رواية رماني حظي العاثر عليه قلت ما أبيه و أتاريني ميته فيه / بقلمي

[mantoosha]

حبيبتي مايصير جذي وايد طولتي ع الاقل بلغينا إذا منتي مكلمة الرواية عشان ماننطر ع الفاضي
عذرج معاج بس بليز قوليلنا شي طولتييييييي حيييييييييييييل !

 

[mantoosha]

بنات حبايبي إلي ناطرين الرواية حالهم من حالي ملوو من النطرة انا بحثت بالنت ولقيت الرواية كاملة بمنتدى ثاني بس سجلي فيه وقرآءة ممتعه :eh_s(8):

 

[mantoosha]

http://forums.graaam.com/358264.html

هذا الرابط :eh_s(7):

 

[admant_7abk]

السلاام عليكم
سووووري بنات جد سوري
كنت مسافره واليوم رجعت
حاولت ادخل بس ماقدرت
سمحولي بناات والله مفتشله منكم

 

[admant_7abk]

http://forums.graaam.com/358264.html

هذا الرابط :eh_s(7):

حبيبتي تبين تقرينها انتي اوكي براحتج
بس محد طلب منج تحطين الرابط
انا قاعده انزلها الحين
وتاخرت مو مني غصب عني
:d

 

[admant_7abk]

يعطيكم العافيه ع السؤال
و سوري اقين ع التاخيير
=)

 

[admant_7abk]

قراءة ممتعة للجميع








~ البارت الثالث عشـر ~










.. في المستشفى .. كان واقف ينتظر وهو متوتر .. شوي إلاا الدكتور طالع من الغرفة .. راح له بسرعة .. أحمد: طمني ؟؟
الدكتور بتسائل: شنو تقرب للمريضة
أحمد: زوجها
الدكتور: مبروك المدام حامل
حس إن المكان ما عاد فيه أكسجين .. وأريوله ما عادت تقوى تشيله .. ومخه مو قادر يترجم كلمة "حامـل" .. أحمد بنفسه "حامــل ..!! شلون .. ومنو أبوه .. معقولــه طلع كلاامــي في محله .. مستحيـــــل مو قادر أصدق ..!!
حس ان الدنيا ضاقت فيه .. والصدمة مسيطرة عليه كلياً لدرجه عجز عن الرمش حتى ..!!



.. في بيت أبو جاسم .. كانوا جاهزين بس ينتظرون ست الحسن والدلال البرنسيسة .. منى بملل: أووف ما صارت هذي تجهز روحها ولاا المشكله تهدد وتقول لكم نص ساعة بس تكونون جاهزين ما أبي اتأخر وهي حظرتها للحين ما طلعت من غرفتها
قاعد على الكنبة وحاط ريل على ريل ويطقطق في تلفونه .. جاسم: اساساً أشك إن احنى رايحين السينما .. والله كأن بنروح عرس أو حفله
.. نزلت وهي تبتسم .. نهى: أقول بس كم تحلطم علي .. يلاا خل نمشي
منى : واخيراً يا البرنسيسة
نهى بدلع: إي .. (وتقلد حليمة) .. قصبـ(ن) عنج برنسيسة أبيه لاا لاا بسرعة لاا نتأخر
جاسم بقهر: يا كرهي لـ هالدلع الماصخ
منى: هههههههه والله صدقت هههههههه
جاسم بطناز: الله يعين سامي بس على هالدلع بيرتفع عنده الضغط هههههههه
.. ابد ما أعترت لكلاامهم أي أهمية ولاا كأنهم يتكلمون عنها ويتمصخرون .. لأنها واثقة من نفسها ومحد قدر يهز ثقتها لو مهما سوى ..
طلعوا من البيت وركبوا مع جاسم وراحوا لـ مجمع الدانة علشان هناك أقل زحمة ..



.. في المستشفى .. فتح باب الغرفة ويده ترتجف من الربكة .. و ويهه شاحب من الخبر إلي كان الطامة الكبرى .. وأول ما دخل طاحت عيونه عليها .. كانت نايمة بهدوء والمغذي موصول ليدها .. قرب وهو يقدم خطوة ويأخر الثانية .. وكل ما قرب يزيد القهر في قلبه والحقد والاستحقار بدا يفيض عنده وما وعى على نفسه إلاا وهو يضرب فيها من دون أي رحمة أو حتى شفقة .. حتى صرخاتها وتوسلااتها ما جابت نتيجه معاه .. سكب كل غيضه وحقده وكرهه فيها ما خلى لها عظم صاحي .. كان يضرب فيها بقسوة .. يشيلها ويحذفها على الجدران بكل قوة وبشكل مستمر .. الممرضات كانوا عاجزين انهم يبعدونه بسبب قوة جسمه الرياضي وضخامته .. وضحى ببكاء وألم يقطع القلب: آآآآه حرام عليك آآآه
أحمد بعصبية وهو يرفس فيها: حرمة عليج عيشتج .. يا إلي ما تستحين .. ليش إنتي تعرفين الحرام يا بنت الشوارع يا قليلة الأدب .. حاامل يا الواطية حاامل (وصار يضرب فيها بأقوى ما عنده) ..
إلاا بدخول السكيورتين سحبوا وبقوة وبعد عناء طويل قدروا يطلعونه من الغرفة ويفكون شره عن وضحى إلي من كثر الضرب تهاوت على الأرض وغمى عليها وما عادت حاسة بأي شي ..



