فاتي بإبتسامه: شخباركم لكم وحشـة كح كح من زمان عنكم أحس غبار يطلع منكم
وليد وهو يناظر بإلي يمها:ما عرفتينا منو هذا؟؟
فاتي بإبتسامه: They are my friends.. Henry
هنري بإبتسامه وهي تخشن صوتها: hi
فاتي :هو يعرف عربي ويفهم بس مو واايد ترى
جاسم بإستغراب:يفهم عربي.؟؟
خالد متفاجأ:كلش ما يطيح.. إلاا تعالي إنتي من متى تعرفينه ولاا بعد لااصقه في جبده ها لاا يكون بس
فاتي بربكة: لاا يكون شنو..؟؟
ما كانت أحسن حال منها .. حست الدم كله وقف بعروقها وفي نفسها "لاايكون أكتشف إني بنت" ..
خالد وهو يغمز:إلي يجوفج معاه يقول ريلج
حست براحة ما بعدها راحه .. فاتي: هههه هيدا البوي فرند تبعي
وليد وهو يناظر الساعة:شنو ما تبون تدخلون المحاضرة ؟؟
جاسم بـ ملل:إلاا بس تصدقون مالي نفس دراسة
:وإنت من متى لك نفس شي
لف وهو يبتسم ..جاسم: هلاا طلول
طلال وهو يسلم عليه: هلاا فيك لاا تتصل ولاا شي
جاسم وهو يحك راسه: والله إنشغلت
الكل:!!!!!!!!!!!!!!
لف لهم وهو يبتسم .. طلال:شنو محد يبي يسلم علي ؟؟
نواف وهو يفرك عيونه: لحظة لحظة أبي استوعب .. معقوله يا جماعة إلي تشوفه عيوني .. طلال وجاسم يسلمون على بعض ويسولفون ولاا والمشكلة مو هنا وبس يتشرهون على بعض
سنا بإستغراب:إنتوا فيكن شي ..؟؟ صاير لـ عألكن شي ..؟؟
خالد مو أحسن منهم:من متى وانتوا صحبة؟؟
وليد وهو يناظر فيهم: لااا أنا شكلي للحين نايم ..أساساً من أول ما جفت فاتي لااصقه بـ الكوري إلي يمها شكيت إني أحلم
فاتي وهي تحط يدها على جبهتها: لاا أنا شكلي اليوم مضخنه ويتهيألي أشياء
ناظروا في بعض وفجأة .. طلال و جاسم: هههههههههههههههههههههه
..في البحرين .. في بيت أبو سلمى .. توها راجعه من السكول .. سلمـى:ماااامااا .. مااامااا
وصل لها صوت أمها من المطبخ: OUAIS(نعم)
وقفت عند باب المطبخ .. سلمى: Je suis affamé
(أنا جائعة)
هزت راسها وهي تبتسم..أم سلمى:
Ne pas aller mal, et d'autres avec vos vêtements et être prêt à manger
(لا بأس اذهبي وغيري ملابسك ويكون الأكل جاهز)
سلمى:أوك
.. طلعت لـ غرفتها ..
.. في بيت أبو أحمد .. في غرفة الطعام .. قاعدين ياكلون وما ينسمع غير صوت الملاعق .. كان يفكر شلون يفاتح أبوه بـ الموضوع ..أحمد:يبا
أبو أحمد وهو يشرب عصير: هلا
أحمد بتوتر:بعد الغدا أبيك بكلمة راس
أبو أحمد وهو يهز راسه: ما يخالف بس عسى خير؟؟
أحمد وهو يناظر في وضحى:كل الخير إن شاء الله
هز راسه وهو يكمل غداه..أبو أحمد:إن شاء الله
ناظرت فيه وابتسمت بـ سخرية وفي نفسها "هـه على باله بيحرق قلبي ولاا راح يقهرني آآه أتمنى يصير إلي في بالي وساعتها بفتك منـه ومن ويهه"..
.. في لندن ..
ناظروا في بعض وفجأة .. طلال و جاسم: هههههههههههههههههههههه
الكل:؟؟؟؟؟؟؟؟؟
طلال وهو يهدا شوي من الضحك: الله يسلمكم أنا وهو صرنا ..
