رواية رماني حظي العاثر عليه قلت ما أبيه و أتاريني ميته فيه / بقلمي

[اميرة al-koon]

لا حيآتو من صجج لا تعلقينآ جذذذذذذذذذذذي ..||

 

[memo}..~~~]

تاخرتي وايد
لا تطولي

 

[عاشقت البرتقالي]

متىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى البارت مليت

 

[Ms.MrMr]

اب اب اب

 

[ღرحت فيهاღ]

10 مراات تاخرتي لووول

 

[اميرة al-koon]

يالله عآد شدعوى يبآ خلصت 5 روآيآت وانا بديت فيج لول
شدعوى يالله

 

[بنوتة الامورة]

بنـــــــــاات ترااا الكـــااتبه نزلت الباارتااات

واهياا الحين واصله بالباارت الرابع والثلاثين

دشواا ع منتدى غرااام وتلقوون الروايه

ولا كتبوا بقوقل اسم الروايه وراح يطلع لكم

 

[ღرحت فيهاღ]

وييينج ترة واايد علقتينا

 

[♥ мiss.вιύε]]

waitinG !!

 

[memo}..~~~]

عسى المانع خير

 

[ღرحت فيهاღ]

بنـــــــــاات ترااا الكـــااتبه نزلت الباارتااات

واهياا الحين واصله بالباارت الرابع والثلاثين

دشواا ع منتدى غرااام وتلقوون الروايه

ولا كتبوا بقوقل اسم الروايه وراح يطلع لكم

اهااا

 

[ღرحت فيهاღ]

هذا البارت انا استئذنت من ملامح يوسفية اني انزل لكم البارت واهي وافقت

قراءة ممتعة للجميع




~ البارت الثالث والثلاثون ~





.. في سويسرا .. خصوصاً في القطار .. قاعدة تناظر الطبيعة من الدريشة وسارحه بفكرها للبعيد .. صحاها من أفكارها لمست يده لـ يدها .. سامي بحنية: في شنو تفكر حبيبتي
حاولت تبعد يدها عن يده بس هو شد من قبضته على يدها لين استسلمت له وارخت يدها .. نهى وهي تبعد نظرها عنه:ولاا شي بس تذكرت أهلي أشتقت لهم
سامي بإبتسامه: أول ما نرجع للفندق كلميهم ماشي
هزت راسها بإيجاب وهي تتنهد .. نهى:إن شاء الله
سامي وهو عاقد حواجبه: ممكن أعرف ليش أحس إنج مو فرحانه ؟؟ ترى من سافرنا وأنا حاس إنج دوم متضايقة ومالج نفس شي
ناظرت بعيونه للحظات وبعدها شاحت بنظرها للفراغ .. نهى بربكة: ولاا شي أنت تتوهم
ابتسم على ربكتها قرب منها أكثر وهمس في أذنها .. سامي: رحمي حالي يا بنت ترى ما عاد فيني صبر
أحمرت خدودها .. نهى بخجل: سامي أنت تعرف رايي بـ هالموضوع رجاءاً لاا عاد تفتحه معاي
سامي بهدوء: لين متى يعني ؟؟
نزلت راسها لـ حضنها .. نهى: لاا ترتجي مني شي مستحيل
ارتسمت شبح ابتسامه على ويهه .. سامي: مستحيل..!! ما في شي مستحيل عندي.. هذي الكلمة مسحتها من قاموسي وأنصحج إنتي بعد تمسحينها .. نهى بطلب منج طلب وأتمنى ما يكون ثقيل عليج
نهى بإستغراب: شنو؟؟
سامي بهمس: لاا تستخفين فيني ولاا بصبري
.. على هـ الجملة توقف القطار .. قام قبل لاا تستوعب كلاامه .. سامي بهدوء: يلاا ننزل
تجدم عنها وهي كانت تمشي وراه وكلمته ترن في عقلها "لاا تستخفين فيني ولاا بصبري"