.. في بيت أبو سلمى .. قاعد في مكتبه وفي يده التلفون متردد يدق عليه أو لاا .. غمض عيونه وتنهد .. وعلى طول ضغط على زر الاتصال .. انتظر فترة لي بدا يرن لأن المكالمة دولية .. وشوي وصل له صوته من الطرف الثاني ..
طلال: آلوو
أبو سلمى: آآلوو .. السلاام عليكم
طلال: وعليكم السلاام ورحمة يا هلاا بـ عمي
أبو سلمى: يا هلاا فيك .. شخبارك شعلومك ؟؟
طلال: والله الحمد الله بخير .. أنت شخبارك ؟؟
أبو سلمى وهو يتنهد: الحمد الله
طلال: أفاا والله إلي اسمعه من صوتك واصح العكس . عسى ما شر يا عمي؟؟
أبو سلمى: ما شر يا ولدي .. بس ريما
قاطعه بخوف .. طلال: شفيهاا ..؟؟ .. توني مكلمها ما فيها .....
قاطعه يهدي من روعته ..أبو سلمى: لاا لاا أنت فاهم غلط .. ريما ما فيها إلاا كل الخير .. بس أنا حاب أكلمك بـ موضوع يخصها وأنت الوحيد إلي ممكن يحل الموضوع
طلال بإهتمام: خير يا عمي أسمعك
أبو سلمى: قبل لاا أدخل بالموضوع حاب تعرف وجهة نظري .. أنا مو راضي إنها تدرس برا .. وخصوصاً وأبوك موجود معاها في نفس المنطقة .. سوري بس خلني أكون معاك صريح .. ريما للحين ما شفت .. والحالة رجعت لها وأنا كلمت دكتورها النفسي .. وتبين إن الحاله عندها تطورت حبتين .. لأن ما عندها شي يملي الفراغ إلي فيها .. والحادثة تتكرر باستمرار بسبب عدم وجود شي يمحيه .. وأكد لي الدكتور إن الحبوب ما راح تأثر فيها لأن هي لفترة معينة ويكون الجسم تعود عليها .. ومن يومين تقريباً تقدم لها ريال أخلااق يخاف ربه واهله لهم وزنهم بالسوق والاحسن من جذي إن يدرس برا في لندن .. يعني راح يكون بالي مرتاح ومريح على الآخر إن في أحد معاها يشغلها بـ حياته وخصوصياته .. وأكيد راح تلتهي وتنسى وفي نفس الوقت أتطمن وهي بالغربة معاها من يسندها .. لاا تزعل مني يا طلال بس أنت مهما كنت أخوها وأدري إنك ما راح تتركها في الغربة .. بس في نفس الوقت أنت بعيد عنها ومع أبوك
كان يسمع بصمت مو حاب إن يتكلم ويقطع الحديث .. طلال:...........................
أبو سلمى: طلال آآلوو أنت معاي..؟؟
طلال: إي يا عمي معاك وأسمعك .. بس ما حبيت أقاطعك ..
أبو سلمى: طيب شنو رايك بإلي قلته
طلال: بالموضوع الاول صدمتني بصراحه لأني أبد ما توقعت إن الحالة رجعت لها .. مع العلم إني لااحظت عليها إنها ما زالت متمسكة في الماضي بحذافيره .. أما بخصوص خطوبتها أنا ما عندي مانع وأنا واثق فيك يا عمي إنك تبي لها الأفضل وأكيد ما راح تعطيها إلا إلي يستاهلها
أبو سلمى: المشكله هني هي مو راضية تقتنع .. وشكلها مو ناوية أبد .. علشان جذي ودي منك تقنعها لأنك الأقرب لها ولااحظت إن كلاامك يقنعها بسرعه
طلال: إن شاء الله يا عمي ما يصير خاطرك إلاا طيب .. و وعد مني إني أحاول فيها لين أقنعها



.. في مجمع الدانة .. منى : حدي يــوعــانــه يا ناااس يا عاالم
ضربتها على كتفها بخفه .. نهى: ويعه إلي يجوفج يقول هذي بنت فقر ما عندها شي تاكله ولاا كأنه 24 ساعه قاعده عند الثلااجة تاكلين ..
جاسم بضحكة: هههه إنزين يلاا خل نتعشى بسرعة لأن الحين جوفوا الساعة كم 7 وربع .. وبعد نص ساعة يبتدي الفلم ..
نهى في نفسها "أبيه تأخر الوقت ولاا حسيت وأنا واعده سامي أرجع 7 .. أمم بس هو شدراه إذا اتصل ما برد وبقول له رجعت تعبانه ونمت والتلفون سايلنت" .. ابتسمت على فكرتها وعلى طول حوالت تلفونها من عام إلى صامت تحسباً من إن يدق وتنسى



.. في المستشفى .. كانوا واقفين معاه ضابط والدكتور إلي يشرف على حالتها.. وماسكينه تحقيق سين وجيم .. يبون يعرفون سبب الضرب .. وما رضوا يتركونه .. لين ما مل وطفش من التحقيق وقال لهم عن السبب .. الدكتور بصدمة: من آلك إن المدام دي حامل ..!! دي معاها إنهيار عصبي .. وأنت بعملتك السوده دي زت من حالتها سوء أكثر
حس راسه يدور .. مو قادر يستوعب شي خلاااص مخه أفتر بالأول يقولون حامل وبعدها يقولون مب حامل .. حس إن ما عاد يلقط شي .. أحمد بفهاوة: مب حامــل..!!
الدكتور بغيض وعصبية: لااا مش حامل .. مين ألك الكلاام ده ولاا أنت بزات نفسك أكتشفت ..؟؟