قاطعه بسرعة وهو خايف لاا يفضحه ويقول "نسايب".. جاسم: لاا تقوول خلهم جذي طايحين بـ طوشة
سنا بترجي: لاا لاا مشان الله أحكواا مافيني فضولي بيذبحني
جاسم بنحاسة: لاااا يعني لاااا
.. كانت من الأطرش بـ الزفة .. مو فاهمة ولاا شي .. قربت منها تكلمها بصوت محد يسمعه غيرها .. هنري:فاتي شسالفة...؟؟؟
فاتي بفس مستوى صوتها: بعدين بعدين
هنري:أووف وقسم مليت كأني مثل الأطرش بـ الزفة
فاتي : سكتي لاا تفضحينا
هنري بـ ملل: جوفي أنا مو يايه أضيع وقتي .. ظلي مع ربعج وأنا بروح أجوف شغلي
فاتي : أوك بس هاا ديري بالج
هنري: تمام .. يلاا سي يو
فاتي: سي يو تو
.. انسحبت من غير محد يحس فيها وصارت تمشي تستكشف المكان .. في نفس الوقت .. كل ماله والصداع يزيد أكثر خلااص ما عادت تستحمل أكثر .. شالت أغراضها وطلعت من المحاضرة بعد ما استأذنت من الدكتور .. كانت تمشي وهي مو قادرة تفتح عيونها من الألم .. شوي إلا وهي بـ الأرض ..
قربت منها وهي تتأسف .. هنري: I'm sorry .. Are you okay?? .. Do you need any help?
(أنا آسف .. هل أنتي بخير ؟؟ ..هل تحتاجين إلى أي مساعدة؟)
ريما وهي تقوم: No I'm fine thanks to the question
(لا أنا بخير شكراً على السؤال)
.. مشت عنها وهي مو طايقة حتى نفسها ..
.. في سويسرا .. في الفندق .. نهى وهي تكح:أبيه أحس نفسي بضخن
حط يده على جبهتها ..سامي بحنية:يا عمري فيج حرارة شكلج ماخذه برد
انسدحت على السرير وتلحفت بتعب .. نهى:بشرب باندول وبنام شوي وأكيد لما بصحى بكون زينة
سامي: بروح الصيدلية استري لج
نهى : لاا ماله داعي عندي في الشنطة يايبه معاي
سامي وهو يدور: وين بـ الضبط
نهى وهي تأشر: في الجرار إلي ورا
سامي وهو يبتسم: إي حصلته
قرب من عندها وعطاها حبتين باندول وماي .. بعد ما شربت حطت راسها على المخده وغمضت عيونها بتعب .. قعد يمها وصار يمسح على شعرها بكل حنية وهو يتأمل ملاامح ويها الناعمة .. قرب منها وباس عيونها وهمس في أذنها .. سامي:أحبج
كانت مغمضة عيونها تحاول تنام .. ارتبكت من قربه ومسحت يده بحنية على شعرها .. بس زادت ربكتها اكثر وحمرت خدودها من بوسته لـ عيونها .. حست بـ قشعريرة تسري في جسمها وهي تسمع همسه في أذنها وهو ينطق بكلمة هزت لها كيانها "أحبج" ..
.. في بيت أبو أحمد .. أحمد بتوتر: يبا تذكر كلاامك لي لما رجعت من المستشفى
أبو أحمد بإستغراب: متى..؟؟
أحمد على نفس وضعه: لما طاحت علينا وضحى من ذيك السالفة
هز راسه ..أبو أحمد: إي شفيها؟؟
أحمد: تذكر كلاامك لي
أبو أحمد وهو يحاول يتذكر: إي أذكر قلت لك إني آسف وإن ماعاد لي تدخل بـ حياتك وأنت حر وعطيتك الضوء الأخضر في التعامل معاها
أحمد وهو يحك راسه: أمم تذكر لما قلت لي .. يا ولدي أنا عارف إني ظلمتك معاها بس خلااص إلي صار صار بس لي منك لو تبي تتزوج غيرها أنا بروح وبخطبها لك بنفسي
عقد حواجبه بإستغراب ..أبو أحمد: شـ المقصود من هـ الكلاام..؟؟
أحمد وهو يناظر بـ أبوه: أنا قررت أتزوج
وقف وهو مصدوم من طلبه ..أبو أحمد: شنوووو
أحمد بهدوء: يبا ترى أنا و وضحى أبد ما نصلح حق بعض .. مو محصل راحتي معاها .. أنا يا يبا كنت احب وحده قبل لاا اتزوج وضحى .. بس أنتوا أجبرتوني أتزوجها وتزوجتها علشانكم .. حاولت أنسى إلي احبها بس ما قدرت
