رواية بس احبك رواية كويتيه حلوه

[miss 3yara]

مرات الحب يكون نعمة يفرحنا ويملا حياتنا سعاده ، ومرات يكون نقمة يزيدنا هم وكآبه ،،
ومرات يكون هوس و جنون يعذبنا ،،ومرات يكون جرح مؤلم يحتاج علاج
ومرات يكون هذا الحب درس لنا عشان نتغير و نغير من حياتنا ،،
ومرات يكون غلطه تفتح عيونا على حلم إحنا عشناه وطلع بلآخر كابوس ،،
ألحين إحنا بعالم إنتهت فيه المشاعر و الأحاسيس و أصبح المهم الشي المادي الملموس أصبح الحب مجرد كلمة ينطق بها من يشاء بإسم المصلحه و الخوف ،والحب الحقيقي البعيد عن الزيف و الكذب أصبح نادر الوجود...
كثير من الحكماء و العظماء قالوا أن :-
*الحب أعمى (أفلاطون)
*الحب لا يعرف أي قانون (بوريسيوس)
*ما الحب إلا جنون (شكسبير)
*ليس بالحب إلا ما نتخيله (بيف)
*الحب دمعة وابتسامة (جبران)
إلخ ..... الكثير من الكلمات تقال عن الحب و العشق ولكنه يظل الحب من أسمى الكلمات و المشاعر والأحاسيس
إذاًإستعدوا يرجى ربط الأجزمة حتى يتم الإقلاع بكم بهذه الرحله
المتجهه إلى مخيلتي ..في رواية جديده ،،،
أتمنى أن تحوز على إعجابكم ورضاكم ،،
القصه خياليه ومالها شغل بحياة الواقع
_______________________
غرام حامد الـــ*** بنت عمرها 23 سنه ضعيفه حنطاويه جمالها ياخذ العقل عيونها كبار بنيه مايله لي العسليه و شفايفها ورديه مرسومه، زين طولها مو متحجبه باخر سنه لها بالجامعه كانت من عايلتها من الطبقه المتوسطه ، ترتيبها الأخير بين إخوانها اللي من أبوها .كانت غرام يتيمه أبوها مات من يوم كانت صغيره أما أمها للحين عايشه وهما ساكنين بشقه على قدهم ،،،
طبعا إخوان غرام ما يحاجونها ولا يعرفونها ولا يبون يتعرفون عليها لأن في بالهم أنها إهي و أمها سبب تفكك إسرتهم و أمهم عودتهم على كرها
أكبر أخوانها إختها نوال بيضه متحجبة طويله و عمرها 44سنه إهي متزوجه ولد خالها سليمان وعندها منه بنت و صبي البنت عمرها 18 وهي مرام ، ولصبي عمره 9 سنين وإسمه وليد
بشار عمره 30 سنه أبيض طويل وايد عيونه كبار على أبوه طيب و حبوب بس عصبي بشكل مو طبيعي متزوج من حبيبته ( جوري) اللي حبها من يوم كانوا الجامعه صار له 3 سنين متزوج وعنده صبين تؤام ( ناصر و أحمد ) أعمارهم سنه عايش في بيت أبوه لين يطلع له بيت
جوري زوجة بشار: حنطاويه قصيره بس مو وايد شعرها يوصل لي ظهرها ملامحه عاديه، حبوبه و تحب تسولف مع الكل والكل يحبها لان شخصيتها حلوه
جمانه عمرها 24سنه . بآخر سنه لها بالجامعه معروف إنها مغروروه وشايفه نفسها وايد تحب ترفع نفسها جدام الناس كانت لأن محد كان يقدر يفرض رايه عليها وكانت دلوعة أبوها قبل لا يموت فمحد كان يكلمها عن لبسها أو مكياجها الــ over طبعا إهي مو متحجبه برونزيه صابغه شعرها أشقر مع خصل هاي لايت وشعرها يوصل لي جتفها حياتها free وتدرس بالجامعه الأمريكيه
غرام تخصصها إدارة أعمال كانت تحاول كثر ما تقدر أنها تييب نسبه قويه وتتخرج بتفوق ، كانت غرام قبل تخرجها خايفه وتحاتي النتيجه لأن بآخر إمتحان حاسه أنها مو حاله عدل بسبب مرض أمها ، وهي قاعده بالصاله تطالع تلفزيون دقت رفيجة غرام بشاير وبلغتها أن النتيجه طلعت وإنها ناجحت وطلعت الثانية على دفعتها غرام ضاق خلقها إنها طلعت الثانيه بس حمدت ربها أمها استانست بنجاح غرام
_________________
بالصاله :-
صاله على قدهم صغيره و مجكنمه جدرانها مغلفه بورق الجدران الفاخر لونه أف وايت بتحديد ذهبي .. القنفات الأوف وايت شغل إيكيا و صور غرام و أمها ماليه الصاله بكل مكان برواز حامل صورهم وبنص الصاله خصوصاً قبال المكتبه اللي فيها التلفزيون صورة كبيره حق أبو غرام
أم غرام قاعده بالصاله تتريق : مبروك يا بنيتي إنشالله أشوفج مرأة أعمال عندج شركاتج
غرام: الله يبارك فيج ، إنشالله رفعت راسج
أمها : والله مدام إنتي بنتي بيظل راسي مرفوع
غرام راحت حق أمها و حظنتها حيل: الله يخليج لي يا أحلى أم بالدنيا
________________________
بنفس الوقت في بيت أم بشار
البيت الفخم الواقع بأحد أرقى مناطق الكويت ..تصميم البيت الكبير من بره روعه جنه قصر الحديقه الكبيره إللي ماخذه نص مساحة البيت
أول ما تدخلون الدري الرئيسي قبال الباب .. و الدري يفصل صالتين عن بعض ..
الصاله الأولى للضيوف فخمة جدا كان أبو بشار تعبان على بيته وايد فكان حاط أهم مهندسين الديكور حق بيته .. الصاله لونها بيج و قنفات كبار لونهم بني لون القهوه .. الثريه النازله بنص الصاله فخامة الكريستال و الديكور و الزخارف اللي ملت سقف الصاله والبرواز و المكتبه الكبيره اللي مليانه بالكتب
الصالة الثانيه كبيره وهي حق إجتماعات العايله وقت الزواره لونها أخضر فاتح حيل قنفات أخضر زيني بتطريز هم ثرية متوسطه الحجم بنص و التلفزيون الــبلازما المعلق بطريقه كلاسيكيه تناسب ديكور الصاله
طبعا محد يقعد بهالصالتين الكل يقعد بالدور الأول اللي أهم دور بحياتيهم لانه أقرب لغرفهم وكل ما يحتاجونه بالبيت
صاله صغيره لونها عنابي .. مع قنفات عنابيه بتطريز ذهبي إضاءه سبوت لايت ، و الستاير الفخمه
المطبخ التحظيري اللي يطل على الصاله ..
كانت طالعه نتيجة جمانه وانها ناجحه الكل استانس لنجاحها
نوال وهي تسكر الجريده: مبروك و منها لي الأعلى
جمانه قاعده ريل على ريل: الله يبارك فيج
بشار مبتسم: أخيراَ تخرجتي بعد ما راحت عليج سنه
أم بشار وهي تلم جمانه وتحطها على صدرها : بس بشار لا تتكلم عن اللي راح المهم إنها تخرجت
بشار: أففف مو جنه الوالده سكتتني
جوري: مبروك جمانه والله فرحت لج من كل قلبي تستاهلين
مرام : مبروك خالتي جمانه
جمانه: الله يبارك فيج
نوال: صح باجر التخرج إنشالله زاهبه و مو ناقصج أي شي
جمانه: لاء مو ناقصني شي ، بس إذا بتعطيني شي ماعندي مانع
قعدوا لي الساعه 10.00 وبعدها نوال راحت بيتها و الباجي اللي راح غرفته و الي طلع واللي نام
___________________________
الصبح في بيت نوال :-
بيت نوال يعني مو كبير وايد تصميمه عادي ما يختف عن البيوت اللي نشوفها
سلمان زوج نوال نازل من الدري وهو يعدل غترته : صباح الخير على أحلى زوجه في العالم
نوال( أم وليد): صباح النور
سليمان : صج مبروك على نجاح جمانه
نوال (أم وليد) : الله يبارك فيك ، ليش ماييت تبارك لها أمس ؟
سليمان : والله مثل ما تشوفين أمس إنشغلت مع بو عبدالرزاق جارنا فنسيت
نوال (أم وليد): أقول سليمان عطني جم فلس بشتري هديه حق جمانه عشان تخرجها اليوم
سليمان : شنو اليوم تخرجها..؟!
نوال (أم وليد) : عيل أنا شقاعده أتكلم عنه من مساع
سليمان : خلاص لما أرد من شغل أعطيج لفلوس لأن ألحين ما معاي ولا فلس أسحب من البنك وأعطيج
نوال (أم وليد): أوكي
سليمان يطالع الساعه و يصرخ : يلا يا يعيال ما أبي أتأخر على الشغل
مرام وهي مبين إنها مستعيله وتشرب عصير: صباح الخير يمه
نوال (أم وليد) : صباح النور، وين أخوج
مرام: كاهو ألحين يايي
سليمان كان بسياره ويطق هرنات عشان عياله يطلعون
نوال( أم وليد ): يلا يا عيال طلعوا أبوكم من كثر ما طق هرنات قعد نص الفريج
____________________
في شقة غرام وأمها على الساعه 11.20 الصبح :-
غرام كانت قاعده مبجر كانت قاعده تزهب ملابسها حق التخرج وبتروح مع بشاير الصالون وهما كانوا حاجزين من أمس ، غرام سمعت صوت أمها تكلم خدامتها فقامت وراحت تشوفها
غرام : صباح الخير
أم غرام : صباح النور والورد والياسمين
غرام : شفيج يمه صوتج واصل لي الصاله
أم غرام: ما فيني شي
الخدامه راني : غرام ماما مايبي ياكل شلون ياخذ دوا
غرام تقعد مع أمها بلفراش: يمه لازم تاخذين دواج ولا راح تتعبين
أم غرام : روحي حطي الأكل بالصاله
الخدامه راني: والله ماما أنتي واجد مشكل مره ما أبي أكل ومره يبي أكل
غرام : راني حطي الأكل وبلا حجي فاضي
الخدامه : إنشالله
وهما قاعدين يتريقون أم غرام سألت بنتها :-
أم غرام : غرام حبيبتي معاج فلوس حق الصالون اليوم
غرام : إي يمه عندي اللي يكفيني ويزيد
الخدامه : غرام تليفون هذا صديقه مال إنتي
غرام ردت على التليفون : هلا بشاير شلونج
بشاير : الحمدالله بخير ، أقول تبيني أمرج ولا أنتي تيين بسيارتج
غرام : لاء إنتي مريني أحسن
بشاير: أوكي أييج بعد ربع ساعه نص ساعه بالكثر أنا عندج
غرام : أوكي باي
بشاير :بايات
غرام سكرت التليفون وقعدت مع أمها ،أم غرام كانت قاعده تقرا الجريده : ها بتروحين ألحين
غرام: بعد نص ساعه بشاير راح تيني
أم غرام : اسمج مع الأوائل ماني مصدقه نفسي ، انشالله بعد نجاحج أشوفج عروس
غرام رافعه حاجبها : شنو يمه تبين تفتكين مني
أم غرام: لا حبيبتي بس حلم كل أم تشوف بنتها عروس
غرام: إنشالله
أم غرام : إنزين خنشوف أسم بشاير وجم نسبتها
غرام بتلهف: ها جم نسبتها
أم غرام: 89 زينه
وهي تكمل تقرا الأسامي لقت أسم يشابه أسم غرام الكامل وهني عرفت أنه أخت غرام تخرجت معاها
غرام: شفيج يمه سكتي
أم غرام: تدرين منو تخرجه معاج اليوم
غرام: منو ..؟
أم غرام : أختج جمانه
غرام: أنا عندي أخت كٌبري أسمها جمانه وهي بالجامعه الأمريكيه
أم غرام : أنا توني أدري أن عندج أخت كبرج لان خابره أبوج كان يتكلم عن أختج لكبيره نوال و أخوج بشار بس ما ياب لي سيره عن جمانه
غرام: يمكن تشابه أسماء
أم غرام: عاد كل الإسم
غرام: يمكن أنا أقوم ألأبس قبل لا تيي بشاير وتاكلني بحنتها
دخلت غرام غرفتها : غرفتها كانت وايد رومنسيه حيطانها مصبوغين بالون البنفسجي و الفوشي ..المكتب اللي إنترس بالأوراق و المراجعات و الكتب و العطورات اللي تارسه التسريحه . .الشموع اللي يلون الفوشي و البنفسجي مزينه المكتبه و الصور اللي كانت بكل مكان
ولبست جينزسكني مع تي شيرت رفعت شعرها وحطت مسكرا و غلوس ولما طلعت من غرفتها كانت بشاير توها واصله وداشه شقتهم
الخدامه : غرام صديقه مال إنتي يجي
غرام : إنزين
بشاير كانت قاعده بالصاله مع أم غرام ويسولفون ، طلعت غرام من غرفتها وقعدت وياهم
أم غرام:مبروك بشوره والله فرحانه لكم وايد
بشاير:الله يبارك فيج
أم غرام: شلونج وشلون أمج ؟
بشاير: الحمدالله تمام وهي تسلم عليج وايد وايد وتقول نشوفج بالتخرج
أم غرام: الله يسلمهاا وإنشالله أشوفها بالتخرج
بشاير : يالله إحنا نستأذن عشان لا يروح حجزنا بالصالون
أم غرام : الله حافظكم
غرام : يمه لو تبين أي شي دقي علي ولا دقي على رقم بشاير أنا حافظه الرقم بموبايلج
أم غرام : إنشالله
طلعت غرام وبشاير وركبوا بسيارة بشاير كانت سيارتها جيب لاند كروزر أبيض المهم أول شي راحوا تمشوا بمجمع من المجمعات على ما إيي موعدهم بالصالون تغدوا هناك وعلى الساعه 3.30 العصر راحوا الصالون
____________
بالصالون
بشاير تتصفح كتالوج للقصات : هااا شقررتي تسوين لج تسريحه ولا بس مكياج
غرام : ماادري والله حدي محتاره
بشاير : سمعي كلامي وسويلج لوك يديد ما ملتي من شكلج
غرام : ما أدري بشور أنا ما أحب أغير شكلي
الصالونه ريما : شو قررتي تعملي ..؟
بشاير: سمعي سويلها القصه اللي نفس حليمه بولند وصبغي شعرها كستنائي مع خصل بثلجيه
غرام : لحظة أنا ما أحب الشعر قصير
بشاير: أنتي سكتي وخلي الخبيره بشاير تتصرف
ريما بدت تصبغ و تقص شعر غرام وعقب ما خلصت التسريحه و حطت لها المكياج طلع شكلها روعه خيالي ، لدرجه أن الصالونه عجبها اللوك اللي سوته لها
بشاير تطالع غرام و تصفر: شنو هذا صكيتي على حليمه بشكلج
غرام : لا تبالغين
بشاير : كيفج المهم اللوك طالع عليج روعه
غرام : أي ما توقعت أنه بيطلع حلو جذي كانت عندي شكوك بس ألحين عجبني
بشاير : أفاا عليج أعجبج
غرام : يا الله إنتي شناطره متى تسوين تسريحتج و مكياجج
بشاير : كاني ألحين
________________
ابي اشوف ردودكم علشان اكمل