أحمد وهو يبلع ريجه كذا مرة: بس الدكتور قال لي مبروك المدام حامل ..!!
الدكتور: لااا شكل الموضوع صار في لخبطة يعني هو يحسبك إنك أريب لمريضة تانية .. لأنو في نفس الوقت إلي أنت قيت قت كمان بنت مغمى عليها وكانت في نفس الغرفة وما يفصل عنهم غير ستارة بس وبعد الفحص طلعت البنت وبأت المدام بس
.. حط يده على راسه وهو مو مصدق إلي يصير أحمد في نفسه "أنا شـ سويت في وضحى مو كفاية حرضت أبوي وأمي وأمها عليها وطيحتها من عيونهم وشوهت سمعتها .. ييت وكملت عليها .. يا ربي شـ سويت أنا في هـ المسكينه"




نهاية البارت

توقعاتكمـ...؟؟؟


تحياتي للجميع


مفتون قلبي


~~

 

[admant_7abk]

قراءة ممتعــة





~ تكملة البارت الثالث عشــر ~





.. في مجمع الدانة .. جاسم وهو فيه ضحكه: هههههههههه توبة نوبة أدخل معاكم مرة ثانية فلم هندي ههههههههه
منى وهي تمسح دموعها من الضحك: هههههه والله مو بيدنا .. بس نهى تحفة ههههههههه كل إلي قاعدين عرفوا إنها تصيح
جاسم وهو شوي ويتسدح من الضحك: ههههههههههههههههههههههه
مدت بوزها وخشمها أحمر وعيونها واضح عليها الصياح .. نهى: سخافة ما يضحك هاهاها
جاسم : ههههههه .. طيب سوري
نهى: أنا بروح الحمام (انتوا والكرامه) بضبط كحلي السايح
جاسم بابتسامه: أوك
.. دخلت الحمام هي ومنى وظل جاسم واقف ينتظرهم .. شوي إلاا تلفونه يرن ..

Seems like it was yesterday
When I saw your face
You told me how proud you were,
But I walked away
If only I knew what I know today
Ooh, ooh

طلع تلفونه من جيب الجاكيت جاف المتصل "النسيب" .. ابتسم وهو يرد .. جاسم: هلاا والله بالنسيب
سامي: هلاا فيك زود .. أخبارك
جاسم: الحمد الله نسأل عنك
سامي: سألت عنك الصحة والعافية .. شـ الازعاج إلي عندك
جاسم: إي أنا في مجمع الدانة
سامي: أهاا مع ربعك؟؟
جاسم بضحكة: لاا شكلي عطيتك ويه بزيادة هههه
سامي: ههههه مالت عليك كنت أبي أعرف علشان أيي لك لأني حدي طفشان
ابتسم جاسم: طيب حياك مافي أحد غريب
سامي: أممم أوك 10 دقايق بالكثير بكون عندك
جاسم: طيب أول ما توصل دق علي
سامي: صار يلااا سلااام
جاسم: سلاام
.. سكر منه وهو يبتسم شوي إلاا منى واقفه يمه .. جاسم: وين أختج؟؟
منى : للحين ما خلصت

.. كانت واقفه عند المنظره تطالع شكلها .. نهى: أممم إي جذي حلو بس خل أزيد المسكرا
طلعت الماسكرا وبدت تحط وبعدها حطت الكلوس الأحمر .. أبتسمت ولمت أغراضها في الشنطة وعدلت شيلتها مضبوط .. وتوها بتطلع إلاا تحس بـ تلفونها يصيح .. وكان هزاز .. طلعته وجافت المتصل "سامي" .. ظلت تطالع بالاسم وهي مو عارفة شـ تسوي .. لين انقطع .. وشوي ورجع مرة ثانية يدق وكأنه يلح عليها وشوي انرسمت ابتسامة خبث على شفايفها وصارت تتلفت حولها جافت المكان فاضي وهادئ .. وردت .. نهى وهي تمثل إنها نايمة: ..آآلوو
سامي: آلووو شفيج نايمة؟؟
نهى: هممم
سامي: غريبة مو من عادتج .. متى رجعتي
نهى: همممم
سامي بضحكة: لاا شكلج أبد مو مستوعبة شاقول أخليج عيل


نهى وهي بالعه الضحكة بالعافية: همممم
سامي: ههههههه طيب سلاام
نهى: ههممم
سلمي: ههههههههههههه
.. سكر وهي بعدت التلفون عن أذنها وصوت ضحكتها مالية المكان .. نهى: ههههههههههههههههههههههههه غبي
.. طلعت وهي راسمة ابتسامه على شفايفها .. نهى: يلاا
جاسم: واخيراً .. يلاا خل نروح للكوستا نشرب لنا شي
نهى وهي رافعه حاجب:ليش ما بنروح البيت ؟؟
جاسم: لاا تو الناس .. و سـ... (وسكت)
نهى: شفيك سكت ؟؟
منى وهي تبتسم: شكله خق على البنات إلي وراج
لفت وهي تطالع وين ما يطالع وجافت بنتين واقفين يسولفون .. نهى: ههههههه ما توقعتك معازلجي وعينك زايغة
انحرج من خواته .. جاسم: أحم أحم .. طيب يلاا



