا كل ثلاث ايام بالاسبوع نزورك
عدنان:كنت اتغشمر معاها والله يسلمكم كفيتوا ووفيتوا ساره وين خالد ماشوفه ولا عمر وينهم ولا انا ما اهمهم
ساره:خالد بالشركه وانت تدري انت الحين مو موجود والشغل زاد عليه مايجي الا نص الليل اما عمر من اول ماطحت ماجالك الا مرتين والله يستر شفيه شكله يبيك تموت
عدنان:افااااه ليش شسويتله
الابو:ماعليك منها تغشمر معاك بس أهو مشغول بالإمتحانات
أما بالنسبه لريهام وأحمد أنقطعت أخباره كانت ريهام تدق عليه بس أهو مايرد
كانت ريهام كالعاده قاعده بالنت فجأه صوت المسج طوط طوط يقول المسج
"خذتني الأيام عنك ورديت
وجيتك بعذري وحبي وشوقي
عاتبت نفسي حيل يوم إني أبطيت
وأحرقت من كثر الحسايف خفوقي
أبيك تدري إني عنك ما تخليت
لا كن يعلم الله مشغلتني ظروفي"
كان من أحمد فرحت ريهام بالمسج ودزتله"
"اناديك...ويبقى للحكي في داخلي ميعاد....ولادري ليه لاضقت بزماني قمت اناديك؟
..."احبك"..ليه اكررها؟ وليه بداخلي تنعاد؟...ولو اصرخ في هــــــــــــــــــواك... مليون "احبك" ماتوفيك.........."
قام دزلها" "لاتحسب اني اذا ابطيت ناسيك....
ماينسى عشرة صاحبه غير الانذال.....حدتني ظروفي على البعد لاجيك....هم بوسط القلب والدمع همال....والا انت ياكل الغلا افتخر فيك.....وحبك سكن داخل فؤادي ولازال"
دزتله ريهام " وينك كل هالمده هذي خوفتني عليك "
دزلها" والله كنت مشغول بالإمتحانات والحمدالله نجحت وبجي الإسبوع الياي"
ريهام" أنت مو تقول سنتين
أحمد" شنو ما تبيني
ريهام" شدعوه أكيد أبيك
أحمد" بجي أسبوع الإجازه و برجع"
ريهام" وليه يعني فيه رجعه
أحمد" أنا خلصت سنه وباجيلي سنه الحمدالله السنه بسرعه مرت وإنشاءالله السنه اليايه أسرع ""
ريهام" إنشاءالله تري رصيدي خلص بس هذي آخر رساله باي
أحمد" باي حياتي أشوفج على خير وصحه وعافيه يارب"
عدنان طلع من المستشفى لين البيت "
الأم: تبي أكل
عدنان: لا مابي إلا سلامتج
الام: عدنان جنك ودك تقول شي قول شتبي
عدنان: أبي أتزوج
الام: هذي الساعه المباركه بس منو تبي في وحده بالبال
الابو: بدون حجي بياخذ بنت عمه ريهام
عدنان: يبه مابيها ليش تقصبوني عليها ما أحبها غصب
الابو: دامك ماتبي ريهام بنت عمك قولي منو تبي
عدنان بتردد: أمل الي شفتوها بالمستسفى ومابي غيرها
الأم: لا ومليون لا مابقى إلا هذي تاخذها من تكون إهي عشان تاخذها
عدنان: أحبها وإذا تبون مصلحتي وافقوا ترى أنا مريض وصحتي ماتتحمل أتكلم زياده ولا ترى مراح أتزوج غيرها لو مهمى صار أنا أبيها
ساره ببرود: خلاص أخذها
الأم معصبه: شنو ياخذها الدنيا مو فوضه إهي تبي عشان فلوسه والحب الي تتكلم عنه أنتهى لأنه بزمانه هذا مافي حب صادق أخذ بنت عمك أحسن لك اليوم بخطبها من أمها رضيت ولا ما رضيت كيفك
راح عدنان غرفته يفكر بحل
عشان يتخلص من ريهام دق عليها"
ريهام: ألو
عدنان: هلا والله
ريهام معصبه: شتبي ترى ماني فاضيه لك خلصني
عدنان : قولي الحمدالله على السلامه شي مو على طول جنج تبين الفكه
ريهام بإحراج: سوري الحمدالله على السلامه ..
عدنان: أمي اليوم بتكلم أمج
ريهام: بتكلم أمي وأنا شكو بعدين أهم مو أول مره يتكلمون
عدنان: عني لأنها بتخطبج لي
ريهام وكأنه الدنيا تدور جدامها ومهي قادره تتكلم: هـ..هـ..هاا
عدنان: الي سامعته
ريهام تبجي: مابيك غصب ليش تخطبني ما أحبك
عدنان: وأنا داق عليج عشان هالموضوع أنا ما بيج وأنتي ما تبيني أنتي لا توافقين أوكي
ريهام: ومنو قالك أني راح أوافق
عدنان: أوكي باااااااي
ريهام: باي
خافت ريهام أنه أهلها يغصبونها عليه بس ضلت متماسكه برايها
أم ريهام: ريهام عندي لج خبر بمليون دينار
ريهام معصبه : وشنو بعد
ام ريهام: شفيج معصبه
ريهام معصبه: شوفوا لو مابقى رجال في العالم إلا عدنان هم مابيه
الأم: شدراج أني بكلمج عنه
ريهام: أدري ولاتحاولين تقنعيني
الأم معصبه وقاعده تصرخ: مو بكيفج بتاخذينه غصبن عليج
ريهام: أنتوا ليش بتظلمونه ليش أهو مايبيني وأهله غاصبينه علي وأنا ما بيه وأنتو غاصبيني عليه أنا ماأبيه أموت إذا خذيته
الأم: هذا آخر كلام عندج شوفي عدنان بتاخذينا غصبن عليج رضيتي ولا طقي راسج بالطوفه فاهمه
قعدت تبجي ريهام ودقت على عدنان وقالتله الي صار
أم ريهام: تصدق يابو ريهام أنه عدنان مايبي بنتك و أهي ما تبيه بس لازم تتزوجه أنت شايف حلالهم أحنا صج أغنيه بس مو مثلهم ...
أبو ريهام: دام البنيه ماتبيه خلاص ماراح نقصبها
أم ريهام: ليش أنت جنيت
أبو ريهام: أنا قلت إذا البنيه ماتبي أنا ماني غاصبها وأنتي تعرفين السبب ..
أم ريهام عصبت وراحت لبنتها تحاول تقنعها بس ماكو فايده
ريهام أستانست أنه أبوها معاها ومراح يوافق عليه
أبو ريهام: والله يابوا عدنان البنت مو موافقه وأنا ماني غاصبها على شي أهي ماتبي
أبوعدنان: زين جت منها لأنه عدنان مايبيها والله الظاهر فيهم شي ..
فرح عدنان لمن سمع الخبر واستانس وريهام بعد أستانست
عدنان حاول يقنع أمه على أمل بس أمه معنده ماتبيها بس بعد محاولات منه ومن أخته وحتى أبوه كان موافق وكان يحاول يقنعها بالبنت وطبعا بعد المحاولات وافقت أم عدنان وحددت معاهم موعد​

[font=arial (arabic)][font=arial (arabic)]

​

[/font][/font]