 

[زهرااا]

امبي تينن القصه
كملي كملي كملي

 

[miss 3yara]

انشالله حبيبتي بكمل

 

[girla]

القصه عجيييبه قاريتهااا

 

[روح اهـلـها]

يلا كمليييييييييييي

 

[miss 3yara]

الحين بنزل لكم بارت تصبيره علشان بطلع اوكي بنات ولما ارجع بنزل لكم اوووووكي

 

[miss 3yara]

بنات سووووووووري المنتدى معلق الي انزل منه الروايه فا بلييييييييييز نطروو لما ارجع البيت انزل لكم اوووووكي

 

[miss 3yara]

يعيني حظكم حلو الحين بنزل لكم بارت تصبيره ولما ارجع انزل لكم اوكي

 

[miss 3yara]

وعلى الساعه 5 العصر طلعوا من الصالون وهما بالطريج رايحين بيت غرام كان في شباب لاحقينهم من أول ما وقفوا عند الإشاره لين الشارع العام اللي قبل لفت بيت غرام حاولوا كثر ما يقدرون أنهم يكلمونهم بس غرام و وبشاير ما عطوهم ويه
وصلوا بيت غرام : ثانكس لأنج مريتيني
بشاير : شدعوه أحنا أكثر من خوات ماله داعي تشكريني
غرام : أوكي أشوفج بالتخرج
بشاير: إنشالله ، بااي
غرام : بايات
دخلت غرام شقتهم أمها كانت قاعده بالصاله : أشوف شكل خريجتنا
غرام دخلت : ها شرايج بشكلي
أم غرام بصدمه : قصيتي شعرج
غرام تحط إيدها على شعرها و تطالع نفسها بالمنظره : ليش مو حلو
أم غرام : حلو بس كنت متوقعه إنج بتقصين شعرج قصير
غرام : يمه مليت من شكلي فسمعت كلام بشاير و سويت نيو لوك ، هااا شرايج بشكلي وبليز قولي الصج
أم غرام: والله شكلج فضيع
غرام تبوس راس أمها وتروح تبدل ملابسها عشان ما بقى وقت ، وهي فغرفتها قعدت على لفراش شوي وطالعت صورة أبوها قالت لنفسها : تمنيتك تكون معاي بهاليوم
قامت ولبست البدله اللي شاريتها كانت شاريه نفنوف قصير بس مو وايد لونه أسود ولبست معاه كعب وخذت لبس التخرج معاها
___________________
بالتخرج :-
أم غرام قعدت يم أم عبدالعزيز اللي إهي ( أم بشاير) : السلام عليكم
أم عبدالعزيز : وعليكم السلام هلا والله نوره شلونج
أم غرام: تماام أنتي شلونج
أم عبدالعزيز : الحمدالله
أم غرام: عيل وين أبو عبدالعزيز
أم عبدالعزيز :والله راح يتأخر شوي بس إنشالله راح إيي يشوف بنته أهم شي يشوف بشاير