.. في بيت أبو أحمد .. دخل راجع من المستشفى وهو واضح عليه التعب و الهم .. جاف أبوه قاعد في الصالة .. أحمد: السلاام
أبو أحمد: وعليكم السلاام
.. على طول مشى يبي يرقى فوق بس صوت أبوه وقفه .. أبو أحمد: تعال يا أحمد بغيتك في موضوع
تنهد بتعب .. أحمد: يبا ما تقدر تأجل الكلاام والله حدي تعبان وما فيني أبي أرتاح
أبو أحمد بعد فكير: لاا ما أقدر أأجل لأن الوقت مو لـ صالحنا
أحمد بخوف: طيب
راح وقعد يم أبوه وهو يترقب وقلبه يدق بقوه ..أبو أحمد: بعد عملت وضحى ..(وسكت)..
تهللت ملاامح ويهه وبدا الفرح يدب في نفسه ونسى كل الهم .. لأن أكبر همـه هو زواجه .. وفي نفسه "آآه واخيــراً راح أكون حر ..أكيد أبوي ما يشرفه آخذ وحده مثل وضحى وراح يطلب مني أطلقها" ..
.. صحاه من أفكاره صوت أبو أحمد : يا ولدي يا أحمد أنا أدري إني ظلمتك في زواجك من وضحى بس أنا كنت مغشوش فيها ما توقعت إن توصل فيها المواصيل إنها تستغفلنا وتاخذنا على قد عقلنا .. أنا كنت واثق فيها ويمكن هـ الشي هو إلي خلااني ما أعرف بـ سواياها .. بس الحين فات الفوت وما يسمع الصوت .. وعلشان لاا نصير فضيحه ولاا يكبر الموضوع .. راح أقرب زواجكم بعد أسبوع مافي حفله بس عشى رجال وبعدها تسافر علشان نسكر أفواه الناس .. ومني لك وعد ما راح أتدخل بحياتك أبد .. وأعطيك الضوء الأخضر في تعاملك مع وضحى وإن شاء الله بيدك وبطريقتك معاها تتعدل .. لأن تربيتي ما يابت نتيجة معاها ..أو إني ما عرفت أربي
أحمد بقهر مكبوت: لاا حاشاك يبا إنت ربيت وغديتني ريال وسندك .. وإذا على وضحى فهذا طيش لاا أكثر وصدقني راح تتعدل وراح أخليها تمشي على الصراط المستقيم
.. قال هـ الكلاام وهو مقهور من نفسه ومن فعلته وظلمه لها .. والأكبر من جذي لاا مفر من زواجه منها .. بعد كل إلي سواه



تابع

 

[admant_7abk]

.. بعد أسبوع ..


.. في بيت أبو أحمد .. لاامه نفسها وتصيح على حظها العاثر إلي رماها على واحد حقير مثل "أحمد".. وضحى بألم:آآه حسب يالله عليك عسى يدك الكسر إن شاء الله آآه يا علي يغلبلك إن شاء الله كسرتي الله لاا يبارك فيك ولاا يوفقك لاا دنيا ولاا آخرة .. عساني أجوف فيك يوم .. حسب يالله ونعم الوكيل فيك ..آآه
.. دمعت عيونها من ألم وقهر و وحده و ظلم .. وفي نفسها "حتى ما كلفوا على نفسهم يسألوني شفيني من اسبوع قاعده في الغرفة وما طلعت منها .. لولاا الخدامة كان أنا مت من الجوع والعطش .. آآه يا يماا شلون تصدقين فيني أنا بنتج تربيتج .. آآه يا يبا توقعت الكل يجافي ويقسى علي إلاا أنت .. وين كلاامك لي إنك سندي في الدنيا .. شلون تصدق فيني وأنا تربيت جدام عينك وكبرت على يدك .. وآه يا عمتي إلي كنت أحسبج أمي الثانية استحقرتيني وما كلفتي حتى تفهمين مني شـ السالفة" .. بدت تنزل دموعها والهم واضح على محياها

.. أما هو .. فـ كان قاعد في غرفته ويفكر بإلي سواه .. أحمد في نفسه "شنو أستفدت من تخريب سمعتها وطيحتها من عيون أهلي .. توقعت إني بفتك منها وبطق عصفورين بحجر واحد .. كنت أتوقع إني راح أخرب عليها وأرجع إلي خذته مني من وأنا صغيرإلي هو .. حب أبوي وأمي .. وفي نفس الوقت أتحرر منها .. بس أنا زدت الموضوع سوء .. أبوي تدهورت حالته وأمي دوم متضايقة .. وعمتي دمعتها 24 ساعة على خدها " .. غمض عيونه وخذته الأفكار لذاك اليوم إلي رجع من المستشفى بروحه لأنها ترقدت لمده يومين ..
صحى من سرحانه وتنهدت بندم وهو في قرارت نفسه يخطط لتصحيح إلي سواه ويرجع المياه إلى مجاريها ..


.. في بيت أبو سلمى .. ريما بعصبية: طلاال تكفى سكر على الموضوع .. قلت لك زواج ما أبي أتزوج
طلال بقلة صبر: انزين ليش خذالي أسبوع وأنا كل ما بتكلم تعصبين وما تخليني اخلص كلاامي حتى
ريما: أنا رديت على عمي وقلت له قراري .. مو غصب الزواج
طلال وهو يتنهد: طيب ممكن بس تسمعيني للآخر من دون ما تقاطعيني .. وبعدها ما اقتنعتي إنتي حرة .. وصدقيني وعد مني لج ما راح أفتح الموضوع مرة ثانية
خذت شهيق وبعدها زفرت .. ريما بقلة حيله: أوكي
طلال براحة وبحيلة: جوفي يا ريما .. عمي يحبج ويعزج ومستحيل يفكر يسوي شي ما يكون لمصلحتج .. وبعدين عمي خايف عليج من الغربة واذا رفضتي يمكن واحتمال ان يرفض إنج تكملين دراستج .. بس بزواجج راح تقدرين تكملين وهو مطمن وانا بعد مطمن .. وصدقيني على إني ما جفت الريال بس من كلاام عمي حبيته .. والله الشاهد علي لو كان جسوم الكريه إذا تذكرينه إلي خطبج وعمي مدح فيه وقال إلي قاله عن هـ الريال .. كان إني حبيته وأتقبله غصباً عني .. ريما فكري عدل في وضعج يعني لين متى وإنتي حارمة نفسج من السعادة .. خلااص إنسي وعيشي حياتج .. والله إنتي ما تعرفين إلي تسوينه يعذبنا ويخلينا دوم نفكر فيج ونحاتي .. رحمينا ورحمي نفسج .. فكري فينا فكري بإلي يحبوونج قبل لاا تفكرين بنفسج