.. في لندن .. واقفة في وسط الصالة تناظر أرجاء البيت .. فاتي بدهشة: من صجج راح تعيشين في هـ البيت..!!
نهلة ببرود:إي وين المشكلة؟؟
فاتي بإنفعال:وين المشكلة؟؟ .. نهلة البيت هذا خطر عليج مو كفاية ماخذه شخصية صاحب البيت يمكن أحد من أهله وله من ربعه يجوفج ساعتها شـ بتسوين ؟؟
نهلة على نفس وضعها: فاتي أنا أعرف شنو قاعدة أسوي لاا تخافين علي وبعدين نسيتي إن محد يدري إن هنري ميت وأنا أساساً كنت مراقبة البيت
قعدت وهي تحس نفسها متوترة .. فاتي: ما أدري بس مو مرتاحة لـ قعدتج بروحج في هـ البيت
مسكت يدها وهي تبتسم بـ حنية .. نهلة: لاا تحاتين أنا قدها وقدود
فاتي بابتسامه: أتمنى
نهلة وهي تناظر الساعة:نامي عندي اليوم لأن الوقت تأخر
فاتي: أممم أوك مو مشكلة بس اليوم


.. كان الهدوء يعم أرجاء الشقة .. بس فجأة تخلل صوت صرخــة عكرت صفو الهدوء .. قعد من النوم مرتاع ومفزوع .. جاسم وهو يتلفت:أعوذ بالله من الشيطان الرجيم
عقد حواجبه بإستغراب وهو مازال يتلفت .. جاسم: غريبة أنا متأكد إني سامع صوت صرخة
.. بعد اللحاف عنه ونزل من السرير وطلع من غرفته .. صار يتلفت يدور مصدر الصوت بس ما كان فيه أي أحد .. طاح نظرة على باب غرفتها .. عقد حواجبه بإستغراب .. جاسم: لاا لاا شكلي أتخيل ..أعوذ بالله من الشيطان الرجيم
رجع لـ غرفته وهو يستغفر وحط راسه على المخدة وبعد ما قرا دعاء النوم .. غمض عيونه وراح بـ سابع نومه ..
.. كانت تمسح دموعها بيد مرتجفة .. وهي تحاول تهدي نفسها ..ريما بصوت مبحوح: يا رب رحمتك يا رب .. أنا لين متى بظل على هـ الحال وربي تعبت أبي أنسى ..آآآخ (حطت يدها على راسها من الصداع إلي اشتاحها فجأة) .. أفف كلش مو وقته ..
فتحت الدرج إلي يمها المملوء بـ الأدوية .. صارت تدور على حبوب الصداع لين حصلته .. خذته وخذت معاه باقي أدويتها ..


.. في اليوم الثاني ..

..في بيت أبو جاسم .. طول الليل سهرانه ما قدرت تنام .. تفكر بـ حل تقنع أبوها من غير ما يعصب أو ينفعل بس ما حصلت .. منى وهي تزفر: أففف والحل الحين معقولة أنا أتزوج واحد كان في يوم يتمنى أختي تكون حليله له ولاا والمصيبة إن أبوي هو إلي خطباه لهدرجة أنا أرخيصة عند أبوي .. يا ربي مالي إلى نهوي عليها أفكار جهنمية .. بس الأكيد إنها الحين نايمة أو طالعة أممم بطرش رسالة لها وإذا كانت صاحية بتتصل علي .. (كتبت لها مسج وطرشته لها) ..