أم غرام : والله وكبروا عيالنا وتخرجوا
أم عبدالعزيز : إي والله وباجر بنشوف غرام وبشاير عرايس و كل وحده بتروح بيت زوجها
أم غرام : إنشالله.. جنها بدت حفلة التخرج
وصلوا لي اسم بشاير و إسم غرام، و أم غرام وأم عبدالعزيز من الفرحه بجوا لنجاح بناتهم ويببوا لين تعبوا
*************************************
بعد التخرج شهد ظلت بالبيت شهرين وفي هالشهرين ملت من القعده لأنها مو متعوده تظل بدون حركه ففكرت إنها تساعد أمها بمصروف البيت فدورت بكل الجرايد و سألت الناس اللي تعرفهم عن الوظايف لأنها كانت متأكده لو إنطرت وظيفة الحكومه راح تطول وايد وهي في حاجه لمعاش
وفي يوم من الأيام وغرام تقرا جريدة اليوميه لقت إعلان شركة تطلب موظفات حسنات المظهر لشركة محترمه غرام دقت على الشركه
غرام : ألووو السلام عليكم
مدير شؤون الموظفين : وعليكو السلام أي خدمه يا فندم
غرام: والله حبيت أسأل عن الإعلان اللي منزلينه بالجريده
مدير شؤون الموظفين : أيوه الوظيفه عباره عن دوام من الصبح الساعه 9 إلى 3.00 العصر وهي تختص بالميزانيه و الحسابات
غرام : أوكي في أي طلبات عشان أتقدم للوظيفه
مدير شؤون الموظفين : جيبي شهدتك و بطاقه المدنيه .. إلخ
غرام : أوكي الساعه جم أيكم
مدير شؤون الموظفين : تقدري تيجي وقت ما تحبي
غرام : مشكور
مدير شؤون الموظفين: لا شكر على واجب
____________________________________
أم غرام طالعه من المطبخ : للحين تدورين لج على وظيفه ؟
غرام: أي والله ، اليوم لقت لي وظيفة بشركة أسمها : شركه محمد جاسم للتجاره والعقارات
أم غرام : متى راح تقدمين أوراقج لهم
غرام: إنشالله باجر
أم غرام : الله يوفقج ، بس أنا بعرف شي واحد إنتي ليش مستعيله على الشغل إنتي توج متخرجه ولاحقه على الشغل والكد
غرام: بس يمه أنا مليت من القعده
أم غرام : كيفج حبيبتي
___________________________
بيت أم بشار و خصوصاً بالدور الخاص في بشار و جوري
كانوا قاعدين بالصاله :-
جوري : بشارحبيبي أمش نطلع ترى والله مليت كل يوم قاعده و مجابله أختك وأمك
بشار : أنا عندي شغل وايد خليها باجر
جوري : بيشو حبيببي اليوم أنا أبي أطلع وياك نفس قبل من يوم يبنا البيبي وأنت كاشت فيني سكت وقلت عشان ناصر أحمد صغار ألحين عمرهم سنه ونص لا تخاف عليهم أمك معاهم وخدامتهم معاهم
بشار: أوكي قومي لبسي على ما ألغي كل مواعيدي حق اليوم
جوري تطبع بوسه على خده : ثانكس حبيبي
________________________
بشار راح نزل الصالة اللي تحت وشاف جمانه توها راده من بره
جمانه كانت توها راده من السوق : السلام عليكم
بشار: وعليكم السلام ، وين كنتي انتي من الصبح
جمانه : كنت طالعه
بشار بعصبيه: أدري أنج طالعه عيل داخله ، وين كنتي ؟؟
جمانه متخصره وترد على بشار : طلعت مع رفيجاتي درنا بالمجمع و تغدينا
بشار: وليش ما تعرفين تستأذنين و تقولين إنج بتطلعين
جمانه : والله أنا قلت حق ماما و أمي الوحيده اللي لها حق علي
بشار بعصبيه بس كان ماسك نفسه: جمانه احترمي نفسج وبلا طوالت لسان ، ليش أبوي دلعج وايد قمتي تتمادين
جمانه تقلب بعيونه و عافسه ويها لأن ما كان عاجبها الحجي: خلصت كلامك
بشار: بعد جنه مو عاجبج الكلام
جمانه هدت أخوها يتكلم وصعدت غرفتها ولا جنه أخوها لكبير قاعد يكلمها
أم بشار كانت نايمه وقعدت على صوت صراخ بشار : خير يمه بشار شفيك تصارخ ..؟
بشار بعصبيه: هذي بنتج ما فيه إحترام حق أحد تدخل وتطلع على كيفها لاحسيب ولا رقيب
أم بشار صرخت على ولدها: حدك يا بشار لاتكلم عن إختك جذي كافي إنها تاخذ الإذن مني أما انتوا ما لكم حق عليها
بشار: يمه من صجج أنتي جذي بدلعج لها راح تضيعينها لين تينا بمصيبه
أم بشار: استح على ويهك هذي اختك ولا تتكلم عنها جذي
بشار: أنا آسف يمه بس أنا أخاف في يوم يصير فيها شي ولا يقص عليها أحد من عيال هالوقت
أم بشار: لا تخاف على إختك لأنها ما تجرأ تسوي شي من غير ما تاخذ شوري
_______________
بغرفة جمانه :-
غرفة جمانه الفخمه اللي كانت مصممها أهم مهندسين الديكور بالكويت ..كانت غرفتها تحسسها أنها ملكه و هذا عرشها ،من الإضاءه لي لفراش و الستاير و الأثاث اللي بالغرفه كله فخم بفخم ،لون غرفتها كان أوف وايت و ديكور مصبوغ بلون الذهبي الحلو مو الهليقي
جمانه بدلت ملابسه وقعدت على فراشها و مسكت موبايلها ودقت على حبيبها طلال ، طلال يشتغل بالجيش موصفاته اسمراني معضل طويل يحب حركات لسبورت و سوالف Nigga تعرف على جمانه يوم كانت رفيجتها فجر مواعده رفيجه ومن هني بدوا علاقتهم طلال وايد يلعب وما كان يحب جمانه فكان يكلم أكثر من بنت .
طلال بنفسيه: ألووو هلا جمانه
جمانه بكل دلع و رقه : طلال أنا آسفه مو قصدي أطلع من غير ما أقولك بس ترى أنا وصلت البيت
طلال: أوكي ، و مره ثانيه إذا بغيتي تطلعين تكلمي
جمانه : إنزين إنت زعلان
طلال: لا مو زعلان ، ( بدا يمثل ويجذب عليها ) بس أنا ما أحب أشوف حبيبتي تمشي بالمجمعات ويتحرشون فيها الشباب
جمانه : هل كثر تغار علي ( مسكينه وايد واثقه)
طلال: أفف إذا ما أغار عليج أغار على خدامتنا (شوف التشبيه )
جمانه وهي تتكلم دخلت عليها أمها بدون لا تطق الباب وقالت لها :-
أم بشار: جمانه سكري التليفون بكلمج
جمانه وهي تقول حق طلال: فطوم بعدين أنا أكلمج ..؟!
طلال:أوووووووووه شكله صاكين عليج اوكي قلبي يلا باي
جمانه: بايات
أم بشار قعدت على طرف الفراش: جمانه حبيبتي خففي من طلعاتج لأن أخوج بياكلنا بحنته و صراخه اللي كل يومين شايل البيت فيه
جمانه بكل دلع : شنو يعني ماما ما أطلع مع رفيجاتي
أم بشار: طلعي بس حبيبتي مو كل الوقت أنتي بره البيت
جمانه : مو جنه مماه وقفتي معاه ضدي
أم بشار: يا جوجو أنا لا معاه ولا ضدج بس هالأيام خففي من طلعاتج لأن وصلنا آخر الشهر ولا تنسين أن معاش الشركه كله تحت إيده لا تخلينا يقطع عنج المصروف ، وأنا فهمته محد له حق عليج غيري
جمانه : أوكي
طلعت أم بشار من غرفة بنتها وراحت قعدت بالصاله تكمل تطالع مسلسلها سنوات الضياع ، وهي تطالع المسلسل نزلت جوري وكانت لابسه برمودا جينز و قميص ستان فوشي وقعدت مع أم بشار على ما يخلص بشار لبسه
أم بشار: شنو طالعين
جوري: إي والله يا خالتي ملينا من قعدت البيت بنروح السينما و بعدين نتمشى شوي
أم بشار: بتاخذون اليهال وياكم
جوري : لاء أهم قاعدين إهني معاكم
بشار وهو نازل ولابس دشداشه وغتره وعقال : يلا يا جوري
جوري: كاني يايه يلا خالتي باي بس قبل لا أروح تبين شي أيبه وياي
أم بشار: لاء سلامتج
بشار: يلا يا جوري ما أبي أتأخر على الفلم
جوري: كاني يايه
_______________________
في المرينا على الساعه 7.00 بليل وهما كانوا يتمشون صادفوا رفيج بشار وجارهم قبل مشاري :-
كان مشاري أصغر من بشار بخمس سنين وعمره 25 سنه كان مواصفات :- برونزي عليه غمازه على خده اليمين تينن زين طوله جسمه رياضي شعره و لبسه دايما على الموضه يحب الماركات التكشخ قزيز درجه أولى ما تمر بنت إلا ويتحرش فيها أو يعرفها كل البنات يمدحون شكله و إسلوبه و ستايله
مشاري ببتسامه: هلا بو البش
بشار: هلا فيك شلونك أنت شمسوي بالدنيا
مشاري : هذا أنا أقز من مجمع لي مجمع والكل يعرفني ، أنت شمسوي يا القاطع ولا عشان تزوجت نسيتنا ونسيت وين دوانيتنا
بشار: لا والله تدري من توفى أبوي و أنا شغل الشركه كله علي
مشاري: لا عيل حياك دونيتنا مفتوحه من لأثنين لي الجمعه تعال وصج مساعد كل مره يسألني عنك
بشار: أي صج شخبار رفيج العمر أيام لهواش و القز وتهريب من المدرسه
مشاري: والله تماام ولو أقوله إني شفتك اليوم راح يستانس وايد
بشار: سلم عليه ..
مشاري : يوصل أقول روح للمدام لا نأخرك و خلني أشوف حظي بالقز
بشار : أقول مشور عطني رقمك
مشاري :*****97
بشار: تامر على شي حجي
مشاري : سلامتك
بشار: يلا باي
بشار راح حق زوجته اللي كانت قاعده تتسوق بــH&M و Zara
فسألته جوري:بيش شفيك طولت مليت وأنا أنطرك هني؟
بشار: صادفت رفيجي من أيام بيتنا بشويخ
جوري: أممم أقول متى وقت الفلم ؟
بشار: أووووه الفلم راح عن بالي يلا ما بقى شي عشر دقايق ويبدي أمشي نصعد
صعدوا لسينما ودخلوا فلم مصري خارج عن القانون مال كريم عدالعزيز
ردوا البيت على الساعه 12.30 بليل كانوا الكل اللي بالبيت نايمين بس جمانه اللي قاعده تطالع تلفزيون
_____________________________________
الصبح
في بيت أم غرام الساعه 9.00 :-
أم غرام قعدت بنتها عشان تذكرها بموعدها مع الشركه اللي بتشتغل فيها ، غرام طبعا قامت و راحت تبدل ملابسها وتستعد وهي قاعده تبدل دقت عليها بشاير:-
بشاير: ألووو صباح الخير
غرام: هلا والله صباح النور شلونج
بشاير: أنا زينه
غرام: خيرشفيج مستانسه اليوم ؟
بشاير : اليوم خذيت مصروفي من أبوي وأَبي أصرفه شرايج تساعديني بالمهمه
غرام : شوفي أنا ألحين مشغوله بروح حق الشركه اللي بشتغل فيها بشوف شنو طلبات الوظيفه وما أدري متى أخلص منهم
بشاير : أوكي متى ما خلصتي دقي علي
غرام : أوكي
بشاير: Good luck و إنشالله تكون الوظيفه من صالحج
غرام: إنشالله يلا باي
بشاير :باي
غرام كملت لبسها ومكياجها كان لبسها شبه رسمي لبست قميص أبيض معاه جاكيت بدله رسميه وبنطرون جينز سكني و حطت ميكياج بسيط وايد و طلعت
خذت سيارتها اللي إهي تيوتا كارولا 2005لونها أبيض وصلت لشركه وسألت عن مدير شؤون الموظفين دلوها على مكتبه طقت الباب
(حسام رأفت )مدير شؤون الموظفين : تفظلي
غرام : السلام عليكم
حسام : عليكم السلام أي خدمه يا آنسه
غرام : أنا كلمتك من جم يوم بخصوص الوظيفه اللي تتعلق بالميزانيه و الحسابات
حسام : أيوه فكرك ، جبتي الأوراق اللي طلبتها منك
غرام : أي تفضل
حسام وهو يقرا أوراق غرام : أمم متخرجه التانيه على دفعتك وكل أوراقك كامله خلاص الوظيفه ليكي
غرام : صجج مشكور استاذ حسام مشكور وايد وايد أنا أستأذن ألحين
حسام : رايحه فين مش عايزه تعرفي كم هتخذي معاش
غرام ترد تقعد مكانها: إيه صح
حسام : معاشك حيكون 500 دينار ودوامك من الاساعه 9.00 إلى الساعه 3.00
غرام : أوكي مشكور
حسام : طب تشربي أيه
غرام: نسكافيه
حسام وهو يضغط على الجرس علشان ينادي الفَراّشْ : يا كومار روح نادلي ميشاري وجيب واحد نسكافيه
كومار دش الغرفه اللي فيها مكاتب موظفين الحسابات ونادى مشاري وهم راح ياب النسكافيه لغرام ، بعدها بجم دقيقه طق الباب مشاري
مشاري: هلا إستاذ حسام
حسام : ميشاري
مشاري : إسمي مشاري مافيه ياء ورا الميم مشاري
حسام : كله زي بعضه
مشاري: شنو تبي خلصني ؟
حسام : هنا الآنسه اسمحيلي هو إسمك إيه ؟
غرام : إسمي غرام حامد
مشاري مسك إيدها وحط عينه بعينها: تشرفنا
غرام استغربت من اللي سواه مشاري وعرفت أنها واحد مغازلجي ويحب يلعب على البنات فسحبت إيدها بسرعه من إيده
حسام : أيه يا ميشاري مالك فيه أيه خوفت البنت
مشاري: سوري بس يا إستاذ حسام أنت شايف اللي أنا شايفه أول بنت حلوه وبالهجمال تدخل شركتنا
حسام : دي مش أول مره وحده حلوه تدخل شركتنا ، ثم يا ميشاري عيب الكلام اللي بتقوله دي حتبقى زميلتك في الشغل
مشاري: حلو بنفس القسم
حسام : أكيد بنفس القسم أمال بقسمي أنا
غرام : إستاذ حسام ممكن أشوف المكان اللي راح أشتغل فيه
حسام: أيوا أيوا.. ميشاري خذ الآنسه غرام و فرجها فين حتشتغل ؟
مشاري: للمره الثانيه إسمي مشاري و أنا راح أوريها المكان عدل
حسام : أيوا وريها وبلاش مشاكل يا مشاري مع الموظفات
مشاري يفتح باب المكتب حق غرام: أنا أسوي مشاكل حرام عليك استاذ حسام وانت دايما ضالمني
غرام طلعت ومشاري طلع وراها وقاعد يشرح لها عن الأقسام والموظفين و الكفتريا وهالسوالف وهو يكمل جولته بتعريفها على الشركه وصلوا أخير شي لين القسم اللي بتشتغل فيه كان القسم مكون من غرفه فيها 5 مكاتب
المكتب الأول كان حق فيصل سالم أكبر من مشاري وعمره 32 أسمر غامج ( خال بمعنى عام ) بس ملامحه حلوه جسمه رياضي بشكل كبير يحب يلبس اللبس جينزات و بدلات رسميه وهم يحب يلبس دشاديش بالأوقات الرسميه حدا تكانه و ثقيل
المكتب الثاني حق أسيل جاسم ، طبعا أسيل نظام البنت الهاديه الدلوعه اللي تحب الناس يهتمون فيها طيبه لأخر درجه حنطاويه و متحجبه وتحب سوالف الماركات و التفلسف شوي عمرها 23
المكتب الثالت حق دلال صقر ..كانت دلال بنت تحب الوناسه والضحك ودمها وايد خفيف سمره فاتحه مو متحجبه تحب سوالف الأجانب والأنجليز عشان عاشت فتره بره 21 سنه
والمكتب الرابع حق مشاري عرفتوه طبعا..
والخامس حق غرام
مشاري: مرحبا يا جماعه أعرفكم هذي غرام موظفه يديده عندنا إهني بالقسم وراح تدوام باجر
أسيل : هلا والله غرام أنا إسمي أسيل
دلال: وأنا إسمي دلال و إنشالله مشاري ما ضايقج بشي وهو يعرفج بالشركه أنا لو قايلي استاذ حسام جان ييتج وما خليت هالقزيز إييلج
مشاري: شالقافه أنتي
فيصل : وأنا إسمي فيصل الوحيد الصاحي بين هالميانين اللي راح تشتغلين معاهم
غرام وهي تضحك بكل رقه ودلع :هههه تشرفت بمعرفتكم كلكم وإنشالله نكون زملاء وربع وما تكون بينا أي مشاكل
مشاري يطالع غرام : إنشالله
غرام : أنا أستئذن ألحين
أسيل : وين رايحه قعدي شربي شي وخنتعرف عليج أكثر
غرام : إنشالله باجر راح تتعرفون علي عدل باي
مشاري: بايات
طلعت غرام ومشاري قعد على مكتبه ساكت فدلال قاعده تنقز حق أسيل وفيصل وتقولهم : أقول مو جنه صاحبنا باله راح مع اللي طلعت توه
مشاري إلتفت عليها وقال: ما كو شغل آخر عمري بنت تشغلي بالي
أسيل : أي صح
فيصل وهو يضحك : شدعوه مشاري عصبت بس البنت عجبتك
مشاري يسوي روحه مو مهتم : أنا محد يعجبني
دلال: أقول أسيل حطي إغنية نوال مع فضل شاكر أحاول أخفي إحساسي
مشاري : أقول جنه اليوم بتملقونها
أسيل : شفيك معصب أنا من قبل لاتيي غرام وإحنا نسمع الأغنيه
مشاري : أي صح مو أنا هندي بشعري دهن عشان أصدقج
فيصل: يا معود قاعدين يتغشمرون وياك
دلال: مشاري ترى أنت اليوم صاير أي شي
مشاري: عاجبني وضعي
__________________
نوقف لي هني ولما ارجع راح اكمل لكم اووووووكي
يالله بااااااااااااااااي