ريما :............................
طلال : ريما أرجوج فكري ولاا تاخذين الموضوع بحساسية زياده عن اللزوم علشان ماضي راح وأنتهى والمفروض منتهي من حياتج إنتي بعد ..!!
ريما :...........................
طلال: آآلو ريما؟؟
ريما بصوت مخنوق: معاك
حس فيها وحب يتركها تفكر .. طلال: يلاا عيل أخليج تفكرين وأتمنى أسمع خبر يفرحني .. ويا ليت ما تطولين برد .. مع السلاامة
ريما: مع السلاامة
.. سكرت منه ورمت تلفونها على السرير .. وهي تحس بصداع .. ريما في نفسها "فعلاا كلاامه صح شلون ما فكرت فيها .. عمي أكيد راح يرفض رجعتي لـ لندن وهو سبق وقال لي إن إذا خالفته مرة ثانية وزعل ما راح يرضى يسامحني" .. حطت يدها على راسها تفكر .. "بس أنا فعلاا مثل ما قال أفكر في نفسي بس أنا مو أنانية" .. "لاا لاا يا ريما إنتي أنانية لأنج ما جفتي فرحة عمج وهو يزف لج خبر خطبتج .. ما جفتي الحزن إلي كساه من بعد ردي ورفضي .. آآه يا عمي محد كاسر لي خاطري غيرك" .. "بس أنا ما أبي أتزوج .. آآآه يا ربي مالي غير أستخير ربي والله يكتب إلي فيه الخير" .. قامت وصارت تدور في الغرفة .. وفجأة .. ريما: ههههههههههههههههههههههه الله يقطع بليسك يا طلول .. قال شنو قال جسوم الكريه إذا عمي مدحاه حبيته خير إن شاء الله .. هههههههه شاكة بالموضوع كان مسكته تكفخ هههههههههه يا حبي لك


تابع

 

[admant_7abk]

.. في بيت أبو جاسم .. قاعده في غرفتها تناظر تلفونها وتقرا المسج .. تنهدت بقهر ..نهى: والله إني غبية قال أجذب عليه نسيت إن حبل الجذب قصير .. أوووف


.. رجعت بذكرياتها لذاك اليوم .. في مجمع الدانة ..


::":":":":":":":":"::
وهم قاعدين سوالف وضحك .. رن تلفونه .. رفعاه وهو يبتسم .. جاسم: ها وصلت ...... طيب بتلااقيني في الكوستا ....... إي إي .. اوك
سكر و هو يبتسم .. نهى: خير منو تنتظره؟؟
جاسم وهو يبتسم: الحين بتعرفون
ما عطت الموضوع أي أهتمام وصارت تكمل سالفتها مع منى .. فجأة جافت جاسم وهو يوقف ويرحب .. رفعت راسها وانصدمت صدمة عمرهااا ...................................



نهـــاية البارت


توقعاتكمـ...؟؟؟




تحياتي للجميع



مفتون قلبي
~~

 

[admant_7abk]

قراءة ممتعة للجميع





~ البارت الرابع عشـــر ~





.. في بيت أبو جاسم .. قاعده في غرفتها تناظر تلفونها وتقرا المسج .. تنهدت بقهر ..نهى: والله إني غبية قال أجذب عليه نسيت إن حبل الجذب قصير .. أوووف
.. رجعت بذكرياتها لذاك اليوم .. في مجمع الدانة ..


::":":":":":":":":"::
وهم قاعدين سوالف وضحك .. رن تلفونه .. رفعاه وهو يبتسم .. جاسم: ها وصلت ...... طيب بتلااقيني في الكوستا ....... إي إي .. اوك
سكر و هو يبتسم .. نهى: خير منو تنتظره؟؟
جاسم وهو يبتسم: الحين بتعرفون
ما عطت الموضوع أي أهتمام وصارت تكمل سالفتها مع منى .. فجأة جافت جاسم وهو يوقف ويرحب .. رفعت راسها وانصدمت صدمة عمرهااا ..نهى بهمس: سامي!!!
.. كان يطالعها و هو مصدوم مثل صدمتها .. سامي:.....................
بلعت ريجها وقلبها قام يدق بقوة .. نهى بإرتباك: هـ .ــلاا
قرب منها وهمس عند أذنها .. سامي بعصبية مكبوته: نايمة عيل هين دواج عندي
.. حست نفسها بتختنق من الخوف وجسمها قام يرتجف .. نهى في نفسها "يا ويلي راحت علي .. أنا غبية غبيـــة"
.. لف جهة منى وهو يبتسم ..سامي: شخبارج منوي؟
منى بابتسامه: زينة أنت شخبارك .؟؟
سامي وهو يناظر بـ نهى ويتنهد: الحمد الله
منى: من زمان ما جفناك مشرف .. شكل أختي طفشتك هههههه
جاسم: ههههههه إي شكله هههههههههه
سامي وهو يتصنع الضحكة وفي نفسه "إي والله صدقتوا طفشتني ولعوزتني .. بس هين يا نهى دواج عندي"
.. وظلوا طول الوقت سوالف وضحك ما عدا نهى إلي السكوت كان ردت فعلها في كل سالفة تنطرح .. أما سامي حاول إن يتناسى علشان لاا يكدر نفسه .. بس متحلف فيها ..
::":":":":":":":":"::

.. صحت من سرحانها وصارت تتنهد بـ حسرة . نهى: يا ربي والحل الحين .. ؟؟
رفعت تلفونها مرة ثانية تقرا مسج سامي إلي قرته للمرة الألف ..