.. في سويسرا .. طلعت من الحمام (انتوا والكرامة) وهي تنشف شعرها سمعت صوت تلفونها يعلن على وصول مسج .. خذت التلفون من فوق السرير فجأة حست بيد تحاوط خصرها .. حاولت تبعد يده عنها .. نهى: أبعد يدك
سامي وهو حاضنها: إنتي ليش جذي صعبة المراس
نهى بهدوء:لأني جذي والحين أتركني رجاءاً
باسها على خدها وهمس عند أذنها ..سامي:******
احمرت خدودها من كلاامه .. نهى بعصبية مخلوطة بـ خجل: أنت قليل أدب
ضحك من كلمتها ..سامي: ههههههههههههه يا حليلج وإنتي محمرة من الخجل
حاولت تبعد عنه بس هو زاد في شده لها أكثر وهو يغني .. سامي: لا تعاند يوم تدري في غرامك
غراااااامك
وأنت حبكـ صآآير لقلبيــ عذآآبهـ
يآآ عذآآبيـ ضآآق من صبري مكآآني
مكآآنيــ
ليهــ طيفكـ صآآر يوهمني بسرآآبهـ
لآآ تكبر جآآي تبخلــ في سلآآمكــ
أنت تبقي تفقد العآآقل صوآآبهــ
لآآ تكبر جآآي تبخلــ في سلآآمكــ
أنت تبقي تفقد العآآقل صوآآبهــ
لا تعاند يوم تدري في غرامك
غراااااامك
وأنت حبكـ صآآير لقلبيــ عذآآبهـ
يآآ انآآني آآه منكــ يآآ انآآني
.. تركها هو يبتسم و مواصل يغني .. رفعت التلفون وفتحت المسج إلى كان من أختها "منى" .. (إذا كنتي صاحية اتصلي علي ضرووري) .. على طول سوت اتصال لأختها .. نهى:آلووو
منى:آلوو نهوي لحقي علي
نهى بخوف: خير شـفيج
منى بصوت حزين: أبوي يبي يزوجني
نهى بعدم استوعاب: شنوووو..!!
(طالع فيها مستغرب .. سامي:شـ صاير
..أشرت له بـ معنى لحظة)
منى شوي وتصيح: تخيلي أبوي راح وعرضني على الريال علشان يتزوجني وتخيلي منو بعد
نهى بصدمة: منو؟؟
منى بصوت مخنوق: مبارك
نهى بصدمة: لاا يكون
منى بسرعة: إي إلي كان يبيج
نهى بعصبية: ها أبوي شفيه بـ الضبط ..! ليش يسوي جذي ما يدري بحركته هذي رخص فيج .. لاا شـكله أنا وأنتي أرخاص عند أبوي ولاا كان ما أرخص فينا
منى بصوت باكي: أبي حل أقنع فيه أبوي من غير ما يعصب وينفعل
نهى بتفكير: أنا بفكر لج بحل
منى: تكفين بسرعة لأن إذا ما عطيتيني حل والله لاا أسوي إلي في بالي وإلي يصير يصير
نهى بـ شك:شنو إلي في بالج
منى بقهر : بروح حق عريس الغفلة
نهى بصدمة: شنوو شنوو هي إنتي يودي مينونج لاا إي لج أين منه .. قلت لج خلي السالفة علي يلاا أكلمج بعدين باي
منى: باي
سكرت منها وهي متوترة .. نهى : تخيل أبوي مثل ما أرخص فيني بيرخص في منى
كان يناظر بعيونها .. سامي بهدوء: شـ صاير بـ الضبط
نهى وهي تزفر: راح وطلب من مبارك يتزوج منى
سامي بصدمة: شنووو..!!
حطت يدها على راسها وهي تشد شعرها بتوتر .. نهى: منى منهارة ومو عارفة شـ تسوي
سامي بهدوء: طيب إنتي هدي وإن شاء الله ما يصير شي من إلي يفكر فيه أبوج
نهى : إن شاء الله .. إن شاء الله
سامي بتفكير: أنا اليوم بتصل حق أبوج اليوم وبتفاهم معاه
نهى وهي تهز راسها بنفي: لاا لاا ما ينفع في التلفون لاازم فيس تو فيس .. اليوم تحجز لاازم نرجع تكفى
هز راسه بـ موافقة .. سامي: إن شاء الله ما يصير خاطرج إلاا طيب