 

[روح اهـلـها]

يلاااااا ردي البيييييييييييت>>وانتي شكووو
بليييييييييييييييييز كمليييييييييييييييييي

 

[miss 3yara]

وهذا البارت
غرام بعد ما طلعت من الشركه دقت على أمها وبلغتها أنها خذت الوظيفه اللي رايحه تشوفها أمها إستانست لها وايد ، وبعد ما كلمت أمها دقت على بشاير و قالت لها إنها خلصت من موعدها مع الشركه وإنها ناطرتها بالأفنيوز

وعلى الساعه 11.20 وصلت بشاير الأفنيو وتمشت مع غرام وصرفوا كل مصروف بشاير طبعا بشاير إذا شرت شي حق نفسها لازم تشتري حق غرام وياها حتى لو غرام مو محتاجته أو خاطرها فيه وهما يتمشون و يدورون كانت جمانه قاعده تتمشى مع رفيجاتها فدعمت بغرام

،،
دعمت أختها هذا كان لقائهم الأول
ماكانوا يعرفون بعض..
،،
جمانه بنظره كلها غرور و تعالي على غرام و بشاير: أفف شنو هذا هيلق يقطون أعمارهم على الناس

بشاير إلتفتت على جمانه وقالت: انتي اللي دعمتينا و انتي اللي تسبينا خوش شي والله

جمانه تأشر بإصباعها: لو سمحتي أنا ما كلمتج فلا تكلميني

بشاير : صح إنج ما كلمتيني بس قطيتي كلمه علي أنا و رفيجتي

جمانه : So What

بشاير : أنا بعلمج شلون So What

غرام مسكت بشاير وقالت لها : بشاير ماله داعي تنزلين من عمرج لناس ما يستاهلون إنج تردين عليهم

جمانه : يا ماما خفت أنا من كلامج ألحين هيلق

فجر رفيجة جمانه وهي تتكلم بصوت خفيف ومن بين ضروسها: خلاص جمانه أمشي الناس قاعدين يطالعونا

جمانه : أوكي، ما يستاهل أتهاوش مع ناس مستواهم مو مستواي صج هيلق

بعد الهوشه اللي صارت قعدت غرام و بشاير يتغدون بفرايد ديز وهما يتغدون بشاير سألت غرام : غرام ما قلتيتلي شصار على الوظيفه اللي كان عندج موعد وياها

غرام: وظفوني ومن باجر أقدر أستلم شغلي بالحسابات والميزانيه

بشاير: شفتي الموظفين اللي يشتغلون وياج

غرام: أي شفتهم والقسم اللي مشتغله فيه فصله و كل الموظفين تحسينهم جنهم إخوان واحد يطفر الثاني

بشاير مسكت إيد غرام وقالت : يا الله يوفقج

غرام : مشكوره

بشاير : شفيج أكلي

غرام: كاني قاعده آكل

بعد ما خلصوا أكل ودفعوا لحساب تذكرت بشاير إنها بتشتري عطورات لها راحوا محل vava vom وهما يدورون عطر الموظفه مالت المحل رشت لهم عطر فلما شمت بشاير العطر اللي رشته على جك ( كم) غرام كانت ريحت إيدها زقاير وعطر رجالي قوية ولازقه عدل

بشاير وهي كلها استغراب: هي إنتي واحد من الشباب

غرام رافعه حاجبها: ليش ..؟!

بشاير: ريحة إيدج زقاير على عطر رجالي وين كنتي اليوم هاا إعترفي

غرام: أيه هذا مال الموظف اللي عرفني على القسم اللي راح أشتغل فيه

بشاير: شكو ماسك إيدج أخاف أنتي كنتي مواعده بس مو عارفه ترقعين حق عمرج

غرام: حرام عليج تدرين هذي مو سوالفي

بشاير: عيل من وين يت حق إيدج هالريحه

غرام: الله يسلمج مثل ما قلت لج هذا موظف قاله المدير أنه يدليني القسم اللي راح أشتغل فيه وهو شكله قزيز ومغازلجي درجه أولى

بشاير: شلون عرفتي ؟

غرام: دش و قعد وكشت بالمدير وطايح فيه تمصخر وضغط والمسكين المدير مصري ولا يدري بشي وبعدين قعد يمدح فيني وبشكلي ومد إيده وخذاني للقسم

بشاير: عاد شكله حلوه

غرام: والله وما أقص عليج شكله حلو وعنده غمازه لي بتسم مشالله تينن بس ماأدري ليش ما بلعته ..ما أدري من أول ما شفته ما حبيته

بشاير: وصفيلي إياه

غرام: شقولج أهو طويل حنطاوي مبين من جسمه رياضي نفس كل شباب اليوم موقف شعره بجل وسبراي

بشاير: يعني جنه عارض أزياء

غرام: لا شدعوه أهو صج حلو بس مو مثل عارضين الأزياء،

بشاير: شوقتيني أشوفه

غرام: أأقول أنا بطلع لأن طولت على أمي

بشاير : أوكي أول ما توصلين دقي علي

غرام: أوكي
______________________
أول يوم لغرام في شغل :-

وصلت غرام على الساعه 8.30 دخلت المكتب وكانت أول وحده واصله بين موظفين قسمها بعدها دخلت أسيل و دلال مع بعض وبعد خمس دقايق فيصل وصل

فيصل: صباح الخير

الكل : صباح النور

فيصل: ها منو اليوم واصل قبل

أسيل : غرام اللي واصله قبلنا

فيصل: أممم يعني الريوق عليج بس عشان أنتي هذا أول يوم لج راح يكون علي

دلال: هذا نظامنا اللي يوصل قبل أهو عليه الريوق

غرام: خلاص من باجر أمشي معاكم بالنظام ،أقول أنتوا المفروض خمسه صح ليش ناقصين

أسيل ومعاها اوراق و ملفات : شوفي الأخ مشاري ما يوصل الدوام إلا متأخر من كثر ما يسهر ويطيح له مغازل بالبنات

فيصل يرقع حق صاحبه: مو ذنبه لصبي إذا كان حبيب وعاشق

دلال: فيصل علينا بيني وبينك نظام مشاري لعب ما شفته يوم ويتنا فيه موظفه يديده أو سكرتيرة المدير وما تحرش فيها وقط عليها جم كلمة غزل

أسيل: أنا أشهد صح كلامج

فيصل :أي صفو مع بعض لو كان إهني محد فيكم تكلم عنه

دلال: حرام عليك أنا أحب مشاري وهو نفس أخوي و أكثر بس مرات يمصخها بحركاته

غرام: لحظة أنا ضعت بينكم ألحين هذا رفيجكم ولا عدوكم

أسيل : سمعي مشاري زميلنا وأخونا بس نفس يصير عدونا بنفس الوقت أهو حبيب ولو تطلبينه شي ما يردج بس لما نوصل لناحيته الثانيه اللي يغثنا أنه قزيز وما يحب يشتغل ودايما متأخر

غرام: أممم

دش مشاري وهو شكله تعبان وفيه النوم : هاي

فيصل: شفيك شلي صاير فيك ..؟!

مشاري: من أمس مواصل مع بو فطوم حجي لي الصبح وما نمت

أسيل تقط نغزه على مشاري: يحليله أبو فطوم يحبك وايد عشان يتحجى وياك لصبح ، ترى قديمه السالفه قول إسم اللي سهران معاها لي الصبح بعد تستحي

مشاري : مو سهران مع بنت كنت قاعد أكلم عدنان بو فطوم

دلال: بس عاد حدكم على مشيري

مشاري كان مكتبه يم مكتب غرام فقالها : صباح الخير

غرام : صباح النور

مشاري : يلا تصبحون على خير أنا بنام واللي يسأل عني قولوا له مشاري ما داوم فصول إذا دق بو نوره عطني إياه

دلال: خلصنا من بو فطوم طلع لنا بو نوره

مشاري: مالج شغل وخليج بشغلج يلا تصبحون على خير

غرام تطالع مشاري وهو صج ينام ما كان يتغشمر فسألت فيصل: هذا من صجه ..؟

فيصل: عادي راح تعودين عليه

على الساعه 12.30 قعد مشاري على صوت رنة موبايله : ألوووو

أم مشاري: مشاري يمه مليت و أنا أدق عليك شفيك

مشاري: مافيني شي بس كنت نايم ليش شبغيتي

أم مشاري : أنا طرشت لك بنت رفيجتي منيره ساره تذكرها

مشاري: الياهل الجيكره اللي كانت تيي بيتنا قبل شفيها

أم مشاري : استح على ويهك وتكلم عدل

مشاري : إنشالله شفيها ..؟!

أم مشاري : طرشتها لك عشان بتشوف الوظيفه اللي قلت عنها ذيك المره

مشاري: بس الوظيفه خذتها وحده وداومت

أم مشاري: وي جان قلتلي قبل لا أقولها

مشاري: ما سألتيني

أم مشاري: ولييه أنا ما أعرف رقمها وأكيد إهي بالطريج

مشاري: ألحين أسأل إذا في وظايف ولا لأء

أم مشاري: عقب ما تخلص دق علي

مشاري: أوكي يلا باي
**************
فيصل : ها قعدت بروحك وإحنا من مساع نقعدك ماكو فايده بس يوم رن تليفونك قعدت

مشاري: تدري بعد يا فصول أنا بزنس مان واتصالاتي مهمه بنسبه لي وما أقدر أطوفها

فيصل: إي.. صح كلامك واضح إنك بزنس

غرام كانت توها راده من شؤون الموظفين فصادفتها ساره اللي يايه من طرف أم مشاري وقالت : -

ساره: السلام عليكم

غرام: وعليكم السلام

ساره: بغيت أسئل وين قسم الحسابات والميزانيه

غرام: أنا أشتغل هناك بشنو أقدر أخدمج

ساره: تعرفين مشاري حمد ..؟!