** لاا تحسب إن لعبتك علي مشت ..
ولاا تحسب إن لخداعك أنا نسيت ..
ولاا تحسب إني متيم وخايف أفقدك ..
ولاا تحسب إن لإنتقامي منك أنا أكتفيت **

(عيل نايمة هاا تضحكين علي وتخليني مغفل .. مع إني كذا مرة قلت لج أكره إلي يستغفلني .. تدرين لو إنج قايله لي الصج من دون كذب كان ما راح أعاتبج حتى .. بس هين صبرج علي بس لي يوم تكونين في بيتي .. راح أحاسبج على كل شي .. راح أراويج شلون تضحكين علي)



.. في اليوم الثاني ..



.. في بيت أبو سلمى .. من وقت ما صلت الاستخارة وهي تفكر .. ريما: الحين أنا صليت فوق 10 مرات ما حسيت بأي شي .. أممم بس في نفس الوقت ما أحس إني متضايقة .. والله محتارة .. أوافق أو لاا .. أمممم بس عمي .. وطلال .. ومستقبلي .. كله محصور على شخص واحد بس راح يسعد أكثر قلبين أغليهم .. وفي نفس الوقت فرصة متاحة أبني مستتقبلي .. يا رب إذا كان خيره يسر أمري .. واذا العكس يارب أبعده عني
.. وعلى طول طلعت من غرفتها تدور عمها .. لقته في الصالة يقرا جريد .. أول ما جافها ابتسم و واضح من ابتسامته انه متضايق .. أبو سلمى: هلاا والله ببنتي .. صباح الخير
ريما وهي تبوس راسه: صباح النور .. كيف أصبحت
أبو سلمى: الحمد الله ..
ريما بتردد: عمي
أبو سلمى: آمري عيونه
ريما بابتسامه: تسلم لي عيونك يا قلبي .. أممم بخصوص الخطبة رديت عليهم؟؟؟
تنهد بأسى .. أبو سلمى: لاا للحين قلت يمكن تغيرين رايج .. والله يا ريما الريال مافي منه .. سألت عنه و سيرة مثل المسك .. والله ويشهد علي ربي من دخلت مع أبو جاسم في الصفقة وأنا عاجبني وكنت أتمنى من كل قلبي إن ولده يخطبج .. وسبحان الله صار إلي أتمناه .. بس أنتي ..... بس أنا ما راح أضغط عليج هذي حياتج وإنتي كبيرة و واعية وإذا للحين مصممه إنج ما تبينه أنا اليوم العصر أرد لهم خبر ويا دار ما دخلك شر
... من بعد كلاامه حست بضيقة من نفسها .. "فكرت في نفسي وما فكرت فيك وشـ كثر يعني لك الموضوع ..آه يا عمي .. طلع كلاام طلاال صح .. أنا انانية وما أفكر إلاا بنفسي" .. ريما بصوت مخنوق: عمي .. أنا ...(سكتت وهي تاخذ نفس .. ومتردده) .. أنا موافقـــة
فتح عيونه بصدمة ..أبو سلمى: موافقـة..!!!
ابتسمت على صدمته .. وهي من داخلها تحس بضيق .. بس كل شي يهون إلاا إنها تجوف حزن عمها .. ريما: إي
.. تهللت ملاامح ويهه واستبشر خير .. وابتسم وهو يحس إن في حلم .. أبو سلمى في نفسه "معقولة ..!!! والله مو مصدق ريما وافقت .. آآه الحمد الله يا ربي الحمد الله"