.. في لندن .. في الجامعة .. بعد ما خلصت المحاضرة خذ أغراضه وطلع من السكشن إلاا إلي طالعه بويهه .. طلال : شوي شوي زين ما دعمتي فيني
فاتي بإبتسامه: سوري والله بس مستعيلة وأبي ألحق على المحاضرة
تعداها وهو يهز راسه بأسى .. طلال: طول عمرج ما راح تتغيرين .. يلاا سي يوو
ظلت تطالع فيه لين أختفى عن نظرها .. فااتي بسرحان: سي يوو
صحاها من سرحانها صوت تلفونها .. على طول ردت .. فاتي: هلااا
نهلة بصوت هامس: إنتي وين؟؟
فاتي: عند السكشن محاضرتي بعد شوي بتبتدي
نهلة على نفس وضعها: أمم أها أوكي ما أعطلج عيل .. باي
فاتي :أوكي باي
سكرت منها وهي تدخل أحد الممرات .. كانت تناظر بتمعن وهي تفكر .. نهلة في نفسها "وين ممكن يكون مستودع الأسلحة وين" .. فجأة طاح نظرها على شخص كان يمشي مع مجموعة من الطلاب ناظرت فيه بتمعن .. نهلة بهمس: مو معقولة هو .. نفس إلي بصورة أي هوو
.. صارت تمشي وراه تبي تعرف وين بيروح .. إلاا بإلي يطلع في ويهها .. نواف : Hey Henry, looks like you will go for the rest we are also well come with us
(هاي هنري يبدو أنك سوف تذهب للإستراحة نحن أيضا كذلك تعال معنا)
وليد: yes come with us
(نعم تعال معنا)
كانت تطالعه وهو يختفي من نظرها وهي مبتلشه في نواف و وليد .. نهلة *هنري*:But I ..
وليد:come come
سحبوها معاهم وهي في داخلها تسب الساعة إلي طلعوا في ويهها ..


.. قاعدة في المكتبة تسوي البحث مالها .. سمعت صوت مو غريب عليها لفت وطاحت عيونها عليه هو وإلي معاه .. أول ما طالعها ابتسم وقرب لي عندها .. طلال: هاي ريوومه
ريما بإبتسامه: هالوين بـ طلولي
ناظر فيه وهو رافع حاجب .. طلال: ليش ما تسلم عليها
جاسم وهو مكشر: سلاام
ناظرته من فوق لي تحت .. ريما من غير نفس: وعليكم
كتم ضحكته وهو يناظر فيهم .. طلال: أمم شرايكم اليوم نطلع كلنا
ريما بإبتسامه: وين؟؟
طلال وهو يفكر: أمممم ما أدري بفكر وبقول لكم وخل نسأل الباقي بعد
جاسم وريما في نفس الوقت: منووو ..؟
طلال بإبتسامه: نواف و وليد وفاتي وسنا و إبراهيم وخويلد و عبدالرحمن
جاسم بسرعة: هاا أمم مو لازم
ريما بعناد: أوك ما عندي مشكلة .. أساساً الفكرة حلووووة (تعمدت تمدها) حدها
ناظر فيها بقهر .. جاسم:أففف
طلال وهو يضحك: ههههه خلااص عيل اليوم بكلم الشباب والصبايا