غرام: أي أعرفه تفظلي معاي

دخلوا فقالت غرام حق مشاري أنه في وحده تسأل عنه ، مشاري قام من مكتبه وراح حق ساره : خير بشنو أخدمج بزواج ولا خطبه ترا حاضر

ساره : مشاري ما عرفتني

مشاري: والله ما عرفتج بس مو مهم نتعرف

ساره: أنا سويره بنت رفيجت أمك نسيت أمك طرشتني عندك عشان الوظيفه اللي عندكم

مشاري يحك راسه: إي تذكرتج تغيرتي وايد وصرتي حلوه

ساره : وقبل كنت جيكره

مشاري: لاء مو جيكره بس كنتي جنج واحد من الربع

ساره : نعم

مشاري: أتغشمر

فيصل وهو يطفر مشاري:أقول مشاري حبيبي ليش ما تاخذ البنت وتطلع معاها على البحر وتنسى أنك بالشركه

مشاري: عن الإستعباط شفيكم اليوم علي

ساره : أممم شكله عندكم شغل وأنا أخرتكم على شغلكم

مشاري: يبه الشغل ينطر مو هو طاير بس هاللحظه لا تطير

ساره : أفف مشاري من متى أنت رومنسي لهدرجه

مشاري: أنا ضعيف تجاه الجمال و كل شي حلو

الكل بالمكتب يطالعون مشاري واللي يسويه طبعا غرام مو مصدقه من اللي قاعد يسويه قاعده تطالعه و مستغربه

دخل مدير الشركه عليهم : السلام عليكم

فيصل: هلا والله بو محمد

مدير الشركه : شلون الشركه والحسابات إنشالله كل شي ماشي تماام

دلال: والله يا بو محمد مثل منت شايف الشغل تماام التماام

مدير الشركه وهو يطالع غرام: ما تعرفنا إنتي موظفه يديده هني ..؟!

غرام: أي نعم اليوم أول يوم لي فالشركه

مدير الشركه: وشلون شفتي الشغل ؟

غرام: الحمدالله كل شي سهل و حلو نظام شركتكم

مدير الشركه :الحمدالله ، هاا مشاري أنت اليوم ساكت وطااخ مو على عادتك

مشاري وهو يطالع ساره : أنا عجبني الورد اللي جدامي عشان جذي صاير هادي

مدير الشركه: أي ورد ماني شايف ورد على مكتبك

فيصل: ما عليك منه بو محمد سهران أمس ومن أول الدوام وهو يقط خيط وخيط

مدير الشركه : أوكي أخليكم تكملون شغلكم

ساره ترد نسأل مشاري: ها ما قلت لي شصار على الوظيفه ؟

مشاري يطالع ويه سلره و يبتسم: أي وظيفه

ساره : مشاري ركز وياي الوظيفه اللي قلت حق أمك عنها

مشاري: أي الوظيفه خذوها

ساره : ليش ما قلت من مساع جان ما قعدت عندك ولا ضيعت من وقتي

مشاري: أفااا من مساع تسولفين وياي ولما قلت لج أن الوظيفه خذوها قلتي أني ضيعت وقتج صج الدنيا مصالح

ساره : أوكي مشكور يا الله باي

مشاري: وين رايحه تو الناس ما شربتي قهوه ، جاي كلش كلش ماي

ساره تنرفزت: مشكور ما أبي شي كافي اللي ضاع من وقتي

مشاري حس أن ساره صدته قام غير معاملته وكلامه معاها: اللي يسمع كلامج بقول وحده تشتغل بالبيت الأبيض بواشنطن

ساره : أي هذا مشاري اللي أعرفه مو اللي مساع

مشاري:أنزين قبل لا تروحين عطيني رقم تليفونج عشان أقولج إذا لقيت لج وظيفه هني

فاطمه : أوكي سجل *****97

مشاري: باي

دلال: شدعوه عليك مشاري لو طالع معاها أحسن

مشاري : مالج شغل

غرام: يلا باي يا جماعه

فيصل: يلا حتى أنا ماشي

مشاري: وين رايحين الدوام ما خلص

فيصل: أقول يا بو الشباب طالع ساعتك وأنت تعرف إذا الدوام خلص ولا ما خلص
_____________________________

 

[miss 3yara]

التكمله

في بيت أم غرام :-


غرام كانت توها واصله البيت على الساعه 3.30 العصر أمها كانت ناطرتها بالصاله ومزهبه السفره عشان تتغدا وياها

أم غرام : ها يمه غرام وصلتي

غرام: إيه يمه وصلت ، شنو إنتي ما تغديتي

أم غرام: شلون آكل بدونج

غرام: يلا راني حطي الأكل

عقب الغدا غرام راحت على غرفتها بدلت ملابسها ودخلت لفراش بس قبل لا تنام دقت عليها بشاير وسولفت معاها شوي:-

بشاير: هلا بموظفتنا

غرام إنسدحت على فراشها: هلا فيج

بشاير: قوليلي شلون الشغل اليوم

غرام: الشغل زين والموظفين كلهم إيننون إلا واحد

بشاير : لا تقوليلي مشاري إللي مسك إيدج ذيك المره

غرام: إي تصدقين أنه كل مره يداوم متأخر عشان يسهر مع حبيباته بالتليفون ولما يداوم ينام ويخلينا نكمل شغله

بشاير: شنو هالعاشق اللي عندكم

غرام: سمعي ما خلصت حجي واليوم يايته وحده تعرف أمه أو شي جذي وقعد يتغزل فيها ويطالعها بنظرات اعجاب لدرجة أن مدير الشركه دش علينا وطبعا مشاري مسكب بالكل وقاعد يتغزل بالبنت اللي يايتنا عشان الوظيفه

بشاير: وبعدين

غرام : عطته رقمها وقالت له إذا لقيت لي وظيفه هذا رقمي

بشاير: والله ونسه شغلكم

غرام : أهم شي

بشاير:إنزين فل نفرض أن مشاري غازلج وانتي اعجبتي فيه و ودج تكلمينه تسوينها

غرام ترد بكل ثقه: قلت لج أن أنا ما أفكر بالهسوالف ولو مشاري آخر ريال بهدنيا ما أفكر فيه

بشاير: هالكثر تكرهينه

غرام: إي أكرهه و ما دش قلبي و لا قدرت أبلعه

بشاير: أممم أقول أكلمج بعدين عزوز يناديني

غرام : أوكي باااااي

بشاير: بايات

نامت غرام من الساعه 3.45 لي الساعه 5.00 المغرب ولما قعدت كانت رفيجة أمها ندى زايرتهم

ندى هذي رفيجة أمها الروح بروح و هي أم غرام الثانيه ..ملامحها عاديه طيبه قلبها حنون متحجبه تحب تكشخ عمرها وما يهمها عمرها

غرام ويها متفخ من النوم: السلام عليكم

أم غرام و ندى: وعليكم السلام

غرام:شلونج خالتي ندى

ندى : الحمدالله صح النوم يا حلو

غرام: صح بدنج

أم غرام: هالكثر تعبانه من الشغل لدرجة توج تقعدين

غرام: لا أنا ما نمت على طول كلمتني بشاير شوي بعدين نمت

ندى: إنشالله مرتاحه بشغلج

غرام: للحين الشغل زين إنشالله ما تصير فيه مشاكل

ندى : يلا إنشالله بعد ما تستقرين بوظيفتج أدورلج ذاك المعرس اللي راح يعجبج

غرام : خالتي أنا ما أفكر بالزواج ألحين ولو بتزوج أبي واحد يرضى فيني أنا وأمي وما يقولي يا أنا يا أمج

ندى: في وايد ريايل يرضون بشرطج

غرام: بس يا خالتي يكون هذا أول الكلام بس لي صار الصج يبدي يمل ويقول خلاص أنا مليت إختاري بيني وبين أمج

أم غرام: وانتي صاجه

ندى: فل نفرض أنج حبيتي واحد وهو قالج أنه لو تزوجج يبيج تسكنين مع أمه شتسوين

غرام: أقوله من بداية علاقتنا أنه لو يبي يتزوجني يرضى بشرطي أنه أمي تعيش معانا وإذا ما رضى أنهي علاقتي معاه وأقوله أن الدنيا مو واقفه عليه وفي بدنيا مليون غيره

أم غرام: ويهون عليج تضحين بحبج عشاني

غرام: يمه أنا إذا ما ضحيت حقج أضحي حق منو حق أخواني اللي ما يدرون عني ولا حق أبوي اللي مات وما ترك لنا شي يساعدنا بهدنيا

أم غرام :غرام حبيبتي لا تتكلمين عن أبوج جذي ، أبوج حبنا من كل قلبه بس بآخر أيامه كان تعبان فأخوج بشار أهو اللي تصرف بحلاله وبوصيته

غرام: أنا أسفه يمه مو قصدي أتكلم عن أبوي جذي بس إنقهرت

ندي: أقول أنتوا الثنتين شكلكم تبون تقلبون قعدتنا بجي جنكم طالعين في برنامج خالد عبدالجليل

أم غرام: ندوي هذا أنا رفيجتج تقولين عني جذي لو أنا غريبه

ندى: أتغشمر معاكم

غرام: خالتي سولفيلي عن أيام شبابكم قبل وشلون كنتو تقزون

ندى: أفا عليج ما طلبتي شي عاد ليوم يايبتلج سالفه يديده عن أمج أيام ما كانت بالكليه

غرام: أي خالتي قولي

أم غرام: شنو أنتو ناوين علي اليوم

غرام يوم سمعت أمها قالت جذي تذكرت مشاري فقالت وبصوت عالي : قطع

أم غرام وندى استغربوا من غرام فسألتها أمها : شنو الللي قطع ها موعاجبتج السالفه

غرام ويها صار أحمر : حشى والله يمه مو عن السالفه تذكرت شي صار معاي بدوام فقلت قطع بس هذي كل السالفه

ندى: أممم مع أني مو مصدقتج بس بعديها لج

غرام: شدعوه خالتي

وخذتهم السوالف و الحجي بعد حريم لو يقضون اليوم كله سوالف ما يشبعون

 

[miss 3yara]

بنات المنتدى صاير وااايد بطيى والبارت عيل مايطلع على الصفحه السنه واااااااااايد يطول على مايطلع الرد وانا دايخه وابي انام وباجر مدرسه فسوري بنات انا الحين نزلت لكم بارت طويل وباجر انشالله بعوضكم بس صج سامحوني واعذروني

 

[روح اهـلـها]

معذورحبوبه بس نبي تعويييييييض كبيييير_03ba:
ناااااطرينج باجر

 

[]دنيا الوله]

لالا معذوره حبيبتي وناطرينج باجر بس نزلي اكثر من بارت

 

[~*~الملكة~*~]

حبييت القصه

شكلها حلووه

بانتظاارج

 

[miss 3yara]

انا مثل ماوعدتكم بعوضكم الحين فبارتات وااااااااااايد

 

[miss 3yara]

يوم week end وفي بيت أم بشار :-
الساعه 1.00 الظهر
كان اليوم جمعه وفي هاليوم تكون يمعتم أم بشار قاعده ومعاها عيال ولدها يطالعون التلفزيون ويلعبون بلعابهم انطق باب البيت وكانت نوال مع عيالها دخلوا سلموا على أم بشار

نوال تبوس راس أمها: شلونج يمه إنشالله تماام

أم بشار: الحمدالله أنا تماام أنتوا شلونكم وشلون دراسه الياهل

نوال: كل شي تماام التماام واليهال كلهم ناجحين لا وبمتياز

أم بشار: عفيه على عيالي

نوال: عيل وين بشار و جوري ؟؟

أم بشار: جوري للحين نايمه و بشار رايح يخلص جم شغله عنده بالشركه بعدها أيي ، عيل أنتي وين ريلج ليش ما يه معاكم