.. في بيت أبو أحمد .. طلع من داره وهو متوتر من بكره .. وفي نفس الوقت توتره يزيد مو عارف شلون يزف لها الخبر .. والمشكلة أمه وعمته ولاا وحده متنازله تقول لها وتفهمها على الوضع .. أحمد في نفسه "وليش ألومهم .. مو أنا السبب بإلي صار .. مو أنا السبب في تشويه سمعتها .. وفي تقديم الزواج .. آآه يا رب شلون راح أقول لها إن بكره أبوي بيسوي عشى رجال وبعدها على طول نسافر بدون عرس وحفله .. آآه يا ربي والله مالي عين أكلمها بعد عملتي السودة فيها . يا رب سترك" .. نزل تحت جاف الكل على سفرت الطعام .. ما عداها طبعاً .. أحمد: السلاام
الكل: وعليكم السلاام
.. قعد يم أبوه وصار ياكل بصمت شبيه لصمت الكل .. رفع راسه وجاف شلون الهدوء سايد .. تنهد وهو يتذكر قبل لاا يعفس الدنيا ويتهور ويتبلى عليها .. شلون كانت مصدر للفرحة لبوه وأمه وعمته .. تذكر شلو كانت تسولف من الصبح على الفطور وما تخلي شي ما تهذر فيه لين راسه يصدع ويقوم من السفره وهو حاقد عليها .. وهي أبد مو عايرته أي اهتمام .. تضحك وتمزحمع أبوه إلي أكثر شي هي متعلقه فيه .. حتى أكثر من أمها .. صحى من سرحانه .. على صوت أبو أحمد: اسمع اليوم أبيك تروح توصي على الذبايح
أحمد: إن شاء الله يبا
.. قام من الصفرة وتوجهه لـ غرفة وضحى .. لاازم يعطيها خبر .. على الأقل تهيئ نفسها .. أحسن من أنه بكره تنصدم .. لاازم يمهد لها الموضوع
.. وصل غرفتها ودق الباب بشويش .. ما سمع رد عقد حاجبه . أحمد: يمكن نايمه .. أممم بتأكد
فتح الباب بشويش دور بعيونه عليها بالغرفة لقاها متكورة على السرير .. تقدم منها حتى تبين ملاامح ويها إذا كات نايمة أو لاا .. جافها فاتحه عيونها وتناظر الفراغ .. همس وهو ينبهى بوجوده ..أحمد: وضحى
وضحى:.....................
أخذ شهيق وزفر بمرارة .. أحمد: ممكن أبي أكلمج بموضوع
وضحى:..........................
تنهد بقهر وقام وفتح الستارة وخلا أشعة الشمس تدخل للغرفة إلي ما جافت النور من أسبوع .. غمضت عيونها بإنزعاج من النور .. تقدم مها مرة ثانية وقع على حافت السرير .. أحمد: وضحى الموضوع ضروري وما يتأجل
ناظرته بنظرة استحقار ولفت ويها عنه ..
وضحى:.....................
أنقهر من نظرتها .. أحمد: ماله داعي هـ النظرات .. حبيت أعطيج خبر لاا تنصدمين بعدين تقولين محد قال لي .. بكرة أبوي بيسوي عشى للرياييل وبعدها انا وإنتي بنسافر ..
ناظرته بصدمه .. وضحى : خـــــير .!!
أحمد وهو يحك جبهته: مثل ما سمعتي بعد إلي صار قرروا يقربون زواجنا علشان الناس لاا تتكلم و.......
قاطعته بحده .. وضحى: أطلع براااا .. تسوي روحك شريف وعفيف وإنت أحقر و أوصخ منك وأنجس منك مافي ..أطلع براااا ما أبي أجوف رقعت ويهك .. أكرهـــــك براااااااااا
.. قام وهو مقهور من كلاامها .. في نفسه "هذي إلي أنا مكسور خاطري عليها تطردني من غرفتها وتسبني .. هين يا وضحى جنيتي على نفسج .. وأنا إلي كنت بسوي هدنة معاج بس ما تستحقين غير إلي يصير لج " .. دب الحقد وغزاه للمرة الثانية .. أحمد وهو ناوي يقهرها ويكرها بنفسها أكثر.. وكأنه بـ هالشي ينتقم منها: تدرين كاسرة خاطري لأبعد درجه ممكن تتصورينها .. آآه شلون واحد بكل سهولة يناظر بـ الناس إلي يحبهم ويحبونه ينقلبون عليه ويكرهونه بكلمتين مني أنا .. تدرين ليش لأن ما عندهم ثقة فيج أولاا .. ثانيا لأن الأكيد ما تعنين لهم واايد .. بس تأكدي إنج من يوم وطالع ما راح تجوفين منهم حتى الاهتمام بنظراتهم ..
قال كلاامه وطلع وهو مو عارف حجم الجرح والحزن إلي نهش قلبها الضعيف .. نزلت دموعها بألم وهي تتحسب عليه ..


.. في بيت أبو جاسم .. نزل من الدري وهو لاابس ملاابس سبورت وفي يده الآي بود .. دخل الصالة جاف أمه قاعده باس راسها وهو يبتسم.. جاسم: صباح الخير
بادلته الابتسامه .. أم جاسم: صباح النور والسرور .. هاا أجوفك لاابس وطالع على وين إن شاء الله
جاسم وهو يبتسم: بركض من لما رجعت من السفر وأنا هامل نفسي .. يلاا تامرين على شي
ابتسمت له وهي تهز راسها .. أم جاسم: لاا يما روح وتحمل بنفسك
هز راسه وطلع وهو فرحان وفي نفسه "آآه أحس إني بطير من الفرحة .. ما توقعت حلمي يصير حقيقة .. رفضتني أكيد بس أمي وأبوي ما قالوا لي علشان لاا يكدروني .. ههههههه والله ما دريتوا إني طاير .. لأن مو معقول طول هالفترة وما عطوهم خبر . آآه وإلي مونسني أكثر الحلمه أكيد إن معناته ما راح أزوج"


.. في الشركة أبو جاسم .. قاعد في كتبه يراجع الملفات .. شوي سمع صوت التلفون .. أبو جاسم وهو يرد: نعم
السكرتير: طال عمرك أبو سلمى من شركة الـ......... على الخط يقول يبيك ضروري
أبو جاسم بسرعه: حوله لي بسررعة
السكرتير: إن شاء الله
.. سكر وشوي إلاا التلفون يدق .. رد وهو يبتسم .. أبو جاسم: آآلوو هلاا والله


أبو سلمى: هلاا فيك .. شعلومك؟؟
أبو جاسم: الحمد الله أنت شخبارك
أبو سلمى: والله الحمد الله .. أنا اتصلت علشان موضوع الخطبة
أبو جاسم باهتمام: خير إن شاء الله
أبو سلمى: حاب أقول لكم تشرفونا بأي وقت
ابتسم بفرح .. أبو جاسم: شرايك الليله نيي بعد صلااة المغرب ونتفاهم
أبو سلمى: حياكم الله وأنا بإنتظاركم
.. سكر وهو طاير من الفرح .. على طول اتصل وبشر أم جاسم ..