.. في البحرين .. في بيت أبو أحمد .. فاتحة الكبت وتطلع منه ثيابها وهي تغني .. وضحى: لاا تفتكر إني براضيك في يوم إني بطلب رضاك قررت برحل عن أراضيك وأنهي المحبة بيني وياك لأن الرجا ضايعة فيك والقلب ما يتحمل خطاك تلعب على الحبلين ما أبيك الله يسامح لك خطاياك ..
.. دخل الغرفة وسكر الباب وراه وقفلة .. أحمد بسخرية: هـ الكثر فرحانه صوتج واصل لـ تحت
ناظرت فيه من فوق لي تحت وصدت عنه تكمل شغلها .. وضحى:أكيد بفرح مو خلااص أفتكيت منك والله الود ودي أسوي حفلة لاا صارت ولاا استوت
تكتف وهو مازال يبتسم بسخرية ..أحمد: ما بعد طلقتج ؟؟
وضحى بسخرية مماثله له : بس راح تطلقني ومن اليوم إن شاء الله راح أرجع لـ غرفتي الحبيبة
قعد على السرير وهو يناظر في فرحتها ..أحمد بقهر: فرحانه بـ حركتج إلي سويتيها
وضحى وهي تضحك: هههههه حدي .. (وبإستفزاز) إي إلاا ماقلت لي شخبار نظرت أمك وأبوك فيك والأهم من هذا نظرتك لنفسك بعد ماعرفوا عن سواتك
عصب لاا مو عصب إلاا ثار .. قرب لها ومسكها من فكها بشده ..أحمد: والله لاا أقلب لج فرحج اليوم وأنكد عليج وأخليج بدل ماتنامين فرحانه وطايرة أخليج تنامين وإنتي تبكين بدل الدموع دم
بعدت يده عنها بقوة وبإحتقار.. وضحى:أعلى مابخيلك .. وبعدين ما أعتقد في شي بدنيا يخليني اليوم حزنانة ومكتأبة حتى لو تذبحني من الطق لأن فرقاك يسوى عندي الدنيا كلهاا
ناظر فيها بقهر من فوق لي تحت بإحتقار وفجأة خطرت في باله فكرة .. ابتسم بخبث ..أحمد:متأكدة ؟؟
ما تدري ليش بس نظرته ما طمنتها أبد .. وضحى وهي تتخصر:إي متأكده
قرب لها وهو مازال مبتسم بخبث ..أحمد: نجوف عيل
خافت من قربه لها إلي تعدى الحدود بدت ترجع لـ ورا وهو يقرب ترجع ويقرب ..وضحى: خير شفيك أنت ؟؟
رفع كتوفة وهو يتصنع البراءة..أحمد: شفيني مافيني شي بس تقدرين تقولين إني مشتااااااق (تعمد يمد هـ الكلمة وكأنه يبي يوصل لها رسالة)
وضحى بخوف من إلي يفكر فيه: ما يصير إلي تسويه نسيت إن إحنى بنتطلق
أحمد وهو يبتسم: قلتيها بنتطلق مو تطلقنا يعني للحين إنتي زوجتي ولي حق عليج وأقدر آخذ حقي وقت ما أبي صح وله؟؟
وضحى بتهديد: لاا تفكر حتى وإلاا والله لاا أصارخ ولم عليك كل إلي في البيت
حاوط خصرها وهو يبتسم بسخرية ..أحمد: ماعندي مشكلة صرخي لأن حتى هم ما راح يقدرون يمنعوني من حقي قلت لج إنتي للحين على ذمتي ما بعد طلقتج
.. خلااص ما عاد عندها القوة إنها تكابر خصوصاً إنها سبق لها هالشعور من قبل ..وضحى بترجي: تكفى لاا تكفى
أحمد وهو يمسح على خدها بنعومة:تدرين أنا مالي أي رغبة فيج بس راح أجبر نفسي علشان أكسر لج راسج .. يعني لاا تتوقعين إني ميت عليج
وضحى بترجي: خلااص عيل لاا تجبر نفسك مثل ذيك المرة لأنك أنت كسرتني من زمان تكفى
ابتسم بإستهزاء..أحمد: ومن قال لج إني ذيك المرة جبرت نفسي عليج ترى أنا الشي الوحيد إلي يعذبني إني أجوف وحدة حلوة وتغري وما أقدر أقرب لها وأنا يوم دخلت عليج لأنج أغريتيني وما قدرت أقاوم أغرائج وخصوصاً إنج زوجتي
حاولت تبعد عن حضنه ..وضحى: خلاااص أتركني عيل لأن مافيني شي يغريك الحين
رماها على السرير هو يبتسم بخبث ..أحمد: مو قبل لاا أكسرج بالأول بعدها راح أتركج .. مو قلتي مافي شي بالدنيا يبكيج اليوم خلااص عيل بنجوف ..
قرب لها وهي تحاول تبعد بس من دون أي فايده .. وضحى بتوسل:لااا وإلي يخليك لاااااا (بس لااحياة لمن تنادي T-T)



نهاية البارت



توقعاتكمـ...؟؟؟

 

[ღرحت فيهاღ]

up up up up up up up up up up up