وليد: يدتي أبوي كله يروح البحر والشركه و إحنا ما نشوفه كلش

أم بشار: هووو ليش شفيه زعلان

نوال: لا توه شاريله طراد فمطيح كل يومين حداق مع ربعه

جمانه كانت توها نازله من غرفتها : هااي

نوال رافعه حاجبها: وعليكم السلام ورحمة الله وبركاته ، جذي الناس يسلمون

جمانه من غير نفس مع ابتسامه مو من قلبها : السلام

نوال:شفيج أنتي ودي يوم أشوفج تتكلمين عدل من غير لا تكونين نفسيه أو غرور بس ما تقدرين

جمانه وهي رافعها حاجبها لأن مو عاجبها حجي إختها: أنا ألحين قاعده أتكلم بنفسيه

نوال: شرايج أنتي..؟

جمانه عافسه ويها جنه الحجي مو عاجبها : سوري ، ماما أنا ما أبي أتغدا معاكم طرشوا أكلي لغرفتي

نوال : والله يمه دلعتيها وايد

أم بشار:أهي اكيد في شي مضايقها ولا ما كنت منفسه

نوال: يمه لي متى تبين تبررين كل اللي تسويه يوم كانت صغيره تغلط وإحنا نقول صغيره ما تفهم وألحين كبرت وهم نقول ياهل وصغيره

أم بشار: نوال خلاص سكري الموضوع

نوال: إنشالله

بشار توه واصل البيت : السلام عليكم

الكل: وعليكم السلام

البنات قاموا وسلموا على خالهم

مي : شلونك خالي بشار ؟

بشار: الحمدالله تمااام أنتو شلونكم ؟

مرام: أنا زينه

بشار يلتفت يمين ويسار: عيل وين جوري ؟

أم بشار: جوري للحين نايمه

بشار: من صجها الساعه 2.00 وهي للحين نايمه خَنروح أقعدها عن أذنكم

أم بشار و نوال : إذنك معاك

بشار صعد لي الدور اللي مخصص حقه وحق زوجته بس قبل لا يروح غرفته سمع جمانه قعده تتكلم وكان باب غرفتها مبطل وهي تحسب أن الكل مشغول بالغدا فكلمت طلال

جمانه : هاي حبي شقاعد تسوي

طلال: طالع مع الربع البحر ، ليش..؟!

جمانه : قلت إذا اليوم كنت فاضي نطلع نتمشى من زمان مو شايفتك

طلال: لا حدي مشغول

دخل بشار الغرفه على جمانه وقعد يصرخ عليها ويقول : إنتي منو قاعده تكلمين ؟ منو اللي من زمان مو شايفته

جمانه سكرت موبايلها وقالت : أنا ... قاعده أكلم رفيجتي بس أنت سمعت غلط

بشار: شفيج أنتي شايفتني هندي شعري متروس دهن ولا ياهل تقصين عليه بكلمه

جمانه بكل ثقه: حتى دق وشوف منو قاعده أكلم

جوري قعدت على صوت لصراخ وراحت لغرفة جمانه : بشار شفيك ليش تصارخ ؟

بشار: أشوف دقي على رفيجتج عشان أتأكد

جمانه بكل ثقه و غرور: شنو يعني مو مصدقني ألحين أدق

جوري: بشار حبيبي خلاص قاعده تقولك أنها كانت قاعده تكلم رفيجتها

بشار: رفيجتها تقولها من زمان مو شايفتك

جوري: يعني غلطت بحرف وقالت بدال شايفتج = شايفتك صارت تكلم واحد

بشار: خلاص أنا راح أخليج عشان جوري بس والله يا جمانوو هالسالفه ما راح تعدي جذي

بشار وجوري طلعوا من غرفة جمانه ونزلوا تحت جمانه ظلت بدارها أم بشار صعدت لها عقب الغدا بتعرف شلي صار بينها وبين بشار
أم بشار طقت باب غرفة جمانه : جمانه حبيبتي أنتي نايمه

جمانه : لاء يمه مو نايمه تعالي

أم بشار: جمانه شفيج مع بشار و صج الكلام اللي يقوله أنتي كنتي تاحجين صبي من ورانا

جمانه : ممااه ولدج جذاب كنت قاعد أكلم فجر فسلمت على أخوها لأن أهو اللي شال التليفون فلما سمعني بشار سوها مشكله وقال إني قاعده أكلم واحد

أم بشار : أنا أدري أن بنتي ما تسوي هالشي

جمانه : أفاا عليج يمه تربيتج

أم بشار باست جمانه على راسها ولمتها بعدها طلعت من الغرفه وراحت الصاله عند اعيالها الباجي
________________________
غرام كانت طلعه مع أمها بالــweek end يتغدون بره وهما يتغدون قعدت أم غرام تسأل عن شغل غرام بالشركه

أم غرام : ها أنتي مستانسه بالشغل اللي تشتغلينه

غرام: إي الحمد الله كل الشغل حلو الموظفين يساعدون وايد صح أنه في واحد يغث بس الباجي حلوين ويساعدون

أم غرام : أمممم تعالي جم معاشج

غرام: 500 دينار

أم غرام: صج أنتي مو صارلج فتره تحنين تبين سياره يديده عقب ما ختربت هذيج

غرام: أي بس أنا ما معاي لفلوس الكافيه عشان أشتري سياره

أم غرام: جمعي معاشج جم شهر وراح تقديرن تشترين السياره اللي تبينها ولا تحاتين أنا راح أزيدج من عندي المهم تستانسين

غرام :يا بعد قلبي يا يمه
_________________________________
بعد ما مر شهرين على شغل غرام بالشركه :-
كان بكل يوم إهي ومشاري هواش اهي ما تقدر تتحمله أو تسولف وياه ، وهو ما يبطل حركاته و تحرشه فيها ، ففي يوم غرام كانت طالعه بإذن عشان بتروح إهي وأمها يشوفون لها سياره يديده ولما شافت السياره وعجبتها دفعت لفلوس قالولها أن بعد يومين تستلمها وعقب ما خلصت رجعت لدوامها ولما رجعت لقت مشاري قاعد على مكتبه و وحده قاعده على مكتب غرام وكان قاعد يقول حق البنت

مشاري: قعدي إهني هذا مكتب العارضه المغروروه غرام

البنت: إهي صج عارضه أزياء

مشاري: لاء أنا قاعد أستعبط إهي رافعه خشمها علي و دايما تسوي روحها أنها تعرف كل شي وتصدقين بعد أنها مع الكل عادي تسولف وتضحك بس معاي نفسيه ورافعه خشمها ما أدري على شنو عاد صج إهي حلوه وإتطيح الطير من السما بس ما عاشت اللي تيب راسي

دلال: مشاري لو سمحت لا تكلم عن لبنيه وهي مو موجوده

مشاري : دلال انتي شكو ليكون حاطينج محامي الدفاع عنها وأنا ما أدري

فيصل: مشاري شفيك يبه عندك مشكله مع البنت كلمها فيها ماله داعي تحجه من ورا ظهرها لا ومع وحده غريبه ومو من الشركه

مشاري: فصول حتى أنت صفيت معاهم

فيصل: أنا مع الحق ؟

مشاري: دافعوا على المغروروه بنشوف منو اللي بينفعكم بعدين

أسيل قعدت تنغز حق مشاري عشان يفهم أن غرام وصلت وأنه يبطل الحركات والكلام اللي قاعد يقوله عن غرام

غرام دشت وقالت حق البنت اللي قاعده بمكتبها أنها تقوم عن المكتب وقالت حق مشاري : لو سمحت إذا أنت عند مشكله معاي لا تتكلم من وراي تعال و واجهني و مره الثانيه لا تقعد أحد بمكتبي

مشاري وهويقول حق البنت وهما طالعين من المكتب: مو قلتلج مغروره

غرام : فيصل ممكن أشوي أكلمك ؟

فيصل: أي إنشالله بس أخلص هالوراق اللي بيدي و أييج

غرام : أوكي
أسيل: ها شسويتي غرام شلون السياره ؟

غرام: السياره فضيعه بس ما فهت شي من اللي قاله لي الموظف اللي بشركه فمحتاجه لراي ريال

فيصل : كاني خلصت شبغيتي ؟

غرام : شفتلي سيارة جيب تويتا Fj cruser شلون نظامه

فيصل: حلو استخدامه وسهله سياقته أخوي عنده واحد و وايد يمدحه ، إنزين خذيته Full Option ولا عادي

غرام: خذيته عادي

دلال: على البركه يعطيج خيره و يكافيج شره

غرام : ثانكس ولا تحاتون حلاوة السياره اليديده علي باجر

أسيل: شدعوه ترى ما يحتاج

مشاري رد المكتب: شنو اللي ما يحتاج

دلال: ولا شي كنا قاعدين نسولف

مشاري يقط نغزه عن غرام : أوكي ، فيصل ممكن تقول حق بعض الناس أني أبي ملف معاملة شركة النور التجاريه

غرام : فيصل ممكن تقول حق اللي خبري خبرك أن المعامله مو عندي و أنه خذاها من زمان بس أهو لو يدور عدل راح يلقاها

مشاري: فيصل قول حق بعض الناس أني لقيت المعامله من غير مساعدتهم

غرام: فيصل إنشالله دوم تلقى أغراضك من غير مساعدة أحد

فيصل وأسيل و دلال قاعدين ويطالعون الوضع اللي صاير بين غرام ومشاري مو عارفين متى راح يبطلون هواشهم

أسيل : شفيكم يا جماعه لي متى ما راح تبطلون هواشكم

مشاري : أنا مالي شغل أنا محترم نفسي عكس بعض الناس و اظن أهم عارفين نفسهم
غرام: أقول فيصل أنا محترمه نفسي من قبل لا أشوفك

فيصل كان ميت من الضحك على حال غرام و مشاري ... وبعد 10 دقايق انتهى هواشهم على خير و بدون ضحايا

 

[miss 3yara]

بعد الدوام غرام كانت معزمه إهي و أمها في بيت ندى (أم عادل)

ندى كان عندها ولد عمره 28 سنه يشتغل كابتن في مطار لكويت طبعا عادل كان الكل اللي يشوفه يحسبه إنجليزي ملامحه إنجليزيه طويل جسمه زين أبيض مسويله قفل و شعره كله نازل على ويها ، وهو أخو غرام بالرضاع

وعندها ولد ثاني أصغر عادل إسمه نواف وهو بالثنويه سنه ثالثه كان وايد خجول وما يحب الطلعات وايد ، جسمه متروس شوي ملامحه عاديه

غرام و أمها طقوا الباب شوي وإيي عادل ويبطل الباب كل طالع لهم بشورت و فنيله برشلونه: هلا خالتي نوره شلونج

أم غرام: الحمدالله أنت شلونك

عادل: أنا تماام ، تفظلوا حياكم

أم غرام : عيل وين أمك ؟

عادل: كاهي ألحين تنزل

ندى (أم عادل): هلا والله نوره شلونج غرام

غرام: الحمدالله .. شلونك عدول

عادل: هلا بأختي لصغيره ..أنا تماام

غرام: شدعوه متيي عندنا ولا تسأل

عادل: شسوي الشغل ماخذ كل وقتي أنا حتى أهلي مو قاعد أشوفهم
غرام:أممممممم

أم غرام: ها شلون شغلك و إنشالله لقيت لك زوجه ترضى فيك

عادل: الشغل تماام بس الزواج تو الناس عليه

ندى( أم عادل) : قوليله عيزت وأنا أكلمه عن الزواج بس أهو مو راضي يبت له أحلى البنات بنات عوايل وهو ما يبي