.. في بيت أبو جاسم .. سكرت التلفون وهي طايرة من الفرح .. في نفس الوقت دخلت وهي تغني .. منى: خير يما فرحينا معاج؟؟
أم جاسم بابتسامه: اليوم أبوج وأخوج بيروحون يتفاهمون على الملكة
منى بوناسة: وافقــــة .!!
أم جاسم: أكيد بتوافق ليش هي بتحصل أحسن من ولدي
.. إلاا بدخلت نهى: منوا ذي إلي ما بتحصل أحسن من ولدج الشيفة
.. رمتها بالمخده .. أم جاسم بحده: بــنت عيب تقولين على أخوج العود هالكلاام .. وبعدين المفروض تفرحين له ريما وافقت
ابتسمت بفرح وعدم تصديق .. نهى: جــــد
أم جاسم وهي تهز راسها: إي توه أبوكم من شوي داق ومخبرني


.. في بيت أبو سلمى .. سلمى بصدمة: وافقـــتي ؟؟
ريما بابتسامه عكس إلي بداخلها : إي ليش مستغربة؟؟
سلمى وهي تضمها: مو مصدقة ريمو بتصيرين عرووس
بعدتها وهي تبتسم .. ريما: هههه طيب .. شوي بس خنقتيني
سلمى وهي شاقة الحلج: لاا تلوميني حبيبتي من الوناسة إلي فيني .. ألف ألف مبروك
ريما:ههههههههههه هبلة ترى للحين ما صار شي كله كلاام
رفعت يدها وهي تدعي .. سلمى: يا رب ما يصير لها إلاا يومين وتعرس
ريما: هههههههههه بل بل كل هذا لاايعة جبدج مني وتبين الفكة
سلمى بمرح: لاا حشى والحشى عن ألف يمين .. بس مليت من مجابلت ويهج
ريما: هههههههههههههه حمارة ونذلة طول عمرج
سلمى: هههههههه طالعه عليج .. إي إلاا تعالي خبرتي طلول؟؟
حطت يدها على جبهتها .. ريما: أوووف شلون جذي نسيت .. زين ذكرتيني
.. رفعت تلفونها وكتبت له مسج ما تدري ليش بس استحت تكلمه .. فـ أكتفت بمسج ..


.. في بيت أبو جاسم .. رجع وهو يحس بنشاط وفي نفس الوقت بتعب .. من الجري .. دخل جاف الكل قاعد .. جاسم: سلااام
الكل: وعليكم السلاام
نهى بفرح: جسوم يايبين لك خبر طااازه
جاسم وهو عاقد حواجبه: شنو؟؟
منى بإستهبال: حزر فزر
جاسم بدلااخة: شنوو؟؟
أم جاسم بابتسامه: مبروك البنت وافقت وتوه أبوك متصل علينا يبشرنا واليوم بإذن الله بعد صلااة المغرب بتروحون تتفاهمون على كل شي
حس بصدمـــة .. مو قارد يستوعب .. جاسم في نفسه "بس الحلمــه !! .. وتأخرهم في الرد .. معقولة أنا تأملت على الفاضي وطلعت فاهم كل شي غلط أووف" ..
طلع من الصالة على غرفة طوالي من دون ما يقول ولاا كلمة



نهايــــة البارت


توقعاتكمـ..؟؟؟؟


تحياتي للجميع

مفتون قلبي

~~

 

[admant_7abk]

وهذا اخر بارت نزلته الكاتبه في تاريخ 21-1-2011
وللحين ننتظرهاا
قراءة ممتعة للجميع
وسامحوني ع القصور

 

[البارونه*_^رونه]

لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ تقولين مو كااامله

حبيبتي بليزززززززززززززز ما يصير جذي ننطررر وبالاخيررر مو كاامله

 

[teen girl]

رد : رواية رماني حظي العاثر عليه قلت ما أبيه و أتاريني ميته فيه / بقلمي

عجييييييييييييييييييييييييييييبه الروااااااااااية
كاااسررره خاااطري وضضضضحى >> ياحراااااااااام
بس قهرررررررررر للحين مو كاامله ! وانا قلت اكيد كاامله
يعطييييج العاافيه حبيبتي

 

[admant_7abk]

لآلآلآلآلآلآلآلآلآلآلآلآلآلآلآلآلآلآلآلآلآلآلآلآلآ تقولين مو كااامله

حبيبتي بليزززززززززززززز ما يصير جذي ننطررر وبالاخيررر مو كاامله

شاسوي موبيدي
الكاتبه وقفت عندها ظروف وقالت ماراح تطول
مالنه الا الصبر
=)

 

[admant_7abk]

رد: رد : رواية رماني حظي العاثر عليه قلت ما أبيه و أتاريني ميته فيه / بقلمي

عجييييييييييييييييييييييييييييبه الروااااااااااية
كاااسررره خاااطري وضضضضحى >> ياحراااااااااام
بس قهرررررررررر للحين مو كاامله ! وانا قلت اكيد كاامله
يعطييييج العاافيه حبيبتي

تسلمين حبيبتي
الله يعافيج
وان شاءالله ماتطول علينا
=)

 

[mac7noon5-m]

مممممم يسلمو حبيبتي على الرواايه الروعه

و تسلم الايادي. و اله يعطيج العافيه

و بالعكس ما من قصور قلبوو

و ننطرج قلبو

 

[admant_7abk]

مممممم يسلمو حبيبتي على الرواايه الروعه

و تسلم الايادي. و اله يعطيج العافيه

و بالعكس ما من قصور قلبوو

و ننطرج قلبو

الله يسلمج حياتي ويعافيج
تسلمين حبيبتي
ان شاءالله قريب
=)

 

[بسمة]

رد : رواية رماني حظي العاثر عليه قلت ما أبيه و أتاريني ميته فيه / بقلمي

الحمد لله على سلامتك ................

 

[غــلآهاا غير]

يعطيييج العافية غالباااارت .... نااااااااااااااطرينج على ناار