أبو أحمد وهو يهدي نفسه: طيب وضحى تدري؟
هز راسه بـ إي .. أحمد: إي تدري من قبل لاا نتزوج إني أحب وحده .. واليوم كلمتها بـ خصوص إني أبي اتزوج وهي راضية وما عندها مانع
أبو أحمد: ما راح أرضى إلاا لما أسمع بـ عضمة إلسانها تقول لي إي موافقة يتزوج علي
قام وهو يبتسم ..أحمد: أبشر الحين أناديها لك
.. طلع من غرفة المكتب وبعد دقايق رجع مع وضحى .. أبو أحمد وهو يناظر فيها: إلي سمعته صج إنتي راضية يتزوج عليج
ناظرها وهو مبتسم .. ينتظر جوابها .. وضحى ببرود: لااا
.. في لندن .. في الشقة .. منسدحة على الكنبة إلي بـ صالة بعد ما شربت لها باندول .. سمعت صوت باب الشقة ينفتح .. دخل الصالة وتفاجأ بوجودها .. جاسم: السلاام
ريما وهي عيونها بيدها: وعليكم السلاام
ناظر بـ الساعة يده .. جاسم بإستغراب: من متى إنتي هني
ريما بتعب: رجعت من نص المحاضرة الاولى
جاسم وهو يقعد في الكنبة مجابلها: ليش؟؟
ريما وهي تقوم ويقوم معاها شعرها :أبد بس صداع
هز راسه .. جاسم: أهاا ما تجوفين شر
ريما وهي تمشي بـ جهة غرفتها: تسلم
جاسم وهو يوقف: ترى اليوم طلال أخوج بيي يتعشى معانا
ابتسمت بـ وناسة .. ريما: شي جيد
.. في سويسرا .. فتحت عيونها بتعب وجافته نايم جريب منها حيل .. صارت تتمعن بـ ملامح ويهه .. عمرها ما حست بـ وسامته .. نهى في نفسها "للحين مو قادرة أقتنع إني زوجتك .. وللحين مو قادرة أقتنع إنك تحبني .. آآه يا يبا لو مو أنت إلي أرخصتني له كان عمرنا كله ما راح نكون لـ بعض .. صحيح إن كنت قبل أخاف من الفارق المادي ما بينا بس اليوم أكتشفت إن في أشياء واايد بينا مختلفة وما أعتقد في يوم ممكن نتفق .. التفكير الأسلوب الطبع حتى الكلاام .. فرق شاسع ما أعتقد إن نقدر نكمل مع بعض" ..
.. في بيت أبو أحمد .. وضحى ببرود: لااا
تلااشت ابتسامته وحلت محلها الصدمة .. أحمد: شنوو مو أنا الصبح قلت لج وقلتي لي فراقك عيد ..!!
وضحى على نفس برودها: إي قلت .. وأنا عند كلمتي .. يا خالي إذا هو فعلااً يبي يتزوج خل يتزوج علي بس بـ الأول ينفذ شروطي وأنا ادري بـ معزتي في قلبك وإنك راح تسوي أي شي لـ سبيل سعادتي
أبو أحمد وهو يناظر فيهم: شنو يا بنتي و وعد لج إلي تبينه
وضحى وهي تناظر بـ عيونه:أول شي يعترف بـ الحقيقة
أبو أحمد بإستغراب: أي حقيقة تتكلمين عنها ؟؟
وضحى بإبتسامه سخرية: هو أعلم
ناظر فيها وهو يشد على يده بقوة ..أحمد بعصبية: على بالج بحركتج هذي بتلوين لي ذراعي ؟؟
وضحى وهي تناظر عمها: ثاني شرط أبيه يطلقني
أحمد بعصبية: أساساً أنا كنت بطلقج من البداية بس علشان أبوي سكت وتحملتج ولاا أنا من زمان عايفج وما أبيج
وضحى ببرود: عيل طلقني
أبو أحمد بعصبية: أنتوا ما تستحون على ويهكم ولاا كأني واقف ما بينكم لاا ماعطيني لاا حشيمة ولاا مقدار كأني صبي عندكم
قربت منه وباسته على راسه .. وضحى بإسلوب استعطاف: السموحة منك والله إنك على راسي .. بس من يلومني وانا كل يوم أنطعن مليون مرة ومحد حاس فيني
أبو أحمد بـ حنان: والله ما عاش وأنا راسي يشم الهوا لج إلي تبينه وإلي يرضيج وإلاا والله ما يتزوج وإذا عصاني وتزوج وهذاج تشهدين والله لاا هو بـ ولدي ولاا أعرفه
حس بـ قهر .. أحمد وهو يناظرها: أنا موافق بطلقج
وضحى ببرود: وتعترف جدام الكل بإلي سويته
أحمد بـ قوة عين: إي بعترف .. يبا أنـ..