أم غرام: خليه على كيفه

عادل: أي خالتي قوليلها

ندى( أم عادل) : عاد أنت لقيت ألحين اللي يوقف معاك ، أروح أشوف الغدا أحسن لي


حطت الغدا وتغدوا

غرام: تسلم إيدج خالتي على الغدا الموصج

أم عادل:لا صج

عادل: إي والله تسلم إيدج يا الوالده

أم غرام : أوووووووه كل هالتشجيع لج


أم عادل: عيل شلون عيل عبالج أنا شويه

وبعد الغدا راحوا قعدوا بالحديقه عادل سولف لهم عن العجايب اللي يشوفها بره الدول وعقب السوالف إستأذن وراح بدل عشان بيطلع مع ربعه

وعلى الساعه 6.45 المغرب مشت غرام و أمها وراحوا بيتهم وهما بالسياره أم غرام قعدت تسولف عن عادل وأنه ما تغير عن قبل ، وصلوا البيت و أول شي سوته غرام راحت قطت نفسها على لفراش ونامت لي يوم ثاني
__________________________
الصبح في بيت أم غرام :-

أم غرام و غرام راحوا ايبون سيارة غرام من الشركه وصلت وخذت سيارتها وراحت فيها لدوامها بس قبل لا تروح الدوام راحت شرت شوكلت باتشي

دخلت غرام وكانت واصله بعد دلال و أسيل وفيصل أما مشاري مثل كل مره ما وصل للحين وصلت

أسيل: ها يبتي السياره

غرام: أي يبتها

دلال: شلون سياقتها صعبه ولا سهله ..؟

غرام: لا حلوه سياقتها سهله

فيصل: مبروك يلا يعطيج خيرها ويكافيج شرها

أسيل ودلال : مبروك تستاهلين غرام

بعد ساعه وصل مشاري و قعد بمكتبه وسأل: منو سيارته الــFj cruser ؟

أسيل: سيارة غرام

مشاري يقط نغزات : أممم ناس شروا سيارة يديده ولا عطونا حلاوة السياره شكلهم يبوننا نعطيهم عين وتخترب سيارتهم

غرام ترد النغزه حق مشاري: أقول فيصل في شوكلت يايبته هناك إخدم نفسك

مشاري يرد: شنو كاكاو فصول أبي أكل

غرام: خلاص فيصل أنطر لي باجر و أيبلك صمون

مشاري: لا يبه فصول حلات الشي حار بحار


فيصل: أقول غرام عطيه لا إييب سيارتج كتاف

غرام طرشت الفَراش أييب حق مشاري صمون من المطعم فقالت : فيصل ألحين إييب كومار الصمون بس فكنا من عينك و حنتك

مشاري: واي الناس شكثر يخافون من العين

بعد عشر دقايق وصل كومار وعطى مشاري الصمون بعد ما كله الصمون كمل شغله بعد ما خلص شغله أول واحد طلع من دوام وهذا حاله آخر واحد إيي الدوام وأول واحد يطلع منه .
____________________
بيت مشاري :-
عايلة مشاري متكونه من أبو مساعد وأهو ريال متقاعد على قد حاله عنده دكان صغير ويقضي أغلب وقته بالقهوه مع ربعه يلعبون دامه

أم مساعد فهي تحب سوالف الزيارات و قعدات جاي الضحى وحنونه و عيالها أهم من في حياتها
نوصل حق عيالهم :- مساعد أخو مشاري لكبير و بعده مشاري و أنوار

مساعد كان عكس مشاري بكل شي مساعد حنطاوي طويل جسمه مو ذاك الزود و شكله عادي ما يحب سوالف الطلعات و لدواره بالمجمعات كثر مشاري و كان وايد خجول ما يحب يلبس جينزات ولا لبس سبورت وايد طيب بدرجه موطبيعيه عمره 30 سنه وهو مأجل سالفة الزواج على أساس أنه تو الناس

أنوار بما إنها البنت الوحيده عندهم فكانت إهي لمدلعه من عند أبوها أما أمها فكانت تدقرها وايد ،أنوار متحجبه سمره فيها من مشاري من ناحية الإبتسامة و الغمازات عمرها 17 سنه وهي بآخر سنه لها بالثنويه

وطبعا تعرفون مشاري : غني عن التعريف ^_^

دخل مشاري البيت وكات الساعه 3.30 وكان مبين عليه أنه مستعيل دش على أمه بالمطبخ وقال: يلا نجبي الغدا ميت من اليوع ؟
أم مساعد : إنشالله يمه بس إنطر شوي

مشاري يرفع جم قميصه: مافيني أنطر أكثر

أم مساعد : ها خلصت روح إقعد بالصاله وألحين أيب الأكل حقك

مشاري: يلا إنتي حطي ألحين وأنا رايح أنادي إخواني

أم مساعد : كلهم كلوا بس أنت اللي ماكليت

مشاري قعد ياكل شوي ولا ينزل مساعد وقعد يطالع التلفزيون وهو قاعد يفر من قنات لي قنات ويسولف مع مشاري :ها شلون الشغل و شلون فصول ؟

مشاري: تماام و فصول يسلم عليك

مساعد :الله يسلمه ، تعال للحين البنتين اللي شفتهم قبل عندكم للحين يشتغلون وياكم

مشاري: قصدك أسيل و دلال ؟

مساعد : أي

مشاري: إي للحين لا وزادت معاهم وحده إسمها غرام

مساعد : شكله قسمكم كله بنات

مشاري: تقدر تقول جذي

مساعد : أكيد أنت مبسط على الآخر وين ما تروح عينك تلقى بنت جدامك ومشالله كلهم حلوين

مشاري: بس اليديه أحلى وحده بينهم مو تقولي كل البنات اللي أعرفهم واللي ضبطتهم هذي غير

مساعد بإهتمام: شلون يعني غير ؟

مشاري: تصدق غازلتها و تحرشت فيها شكثر بس ما عطتني ويه ودايما رافعه خشمه علي وتصير نفسيه معاي عكس مع فيصل لا
وطول ما إحنا موجودين بالقسم نتهاوش على لصغيره وعلى لكبيره

مساعد يتطنز على مشاري:أففف شنو هالخبر المهم بنت كشتت بمشاري وما عطته ويه أخيراً تحقق حلمي و سوت اللي في بالي

مشاري: عن اتطنز ها

مساعد : سوري إذا جرحت شعورك بس تقمط ويهك عدل ...(تقمط بمعنى تمصخر أو إنقص ويهه )

مشاري: لا بيه ما تقمط أنا أساسا مو عاجبتني عموما لأنها مغروروه وايد وشايفه نفسه فليش أنزل نفسي حق وحده وأروح لها

مساعد :إي صح

مشاري: شنو يعني مو مصدقني

مساعد : إنزين إهي حلوه

مشاري: من صجك أنت أقولك أحلى بنت شفتها للحين يعني تقدر تقول أنها تقول حق القمر قوم وأنا أقعد مكانك

مساعد : أفف شدعوه

مشاري: هذي نظرتي أنا ، يمكن أي واحد ثاني يقول غير اللي أنا قلته

مساعد : مشاري ما تلاحظ أنك تتكلم عنها وأنت مبتسم ومستانس شكلها عاجبتك وايد بس عشان إهي مو معطتك ويه قاعد تقول هالحجي

مشاري مكابر مو راضي يقول أنها عاجبته: شكو أنا أنعجب بالمغروروه ليش قلوا بنات الديره

مساعد مو مصدقه: أوكي مثل ما تبي

مشاري: أي شعبالك أنا البنات تخصصي بس هذي تعتبر حاله شاذه

مساعد: أممم حاله شاذه ها أقول قول أن تقمط ويهك وخلصنا

مشاري: معاشت اللي تقمط ويهي

مساعد : ألحين بعرف منو المغرور أنت و إلا إهي

مشاري خلص غدا و صعد لغرفته بدل ملابسه وقعد شوي يفكر بكلام أخوه وهو يفكر نام وعلى الساعه 7.00 المسا قعد على رنة موبايله وكان بشار داق عليه.. أخو غرام من أبوها

بشار: ألووو

مشاري: هلا والله بو البش

بشار: هلا فيك ، وينك أنت . ؟

مشاري: بالبيت ليش ؟

بشار: أنا يايكم ألحين

مشاري: حياك الله البيت بيتك

بشار: تسلم خيوو يلا أشوفك بعد شوي

مشاري: باي

طلع مشاري من غرفته ونزل الدري عشان يروح الصاله اللي قاعده أمه فيها وهو ينزل قاعد ينادي أمه : يا الوالده ، يا أم مساعد ، أمــــــــــــــــــي

دخل الصاله وهناك كانت قاعده أمه وإخته أنوار :-

أم مساعد : هااا دوختني بصوتك الحلو شتبي خلصنا

مشاري: ألحين الريايل بيون بالدوانيه قولي حق نور( الخدامه) تروح تزهب الجاي و القوه وإذا في حلو تزهبه

أم مساعد : بس ما في طلبات ثانيه

مشاري: أي و خترتب الدوانيه

أم مساعد : ألحين أقولها

مشاري طالع أخته وطقاها بالكوشيه : ها شلون الدراسه

أنوار: صعبه

مشاري: إنتي لو تدرسين ما تقولين عنها صعبه بطلي تطالعين مسلسلات سخيفه سنوات الضياع و الثاني نور وما أدري شنو اللي ميته على مهند واللي ميته على لميس شالخرابيط

أنوار: أنت شدراك هذيل أسامي أبطال المسلسلات ؟

مشاري: بالمكتب معاي زميلتين دلال و أسيل ما يمر يوم بالمكتب إلا و سولفوا فيه عن هالمسلسلات

أنوار: أمممم

مشاري: إنزين عطيني رمونت الستاليت وقومي ساعدي أمي

أنوار: إنشالله
_____________________________
بالدوانيه وصل بشار و ربع مشاري و مساعد وقعدوا سوالف و لعب دامه وجنجفه و مباريات كرة قدم

وهما قاعدين بشار سأل مشاري: هاا يا كازنوفا شخبار قلبك وحياتك العاطفيه ؟

مشاري: والله قلبي متروس من كثر البنات كل يوم متعرف لي على وحده يديده

مساعد يغمز حق بشار: أقول بشار سأله عن اللي ما عطته ويه ؟

بشار: منو هذي اللي ماعطتك ويه ؟

مشاري: مو ما عطتني ويه أنا وياها لما نجابل بعض يا نتهاوش يا ما نبلع بعض إهي مغروروه وأنا ما أحب البنت اللي شايفه نفسها زياده عن اللزوم

بشار: هذي وين مطيح عليها ؟

مشاري: معاي بدوام

بشار وهو يضحك: ههههه لك ويه تشوفها كل يوم بدوام عقب ما قصت ويهك

مشاري: شكو قصت ويهي عاد يلا خليتكم تمصخروني وايد

بشار: مو قاعد أمصخرك بس أنا مو مصدق أنه في وحده ما عطتك ويه

قعدوا عاد لي الساعه 1.00 بليل سوالف و لعب

 

[miss 3yara]

بعد اسبوع :-

كانت ندى ( أم عادل) حاجزه شاليه فقالت حق عادل يروح حق غرام الدوام ويقولها عشان لا تنسى ، طبعا كان توه راد من المطار فكان لابس بدلة الكابتن وصل لي دوام غرام ودلوه على القسم اللي تشتغل فيه طق الباب ودخل:-

عادل: السلام عليكم

الكل: وعليكم السلام

عادل: غرام حامد تشتغل هني ؟

أسيل: إي ألحين إتيي راحت تودي جم ورقه حق المدير ويايه

دلال: تفظل ليش واقف حياك هذا مكتبها

مشاري طالع عادل بنظره جنه مو عاجبه : شتشرب جاي ،عصير، قهوه

عادل: أنطر غرام أحسن

وصلت غرام واستانست لما شافت عادل : هلا والله من متى أنت هني

عادل: توني واصل ما صار لي خمس دقايق

غرام: ليش ما دقت جان وديت اوراق المدير بعدين

عادل: عادي

غرام : شخبارك بعد ؟

عادل: تمااام والله توني راد من لندن ومستانس

غرام : أممم طبعا مستانس كل يومين سفره من دوله لي دوله منو ما يستانس

عادل: إي صج ترى حجزنا شاليه حق الــweek end تعالي مو تنسين هذي توصيه من نداوي
غرام: إنشالله

طول الوقت اللي يسولفون فيه عادل وغرام مشاي قاعد يطالعهم بنظرات كلها حقد و غيره ما كان عارف شسبب بس كان هذا شعوره
عادل قام من الكرسي : أنا أستأذن ألحين و أشوفج بالـشاليه إنشالله
غرام: إنشالله

وصلت غرام عادل لي بره ولمن طلعت مشاري قال: شمعنى يعني لما ناس يزوروني تتكلمون وتعترضون بس لما إيون الإنسه غرام محد فيكم يتحجى

فيصل: متى إحنا منعنا أحد يزورك

مشاري: هااا مو قصدي جذي بس أنا أفهم اللي تفكرون فيه

أسيل: شكلك مشاري غرت ليش غرام ياها واحد صاك عليك بكل شي طيار و ملك جمال وييعرف غرام عدل

مشاري: أنا أساسا مالي شغل فيها ولا بلي يايها

دلال: علينا هالحركات ليش فيصل ما تضايق من ضيف غرام

مشاري: ما أدري عنه بس أنا ما أحب أحد يفرق

غرام وهي داخله : منو اللي قاعد يفرق ...؟!

أسيل: مشاري يعتقد أن إحنا نفرق بينج وبينه

غرام رافعه حاجبها: شلون بالله ..؟!

فيصل: يقول أن إحنا دايما نعترض علي يزورونه بس اللي يزورونج ما نتعرض عليهم

غرام: أقول مشاري أنا عادل يايني على شي مهم مو مثل اللي يزورونك عشان الغزل و سوالف بطاليه

مشاري:مبين شغل مهم ، أما أنتواكله حطوا علي
__________________
ردت غرام البيت مبجر عكس كل يوم

غرام: قوه يمه

أم غرام: الله يقويج يعطيج العافيه إنشالله

غرام: الله يعافيج

أم غرام: ها اليوم يايه مبجر

غرام: إي والله خلصت الشغل مبجر وقلت أرد البيت

أم غرام: عيل انجب لج الغدا

غرام: إي والله جان زين على ما أبدل وأصلي تكونين خالصه

غرام دخلت غرفتها و بدلت ملابسها ولبست بجامه قصيره لونها فوشي ..راحت توضت بعدها صلت ولما خلصت طلعت حق أمها

أم غرام: يلا قبل الأكل لا يبرد

غرام: كاني يايه بس أيب لي بيبسي

أم غرام: شتبين فيه كله غازات و يتفخ البطن

غرام ومعاها بطل البيبسي: يمه أنا أهد كل شي إلا البيبسي هذا غرامي

أم غرام تحط الأكل حق بنتها : أقول إكلي وبس

غرام : أقول يمه اليوم عدول زارني بدوام وقالي أن خالتي ندى عازمتنا على الشاليه

أم غرام: إهي قالت لي أمس بس عبالي تتغشمر مو من صجها

غرام : يلا الحمدالله

أم غرام: بالعافيه بس ما كليتي شي

غرام: الحمدالله شبعت

أم غرام: راني يا راني تعالي شيلي الأكل

راني: زين ماما زين

بعد الغدا غرام و أمها خذولهم غفوه وعلى العصر بشاير يتها وقعدت معاها

بشاير: هااي مشتاقتلج

غرام: أنا أكثر

بشاير: شلونج بعد

غرام: أنا زينه أنتي شلونج

بشاير: أنا تماام

غرام :ها لقيتيلج شغل ولا للحين قاعده بطاليه

بشاير: طبعا بطاليه لاحقه على التعب ، تعالي شصار مع هذاك اللي بدوام وياج مشاري

غرام: للحين هواش أنا وياه

بشاير: ليش عاد
؟
غرام: ليش أنا ما عطيته ويه مثل البنات الثانين ما عجبه هالشي وقام على أتفه الأسباب يتهواش

بشاير: جنه هذا إعجاب

غرام: أنا و مشاري من صجج إنتي أهو غير وأنا غير

بشاير : شلون يعني غير ؟

غرام: ما أدري بس أنه وياه لو تجمعنا مع بعض أظن بتكون نهاية العالم

بشاير: شدعوه تبالغين

غرام: أنا أكرهه

بشاير: اللي يقول أنه يكره شخص معناته العكس يعني يحبه

غرام: هههه مليقه

بشاير: إعترفي بعد أن كان عاجبج حتى لو شوي

غرام: لا مو عاجبني في أحلى منه

بشاير: شدعوه ولا حتى نتفه

غرام: كلش

بشاير: ما أصدقج

غرام: كيفج لا تصدقين

بشاير: إنزين تتخيلين نفسج أنتي وياه تحبون بعض

غرام: لاء ما أتخيل نفسي معاه

بشاير: يصير خير

غرام: شفيج مو مصدقتني أنا لو بتزوج أو بكون مع علاقه بأحد لازم يكون من نفس تفكيري من نفس أطباعي و يعرفني عدل قبل كل شي

بشاير: يعني مستحيل يكون مشاري شريك حياتج الفارس الملثم بدرعه الامع

غرام: مو مستحيل بس أنا ما فكرت فيه جذي بس ممكن يكون الفارس الملثم مثل (عادل )
بشاير: منو عادل ؟

غرام: أخوي برضاع وصديقي الصدوق
بشاير: شمعنى ؟
غرام: كل شي فيه يوحي بأنه الفارس اللي تنطره كل بنت

بشاير: أهااااااااا

أم غرام طلعت من غرفتها و قعدت مع البنات شويه : هلا والله بشاير شلونج ؟

بشاير: تمااام عاد تدرين يا خالتي توني بسأل غرام وينج ؟

أم غرام: لقلوب عند بعض ، ها شتسولفون عنه

غرام: عن الشغل وعن آخر موضه بالسوق

بشاير: خالتي شنو عندكم بهذا الــــ ويك أند

أم غرام: والله بنروح مع رفيجتي الشاليه بالخيران

بشاير: حسافه كنت أبيكم تييون وياي عرس ولد عمتي ما أبي أروح له بروحي

أم غرام:لا والله ما نقدر خلاص إحنا مزهبين أغراضنا وما بقى غير يوم على الــــ ويك أند لو إنتي قايله بوقت أبجر جان من عيوني بس ألحين أنا عطيت رفيجتي كلمه

بشاير: عااادي خالتي مره ثانيه

غرام: حضج جذي شتسوين ، أوه على طاري الشاليه ذكرتيني لازم آخد إجازه 3 أيام

بشاير تطالع ساعتها: أوكي يلا أنا لازم أمشي كافي طولت عندكم وايد

أم غرام: على راحتج سلمي على أمج وايد وايد

بشاير: يوصل إنشالله

أم غرام: ديري بالج وإنتس تسوقين

بشاير : إنشالله خالتي

غرام وهي توصل بشاير لي الباب : إنشالله شلتي من راسج فكرة إعجابي بمشاري

بشاير : لاء ما شلته وباجر لما إداومين سلمي عليه

غرام: ويعه مليغه

بشاير: بااااااااي
____________________
في بيت مشاري على الساعه 10.00 بليل و خصوصا بغرفة مشاري

مشاري كان شابك ويسولف مع ربعه بالمسنجر شوي سرح وقعد يفكر بغرام واللي ياها الدوام (عادل) وقعد يكلم نفسه ويقول:
هذا منو ؟ ممكن أخوها لاء ما أظن لأن لو أخوها جان سلمت عليه وباسته، يمكن ولد عمها ويمكن يكون حبيبها عشان جذي ما إهتمت لي ولا عطتني ويه ..إنزين أنا ألحين ليش قاعد أفكر فيها ليكون يا مشاري حبيتها وتعلقت لا يبه شيل هالفكره من بالك اللي ما تعطيك ويه من أول مره لا تركض وراها

أنوار أخت مشاري قعد طق الباب وهو سرحان ولا يدري عن شي آخر شي فتحت الباب و وقفت فوق راسه وقالت : سرحان بــ منو ؟
مشاري: أنا ما كنت سرحان كنت قاعد أفكر

أنوار: صار لي دهر واقفه أطق على باب دارك وأنت ولا داري ، أقول مشاري يلا بيني و بينك منو اللي شاغله بالك اليوم

مشاري: نعم شقلتي ماسمعتج عدل

أنوار تعدد بأصابعها: مها ولا نهى ، ساره ، شيخه ، توته ، ......إلخ

مشاري تعدل بقعدته: من وين تعرفين كل هذيل

أنوار: يوم كانت ناسي موبايلك بالبيت دقوا كل هذيل فعرفت

مشاري مسك رقبة أنوار: أمممم و أنا أقول منو يتعبث بالجهاز ويدز بلوتوثات منه

أنوار توخر عنه : يعني شسويلك أقولك دزلي اللي أبيه تتنيحس فقلت أعتمد على نفسي و أدز اللي أبيه وأخلص

مشاري: يا أنتي يا اللي تعتمدين على نفسج

أنوار: إنزين خلك من الماضي وقولي منو هذي اللي شاغلت لك بالك ؟

مشاري: وحده

أنوار: شفيها ؟

مشاري: أنا حاس إنج قاعده تسحبين مني حجي بس بقولج قصتها بدون لا تسحبين حجي مني ؟

أنوار: يلا قول

مشاري: هذي وحده معاي بشغل .......

أنوارتقاطع كلامه: أسيل و لا دلال

مشاري: إنتي تبين تسمعين القصه ولا ما تسمعينها ؟

أنوار: سوري كمل

مشاري: مثل ما قلتلج إهي معاي بشغل .....

أنوار وترد تقاطعه : إهي حلوه

مشاري: إي حلوه بس تكفى خليني أكمل السالفه ، أحسها مع الكل عادي تسولف و تضحك بس معاي العكس رافعه خشمه ومغروره ولا تقرب يمي مع إن مكتبي ومكتبها يم بعض ولو بتطلب شي مني تطلبه من فيصل وأنا أسوي فيها نفس الحركه لو أبي شي منها

أنوار: ما عرفت إشمعنى أنت اللي تسوي فيك جذي ؟

مشاري: يمكن لأنها حست أنا غير عن فيصل ويمكن لأن في يوم كانت زايرتني وحده من شركه ثانيه ومعاها معامله وطقينها سوالف وضحك و قعدتها بمكتب غرام وهم لما زارها واحد ما أدري شيصير لها سويت لها سالفه وقلت حق الربع اللي هناك شمعنى لما يزورونها ناس ما تتكلمون ولما يزوروني تقوم القيامه

أنوار: إنزين هذاك اللي زارها شنو يوحي عليه واحد من العايله ولا واحد بعيد

مشاري: ما أدري هذا الشي اللي ما عرفته بس شكله وملامحه توحي أنه ما يصير لها

أنوار: يمكن خطيبها عشان جذي ما فكرت فيك ولا عطتك ويه

مشاري: يمكن

أنوار: أقول مشاري تصدق أول مره أشوفك بالحاله هذي محتار وتفكر عشان بنت

مشاري طالع أنوار: تصدقين حتى أنا مستغرب من نفسي ؟

أنوار طلعت : تصبح على خير يا روميو