قاطعته وهي تهز راسها بـ لااا .. وضحى: لااا جدام الكل .. أمي وأمك وخالي
أحمد وهو يتهفف: أففف أوكي مو مشكلة
طلع للصالة وشوي ودخلوا وراه أمه وأم وضحى ..
أم أحمد: خير شـ صاير .. ملتمين كلنا هني ؟؟
أم وضحى وقلبها ناقزها: شفيكم خرعتونا ما تتحجون
أبو أحمد بهدوء: أحمد يبي يقول لنا شي
أم أحمد: شنوو ؟؟
أحمد وهو منزل راسه : أنا ..أنا جذبت عليكم
عقدوا حواجبهم بإستغراب .. أحمد وهو يكمل: وضحى ما كانت تكلم شباب كل إلي قلته تأليف من عندي
ناظرت فيهم وابتسمت بـ حزن .. بدت عيونها تغرق من الدموع .. وضحى:......................
وقف وهو بقمة عصبيته .. أبو أحمد: أيا الكلب يا الخسيس هذي سوات تسويها في بنت عمتك
أم وضحى بـ قهر:حسب يالله ونعمة الوكيل فيك .. حسب يالله ونعمة الوكيل فيك
أم أحمد حست إلسانها منربط:...................
أحمد وهو منزل راسه: أنا آسف
.. طلع من الغرفة وهو يسب ويلعن فيها ويتوعد .. أحمد: والله لاا أدفعج الثمن غالي يا وضحى .. إن ما خليتج تعضين أصابعج ندم .. عيل أنا تلوين ذراعي هين دواج عندي
.. في الغرفة .. قرب منها وهو مستحي ومو عارف شلون يعتذر منها .. أبو أحمد: حقج علي يا الغالية أدري إني ظلمتج بس والله ما كنت أدري .. حسب يالله ونعمة الوكيل فيه من ولد
أم وضحى وهي تحظن بنتها: سامحيني يا أمي إني صدقت فيج العيبة
بعدت عنهم وبهدوء .. وضحى: عن أذنكم
.. طلعت وعلى طول لـ غرفتها ودموعها أربع أربع ..
.. في لندن .. في الشقة .. كانت واقفه عند الكبت محتاره شنو تلبس .. ريما: أمممم بلبس عنابي حلو علي
.. طلعت فستان عنابي قصير لي تحت الركب .. وفي الوسط حزام أسود وبأكمام قصيرة .. دخلت الحمام (انتوا والكرامة) خذت لها شاور سريع وبعدها طلعت وهي لاابسة الروب .. كرمت يدها واريولها ولبست الفستان .. وسوت شعرها بـ الإستشوار كيرلي وحطت ميك آب خفيف لبناني .. رشت العطر وطلعت من الغرفة .. إلاا بصوت جرس الشقة .. راحت بسرعة وطلت من الفتحة .. ابتسمت وفتحت الباب .. ريما: هلاا والله وغلااا بأحلى أخو بـ الدنيا
طلال بإبتسامه: هلاا بـ حبيبة أخوها .. شخبارج
ريما بمزح: بخير بس شكلنا بنظل نسولف عند الباب
طلال وهو يدخل: هههههه .. وين النسيب
عوت شفايفها وكأنه الكلمة ما راقت لها .. ريما: مو هني شوي ويي
طلال وهو عاقد حواجبه: ليش وين رايح؟؟
ريما بضحكة: لاا يكون زوجته وأنا ما أدري ههه
طلال: هههههه
ريما وهي تقعد يمه: راح يشتري عشى لأني ما طبخت
طلال وهو مكشر: لااعت جبدي من أكل المطاعم وقلت باكل اليوم أكل بيت لو أدري إن عشاكم برا ما عزمت روحي وييت
ريما وهي رافعه حاجبها بإستنكار: عفواً يعني أنت ياي علشان العشى بس
طلال وهو يضحك: هههههههه لاا أمزح معاج .. أوب أوب شـ الحلى هذا طالعة قمر (وهو يغمز)ما دريت الزواج يحلي جذي
ما حس إلاا المخده في ويهه .. ريما بـ قهر : سخيـــــف
طلال: ههههههههههههههههه
نهـاية البارت
توقعااتكمـ...؟؟؟
تحياتي للجميع
مفتون قلبي
.gif)
